八不·壽喜燒

营业中

休息中

放假日,帶媽子食勁最愛壽喜燒, 呢間小店, 日系裝修，最多得20位. 裝修係日本和風既感覺, 別緻舒適! 我地兩個人叫左個二人盛有3種牛可試. 份量都唔少.   極品•八不壽喜燒二人牛盛 $788日本A5佐賀牛 130g  - 雪花平均, 油脂豐富,  入口即溶.美國SRF封門柳  100g  -  牛味濃郁, 肉質結實 . 頂級黑安格斯牛小排 100g - 口感嫩滑, 肉質軟淋野菜盤x1    - 蔬菜種類都好多.  白菜, 南瓜,冬菇、金針菇、娃娃菜、粉絲、豆腐等等日本雞蛋x2   清酒白鹿/果酒自選一支    媽子揀左柚子果酒  兩瓶壽喜燒汁同清湯可以隨自己口味落. 唔收加一呢個真係驚喜估佢唔到！📍 八不·壽喜燒 (太子)太子大南街52號地舖

上星期去咗一間壽喜燒店晚飯，位處佐敦食街，入到店內就feel到陣日本風同聞到香甜嘅壽喜燒味道~~店內座位唔多，但仍然照顧每枱食客用膳空間，當晚平日好早就滿座~睇睇MENU有唔同套餐，仲有好多款稀有靚和牛，唔係度度都有~於是同朋友仔點一份和牛封門柳，再追加一份松阪牛!店員先仲紹桌面兩款雅緻小瓶，一款係壽喜燒嘅靈魂醬汁，另一款係清湯，仲先幫客人用牛脂開鑊，放上蘿蔔、大蔥等，再澆上壽喜燒醬汁，香氣隨即撲鼻而來! 封門柳每頭牛只有一塊，較為罕有，脂肪較少，入口肉味濃又有嚼口，但絕對唔會靭，已經覺得好好食!再嚟食屬於日本三大和牛嘅松板牛，更加不得了，細密均勻嘅雪花突顯高級感，入口更軟綿Juicy，仲有香濃牛肉味，真係食到耳仔郁~套餐仲豐盛野菜，盒仔細細但裝野菜份量十足，而且都係新鮮優質，當中南瓜片入口味濃香甜，好好味!呢度仲有唔少小食炸物，揀咗呢度嘅特色手作小點- 嘅吉列千層豚，夾起真係見到一層一層薄切豚肉片，伴有香濃半溶芝士，外層酥脆，內層肉香軟熟，回頭必點系列~~值得一提呢度飲品唔算貴，仲俾我發現呢款日本蘋果汁，非常清甜，同超市價錢相近，相當抵飲!

壽喜燒係其中一款我很喜歡的日式美食，可惜係香港品嚐這款美食的餐廳都貴，動輒都成千蚊一個lunch Set，Dinner Set可以去到千幾二千蚊一位，兩個人食飽離開時個荷包都有d傷。但又無理由要搭飛機去日本先可以食，所以我就周圍搵，終於搵到間性價比都幾高的食壽喜燒舖頭，係旺角太子附近，位置都幾方便。 店內裝修十分精緻，頗有日式風情，很有悽身在日本餐廳的感覺。以QR Code下單，Menu內除了各款壽喜燒套餐外，也有其他烏冬set、赤面set，以及小食選擇。進食前也充滿儀式感，店員會先開爐，煎洋蒽大蒽，再加壽喜燒醬汁，然後就由食客放入和牛片，差不多食到尾段就Shabu Shabu，加入清湯，以及蔬菜豆腐冬菇粉絲。 澳洲M9+和牛 – 上枱見到和牛雪花好靚，已經知道一定好食。果然入口即溶，又嫰又香，配上壽喜燒汁，好好味。 美國牛板腱 – 追加了一碟牛板腱($135)，雖然質素就冇M9和牛咁傑出，但食落都充滿牛肉的濃厚味，十分不錯。

估唔到係太子呢間壽喜燒小店裡面，竟然可以食到咁高質素頂級和牛。他們的壽喜燒是關西風食法，重點是「燒」，與一般食開「燉煮」的關東風壽喜燒不一樣，所以特意來試試。店舖空間不大，大約只有廿個座位，但尚算坐得舒適，裝潢及擺設都好有日本風情。除主菜壽喜燒外，此店亦提供各式刺身、炸物及特色小食，我們點了份吉列千層豚，即叫即炸熱辣辣卜卜脆，層層堆砌的豚肉片食落好有層次，入口仲有肉汁好juicy。至於壽喜燒套餐可謂豐儉由人，最平的1人份和牛封門柳$288起，中位價的有日本A5黑毛和牛、澳洲全血和牛Black more M9+，最貴的有日牛天花板極稀有的雪室熟成和牛，還有近江牛、黑安格斯小排，以及期間限定的飛驒牛、松板牛都有提供，每個餐都包含野菜拼盤及日本雞蛋。如果不知道關西風壽喜燒的煮法步驟，店員非常樂意為大家幫忙，先用牛油脂開鍋，再放入大蔥及洋蔥煎香，然後就可以加入壽喜燒醬汁，繼而放入牛肉（或追加的豚肉/羊肉)煎熟，牛肉吸收晒醬汁精華，煎過後更有微微焦香的味道，再將牛肉醮滿日本蛋蛋漿同食，又嫩又滑的口感好正。被譽為國寶級和牛的松阪牛，其霜降油花好靚，牛脂豐滿果然入口即融；至於飛驒牛同樣有霜降紋路，入

唔知係米太早到，啲牛仲係Frozen，仲係硬，轟轟聲呀老闆，Lunch 5舊幾你唔係比啲咁既野呀…失望。其實都無咩內容不過要寫最少80字先夠數。唯一好處間餐廳Lunch無咩人，可以同朋友傾下偈。沒有下次。完

🌟主打親民價錢🤑享用關西風壽喜燒🔥, 人均唔洗$500就食到❗️👻🪭裝修充滿和風feel, 🪵木色為主調, 掛上浮世繪畫🖼️, 各種小擺設空間不大, 約7-8張枱, 用木簾相隔👍🏻。。🇯🇵關西風。。🥢用牛脂開鍋, 過程中不加水🥩先煎肉後加菜🥬, 以壽喜燒汁調味🔸「肉香の追求」和牛封門柳套餐(1人份) $288 6/10包野菜拼盤｜日本生雞蛋🥚🤵🏻店員會先幫忙開鍋及燒香大蔥和洋蔥🧅🧂配壽喜燒汁和清湯各一樽, 可按個人口味增添🗣️簡單講解烹煮流程後, 就可以開始食啦😆🤪🐮封門柳有10片, 油脂分布平均👌🏻肉質軟腍, 蘸上生蛋黃漿🥢, 口感更增滑溜😌壽喜燒汁比平日的冇咁甜, 唔會咁甜膩😚🥗野菜拼盤好豐富, ☑️南瓜, 冬菇🍄‍🟫, 金菇, 娃娃菜, 白菜仔🥬, 豆腐, 葛絲🔍葛絲 =粉絲, 較扁和粗身, 口感煙韌😙葛絲同蔬菜吸曬啲燒汁, 份外滋味😋～🔸美國安格斯Prime頂級牛板腱(130g) $138 5.5/10🐮一碟有6片, 肉質比封門柳更有咬口🔸稻庭烏冬 $28🔸日本 Sangaria 玄米茶 $15🔸日本 Sangaria 大麥茶 $15🔸日本Tominaga神戶100％葡萄汁🍇

壽喜燒的確係小編既愛好之一，今次約左朋友仔試試呢間餐廳。日系裝修簡簡單單，而且食物質素及價錢絕對稱得上性價比幾高。🤭🍲壽喜燒套餐 - 經典日本A5黑毛和牛 ($388)佐賀和牛120g首先講講一人份套餐份量算係幾多，佐賀和牛一份有八件，而且件件都有厚度，和牛有如霜降般分佈綿密細緻的油花，以及色澤豔紅，未食就咁望落都已經流哂口水啦😋店員會先用牛油脂開鍋，之後倒入壽喜燒醬汁，其後將大蔥及洋蔥放落鍋中。之後就到小編自己煮牛開始大顯身手啦，牛肉加入醬汁煮到6-7成到再沾埋日本生雞蛋一齊放入口，滑溜溜既感覺加試牛肉味香濃真係好食到令人食指大動。👍🏻👍🏻🌱當然唔少得既仲有野菜拼盤啦，分別有葛絲、金菇、冬菇、南瓜，大白菜等等，店員仲細心講解，可以將壽喜燒加入鍋中煮蔬菜，如果覺得醬汁太濃仲可以加入清水，每種蔬菜經過醬汁嘅烹調後，食落甜甜地幾好味，當然小編最鍾意既都係南瓜。餐廳仲要唔收加一服務費，真係好味又抵食。🐷 吉列千層豚 ($80)吉列豚炸到金黃酥脆，沾埋自家製芥末沙律醬一齊食，醬汁剛剛好可以減低豚肉嘅肥膩感而且豚肉一層層口感幾豐富。

太子站附近見到呢間主打壽喜燒嘅餐廳店內播放著日文歌曲配合木系裝潢．環境好舒適見到隔離枱食緊壽喜燒好吸引我地都揀咗個二人餐💥極品 八不壽喜燒二人牛盛✨黑安格斯牛小排 ✨日本和牛封門柳✨A5佐賀和牛和牛質感軟腍．油脂分佈均勻封門柳口感較豐富．牛味濃郁三款都好有質數湯底味道香甜可以自由加添清湯 / 壽喜燒湯底仲附上蔬菜拼盤配上和牛係完美嘅配搭套餐仲附有一支清酒 / 果酒揀咗柑桔味香甜．容易入口好好味整體食材新鮮有質數份量充足．一定有下次

🇯🇵太子壽喜燒專門店🏯晏晝都可以食到咁豐富 又正宗嘅日本料理而且環境別致 每個位都set好晒所有架撐感覺好舒服😗🫶🏼🧡首先叫咗一個挪威三文魚刺身😄估唔到啲三文魚刺身咁肥美 鮮甜 滿足了😌🥘然後就到主菜啦 - 壽喜燒套餐🥩套餐已唔同嘅牛肉級數區分仲有其他二人餐等等🥩我就叫咗經典日本A5黑毛和牛 佐賀西冷既級數🫶🏼🫶🏼總共有十塊左右 都幾大塊 長條形😬因為有一定程度嘅油脂 所以咬落口好鬆軟充滿牛肉嘅味道😇😇鍾意濃郁啲嘅可以落多啲壽喜汁😎淡啲就落多啲清湯😋最重要就係再配返隻蛋🐣然後就到豐富嘅野菜拼盤🥦大量嘅蔬菜 粉絲 冬菇 南瓜…..朔晒壽喜燒汁嘅甜味食到我都已經好飽😜😜最後叫埋支日本木村靜岡柑橘汽水好想下個禮拜就去日本呀🤣

好耐無食壽喜燒❤️好掛住靚靚和牛，呢間專門店一定要食壽喜燒，店面細細，但係裝修用咗木系風格感覺非常和式。自己動手嘅壽喜燒真係好正，可以自己調校火候同埋控制醬汁濃度👍🏻佢哋啲碗碟都好靚好用心日本A5黑毛和牛壽喜燒 $368和牛係來自佐賀，紋理超靚脂肪同肉比例平均，咬落去有獨特嘅和牛香✨脂感十足好好味。呢碟牛有8片，份量十足每一片都好靚，可以慢慢食慢慢嘆🌟額外加咗碟，365日長穀飼黑毛安格斯小排，色澤同紋理同樣都好靚，脂肪比例較少主要食佢嘅肉香。牛味好香好濃好軟，牛肉本身沾有壽喜燒汁甜甜地再點上蛋汁好香。

✨周日，我帶著女兒在旺角太子享受一頓豐盛的壽喜燒。這家餐廳的日式風格佈置令人耳目一新，店員們的服務更是親切周到。🌟我們點了壽喜燒套餐~$288。套餐中的「肉香の追求」和牛封門柳，肉質鮮嫩，油花分佈均勻，入口即化。搭配新鮮的野菜拼盤，讓整體口感更加豐富。🌟此外，我們還追加了兩份稻庭烏冬~$56。這款烏冬麵條滑順，吸附了壽喜燒的湯汁，每口都充滿了濃厚的風味。再加上一碗日本珍珠米飯~$25的價格讓人覺得物超所值。⭐而我們的最後一道佳品是吉列西班牙豬扒~$72外脆內嫩，搭配特製的醬汁更是美味。🌟整體而言，這次的用餐經歷非常愉快。美味的食物、舒適的環境和優質的服務。

約咗朋友去太子食好味嘅壽喜燒，八不。揀咗壽喜燒二人套餐。我同朋友都唔飲酒，所以叫咗兩支果汁。柚子和柑桔。嘢食到齊之後，店員會用和牛油脂粒幫忙開爐。黑安格斯牛小排牛小排好新鮮，顏色光澤都係屬於頂級貨，肉味相對上較濃，油脂感平衡啲。2人份量來講都算係多。澳洲M9和牛呢個直頭係值回票價，澳洲和牛每一塊都有好出色嘅脂肪紋理，放入口就會感受到入口即溶嘅感覺，真係好神奇。份量適中，始終脂肪比例重嘅牛，食得多幾舊難免會感到漏，所以夠哂皮。千層炸豬扒可以係專門食壽喜燒嘅地方，食到一個咁好食嘅炸豬扒，算係一個小驚喜。豬扒炸到外脆內軟，千層裡咬嘅時候慢慢滲大量肉汁。真係好食。野菜拼盤跟多一個五臟俱全嘅野菜盤平衡下食肉嘅油膩。最後可以慢慢煮令到肉汁嘅湯滲哂去蔬菜度。日本雞蛋兩隻壽喜燒必備嘅日本刺身用嘅生雞蛋，咁食先係最正宗。

👧🏻特別鐘意食壽喜燒，所以👦🏻捐窿捐啦咁搵唔同嘅壽喜燒餐廳俾佢食，上網見到今日要介紹嘅呢間餐廳，即刻去！入到餐廳好有日本風情，牆紙、掛畫、擺設、座位都好日式，好有feel🇯🇵揀左人氣🈵🈵二人餐 ，包左365日全穀飼·黑安格斯小排150g、澳洲M9+全血和牛100g、野菜盤一份、日本雞蛋兩隻、吉列千層豬一份同埋果酒300ml，另外仲叫多左一份日本A5黑毛和牛100g試下😍套餐包括嘅365日全穀飼黑安格斯小排150g和澳洲M9+全血和牛100g，每一口都充滿牛肉香氣，柔嫩多汁比較之下，M9全血和牛肉香更濃郁。配上新鮮嘅野菜盤和日本雞蛋，令整體風味更加豐富。特別值得一提嘅係，加點嘅一份日本A5黑毛和牛100g，油花分佈完美，入口即化，絕對係牛肉愛好者嘅極致享受。特別推薦！吉列千層豬嘅酥脆外皮同嫩滑豬肉形成左美妙嘅對比，👦🏻👧🏻一致俾💯，成個用餐搭配埋柚子果酒，真係為成餐增添左日本風味同樂趣。評分：9 / 10

又同鍾意食豬嘅朋友食好嘢今次帶佢嚟試吓八不嘅壽喜燒餐廳環境好舒服好日系好適合同朋友慢慢食慢慢傾🥂🥢✧ 澳州『全血』和牛Black more M9+ 壽喜燒套餐 （一人份，$322）一坐低店員就好好禮貌咁介紹呢個套餐套餐好豐富 包括咗一人份量嘅澳洲和牛同埋新鮮嘅蔬菜拼盤🥒店員會先喺鍋入面放牛脂然後再將和牛放上去煎煎到半熟嘅時候就會加入壽喜燒汁同埋其他配料店員會好細心地幫我哋控制火候等啲食材可以平均咁煮熟呢度嘅壽喜燒係屬於關西風汁嘅味道偏甜 但又唔會太膩另外仲擺咗一壺清湯俾我哋🍶如果覺得太重口味就可以落啲嚟中和下食落好有層次感同埋佢哋嘅和牛真係好高質素入口即溶 油脂分佈平均🐮野菜拼盤入面有唔同種類嘅蔬菜例如椰菜、白菜、冬菇、金菇、豆腐等等全部都好新鮮吸晒壽喜燒汁嘅精華食落甜甜哋咁✧ 美國極黑豚（梅肉130g，$138）由於朋友唔食牛所以除咗和牛之外我哋仲加咗碟美國極黑豚梅肉位豬肉比較有咬口🐷但係又唔會韌點埋壽喜燒汁超惹味🤝🏻✧ 日本木村完熟水蜜桃汽水（$26）最後叫咗支水蜜桃汽水嚟飲呢支汽水解渴得嚟好飲事關水蜜桃味好香甜🍑總括嚟講八不壽喜燒嘅食物質素真係好高環境又舒適 值得一試

一間主打關西風壽喜燒既小店，今次係第三訪了🫶🏻 好適合間唔中過下壽喜燒口癮！店員先煎香牛脂，加入大蔥及洋蔥，然後就可以加入壽喜燒醬汁同牛肉。相比起shabu shabu，更喜愛關西風格，肉類吸收晒醬汁精華，更多左一重焦香🤍✨壽喜燒套餐 $288-1人份「肉香の追求」和牛封門柳-頂級365日全穀飼黑安格斯牛小排 (+$188)-野菜拼盤兩款肉類既肉味都好濃郁，口感亦不錯，充滿壽喜燒汁嘅香甜，好食😍 蘸上生雞蛋後又有另一種風味～蔬菜拼盤除咗蔬菜、菇類同豆腐，亦有少量麵條，口感qq，然後一定煮到啲麵變哂色🤤 亦可加入少量清湯煮菜去減低甜度。✨日本木村富士柚子汁 $26我好鍾意飲嘅牌子，推薦埋俾大家😼