兩三碗餃子

营业中

休息中

夜晚10點外賣一打生餃子返屋企煮，第一次幫襯生餃子，芝士泡菜豬肉餃$48/打，計返$4一隻，係咪平就見人見智啦！人手包同埋無咁多添加劑，我就覺得價錢都公道既，當然如果做到$42/打會更吸引回頭買整左出來個皮都見係幾薄既，唔建議煮得太耐，否則皮穿左就唔好食了！另外一提，外賣生餸子都送埋個辣菜甫，呢個個人覺得都幾貼心，加分小小建議就係如果外賣生餸子都可以雙拼就好了

住係附近咁多年，一路都係食佢對面車仔麵🙈畢竟兩公婆有自己鍾意又幫襯開既餃子店、都冇打算話去試下佢直到有一次實在諗唔到食咩，又唔想食車仔麵，就話不如去試吓佢餃子。點知一食驚為天人，瞬間變咗我地心目中餃子店嘅第一位🙈(當然就腳都係加分位🤣不嬲都係食開雲耳椰菜，今日就試吓新嘢試吓紫菜拼芫荽，不負眾望一樣咁好食😋😋紫菜好香好足料，粒粒餃子都好飽滿，芫荽食到入邊有好多芫荽好重味，芫荽控必試🤤佢啲小食都好出色，之前食開鐵板牛柳粒，老公話今次試下孜然魷魚，都係鐵板上，熱辣辣，魷魚煮得啱啱好唔會好韌，不過略嫌有少少貴🤏🏻今次叫咗杯自家製菊花茶，有啲fail，菊花味好淡，不過勝在唔太甜不得不提佢雞湯都好出色，好濃味，最好食係佢入面啲冬瓜，雖然有好幾次唔知點解好鹹🙈今日試咗新湯底麻酸辣雞湯，係唔錯嘅，不過下次都係會食返雞湯，我都係鍾意飲晒佢啲湯😋

又再拜訪呢間位於慈雲山一啲都唔就腳嘅餃子舖🤣以往最驚訝嘅係佢嘅生煎餃係用熱石板上今次都唔例外😆🌱🐷韮菜豬肉皮薄餡多夠juicy🥬🧀🐷泡菜芝士豬肉就唔太食到泡菜味但有啲啲失望係無以往煎得咁乾身咁脆口😮‍💨畀大家對比下上年嘅相｜石板孜然火煎魷魚嘅邪惡程度真係唔使講🦑魷魚啱啱好唔太靭 孜然粉味好出石板上仲要熱辣辣♨️不過都係略嫌太濕未收晒水｜從來未試過佢個酸菜魚 都ok喎轉咗瀨粉湯底係酸味加少少麻味一啲都唔辣配料好足🤓🐟魚片仍有啲鮮味🥬酸菜正常豆卜索晒啲汁真係好正🤤🤤仲有海量嘅雞髀菇添🍄｜最後飲埋杯洛神花解渴解膩💮｜值得一提如果各位食水餃嘅記得要加佢哋嘅蝦米辣菜脯🦐鹹香蝦米味再加少少辣嘅菜脯真係同水餃好夾㗎😌

雞湯餃10隻 $44蕃茄薯仔湯餃10隻 $44麻辣雞腎 $38-今次同👧🏻突然餃子癮起就去左慈雲山一間幾出名既餃子店，而佢亦無令我地失望~-一坐低二話不說攞隻碟仔裝返碟辣蝦米菜圃開下胃先！我同👧🏻都覺得呢間既菜圃夠辣夠香，又有蝦米吊味，真係食到停唔到口！不過我地懷疑正常係用黎送餃子或者其他野，因為都幾鹹下-麻辣雞腎 $38係一碟你expect會食到正正常常既麻辣雞腎。不過呢間既雞腎偏爽口，我自己就幾鐘意。辣得幾過癮又開胃，每次黎都應該會叫。-雞湯餃 (韭菜豬肉餃+芝士粟米雞肉餃) $44我自己就唔多好蕃茄，所以就叫雞湯。呢間既雞湯有瓜食(我估係冬瓜)，我自己幾鐘意。韭菜餃正常水平，一般香，食完唔會話成口韭菜味。反而芝士粟米雞肉餃先係主角。首先要讚既係呢間既餃子隻隻都好飽滿，岩哂我呢啲餓底！講返隻餃，芝士香味好夠，每啖都食到聞到好香芝士味，加埋粟米真係一大享受！(本人好芝士) 雞肉肉質都幾好，完全唔霉。不過成口芝士我邊得閒理雞肉。。。-蕃茄薯仔湯餃 (洋蔥牛肉餃+羽衣甘藍墨魚餃) $44為食既我點會忍得住手唔試下👧🏻既野。偷左佢各一隻食，我自己就特別鐘意洋蔥牛肉餃，洋蔥炒過好甜，加埋好香

嗌左個雙拼餃子，冬菇雲耳椰菜鮮肉餃+紫菜蔥花先豬肉餃，兩款都勁好味！餡料超多，食得出好新鮮，皮薄但係彈牙，個湯底（蕃茄薯仔）都清清地幾好飲😋另外嗌左個醉雞，雞肉勁滑+超級入味！大推🤤🤤高質小店良心價錢👍🏻👍🏻👍🏻

-{慈雲山餃子小店🥟}🤤湯餃🤤 ($44)湯分別有蕃茄薯仔湯同埋鮮雞湯 蕃茄薯仔湯有好多鮮茄同埋薯仔 真係同平時飲嘅差唔多好清甜😍以下順序排最推薦嘅餃😛 芝士粟米雞肉餃: 超濃郁嘅芝士味😋但味道亦唔算膩😌balance得好好😚皮整體係偏厚啲嘅😇咖哩薯仔豬肉餃: 食落有啲似咖哩角嘅餡料 薯仔粒狀咁😁又係好有特色嘅一款😎大白菜鮮豬肉餃: 食落同預期嘅味道差不多 始終係基本嘅款式🤓不過都食到大白菜菜絲😉羽衣甘藍墨魚餃: 本身味道唔太特出 墨魚滑甚至食到有啲啲腥🥹羽衣甘藍本身都唔太重味 依個就唔太推介喇👖褲評: 8/10🤤煎餃🤤 ($55)煎餃用石板上保持倒個温度🥰但就會油少少 洋蔥牛肉餃: 皮好脆！食倒洋蔥粒嘅些少甜味😙牛肉好多汁☺️泡菜芝士鮮豬肉餃: 依個係邪惡之選😆夠曬重口味😜而且啲芝士係咁湧出黎😋啲泡菜夾埋💯👖褲評: 8.5/10煎餃要嗌啲重口味嘅！餃子口味夠特呢😌有啲想試個羊但貴好多😂性價比: 8.5/10服務: 7/10環境: 7/10🚩 兩三碗餃子 🚩地址: 慈雲山毓華里20號華麗商場高層1號及5A號鋪#fuudjai #fuudjai中式 #fuudjai慈雲

一不離二～小編決定再去試埋佢另一間分店～專食餃子🥟小店經營但座位算多～正正係車仔麵對面😃選擇款式都幾多～另外仲有多款小食選擇～唔講住小編食野la🤣🤣—————————————————🍜兩三碗餃子鮮雞湯配皇帝菜鮮豬肉餃+西洋菜鮮豬肉餃💰$40雞湯底仲配有冬瓜😃兩款餃入面菜既味道好出～餃子唔算好大隻不過非常足料～隻隻啖啖肉👍醉鴨舌💰$58酒味唔算好濃～鴨舌夠淋咬落都幾爽口～價錢上可能略貴～不過味道幾好數量又多🤩好味指數(7級最佳)▁ ▂ ▃ ▄ ▅ ▆ —————————————————☻非專業食評·純個人口味☻—————————————————📍總結:專食餃子既分店小編都會再去～依間兩三碗確係不得了～有機會去埋食其他野先😊慈雲山有咩推介留言俾小編介紹下😇

慈雲山毓華里一向出名好多小店，兩三碗餃子是其中一間出名的餐廳。有多款餃子、小食及飯/麵，絕對能滿足不同食量同口味的需求。這間餃子店可以食到好特別 沒有吃過的餡料，而且味道都非常好，價錢好親民，必定會再光顧！🤤🤤🤤餃子分四款： 鮮雞湯餃、蕃茄薯仔湯餃、生煎餃、口水汁撈餃子 餡料分六款： 豬、牛、雞、海鮮、羊、素 （適合素食人士🥰）食評✨✨✨鮮雞湯餃 雙拼餃子（大白菜鮮豬肉餃 及 洋蔥牛肉餃） $40/8隻 $44/10隻湯底鮮甜香濃，餃子大大隻 餡料豐富，好好味！牛肉餃必食 肉質非常嫩滑 洋蔥味香濃👍食唔停口😍😍麻辣雞腎 拼 麻辣豬耳 $38夠爽口夠辣，份量算多，抵食😋豆漿 $9溫馨提示：餐廳用QR code落單喔😚

那時在網絡上看到照片已經吸引款式挺多的　餃子偏菜多肉少特意來慈雲山去品嚐下蕃茄薯仔湯　可以看到有蔬菜在湯裡湯味呈現酸甜的蕃茄味讓人會更開胃口水汁是以辣作重點　是撈餃的概念所以口味上比較重　覺得適合肉感重的餃子紫菜蔥花鮮豬肉餃 (蕃茄薯仔湯)紫菜的份量佔的比例較多每絲的紫菜都在肉裡間少許蔥花在鮮肉間　能讓鮮肉更提香羽衣甘藍鮮蝦墨魚餃羽衣甘藍的質地本身比較硬和挺身餃子比其他的多了份勁口墨魚的膠質把所有的材料都包住鮮蝦已和墨魚混合　海鮮味容易的散發出來洋蔥牛肉餃 (口水汁撈餃子)洋蔥本身都自在甜味　那種甜味是散發在口腔圍繞洋蔥和牛肉互相映襯下餃子很鮮甜　是四款最鮮甜的京蔥羊肉餃羊肉沒有太強烈的騷味京蔥本身都蔥味都挺嗆味能略微蓋過羊肉的騷味麻辣雙拼 (雞腎豬耳)份量很多　麻辣的醬汁都已經滲入到肉裡雞腎有嚼勁　厚度也切的剛好每塊都會爽口　豬耳的爽脆度更高　脆脆的口感

個人唔係好鍾意食超市賣嘅急凍餃子，好多時醃料都好重味精，完全食唔到菜材本來嘅味道😞呢間餐廳嘅餃子全部大大粒，真材實料，所以特別鍾意買來返去打邊爐食😚最愛白菜豬肉餃，白菜爽脆，豬肉味濃，大大粒食兩三粒都夠晒🥰

早排去咗慈雲山附近嘅體育館練習，襯早咗少少到，搵下啲野食填飽個肚先做運動。今次嚟到「兩三碗餃子」叫咗泡菜芝士鮮豬肉餃。$44蚊有五隻生煎餃子加一碗湯粉。見到餃子煎到金黃色已經流曬口水，咬開餃子，入面泡菜芝士好惹味，啱曬超鍾意韓國菜嘅小編嘅口味。配餃子嘅湯粉都好好味，加埋自家製嘅蝦米辣菜脯味道更加豐富。除咗瀨粉之外，仲有煮到軟淋淋入口即溶嘅冬瓜，超正。可惜小編自己一個人嚟食，淨係試到一款味道，見到menu上面仲有口水汁撈餃子都好想試，下次又機會真係要叫多幾個朋友嚟食，咁就可以試多幾款餡，小編仲想買啲生餃返屋企自己整嚟食添啊。

前幾日外賣自取，返到屋企打開盒啲餃子燶到黑其實見到燶到咁，係咪唔應該比客呢？我見佢堂食客得兩枱人，又唔係煩忙時間，點解會咁架呢？收錢亞姐又勁冇禮貌百幾蚊買2盒燶餃子一定唔會再有下次！

估唔到煎餃都有素餃，仲要咁好食！！其實餐牌上面有好多款唔同ga餃子，仲有啲幾特別tim例如羽衣甘藍墨魚餃，真係好想試晒佢！雙拼仲唔洗加錢真係邊度揾不過今日greenday好彩店家都有照顧埋素食人士，有一款素餃選擇今次點咗十隻素餃，餃子入面係南瓜、菠菜同芝士，煮法有四款，不過我就簡咗用煎既方式啦！餃子一上枱嘩嘩嘩嘩，除咗好香之外，視覺都好震撼！佢係用鐵板咖！唔知係咪想保持返餃子個熱度呢？等唔切食，一咬，啲芝士流晒出黎，仲有南瓜蓉好實在，菠菜爽口加起黎，估唔到又係另一體驗不過食咗兩三件，就會滯滯地，食到後期仲會有啲咸，真係要同frd happy share先得！雖然十件好多，但係真係好食到唔忍心晒咗佢所以我默默地食晒佢另外，朋友都叫咗另一款芝士粟米餃子，用雞湯煮法佢試完就話兩款芝士應該唔一樣，不過都係煎餃脆口啲，同芝士味夾啲今次之後，我即刻約frd下次再黎過！我要試晒佢啲口味不過愈黎愈多人green day店家如果可以提供多幾款素餃就好喇！

12月尾食但拖到宜家先post🙈🙈本身一直都唔係太鍾意食餃子，但呢間餐廳朋友介紹，真係有驚喜一去到都要等左一陣先入坐，餐廳裝修都好新，多客人職員偏忙今次試左餐廳既期間限定：瑤柱豆苗鮮豬肉煎餃（$59）加熱柚子蜜（$7）煎餃係鐵板上，黎到仲好熱‘咋咋’聲。食得出餡好有誠意，味道都好好，望見就好有食慾呢間餐廳會令我一個唔鍾意食餃子既人都願意再去試佢其他款

作為「山友」係佢哋開車仔麵嘅時期已經開始食😄，今次嚟到位於慈雲山嘅兩三碗餃子🥟生煎京蔥羊肉餃：一上枱已經聞到濃郁嘅孜然香味，羊肉內涵亦都十分之滿配合京蔥，口感豐富👍🏻口水雞：講到口水雞口水汁一定係重點，香中帶少少麻，賣相好靚，絕對會提高食慾醉雞：酒味係重嘅👍🏻，至於雞嘅味道鹹啲，口感會略為實淨嘅石燒黑椒雞扒飯：雞扒煎得金黃，肉質嫩滑，雞皮做得到香脆，值得一讚，黑椒汁係另上一碟俾嘅石燒蒜片牛柳粒飯：我最滿心期待嘅但換來係失望😞，牛柳粒完全冇牛味，就好似加咗鬆肉粉嘅質感店家有自助區，裏面有蝦米辣菜脯&豆瓣醬&酸蘿蔔&清水提供