光榮冰室 (登龍街) (已結業)

˚✧₊⁎ 光 榮 冰 室 ⁎⁺˳✧༚［學生半價！真· 港式茶餐廳💛 ］#mkeats_cwb #mkeats_yellow______________________________「光榮冰室」。作為一個香港人 點都聽過掛？佢哋曾經掛係牆上嘅連登揮春 貼滿memo嘅牆 門上嘅溫馨提示 學生半價（秘密嚟㗎唔好講出去🤫)等等 真係黃到金✨為我哋呢啲寒酸嘅學生減輕唔少嘅財務負擔🥺👶🏻佢地應該因為呢個優惠賺少咗好多錢 所以大家真係要多多支持佢地呀💛🙌 以上圖片皆為光榮快餐 $49 (學生: $24.5 )// as a hongkonger i’m sure most of you have heard of guongwingbingsat! but did u know that the staff only charges students like us for half price only!!🥺💛tho their staffs alw seem to be in a rush n loud and all that, i can tell they are all deep do

碟頭飯🥰🥰碟飯都幾鬼大下 塊炸雞都幾大下 成隻碟咁大另外仲有三隻煎嘅太陽蛋👍🏻👍🏻真係快靚正😬食完仲好鬼飽😋😋順帶一提😉如果你係學生仲會有半價㗎

新年食太多糕點角仔，肥左好多磅，決心減下飯量啦！開工了 ，中午都閉搵位 應該好多人仲係放緊假啦唔食飯都仲有奄列食架 $33 巨型叉燒奄列，上到來真係好大，我估足足用了3-4隻蛋，中間仲有勁多片叉燒添呀！仲配多塊牛油方包，但片包就麻麻啦 我都只係食了兩口有ketchup 同cillli sauce , ketchup 一定要啦，會更好食，酸酸甜甜咁hot coffee $16 呢一餐好飽因勁附白質呀！同埋痾埋先$49 一位 雄銅鑼灣算係好抵食

朝早返工，歎個地道港式早餐先至係good morning! 為左獎勵辛勤工作嘅自己，每星期都會揀一日食個靚早先開工。金牌早餐$33有沙嗲牛肉麵、炒蛋方包加飲品，銅鑼灣區少見。食物唔算非常出色，但就有嗰種地道港式風味，朝早仲可以加錢買份蘋果日報，邊歎早餐邊歎報紙。

終於食到光榮喇🤠我同朋友兩個都叫左快餐，一個蔥油雞扒飯一個叉燒滑蛋飯加凍檸茶都僅係每人$50有找！雖然係快餐但一啲都唔覺得頹，雞扒好有味同唔韌，加蔥油超正，而滑蛋係真係七成熟的（雖然叉燒係瘦叉唔太好食)，不過有啲汁搭救都ok的！飯量好多最後食唔哂，建議女仔可以叫少飯，學習唔好浪費🙆🏻‍♀️環境都舒服，不過要搭枱又冇塊膠板係中間就差啲，有改善空間。員工態度就還好，畢竟都係茶記，期望唔好太高。

今次羊腩煲是「外賣自取」，好方便，夠四至五人食，羊腩份量足，唔太肥膩，夠味，唔會過鹹，都夠淋，唔硬。但如果俾我加錢，俾埋鮮辣椒就好了！ 最好味係「滾餃」既手工餃了，熟了的皮會半透明，餡多，菜鮮！ Whatapps 落單，講明訂咩，邊度攞，加唔加配料，用轉數快俾錢，每晚 9:00 前落單，第二天三點後有得攞。仲包得好靚。 拆開包裝：1. 羊腩煲 （已雪成冰，三個膠盒，好多羊腩，唔肥，有大量薑，馬蹄，冬菇）2. 生菜 （兩棵）3. 腐乳 （大半杯，我用唔晒）4. 墨魚膠 （大半杯，好彈牙，夠味）5. 鮮腐竹 （半包）6. 包心丸 （四粒，高質，唔多粉）7. 魚皮餃 （六粒，普通貨色）8. 烏冬 （兩個，平價普通牌子）9. 金菇 （一包，已處理）另購：滾餃：手工韭菜豬肉餃 （一打，皮薄透明，多餡，菜夠新鮮）巴打鮮果：王林蘋果 （兩個，夠爽甜） 當你用whatapps 落單時，會收到以疏訊息：～～～～～～～～～～～～～～～～～～～～～到會需提前2至3天付款預訂火鍋套餐需提早預訂或早一晚9:00pm前落單，第二日分店自取（請注意，所有套餐唔連煲🙏🏻） 姓名：電話：取貨日期：取貨點：荃灣

銅鑼灣午餐之選👏🏻平靚正😽暫時食過三四次，so far so good😎·💛開心浩園餐 $50👉🏻三蛋雞扒飯望到好澎湃🤩，蛋同雞扒完全蓋住飯，唔知如何食起好🤣面頭兩隻蛋拮穿蛋黃仲好流心，下面仲有多隻蛋就熟咗蛋黃了冇諗過雞扒咁大塊，以為食到一半，撥開到啲蛋先見到原來仲有咁大塊😵份量多得嚇人，最後都食唔哂🙈個飯仲有好多甜豉油同蔥油比你撈飯添😬·💛全日特餐 $45👉🏻蜜汁叉燒湯意粉+火腿奄列+牛油方包正常茶記標準，冇特別😬女仔食份量夠，男仔就叫返飯餐會抵食好多同一定夠飽👍🏻·🌟飯餐定常餐都好，質素唔差呀，都係一間會再返轉頭食嘅餐廳😀😚

武漢肺炎關係.....已經好耐冇出街食早餐啦。今日忍唔住出咗光榮食~~餐廳入面就燈光白淨，光猛整潔~最好仲係唔洗同人搭枱！就叫了份通粉早餐~火腿絲份量多、通粉爽彈有口感、湯底清徹不油...簡簡單單已經好惹味.炒蛋多士白麵包好鬆軟食出層次~蛋香味濃，夠滑，調味啱啱好_已經唔需要自己再落盬或者胡椒粉，滿足。 麵包夾住蛋一起食好完美！凍奶茶又濃又滑！服務唔錯,待應生勤快！整體上都做得好滿意！疫情好轉後會再嚟呢度多D。

第一次嚟食 叫左個特餐 沙嗲牛肉出前一丁/牛油方包/火腿蛋奄列/熱奶茶 都只係$45 平民價錢 係銅鑼灣區$45食到個特餐 算係底食下午茶好底食 廿幾蚊有交易 下次要試吓出前一丁付埋麻油同味粉包 落幾多粉自己選擇火腿蛋奄列D蛋好香 方包有D乾奶茶都ok 支持黃店 下次再嚟開銅鑼灣會再來食

食過幾次外賣光榮，每次都好食的，但今次外賣失準，咖哩牛腩飯，完全係咖哩醬撈飯，全個飯得兩件牛腩，比盡佢碎濕濕加埋總共三件牛腩，全個飯一pat 醬杰撻撻，真係唔知點食，之前食開牛腩好軟林林，牛腩汁都好好味，希望下次會好D

“蔥油雞扒三蛋飯”($50)港島終於都有光榮😍座落喺銅鑼灣登龍街呢條食街晚市間間舖都要排隊唯獨光榮唔駛😟(唔計難食嘅龍門😂)咁當然要入去支持吓!叫咗呢個想食好耐嘅開心浩園餐🤪其實即係蔥油雞扒+3隻太陽蛋🍳有啲唔開心因為啲太陽蛋嚟到已經穿哂☻係3隻全部穿哂🥺不過好在味道都還不錯😌雞扒超級大塊而且唔會乾柴柴🐔蔥油都夠香☺️加埋3隻蛋一齊食好邪惡😆就算碟飯有啲大都完全夠撈🤣呢個價錢喺銅鑼灣算係好抵食啦☺️

位於銅鑼灣登龍街既光榮冰室，難得今日星期六16:00 唔洗排隊，即刻入去試下佢既下午茶餐先😬😍.📌生炸雞髀配薯角 $29可配薯格/ 沙律/ 西多士（半份）雞皮好脆口，一切落去係好清脆既聲音🤤 雞脾預先醃製過，調味唔錯，但就無肉汁可言，肉質乾身！薯角份量少，只有四五舊，應該炸起左一段時間，所以唔夠熱同脆，口感偏軟！.📌西多士 $25下午茶食件西多士真係人生一大享受🤤西多士好厚身，望住西多士既溫度將一大塊鮮牛油慢慢溶化，再倒上黎自韓國甜甜既既糖漿(甜度唔夠)，將所有嘢融為一體，切開九格，將其中一格放入口，兩片厚方包中間搽唔夠花生醬，可以重手啲，#食得西多士就唔好怕肥😤 食到好重蛋香味，但可能放左一陣，所以西多士外邊唔夠酥脆唔夠熱辣辣，但內裏就好夠鬆軟！.📌吉列魚柳配薯角($31) 可配薯格/ 沙律/ 西多士（半份）魚柳幾大塊，絕不欺場！炸得唔錯，唔會一切落去就炸粉同魚柳分離👍🏾.📌生炸雞中翼配薯角($27)呢個餐既性價比最低，得三隻雞翼、五舊薯角！問題同上，雞翼炸得太乾，薯角唔夠熱同脆，口感偏軟！.📌凍檸茶 跟餐 冷熱飲同價 茶味夠濃，不過有少少檸檬🍋苦澀味.Overall嚟講，下午茶黎講

光榮冰室喺銅鑼灣開咗一兩個月登龍街話晒都係食街美食雲集光榮價錢方面平就係幾平既不過，要預咗佢嘅食物質素真係麻麻純粹係餵飽咗自己建議你哋唔好有咩期望啊下😅咖喱牛腩飯咖喱汁就普通啦，都OK不過啲牛腩有好幾舊都係肥膏！基本上完全冇筋位牛腩質素真係麻麻同埋有少少無奈嘅係，佢個咖喱牛腩真係得咖喱同牛腩，咁你又唔可以話佢唔啱嘅⋯😅😅不過作為一個消費者，雖然話平，其實落少少洋蔥，或者甘筍，又或者薯仔，咩都好啦，人地食落都冇咁寡呀⋯ 成本都唔係真係咁貴啫開心浩園餐三隻蛋加雞扒都係貪得意叫下兩個人晚餐夾埋$100有找

星期二晚上我再次來到「銅鑼灣」的「登龍街」食晚餐，近年「登龍街」裡面的食店版圖，有了很大幅度變化，近年在「九龍」為人所熟悉的港式茶餐廳「光榮冰室」，終於都在「銅鑼灣」「登龍街」開了新分店。「銅鑼灣」分店「光榮冰室」的格局以及檯櫈擺設，大致上都跟「尖沙咀」「厚福街」分店，以及「旺角」「花園街」分店都極之相似，檯櫈之間相對其他餐廳為之接近，食品款式相對比較簡樸。不過「銅鑼灣」分店「快餐」裡面的食品，基本上跟主餐牌裡面的同類食品名稱幾乎一模一樣，至於「快餐」與主餐牌同款食品份量是否一樣，就有待時間去驗證了。因為我從未點過「光榮冰室」裡面的主餐牌食品，今次在「銅鑼灣」分店「光榮冰室」裡面，其實也是點了「咖喱牛腩飯」，飲品配「凍菜蜜」。至於是晚晚餐「雞肉」食品方面，我選擇了「生炸雞髀」。「光榮冰室」的「生炸雞髀」，「生炸雞髀」裡面的雞肉已經被廚房師傅預先劏開，方便以最快捷的時間，將雞髀肉炸熟。至於雞髀裡面的雞肉裡面，有少許的鹹味，不需要刻意再點其他醬料調味了。至於「生炸雞髀」裡面的雞肉實際口感，感覺頗為香脆，而且「生炸雞髀」裡面的雞肉都已經完全炸至熟透，這是拜「光榮冰室」廚房師傅把雞髀肉預先劏開

尋日有同事食過我就試下，點左蔥油雞扒飯，好好食又大又脆，可能我坐得近廚房，入面廚房講咩嘢都聽到，有位師傅講嘢十分之大聲，我知呢間係黃點，但感覺上唔似係黃店。如果下次再嚟坐出面少少好