兆和茶餐廳

营业中

休息中

2010年4月11日 ( 兆和茶餐廳 - 1 ) 圓玄學院祭祖日，早上來到兆和街先祭肚，這條街也可稱餐廳街，最後選了很久未來過的兆和茶餐廳。今天選擇了豬軟骨公仔麵及熱奶茶，豬軟骨是隔壁蘭州拉麵的出品，香腍好味，熱奶茶微帶苦澀，奶茶真是麻麻，難跟翠華及銀龍比較了。

行開荃灣兆和街買外賣, 睇下翠華又唔啱食, 經過兆和茶餐廳, 有蘿蔔牛腩飯喎, 有湯又有熱飲就買走呢個午餐試下...其實以前知道呢間茶餐廳雖然堂食的人唔係好多, 但係外賣生意就非常多, 見佢地d外賣放晒係水吧, d外賣仔行出行入就略知一二, 其實我叫蘿蔔牛腩飯應該好快的, 我想一般來說蘿蔔牛腩已經係炆好的, 唔會係即叫即整, 但我係門口都等成15分鐘, 實在有點不耐煩了, 而且d侍應無咩禮貌, 好唔耐煩咁, 所以想速食, 趕時間或無耐性的朋友千祈唔好來, 因為花太多時間實在有點兒不值...總算拿到了, 回去後打開個盒用筷子'了'下d餸預備開飯, 吓...竟然得3-5小件牛筋碎, 其他全部係蘿蔔, 一舊牛腩都無, 有無攪錯呀, 咁嘅蘿蔔牛腩飯咪即係呃人, 實在太過份, 如果叫蘿蔔牛筋飯就無話可說, 而且欺人太甚了, 堂食都可以即刻向侍應反映, 但外賣買左返去可以點?? 唔通花十幾分鐘返去分鐘同去講, 所以我的做法係black list, 而且同大家反映下佢地現實的一面我想十個人客有九個都唔會係餐廳門口打開個飯盒睇下d餸啱唔啱先離開, 不過可能我只係一個微不足道的過客, 人地有大把外賣客,

今早出外開會, 想想在哪兒吃早餐, 就選間未食過既茶餐廳 - 兆和! 每次也是過門而不入, 因為老公總拖著去了翠華/真味!早餐餐牌選擇多....有成兩大頁, 我選了平時吃慣的茄蛋治及奶茶, $17, 作嚐試! 奶茶不是用玻璃杯, 風味已減, 聞落奶味重, 飲下...真的不是我杯茶了, 茶味不太地道! 茄蛋治的蛋也煎得幾嫩, 幾厚, 蕃茄好多亦清甜, 麵包薄略濕, 鬆軟, 厚一點就完美! 樓底空間不及同區茶餐廳, 但勝在冷氣足, 見到常餐, 特餐也頗多選擇, 值得一提的是有蕃茄湯底....下次會再試試!

今日(25-5-2009 Mon)同男友食個早餐,又o黎兆和街睇睇先,呢間o既早餐又好似幾吸引喎,就呢間啦.我唔想食太多o野,於是叫個$18.00o既豬扒包餐,飲熱奶茶.男友就要$22.00o既蕃茄牛腩粒通粉,有牛油豬仔包,飲熱檸茶.好快,所有o野都到o黎,熱飲唔係用咖啡杯裝盛載,而係用比凍飲杯矮小小o既膠杯,咁就大杯啲同夠喉啦,識做生意.我o既豬扒包係用豬仔包夾一件豬扒,一生菜,蕃茄夾雜o左沙律醬,豬仔包有焗過,所以熱熱地同微脆,增強口感,唔錯.食落,煎香o既豬扒唔太油,且夠鬆軟,雖然豬仔包冇塗上牛油,但已經好夠味.而奶茶有少少苦,不過都OK.男友o既蕃茄牛腩粒通粉都幾多,牛腩粒同樣鬆軟,冇問清楚男友呢隻味道如何,不過佢只可以食晒通粉,食唔落件牛油豬仔包,要拎走.環境:應該係重新裝修過,好光猛,卡位舒服.裝有兩部電視機,幾乎令每個角落都睇到電視.服務:都係好好,唔差.衛生:地下又係跣跣地,要小心.

2008年12月6號 - 早上8點半左右今日因為有事要辦, 所以去左荃灣。 順便在這裡食埋早餐。 真係好耐無在我成長的地方, 荃灣, 食早餐la。 雖然這不是一件好難做的事。 但是都覺得好特別。Um。 經過兆和街就看看有什麼餐廳先。 真係好難揀。 因為這條街已經有好幾間茶餐廳。 最後入左兆和茶餐廳。 都係隨緣地走入去的。入到去就看到有個卡位。 我就去這裡坐la。 但是有店員問我"幾位呀?" 我說"一個"。 看到她的眼神好像不是太鍾意我坐在這裡。 但是我已經準備坐下卡位道。 最終她都無強逼我去另外一個位坐。坐下來就看看餐牌有什麼可以食。 看到他們都好多選擇wor。 最後看到一個餐。 有叉燒烏冬(我轉了公仔麵), 俺列, 方包&奶茶。 但是HK$22,- 都不算經濟。 但是以荃灣來講都可以接受的。叫了之後就等。 果然最早到的是個麵。 講講個賣相先la。 都可以用OK來形容。 但是比較少叉燒。 試試先。 Um。 個麵煮得不錯。 但是叉燒好像不太熟。 不過又不至於不好吃。 都可以接受la。 然後就來左個奶茶。 但是特別的是個杯。 他們沒有用玻璃杯。 而用左個膠杯載熱奶茶。 覺得都幾新鮮。 個

琴日晏晝0係附近買完野兩點左右，就去食野喇。得自己一個人，本來想去隔離翠華，但係經過佢門口，見到佢有個午餐幾0岩食，就入去試下喇。因為另一個阿姐去左送外賣，得番一個阿姐0係度，等左三四分鐘先叫到午餐D (羅宋湯，鮑魚雞粒炒飯，熱奶茶)。等左一陣D野食就到喇；羅宋湯：味道普通，唔係好多料，隔離翠華好味好多。鮑魚雞粒炒飯：有好多鮑魚，不過唔夠香，唔夠鑊氣，飯唔夠乾身。熱奶茶：不錯。食完兩點半，另一個客黎到，好"熟路"咁問佢拎下午茶紙，個阿姐先拎出黎逐張檯放低，我見到原來下午茶兩點就開始，多好多野食揀，同埋平幾蚊添。由入去坐低叫野食，到食完出去俾錢，個阿姐都冇同我講過任何野。