光榮冰室 (登龍街) (已結業)

隨住感染疫情的數字漸漸減少 (其實都唔太相信官方數字), 睇完戲, 喺銅鑼灣想搵間餐廳食晚飯, 已經很多人, 原本打算幫襯TIME SQUARE 後面街的一間專做外賣的腐皮壽司店, 但無奈太多外賣單, 要30分鐘後後才再做生意。再轉到MIDTOWN 一間日式餐廳, 超多人輪候。結果在登龍街決定幫襯光榮冰室。我們點了: 滑蛋叉燒飯, 臘味煲仔飯滑蛋叉燒飯果然出色, 滑蛋好多, 配上好好撈飯嘅甜甜地豉油, 真係好正, 叉燒都唔錯, 份量多。臘味煲仔飯係朋友叫, 等咗好耐至上枱, 超過20分鐘, 不過味道都唔錯, 臘味種類多。店員服務不錯

去銅鑼灣剛好經過光榮冰室，之前都經過好多次，但無食過，今日一於入去試試🤩🤩🤩🤩🤩🤩🤩🤩🤩🤩🤩叫左個午餐D ,蔥油雞扒飯加lemon tea，講真銅鑼灣$48都無咩要求,但光榮交足homework,雞扒夠大件，新鮮即製，蔥油夠香，唯一要彈係是油重手左，下次可叫廚房輕手d😂😂😂😂😂😂😂😂😂😂😂😂另外杯lemon tea見到茶膽夠清，呢個重要，又唔使加錢👍👍👍👍👍

每次經過光榮冰室都很多人，今天終於有機會試到。看到抗疫餐很平，但還是想試下滑蛋叉燒飯（走蔥）😃凍熱飲都是一樣，選擇了凍檸茶🤗🤗凍檸茶正常不苦澀，不會太多冰，茶濃度適中，而叉燒滑蛋飯，叉燒，飯，份量也不少，加上甜豉油，味道不錯😋，叉燒偏瘦少少，如果半肥瘦就更好😋蛋也很滑～$48來說，性價比高😋推介下次希望有機會試浩園飯😂😂還有收銀哥哥很誠實，由於小妹比錢時候雲遊中，差點比多了$100，感謝他及時比返我下次我一定會再來支持

說話最近食沙嗲牛米/麵食上癮，早餐、下午茶唔嗌唔舒服😂主要係幫襯港島區既冰室/茶餐廳! 頒獎先😎🏅光榮冰室既沙嗲牛米就較為遜色了，大家都睇到個雞湯好淺色，味道都真係好淡下😟沙嗲牛既味道係可以，但牛肉有啲韌，可能有筋🧐最欣賞係隻蛋，浸左一段時間都係流心😀

呢間餐廳好出名，但我今次係第一次幫襯，所以其實食嘢嘅時候有啲三心兩意。我本來好想食佢哋嘅咖喱牛腩飯，但有聽講呢度嘅蔥油雞扒好好食，然後又見到下午茶餐有蔥油鴛鴦扒飯，諗咗好耐之後我就決定叫個蔥油鴛鴦扒飯外賣。落單時候客人心大心細，通常企喺收銀枱嘅姐姐就會俾說話你聽，但我15 16咗好耐收銀姐姐都好有耐性，響呢度先要多謝佢。鴛鴦扒係雞扒同豬扒，煎同調味都好香口，另外要提一提個蔥油，個蔥油好香之餘亦都冇生蔥好討厭嘅青草味， 用來撈飯認真一流，亦好配合嗰兩塊煎炸扒。下午茶時段連埋飲品先大約$50 ，抵食。

Weekday 放工晚餐，7:30pm 去登籠街睇下有咩食🤔，先發現分店銅鑼灣都有。唔洗等位就試下先，有兩層，地下已經滿坐，就派咗去樓上。店裡裝修同旺角嗰間差唔多「光明、簡約」😌 點了光榮快餐-鮮茄豬扒飯🐷🍅🍚 ，跟餐有熱飲 $48。等咗一陣，好快就有得食，唔.... 其實好似大學嘅快餐🍛😅🤣一啲令人回想到大學學生飯嘅紅色醬+幾舊蕃茄🍅同豬扒🐷成個餐同大學飯堂食到嘅差唔多🤔 可能下次都係食返三眼仔飯，好似好味啲😅

我本身就住附近，勁鐘意食冰室，好鐘意果種香港人既味道。開頭諗住呢間野個門面雖然難睇🤨但睇在佢寫住「冰室」又「光榮」，咁就入去食個T。入到去發覺中中地伏😰環境勁污糟，仲要有啲黑色野係碗麵度，好聲好氣叫店員換過碟啦，仲要態度勁差好似啲黑色野我自己加俾自己食咁，食到勁委屈☹️咁講返碗野，味道差過我自己係屋企碌個丁面，咁我情願係屋企食自己....總括黎講，無任何吸引我去食既因素，點解我唔食第二間？大把好食好多，你問會唔會回頭食多次？不了

光榮冰室 不解釋 💛👍🏻良心到爆好多朋友都話呢間冰室，話佢啲野食性價比好高，今次終於試到啦。呢個飯係開心浩園餐，淨係聽個名都覺得店家好有創意。入面有三個煎蛋同一塊雞扒。雞蛋煎到岩岩好蛋黃仲係流心狀態，吉穿佢撈飯一流。雞扒都好嫩滑。飯有淋上自己製醬汁，同埋有葱油伴碟，撈埋食都好正。餐點份量仲要好大碟，超飽肚。