元気寿司 (創紀之城五期(apm))

营业中

休息中

好耐冇食元氣，難得今日有時間同同事行過理就坐低食下，我自己最鐘意就係佢個香蔥呑拿魚蓉香卷，因為係高速線限定，所以唔係間間有，呑拿魚蓉配香蔥加埋上面有加芝麻，好香，飯包住既係黃蘿蔔，配埋一齊成件壽司就清新左，正

之前好少去元氣食，但知道出左高速列車就一直好想試下lunch同幾個同事去trytry~一坐底好興奮，用tablet自己落order，十分方便又可以慢慢諗食乜但係每次有限落單數量，冇得一次過瘋狂叫曬>珍寶蟹棒只係普通嘅蟹柳...有兩件仲要散開左>火灸三文魚~都算入囗溶化，不過唔要黑椒味會好d>火灸帶子，好大粒同重牛油味>雞軟骨食落香囗，唔會炸過龍太乾，唔錯>加州卷太細件，冇乜蟹子係外面，唔會再叫>黑椒燒蠔，粒蠔重細過件飯，食落唔太新鮮***整體食物質素普通，只係未玩過高速列車嘅可以試下

以前聽就聽得多啊香港真係未試過呢個火車送壽司過嚟俾我食，啊呢間嘅人有個好好嘅優點啊即係你可以玩得好野多都可以黎食，上次游完水10點幾都仲可以係度食到野喺APM來講真係冇乜邊幾間做得到等位係耐左啲嘅，間中有漏單嘅情況出現整體來講一均百幾蚊算係咁啦係香港

6點放工，一路行過去APM就羅定飛，點知都要等幾十個等到7點終於有得入座，好驚喜，我地2個人竟然係晚飯時間俾張4人台卡位俾我地，仲唔需要俾人搭台呢間係高速線，有得用平板電腦落ORDER呢頁係期間限定，SHOW左5款但有4款都係暫未供應唔洗5分鐘，嘢食已經開始來到，呢間車一定哄到好多小朋友來食，禁一下着燈粒制，佢就會自己走架喇快到未有時間食，D嘢食已經來齊晒後加左呢3樣，好食唔係好多者因為之前續左會員有75折優惠，折左只係$222.7，好抵丫，好過食放題丫，魚生新鮮好多

今日同個胖伴同事一齊俾人放鴿子,齊齊冇飯食,所以臨時決定收工就衝過去APM食壽司🍣,補充體力 估唔到我哋都已經彈閘衝到過嚟已經勁多人排緊隊,我哋已經一落樓就用手機程式攞飛,都要等差唔多30個號碼...噢~冇辦法啦繼續照等,大約七點我哋就有得入去喇,我哋好suprise呀,估唔到兩條友都可以坐到卡位,舒舒服服咁~正呀!!!我哋勁肚餓,拿拿聲拎起佢個平板電腦點單,篤篤篤篤篤!呢頭篤完嗰頭吱下豉油斟下水~架高速列車話咁快就到了 我哋兩個女人都點咗十幾款壽司,有海膽軍艦啦,帆立貝啦,甜蝦卷啦,赤海蝦啦,三文魚啦,燒三文魚啦,炸蝦卷啦,辣味三文魚啦,芥辣八爪魚啦,小柱壽司啦,牛油果軟殼蟹卷啦,加州反卷啦......嘩~今日嘅晚餐真係食到飽到上雲精😂🤣😂🤣 🇯🇵呢間連鎖式壽司店開咗咁多年仍然屹立不倒,一直嘅水準都能夠保持,仲略見進步,款款都新鮮好味,最近高速快線呢樣服務推出之後仲更勝一籌,壽司食物極速送上面前仲會定期有新出品系列添,呢期夏日推廣極上優惠我就見到係意式卷,意式香草熟帆立貝同埋池魚,意式卷上面好似係阿肥鍾意嘅Parma Ham來,我哋下次又可以去試啦,不過仲有五日就完喇,大家要試趁快了

今日到apm元氣吃晚餐，apm元氣長期都很受歡迎，六點拿座位票，大概六點半左右才能進，已經算快了，如果是吃飯時間，可能要等上一兩個小時，所以建議早點來，或是先拿了票，到處走走再回來吃。為什麼apm元氣這麼多人呢？除了食物質素和價錢算平外，我想部分跟它的火車送餐有關，在香港有這個火車送餐的並不多，算比較新鮮有趣吧！客人可以先用ipad下單，然後食物很快就會從輸送帶上的小火車送到你面前，很快很方便，不用一直叫服務員，自由度更大更方便！食物方面，我最愛吃前菜帶子邊，爽口美味，帶點微辣，加上一點點海蜇口，口感更豐富。另外，軟殼蟹手卷也是我的最愛，元氣的軟殼蟹是我吃過最好吃的，不會只有外殼，還挺多肉，而且一點也不會腥，炸得內脆外軟，配上甜甜的沙律醬，不用點豉油已經非常美味，紫菜因爲即叫即整，仍然保持香脆。再來是烏冬(忘記拍照)，幾乎每次來都會點一客烏冬作總結，烏冬韌度剛好，十分軟滑，配上清湯，簡單美味。壽司方面，吃了榮螺，八爪魚和北寄貝，都是我的最愛，壽司飯很煙韌，不會一夾就散，盡顯功架，材料尚算新鮮，爽口味道不錯。最後，加了個小食八爪魚，比起其他食物略為遜色，不夠爽口，不過很多很大隻。

今日黎到觀塘APM，突然好想食元氣，所以就去左排隊，雖然係下午5點幾，但拎飛排隊既人非常之多，叫號同我張飛相差成40幾人。等左45分鐘，終於可以入座，點左最鍾意既三文魚壽司、芥辣八爪魚壽司等等。好滿足呀，美道都唔錯。

平時都有食開元氣壽司，但觀塘呢間有高速列車（即係點左壽司之後，壽司會由高速列車送到去你前邊， 10分過癮）一直都好難食到，因為真係閑閑哋都要排100到200個人，有元氣自己嘅app都好難食到啊。而今日真係超好彩，早一個鐘頭左右攞定飛，排咗大約10分鐘就有得入啦。不得不提嘅絕對係呢個新出嘅巨型火炙蟹棒壽司。個蟹棒真係大過個壽司飯成倍，超級有質感，仲有好juicy。有時有啲壽司店嘅蟹棒，係好多解左凍之後嘅水係入邊，食起上嚟冇咁正，但係元氣嗰個完全睇得出唔係cheap野，仲處理得好好，唔會有超多水係入邊。正啊

譚校長隻歌都有唱 : [ 情人令我我我困倦寂! 寞是等等等未完]我受夠， 我真係受夠喇! 我都唔係愛情奴隸獸! 如果每一次出街都要我等超過半鐘嘅話 ，我寧願分手!我自己 走去元氣壽司，食壽司， 慶祝分手好過。我每款壽司都打阿孖嚟叫， 尤其是係，筋子壽司 ，三文魚壽司， 玉子壽司，左口魚裙邊壽司，辛辣吞拿魚壽司， 幾好食! 每一件壽司都整得工工整整 ， 而且食落口都覺得幾新鮮咁樣 ， 仲有嗰啲大滿足系列嘅壽司真係好抵食，又好味 。長期要我等半粒鐘？送花？接放工？ 嫌我窮？Maggie 拜拜啦!  飛咗你我就good luck啦!

Lunch出去食飯有d趕時間，但呢間元氣lunch等位都可以接受，食物好快到，唔會食得好趕，lunch去食都真係夠時間，d位都好闊敞，唔會好逼。不過每次點野都限住6件就無得再點，多人食都幾麻煩下。

亞仔為左新幹線列車，晨早叫我起身食壽，我地第一批入去食，都闊落既~ 點完壽司列車好快開出，唯獨是個極上甜蝦卷等勁耐，亞仔食左3轉都未黎，到諗住叫人問問先到呢個勁好食，上面好多新鮮甜蝦仔加埋蟹籽脆口，卷物入面有牛油果加菜沙律，好好食，底同面一樣咁正，追加左幾次，好食~~

原來有好幾間元氣都裝修為高速線系列，賣點就係由廻轉帶變為電車仔輸送帶。其實這個設計都幾好，因為平心而論，每個人都想揀好啲既野，如果價錢一樣，有得揀都會拎碟賣相好啲既，所以平時廻轉帶上總會有好幾碟，轉了數十回都沒人問津的賣剩蔗，放得越久就越無人要，難免造成浪費，所以即點即送都係好啲既。講返食物，高速線話有高速限定食物，午後之選都同平時既分店有所不同。我今次點了高速壽司盛，有三文魚壽司，吉列炸蝦壽司，槍魷魚壽司，蔥吞拿魚新香卷和芝士煙肉烏冬。頭三款壽司都係平常食慣的，沒分別，但蔥吞拿魚新香卷就幾好，個飯入面有啲漬物狀的東西，和吞拿魚幾夾。芝士煙肉烏冬其實就係卡邦尼意粉既變奏，芝士和烏冬幾夾，好香好滑，但煙肉太鹹。

童心未泯的我就很喜歡這送餐設計，每次點完餐都很期待列車到來埋站，有時還會探頭窺視從隧道出來的列車除了這點，就是價錢，是我這些平民可負擔的；而質素也不錯兩點半先有下午茶套餐，因未夠鐘只好散點。壽司整體質素合格，只係玉子壽司個飯好似未整好，影響左個賣相。炸蝦卷如無記錯元氣應該係始祖，保持水準第一次食，份量細細，等我可以有空間食飯後甜品～三文魚粒狀厚切，最特別係丼上的醬油，有別於枱上蘸壽司的豉油，請細心品嚐，配上葱花一起吃更好味。芝士蛋糕，要叫店員比一個雪得硬身的，別有一番滋味將凍得像雪糕的芝士蛋糕放入口中，它的質感像牛油一般在口中慢慢溶化，芝士味隨之送上，慢慢品嚐最後還有這隻可愛代言熊的裝飾～很豐富的一個午餐大滿足！

炙燒壽司餐炙燒黑椒蠔，十分惹味， D 蠔感覺新鮮，吾鯹。炙燒黑椒三文魚，超級好食，將三文魚昇華至另一種層次，就算熟既三文魚都好好食，十分惹味。炙燒黑椒熟蝦，比較一般般。炙燒芝士皇帝蟹柳，喜歡芝士的朋友一定會喜歡吃。枝豆,很好吃，有口感。日式燉蛋，很嫩滑，好吃。

某日，突然想念起茶碗蒸。決定要為早前的「水蛋」平反，回歸最熟悉的觀塘分店。發現喜愛的炙燒左口魚雖然裡不是入口即化，卻也很柔軟碎蔥吞拿魚ok、刺身還好炙燒三文魚油脂分佈剛好，雖說要少吃三文魚還是點了一件海膽不是很鮮豔欲滴，卻沒有腥味還算ok，最後到主角！茶碗蒸終於是正常蛋了滑滑口感還有咸淡適中總算為早前的「水蛋」平反了！