元祖沾麵專門店

营业中

休息中

見到呢間鋪頭幾多好評，滿懷期待去食呢餐，可惜最後都係失望而回。入到去啲座位幾有日本feel，仲有提供免費紙巾同消毒紙巾。我地一行兩人，我朋友嗌咗個午餐炸蠔丼，59蚊，味道不過不失，但略嫌啲炸粉太厚，而且啲蠔過熟，咬落去有啲靭！跟住今餐嘅重頭戲嚟喇！我嗌咗呢個179蚊嘅海膽芝士沾麵，個麵正常，個沾汁都正常，問題係啲海膽冇乜味，仲有啲苦添，如果你係為海膽而嚟，我只可以勸你避雷溫馨提示，呢度係收加一，而且畀你杯綠茶會收返5蚊，如果你嗌嘢飲就可以免茶錢。

去完日本仲好懷念又想彌補一下無係當地食沾麵嘅遺憾就上openrice搵返間人氣沾麵試試佢連openrice張門口相都人山人海都預咗要黎排隊點知琴晚七點半左右到 唔洗排喎！本身筆者都好中意食海鮮見到有蝦湯 龍蝦湯 同海膽湯都唔知點揀好！但個人唔係好想要芝士湯底所以最後叫左個 元祖龍蝦沾麵 ($159)元祖龍蝦沾麵都有幾舊龍蝦肉極上龍蝦沾麵就有足兩邊嘅個湯好滾咁上！大家黎食小心熱麵質煙韌挺身 掛汁能力強食哂碗麵都掛哂成碗汁個汁好重龍蝦味大家唔洗慳住沾因為舖頭可以免費加湯但我啲麵食哂所以無加到入面仲有兩塊叉燒表面有用火槍炙燒過勁香又張啲油脂迫哂出嚟！推！枱面仲有印有餐廳logo嘅包裝紙巾添 又實用又有宣傳效果🤘🏼

尖沙咀厚福街出名多嘢食，今日就揀左間未食過嘅元祖沾麵專門店去食晚餐。門口細細幾日本feel，入到去老公話同日本拉麵店裝修差唔多。坐低左就發現原來櫈下面有個籃比客人放嘢，呢個就係真日本風格喇。見到牆上menu個沾麵咁吸引，我就揀左極上芝士蟹皇沾麵，老公就揀左特製八代海赤海老沾麵。座位旁邊有個食沾麵方法，就算初嘗沾麵都唔怕唔識食。另外沾麵都可以免費加湯，正呀！極上芝士蟹皇沾麵：蟹蓋芝士焗到好香，芝士下面係蟹膏，鹹鹹香香，旁邊仲有蟹子沙律，夠晒味道。沾麵夠粗身，沾左湯唔會淋晒，軟硬適中，用黎做沾麵就啱晒。流心蛋夠流心，煮到剛剛好。筍都唔少，爽口。叉燒四大塊，切得厚薄適中，仲煎過添，入口好香。呢個沾麵湯底係龍蝦湯底，裡面仲有龍蝦肉同豚肉，好濃味。龍蝦肉彈牙，豚肉入味，連個湯都咁足料。湯底用石鍋裝住，黎到仲好滖起晒泡，食到最尾都仲可以keep住熱，真係唔錯。特製八代海赤海老沾麵：沾麵同配料係同我個一樣，老公話湯底好有海鮮味，湯上面D蝦都好香，裡面同樣有豚肉，連湯一齊食真係夠晒濃。佢呢個食到最尾要加湯，原來加湯同樣係即叫即整。第二轉加湯都係滾到起晒泡，絕對係大滿足，連湯飲，勁飽。

見到平時多人排隊，應該都唔會差得去邊點知原來係大伏首先係啲麵好難食，成陣麵粉味又唔掛湯，口感亦都係好失望，唔彈牙，真係好似食緊一條生麵粉咁。。。然後到湯，個龍蝦湯好似溝粉+開水，溝粉唔係問題但係可唔可以溝好啲？個龍蝦湯入面全部仲係一舊舊粉，仲要有陣燶味。你落咁多錢去賣廣告，點解唔用啲錢去研發好啲嘅食譜或者買啲更加好嘅食材返鋪頭？沾麵嘅靈魂麵條+湯都唔得唔會再光顧，見到多人排隊同埋多好評以為都OK，不過只能夠話失望

______________________________厚福街好岀名嘅元祖沾麵今日終於黎試🤩呢日平日唔洗等位😝入到去見到都唔算好full⧐極上芝士海膽沾麵+ 原板海膽男朋友點左呢個雙重海膽😂但佢都嫌個份量少😂😂個湯嘅芝士味比較重，建議鍾意海膽嘅朋友一定要加板海膽先夠feel😎⧐元祖龍蝦沾麵勁濃郁嘅龍蝦湯😍‼️我refill左3次🤣麵條軟硬適中，完全可以掛住湯汁🤤仲加左海膽落去，係幸福嘅感覺呀🥹美足不足嘅係佢冇龍蝦🦞肉😂唔係就更上一層樓⧐炸雞炸雞表現還好，炸得夠脆，上枱時仲係好熱🙌我哋2個都嗌左麵條加大 ($15)，女仔係唔會食得哂🙀😹所以細食嘅朋友唔好加大😹唔係就嘥哂架啦🥹

尖沙咀厚福街出名多正嘢食😋地理位置方便又多選擇，之前見到呢間沾麵已經覺得睇落好吸引！今日就同朋友過咗嚟食～有各種沾麵可以揀👍🏻揀完餸再揀湯😍湯嘅話有魚介/赤海老/龍蝦揀～如果食到一半唔夠仲可以免費加～😚可以大大啖食呀！極上芝士海膽沾麵(原板海膽）$158一大碟滿滿嘅海膽🥰見到都好滿足！新鮮海膽配上沾滿濃濃湯汁嘅麵，真係味蕾大享受✨極上芝士蟹皇沾麵 $148蟹皇都好吸引，面頭鋪滿芝士✨芝士下面就係滿滿嘅蟹膏，旁邊仲有勁多蟹籽🤣好Fresh啲湯啱啱上嘅時候勁滾😍睇見都勁有食慾啲麵都勁足料😋有成四塊叉燒咁多，抵晒！

呢間餐廳位於尖沙咀厚福街入面,裡面有一間好出名既元祖沾麵店,成日都好多人黎排隊,我同朋友今晚選擇左夜少少既時間黎呢度所以好快就有位,入面依然都好多人,我地叫左一碗芝士蟹王蟹籽沾麵,呢碗麵一上碟就熱辣辣,煲入面仲有龍蝦肉同埋龍蝦湯底,湯底味濃郁,將沾麵放入醬汁入面好好味,仲有半熟溏心蛋好軟熟,麵既份量好多同彈牙,另一碗叫左豚肉魚介沾麵,魚味好濃,湯入面仲有好多魚介粉同埋豚肉,大大碗好抵食,最尾仲可以叫職員加熱個湯底黎飲埋。

今日出旺角睇電影，睇完岩岩好肚仔餓，突然勁想食沾麵就即刻諗起係上次行經尖沙咀厚福街見到既元祖沾麵，所以即刻拉朋友仔同我捨車去食，雖然要搭地鐵但間野位置都好方便。一到個門口見到咁多款沾麵個肚仔即刻咕咕聲，估唔到門面細細入到去都幾大下，以為下午茶時段會無咩人拉點知都坐得幾滿下。睇下個餐牌個個餐都好似好吸引，真係樣樣都想試，最後我地一人點左一款沾麵，極上芝士蟹皇沾麵同特製八代海赤海老沾麵等左一陣碗麵終於到喇，個湯底用石鍋上，熱騰騰加埋大大碗嘅沾麵真係份量好足。極上芝士蟹皇沾麵： 個湯易好正唔會太咸，濃湯裏面唔單止有好多豚肉，另外仲有大大嚿嘅龍蝦肉真係好正！除左湯料之外，碗麵本身都有叉燒肉，筍，糖心蛋真係最岩中意食肉的人。個餐仲有芝士焗蟹蓋同勁多蟹子，真係好足料。特製八代海赤海老沾麵：個濃湯比較咸，但撈埋d麵又即刻覺得無咁岩，仲有種蝦既鮮味，同極上芝士蟹皇沾麵一樣湯料十足本身仲想點其他小食但係個沾麵真係太大碗，食完都好飽，所以惟有下次先食。真心推薦如果想食沾麵既朋友仔可以試下，性格比份量十足的沾麵

老公真係好鐘意食拉麵😆係尖沙咀做完Gym就同佢過對面厚福街🍜元祖沾麵專門店 醫肚我地點了2款唔同味道沾麵🍜特製八代海赤海老沾麵$99用熱辣辣石頭鍋湯，上到枱仲滾緊，面上算多樱花蝦🦐個湯非常濃郁蝦味濃😋老公勁鐘意哩個味道😆元祖龍蝦沾麵$99我就比較鐘意龍蝦湯，裡面除了🦞龍蝦肉😋倆款湯底裡面仲有角切豚肉的🐖沾麵粗身份量十足又大碗，仲有4塊叉燒，好多荀，最鐘意配上黑魚籽既溏心蛋🥚好美味🤤

Bookmark左呢間好耐🤟🏻一路都想帶鍾意食拉麵嘅細佬去試吓😆今日趁佢放假就拉咗佢去食🙊我係比佢嘅芝士沾麵吸引到🤤🧀細佬就食經典招牌龍蝦沾麵🦞😎極上芝上海臢沾麵(原板海膽)元祖龍蝦沾麵 呢間沾麵真係好誇張，原板海膽咁上🤤沾麵湯頭真係好正！芝士爆布咁🤩但佢嘅濃稠度係啱啱好👍🏻唔會太杰🤤芝士控表示就咁飲都好正🤣芝士嘅咸香同沾麵好夾，對我嚟講唔會太咸❤️除咗原板海膽之外，湯入面仲有好多海膽😱💕都係鮮甜的！勁滿足～沾麵配嘅叉燒肥瘦均勻，肥膏位都係有彈性的，唔會好膩✨ 湯入面仲有好多半肥瘦豚肉，又係好食嘅，配料勁多勁豐富！呢個價位食到咁多海膽嘅沾麵真係唔錯，食到一半已經超飽肚！細佬食嘅龍蝦沾麵都好正🥺飲咗佢好多湯😂好鮮甜好好味🤤！不過龍蝦肉比較少，得幾舊都比我食埋😂肉質彈牙的，食得出幾新鮮🦞如果想滿足啲，下次要點原隻龍蝦🤩咁我可以食半隻🤣另外，要收$5茶位的，加配飲品就唔洗收🤟🏻飲品+$16有日本🇯🇵波子汽水飲💕食完發現佢哋原來可以免費加湯😵我絕對可以飲多碗😂(變咗重口味人士🙊)💰人均消費約$150 (不用加一)

很久沒有去「元祖沾麵專門店 」食沾麵，今日咁啱收早在附近，就一於去食啦🤩🤩「元祖」嘅沾麵」有成20幾款選擇✌🏻例如有芝士海膽，芝士龍蝦，鮑魚龍蝦，黑松露芝士帆立貝等等😋😋極上芝士海膽沾麵 (原板海膽)，一鍋熱辣辣嘅芝士湯，湯底石鍋上 熱辣辣，芝士湯味道濃郁 ，但食落又唔會太膩😚上面鋪上幾塊海膽，裡面有切粒叉燒… 沾麵如果唔夠湯，是可以添加的啊🥰另外海膽額外一個小板上的，味道鮮甜，不錯！沾麵幾彈牙 幾掛汁！

今日中午行尖沙咀的時候，行吓行吓突然見到日式叉燒拉麵$49😱原來是「元祖沾麵專門店」見有啲肚餓🤤又咁抵，就入去lu🤪元祖裝修都好有日式麵店感覺，有卡位和面向牆位置等，一個人自己食也舒適😛 午市特價套餐有很多選擇，$45起.. 加$10可配飲品及味噌湯…特製八代海赤海老叉燒拉麵$49，開頭以為份量會小，但原來份量也不少，叉燒有4塊,炙燒過，好入味😋湯底味道夠濃厚， 流心蛋一隻，味道不錯！

呢間厚福街既元祖沾麵長期多人，舖頭門面細細，唔多起眼，但成日就有好多人等。佢最主打係沾麵，佢有好多好有特色好豪華既沾麵，有成20+款唔同既沾麵，例如芝士海膽沾麵，鮑魚龍蝦沾麵，款款都幾名貴。我今日食左： 🔸️極上芝士蟹皇沾麵（$159，9／10）佢上枱既時候我嚇一跳，佢既沾麵個湯係用石鍋上，超級滾超級澎湃，滾左成2分鐘都未停，真係第一次見。嗰碗沾麵都好大碗！有成4塊叉燒，好足料！ 另外佢仲有另上蟹皇芝士蓋，上面舖滿芝士，全面係滿滿既蟹膏🤤 旁邊仲有好多蟹籽沙律。啲沾麵本身係凍上，浸落好滾既湯入面，一凍一熱，更加食到沾麵既彈牙！湯底濃郁有杰度仲超級有龍蝦味，最驚喜係佢湯入面原來有超多料！有好多龍蝦肉同排骨，超級超級足料！啲沾麵掛左啲湯再拌埋蟹膏芝士，真心好正。本身覺得佢要百五蚊有啲貴，但我發現佢十分值呢個價錢。推介！

喺尖沙咀嘅厚福街入面有好多唔同特色嘅小食店，其中食麵類嘅都有至少三間，不過日式拉麵就只此一家，入到去舖頭入邊比較暗黑，走廊亦都好窄，感覺有啲真係返到日本嘅感覺，但係坐落唔算好逼，每個位都會送上一包紙巾。講返食物方面，份量都好足夠，配料同餸菜都多，而且櫻花蝦好好味，好爽口，拉麵軟硬程度雖然冇得選擇，但煮出嚟都係合我嘅需求，比較硬身咬口。順帶一提，開始食可以先影一影相，可以根據舖頭入邊嘅poster，將相片放上instagram story, 可以埋單有折扣優惠！

在日本没有尝试过沾面 ，本着新鲜感来试一下，结果大失所望，面端上来里面葱花肉海苔和面都是凉的，还有一小锅蘸料（卤）。看吃法就是用面放到卤里面沾满吃，但真的太咸了，感觉有点多此一举的吃法，也并不好吃。还有一些炸物也一般般吧，不知道评分为什么这么高，还有就是店面座椅都很窄（这点倒像日本拉面店）。茶水费五元一位，不点饮料必须支付，服务员态度倒是很好，经常来填茶水。总之如果满分是5分的话 服务4分 味道2分 最后说下200字评论才能打分真的太鸡肋了