入素

营业中

休息中

因為老婆嘅回鄉卡就快過期，所以，襯得閒就過嚟葵興呢邊搞換證，人流唔多，流程簡單，好快就搞掂啲手續，搞完之後正正喺放飯時間，就過對面嘅KCC睇下有咩啱食，發現8樓有間食素嘅「入素」 ，啱晒老婆，二話不說就揀呢間！鋪內地方唔大，不過裝修得幾雅致，一室淺木色系，幾有小清新嘅感覺。不過，啲櫈就唔算太好坐，因為佢個椅背比較後傾，如果有個咕臣墊一墊就會好好多。入到餐廳尾尾仲有一排高腳枱櫈，偌大的玻璃窗外雖然喺工廠景，但點都喺感覺開揚，尤其是日陽光普照，感覺就更加舒服。翻開餐牌頭一頁都有特別有介紹餐廳嘅背景，之後所列出嘅菜式都非常多元化，主食、漢堡、意粉、飯類、串燒、炸物、小食、沙律、素湯、飲品、甜品……等等，都一應俱全。咁食晏時間簡單午市套餐就應該喺最划算，選擇同樣非常之多，包一客素湯及指定飲品，並可以加錢追加小食同升級飲品。餐廳採用二維碼落單，當然，搵侍應幫手落單亦無問題。素湯是日素湯喺清清地嘅香菇素湯，雖然話素湯咋喎，但唔會好淡茂茂，飲落味道都幾清甜，仲滲出微微菇菌香。葡式乳豬飯 $82個乳豬飯賣相真喺幾得，如果唔講話呢個喺素食，真喺以為喺真乳豬，夾你睇睇橫切面就知佢喺腐皮、豆製品造成，不過最

✨未來肉醬意粉🍝唔鍾意意粉都可以轉成飯🍚～呢個意粉一樣幾好食，甜甜地，肉醬啲素肉碎嘅仿真度幾高，味道、質感、外表都好似真肉碎🙈🌱.✨葡汁乳豬飯乳豬就係腐竹，個頂頂幾脆口～葡汁飯就好似油飯咁，食落幾開胃😋😋.✨素叉燒（跟餐加$22的小食）少少脆身，好似都係腐竹黎，不過呢個嘅質感會較細膩，味道上同普通素叉燒差唔多～

小編依日喺葵涌區做嘢，中間lunch break去咗KCC搵嘢食，搵素嚟食！🌱 🍽 手工海南雞飯 😋😋😋😋依個手工海南雞係幾可亂真，尤其係塊雞皮！😲 雞皮少少煙韌，口感好像真，而雞肉就係腐皮，冇明顯調味～ 主要靠自己貼附上嘅三款醬料：薑蓉、豉油同甜醬～ 薑蓉好出色，撈飯特別正！👍🏻 飯量超過一碗，面頭應該係椰子乾碎碎🥥，食到有椰香味！仲有沙津做配菜🥗 而素菜菇湯食落好清甜！ 🍵 檸檬綠茶 (熱) 😋😋😋😋檸檬🍋綠茶飲落好清爽，一啲都唔澀！午餐 💵💵 約港幣$80/人💁🏻‍♀️ 葵涌區有唔少工商打工仔，一到放lunch時間，就有唔少人出入KCC。素食餐廳位於8樓，都有唔少打工仔常客嚟幫襯，大家想每個星期都搵一日食素嘅話，依間係唔錯嘅選擇！而且唔使加一！😉🙆🏻‍♀️ 最後，喜歡嘅話，歡迎follow @foodirectory.hk！

✨安格斯牛肉漢堡配: 沙律及薯條，跟餐配白桃綠茶係蛋奶素嚟嘅！呢個素牛肉真係唔夠素豬扒好食，越食越膩又鹹😵麵包幾好食嘅，唔會好油 唔會好乾，都OK大份。反而我最鍾意個薯條+南瓜定番薯條，超正，鹹鹹地，外皮少少脆😋沙律就係芝麻醬配沙律菜，都容易入口🥗✨未來肉醬意粉都係最鍾意呢個😂😂🍝呢個午市set先有餐湯，漢堡set都冇湯嘅🥲呢個意粉唔會好甜好酸，剛剛好嘅酸甜度，肉醬嘅仿真度都幾真，意粉質地有彈性。

近年多左唔少餐廳開始提供植物海鮮菜式，位於葵興既入素就係其中之一濃香喇沙海鮮湯配擔擔拌麵喇沙入面有豆卜、蔬菜、素魷魚同素蝦，湯底帶有濃郁椰子味，飲落好香好順口，就咁飲都唔會覺得膩，反而有種好開胃既感覺，而素魷魚同素蝦都好彈牙爽口。擔擔醬汁係另上，味道有少少似咖哩，好惹味所以我全部撈曬 不過個麵就淋左啲，如果可以用返啲有咬口啲既麵條就更好啦炸素蝦外表真係激似一般炸蝦，原本我估唔通係用素蝦包粉炸?點知估錯曬，食落去係軟綿綿㗎!口感好綿密，食到一梳梳纖維，問左店員先知好似係用准山製成，仲有啲紅蘿蔔粒同粟米係入面，雖然要比啲想像力先會覺得像蝦，但味道唔錯㗎炸素蠔裡面有大量紫菜去模仿蠔既鮮味，食落少許煙韌，真係有幾分似蠔既口感同味道! 呢個相當有驚喜，亦係我今次覺得最好味既植物海鮮菜式日式燒鰻魚呢款串燒外脆內軟，外層係極脆身既腐皮，裡面係同素蝦一樣既軟綿綿餡料，中間亦夾左紫菜，配埋醬汁一齊食的確係有燒鰻魚既神韻呢3款炸素海鮮都係入素自製，睇得又食得，另外仲有個酸酸甜甜既醬汁，無論配炸素蝦定炸素蠔都一樣咁開胃㗎西柚菠蘿低糖果汁味道以菠蘿為主，後勁帶少許西棟香味，甜度啱啱好，可以飲到水果既清香味，啱

今日第一次響入素食晏，成班同事叫左唔同食物，有海南雞飯，涼瓜蓮藕，吉列豬扒，乳豬，漢堡包等。全部賣相都好靚仲好好食。海南雞係用腐皮整，仲有像真度好高嘅雞皮，成碟飯幾可亂真。加埋薑蓉食實在太好味喇乳豬嘅皮非常惹味，香脆度同真嘅非常接近。素湯亦非常出色，我好鍾意香菇嘅味，非常鮮香。成班同事掛住傾同食都唔記得左影食物相。整間餐廳環境光鮮舒適，座位距離適中，活力十足。多謝職員好幫手同埋唔怪我地多多要求。一定會再到訪。

平時食咗好多唔同種類嘅料理，星期日同媽媽齊齊去食一餐素食。店舖裝修新穎，不似以往的素食店，空間寛敞、明亮，環境、座位闊落舒適。😋餐廳使用QR code點餐，是日選擇：1️⃣燒汁海鮮老鼠粉（配素蠔油娃娃菜）🔸香菇素湯🍽素蝦整得好似真嘅蝦一樣，素魷魚爽口，配埋老鼠粉，越食越想食。香菇素湯，香菇味濃，湯清甜。2️⃣桂花叉燒🍽外皮香脆，桂花味香，醬汁甜甜地，一定要試。3️⃣炸素蝦🍽內裡有粟米、准山…..等製作而成，外脆內軟，令人一口接一口。4️⃣炸素蠔🍽素蠔內裡有海苔，可以提升素蠔鮮味，食落感覺就像蠔一樣味道。5️⃣日式燒鰻魚🍽餐廳自家制之一，外層腐皮脆口，配上醬汁，口感更豐富。6️⃣西柚菠蘿汁🍽食完嘢飲返啖，爽！

越來越多餐廳、零售商提供不同「植物海鮮」菜式及食材，葵興入素就係其中一個好選擇。💚其實好味又健康嘅「植物海鮮」菜式，並唔需要傷害其他生命、亦唔會破壞已經非常脆弱嘅海洋生態。🌊🍤 炸素蝦超大隻，可謂極悍巨蝦 💪。用吉列形式炸，好香脆又邪惡。「肉質」一絲絲咁，好嫩滑，配埋啲粟米粒，好滿足呀。☺️🦪 炸素蠔又係幾可亂真，唔知點解可以模仿啲蠔味學得咁似，好鮮味。同埋又係好誇張地大隻。😂🎏 日式燒鰻魚唔知有幾多素友見到素鰻魚會好似我咁諗：「哦，又係鰻魚」，心諗可以有幾好食。但係食完我覺得佢真係好食到喊。😭首先佢係近乎炸多過燒，鰻魚係由多層好薄嘅腐皮包成，一層層好香脆咁入口熔化，係近似素鵝嘅口感，加埋啲燒汁超好味，可謂三款海鮮之首。🤤🤤午巿套餐嘅燒汁老鼠粉都好滿足到愛食海鮮嘅你，$92 包埋湯同菜。😃海鮮有蝦同魷魚，份量好多，素肉嘅口感同味道都好自然，又夠彈牙。老鼠粉，即係銀針粉啦，炒得好出色，夠乾身唔會成嘴都係油，而且唔會煮到淋哂，煙煙韌韌有咬口，好食。👍講開海鮮點可以冇三文魚刺身呢？厚切三塊都只係 $22 ，好抵食。😍素食者被問得最多既其中一條問題, 就係你地係咪食魚或者海鮮, 咁以後大家識點答

I went to meet client in Kwai Chung district, I didn’t expect there to be a vegan restaurant here and my non-vegetarian client also like it. The restaurant name is “Green Entrance 入素”. We ordered homemade Hainan Chicken with Tumeric Rice, Japanese Pork Curry Rice, BBQ Pork, mushrooms soup, white peach oolong tea and green tea. All the dishes prepared to perfection. We loved this restaurant is cozy and comes with an attentive service for a quick and convenient dining experience. There is also a s

難得放假考試前食個好的下午茶，又想食素就去左學校附近KCC揾到8樓食素我叫左沙爹牛肉漢堡配薯條$78同學叫左藥饍牛肉薑配擔擔麵$78（無影）都幾大份加小食素樂雞4件$28春卷$22熱白桃綠茶同凍白桃烏龍（無影）好味，都唔喺太大杯小食好熱炸得好脆，牛肉口感都好似肉😂味道好食😋下次再試第二個餸，可以再去

早排同家人去入素食晏。午市套餐跟飲品及素湯 (注: 安格斯牛肉漢堡只包飲品)。葡式乳豬飯 ($82)素乳豬係自家製，表面嘅乳豬皮好香脆，外皮同腐皮之間似係搽咗麻醬，咬落食到黏黏哋醬汁嘅感覺。原本以為飯底會有葡汁味，點知食落同海南雞飯嘅飯底差不多味道，有薑味，食到一絲絲薑嘅纖維，同埋提子乾及腰果。未來肉醬意粉 ($88)意粉口感彈牙，略嫌肉醬唔夠多。吉列豬扒飯 (配咖喱汁) ($76)咖喱汁微辣，送飯一流。安格斯牛肉漢堡 (配沙律及薯條) (蛋奶素) ($88)跟餐飲品:白桃烏龍茶 (凍)、檸檬水 (熱)白桃烏龍茶幾好飲，甜甜哋，似飲緊凍檸茶。

三人行，叫左3個sets：關東煮定食、藥膳牛肉麵餐、海南雞套餐。關東煮定食：湯底唔夠味，幾乎清水一樣，材料只係將素海鮮、蔬菜串埋一齊，欠誠意，有啲失望。配口水醬拉麵，同素三文魚刺身，個口水醬同刺身完全救左呢個餐。刺身加埋豉油同wasabi 有真刺身的神緒。藥膳牛肉麵，湯底可以再藥膳d, 味道唔夠藥膳。海南雞係腐皮扮既，佢個扮雞油飯又幾好食。加左三份沙嗲串燒，味道ok.店舖位於葵興，地點上係拯救左葵芳葵興素食沙漠的一眾素食者。🤣食物質素可以再提高一點。

素過癮，齋期周末，又黎葵興KCC 入素，食個brunch先！兩條友，太餓，樣樣都想試，仲有近期新推出素乳豬⋯ 叫左2個主食午餐/下午茶set… 係咁加小食🤣水準仍然保持到，喇沙素牛湯麵，唔算太濃，唔係星馬濃湯style，但我個人喜歡，清晒啲湯底都唔覺口渴！安格斯Burger 個包好正，勁多芝麻，份量夠，配埋薯條/番薯條，少少沙律菜，勁滿足，好飽！小食：梅子涼瓜：好正，清涼清熱氣，開胃！炸蠔：得得得得得！作為一個蠔精，只有讚，冇得彈！叉燒：熱辣辣，軟綿綿，停唔到手！乳豬件：聽講係新產品，今次放棄最愛素海南雞，試吓乳豬，一試難放，個皮脆薄薄👍小店坐得舒適，週末搵好食！

2023.02.25 early dinner呢一日走咗嚟呢個場，左搵右搵，搵咗呢間素食，之前係APP揀外賣都會見到，但覺得價錢比較貴⋯⋯所以都冇叫。今次一場嚟到，睇咗餐牌又揀到嘢食，仲趕得切叫下午茶添，所以今餐都叫做抵食🤪不過冇人理，唯有自己行入去坐低，坐低都仲未有人理⋯⋯只係見有個員工係我哋後面執嘢，我哋仲諗，係咪就收工呢🤔 ，我哋仲驚阻人收工，所以直頭問個員工，佢淨係答話唔係⋯⋯又冇再理🙄 跟住見到後面巴枱有餐牌，我就起身自己拎lu，過咗一陣店員先拎水同點餐QR code 俾先哋🙄 不過原來冇加一，咁接受唔顧客嘅程度可以高啲。 但食到尾聲時，店員開始拖地⋯⋯拖都唔緊要，都明白想準時收工，但拖到又濕又大漂白水味，唉！😑 揀咗一個午餐$82，桂花叉燒煎蛋飯配娃娃菜，有湯有飲品，一個$68茶餐沙嗲牛肉漢堡，飲品要咗一杯熱茉香綠茶，一杯熱烏龍。茶到先，茶味好香濃喎，唔錯！不過食完晒再飲就凍晒了😝 餐湯都幾幾飲，但唔知係咩，叉燒都算幾好味，但油咗少少，係飯嘅豉油都唔係好夠味，但個菜又幾好喎，都算靚同俾得多。漢堡個沙嗲牛肉都算整得好味，薯條就有啲好似再炸咁，係呢度差咗啲。

今次試入素嘅和風關東煮定食（蛋素）$88配麻醬撈麵及熱茉香綠茶（無糖）另外加配（小）桂花叉燒（純素）$22，素叉燒賣相造得幾真，口感都似似哋半肥瘦叉燒，有淡淡嘅桂花蜜味，的確幾好味，麻醬撈麵份量也不少，如果個汁杰啲多啲會好啲，麵有啲位比較乾，素三文魚外表造得也似，口感就差少少，關東煮個湯清清地，有不少款餸，造型也迫真，食完好滿足.#關東煮#関東料理#oden#おでん#葵興#午餐#lunch#湯#ランチ