入素

营业中

休息中

今日係同太太嘅週年紀念日～太太鍾意清清淡淡～又唔係太鍾意食肉～咁就要揀素食啦～初時擔心寫字樓放飯會多人～食之前一日訂位～去到冇人嘅～食到一半先見到OL入座～店內環境簡潔～店長態度好好～店員應該新嚟好多嘢都不熟悉～只要很學很做就好快上手～每一樣都真假難分，從外表看不出來是素菜，非常用心～安格斯牛肉漢堡～賣相極好～牛肉味食吾到～反面薯條應該好食～因為兩個餐嘅薯條都畀太太食曬～桂花叉燒～外表～味道都好～可以一試～all day brunch～有炸蝦…炸蠔…沙律…茄汁豆…炒蛋…薯條…麵包～炸蠔真係好真實食到蠔味～炒蛋好滑好香～用麵包夾住咗炒蛋好食好多～春捲真係吾好點～食曬所有嘢～唯獨甜品未食～因為太太話飽～所以冇點～下次會再來

食物賣相係贏晒，似真肉。但味道就爭好遠（唔expect味道一樣，所以呢樣嘢無所謂）但係外賣偶爾會執漏嘢。侍應有啲好好，有啲態度麻麻。如有其他選擇，呢間唔會係我嘅首選。

我哋去嘅時候唔多人食。落單係用QR code，手機顯示嘅選擇比餐牌上嘅多，有飯、粉麵、定食、小食等。可能因為人手不足，感覺店員比較緊張。我哋傾傾下偈，店員突然問我哋係WFH定實體返工，可能佢怕我哋趕時間？不過上菜速度算快，就算製作需時嘅燒飯糰都好快整好。整體食物嘅味道正常，不過所有菜式都唔夠熱，只係僅僅夠暖。手工海南雞飯 (純素) 套餐 (包素湯及飲品) ($78)之前係石門店都食過，海南雞係用腐皮整成，表面嘅雞皮質感較實。黃薑飯味道較清，食到薑蓉嘅質感。日式燒饅魚定食 (可選燒飯糰或白飯) (純素) ($92)定食入面包括飯糰、饅魚，全部都有淋上日式燒汁，味道甜甜哋。素饅魚係用腐皮同紫菜卷住薯蓉，表面脆身。炸素蠔主要用紫菜整成，咬落亦食到薯蓉嘅口感。

入素💛芝士肉醬厚切吐司(蛋奶素)$48 7/10超強勁嘅芝士拉絲，食落其實同真嘅芝士肉醬冇咩分別🤣 芝士🧀同蕃茄味🍅都濃郁👍🏻但個吐司爭少少，烘得唔多酥脆🙈安格斯牛肉漢堡(蛋奶素)配沙律及薯條🍟$88 8/10好足料好大個嘅素漢堡餐🍔，薯條有埋蕃薯條🍠甜甜地又脆，好食😋而素肉食落比超真肉冇咁juicy，但味道都係鹹鹹地同真牛肉漢堡冇咩分別。同埋讚下佢個沙律都好爽脆新鮮，如果想食素可以試下🌱白桃綠茶🍵 （套餐已包）一杯凍一杯熱，兩杯白桃味都幾香，但明明叫咗少甜，都係偏甜咗少少🍯Extra comment: •餐廳係2至6嘅時間有下午茶menu提供，但感覺上比Lunch Set 貴💰•座位闊落，而且有窗邊單人位，環境唔錯🪟

之前喺石門食過入麵，因為見到佢寫住入素喺樓上先知原來佢有分店係食素，想試入素好耐，今次嚟左KCC試，兩個飯都揀左多飯，憑單起14日內再幫襯有85折🥘手工海南雞飯 $78海南雞飯個像真度勁還原，邊食邊估佢到底係用咩材料整，個雞主要係腐竹嘅豆味、而雞皮就食落似糯米整，佢個甜豉油同薑蓉真係好jeng, 黃薑飯都同濃薑味，佢有配到麻醬沙律🤤🍛吉列豬扒飯 咖喱汁 (純素） $76咖喱汁接近喇沙味，撈飯一流，個吉列豬扒都整到勁真，個炸皮食落仲保持到香脆唔油，肉食落似mos burger嘅南瓜薯餅🍢沙嗲牛肉串 加配$22佢做到個口感真係好似牛舌，沙嗲落得啱啱好，唔會搶左仿牛舌嘅味，呢個我就估唔到係用咩整啦😂🥃香菇素湯 配餐$0比起平時嘅味噌湯，我好鍾意呢個素湯，入面有幾片菇，飲落亦都好濃菇味🍷白桃綠茶 $0個杯勁靚，佢冇得揀走甜，所以揀左少甜，覺得啱啱好😗，有桃味之餘我唔會覺得太甜🍵茉香綠茶 $0佢呢個茶本身無糖，超濃茶味，澀澀地🥴

Nice and cosy little place with good vegetarian food. Menu has a great selection of food & drinks to choose from. We ordered the Hainan chicken, spaghetti and snow pudding (one coconut and one matcha). Staff are lovely too which is always a bonus!

成日覺得葵興站係工廈區好落後，原來宜家地鐵站有天橋連接商場，去 入素 吃飯勁方便！第一次去食見有枝竹素羊腩覺得勁吸引，套餐有湯有飯有熱茶都幾抵食喎。大鄉里好久沒去葵興站，原來有行人天橋連接新商場「活@KCC」，商場入面好多餐廳和咖啡店，約食飯好多選擇。搭升降機上八樓，一開門就見到入素，同層還有一間咖啡店和一間麵店。這間入素比石門店大好多，裝修走小清新路線，唔少角落都可以影下打卡相。座位都幾多喎，入面仲有向窗的單邊位。整個氣氛年輕又舒服，約下朋友食飯都ok。雖然都係樓景，不過望落夠開揚。午市套餐都頗多選擇，有飯有麵有漢堡，招牌係手工海南雞飯和吉列豬扒。現在都用手機 QR code 點餐快捷方便。新推出的有枝竹素羊腩餐，餐廳仲有自家製手工素肉可以買定擺雪櫃。枝竹素羊腩套餐 HK$88/配香菇素湯、白飯、熱烏龍茶 (奶素)上菜速度幾快唔需要等太耐，素羊腩份量十足，入面仲有生菜、馬蹄、冬菇和紅蘿蔔，個汁可以撈飯食。飯量可以揀少飯/少少飯，我揀左少少飯都好夠食，不過唔夠都可以添既。香菇素湯香濃好味，個烏龍茶都幾香喎。素蠔油娃娃菜 +HK$25想食多幾條菜就另外再加點，素蠔油可以自己淋落去唔驚太鹹

📍 入素 life @KCC 好食指數🌟7.5/10 高質素食餐廳疫情之下晚市冇堂食，只好外賣但係要外賣又要健康之選咁點算？素食可能係個好選擇！海鮮🦞burger Burger 🍔 包包面hon得好脆個包用上千島醬🤤再加上有蟹柳，魷魚粒仲有蕃茄，芝士，生菜，同埋炸咗嘅脆脆雜錦海鮮成件事好滿足除咗burger之外，餐廳更加送上沙律同埋薯條🍟薯條炸得好香口，仲要係粗薯又唔會太咸沙律🥗沙律嘅菜底就係正常嘅份量但芝麻醬好明顯係素食嘅調較芝麻味比較重，亦都少咗平時芝麻醬嗰種甜嘅味沙嗲羊肉串呢個係串燒但係冇影出嚟啦佢一串有三粒羊肉羊肉唔騷好味燒完出嚟亦都唔會好un亦都好適合果下串燒嘅口癮🤤🤤

💛良心葵興素食小店葵興又開一間良心小店🥳，喺葵興上堂一直覺得KCC附近無咩嘢食，有時候會特登行去葵芳村食。安格斯牛肉漢堡（奶素）（$78）麵包好鬆軟，算是沒有什麼味道的麵包，不會搶其他食材的味道。材料還有芝士，蕃茄，生菜，素肉扒，配芥末醬。素肉扒主要是菇味和迷迭香，感覺沒有太多味精的味道，雖然不太像牛肉，但味道不錯。🍟薯條配番薯條可能是一起炸的關係，薯條有點番薯味，有少少怪🙃，而且味道比較淡。但番薯條好甜，正！熱情果橙汁（$30）有個主食的話，飲品半價。

「入素」@ KCC - 堪稱素食沙漠的葵涌🌵終於有喜訊 啱晒綠色初素者☘️。有心話事人❤️ 林老板 同 廚神主廚👨🏻‍🍳 將新派素食 發揮得淋漓盡致 有神似嘅黃油雞皮連毛孔之手工海南雞飯 🪶🐥 亦有濃香彈牙喇沙牛肉湯麵 🌶🐮🍜 同場加映 極力推薦藥膳牛肉薑湯擔擔拌面⚠️ 無肉無求都做得有板有眼 🉐 絕對值得支持 👍🏻Green Entrance - a rare find of green eatery in Kwai Chung. True appreciation to owner Lam in dedicating a full vegetarian menu to his new shop @ KCC. Recommended dishes 必吃Hainan Chicken Rice 海南雞飯 🪶🐥 Tendered Beef Laksa Noodle 濃香彈牙喇沙牛肉湯麵 🌶🐮🍜 Herb Ginger Beef Noodle 藥膳牛肉薑湯擔擔拌面 👩‍🦰🐮🍜

落單時間:2021/12/25 13:02:05 KCC都算係葵興堂食黃店集中地，入素 最近喺度開左分店，聖誕流流食咁多好西，有機會就唔好食咁多肉啦！所以可以「食肉」。未夠一點落去，唔算太滿，但宜家剩返吧台，好適合打卡。睇睇餐牌先 呢度用QR Code落單嘅，今次叫左兩個餐，分甘同味。落單之後好快就上個湯啦！ 跟餐素湯材料見到有冬菇，顏色好清，但味道好濃，似日式湯底，可能有海帶，飲落好舒服。手工海南雞飯(純素) 多飯 $78黃薑飯有椰子味又有麻醬沙律配生菜雞皮係粉皮配黃薑粉加色，好滑，雞肉係一層層腐皮嘅素鴨，外形好像真，雖然裡面唔算太似，但感覺好好食。醬汁方面：左邊係東南亞嘅黑油，好濃好甜，無刻意就香港人口味落返普通豉油溝淡，點落去會好有感覺中間酸辣，似雞醬架粗，唔係馬來西亞口味右邊薑蓉，唔會太咸 咖喱吉列豬扒飯(純素) $76呢度嘅豬扒外皮好脆，裡面好軟，有芋頭魚嘅感覺，如果有肉素肉，應該有溝過其他材料。咖哩唔係好甜嘅日式咖哩，反而有少少似港式味道，鹹啲辣

🔸手工海南雞飯$78🐥個樣真係整得好似😂😂仲要用蝦餃皮整埋整埋雞皮，好有誠意！其實舊雞係豆皮，質地好實淨，不過無咩味，要靠三種醬汁調下味。配黃薑飯，唔係用油飯，健康得多。旁邊仲有啲沙律菜，仲送香菇素湯。🔸濃香喇沙牛肉湯麵配娃娃菜$82 🐮我本身都好鐘意食喇沙，第二次黎個陣見有就試下💯幾出色😛味道夠濃郁，又唔會好油。個牛肉都好像真，唔知係咪麵筋呢，係幾好食既，比起海南雞，我鐘意呢個喇沙多啲🤣Lunch time 仲有飲品送，兩次都係揀左白桃綠茶少甜😋

環境舒服，座位不太擠迫。食物賣相是靚的，但味道比較清淡，啱不重口味的人，但香菇素湯就重手咗，不太配合。海南雞飯可以選擇多飯或少飯，適合自己食或同朋友分享。沒有諗過海南雞飯係凍食，飯同素雞都係凍，如果啲飯係熱的會比較好味。全碟海南雞飯都是淡淡的，但他有三款醬料比大家選擇，起碼不會太寡。香濃喇沙海鮮湯配擔擔拌麵，擔擔麵好香，但喇沙就好淡，與其他素食餐廳相比就不太好味。小食種類都多，大家可以叫併盤，價錢可接受。食物種類都多，價錢中等，大家可以來試試。

自從入素係KCC開左分店之後，每次想chill住嘆素就會來呢到，呢到無論係海南雞飯定肉醬意粉都超級高質，好味程度簡直係全香港數一數二👍🏻但全個午市套餐最想highlight嘅佢碗素湯😳點解可以咁濃，好香菇菌味，真心好飲過肉湯n倍🤩未來肉醬意粉$88🍝（套餐包湯及飲品）全素無五辛，肉醬份量夠多，而且同真肉醬意粉好似，重點係鹹香度適中😋(我發覺好多素食餐廳嘅嘢一係就太淡一係就太鹹）沙嗲牛肉串(+$22)🍡雖然無乜肉感，但佢配埋沙嗲醬係幾唔錯嘅😙

💛手工海南雞飯• 黃薑飯• 香菇素湯 💛廚師好有心機，將腐皮一層層摺疊，成為雞肉形狀及質感。外面再用薑黃造的澄麵皮作為「雞皮」，通透感同軟滑的口感，真係有90%似。食薑黃飯比起傳統雞油飯更健康少油，但不失香味。💚All Day Bruch💚特別想介紹佢地既「蛋」，真係心機之作。一般素蛋通常用係scramble tofu，但入素既蛋，係用玉米蘿蔔特別調配而成，煙韌中有少少甜味，非常特別。另外，炸蠔 🦪炸蝦🍤都非常出色。特別係炸蠔，炸漿香脆，味道做到非常相似真係難得，爹D更大讚好味👍🏻🧡入素小食拼盤🧡十幾年無食牛既我，推介牛肉串燒，有驚喜，係有爽滑口感嘅牛肉，有少少似牛舌😍。拼盤入面仲有春卷，炸雞，薯條，沙嗲雞肉串，非常豐富。二人份share剛剛好。💙雪花椰汁糕💙純素甜品，全椰奶製作，啖啖椰香。仲有芒果及抹茶口味。欣賞佢地用既醬汁同辣油都係自家製，全純素。