八佰屋日本料理 (已結業)

食物質素差：麵豉湯超咸，魚生吾新鮮，魚生、甜品、壽司都系吾夠凍，飯好似吾系用日本米。待應服務：待應態度“愛理不理”，果兩位應該系“老闆”。我地叫左個刺身餐一人前，餐中有個“蟹子沙律”，等到埋單都沒有來過，有追過單，只系叫等下，知架啦（ 等候時間超過45分鐘）！（到埋單個老闆都吾覺欠左個沙律）。但埋單反應超快。建議沒有空閒時候，1-2小時都吾好進去啦！

呢幾日唔舒服，又唔想食米線，所以同老公，囡囡黎左食，叫左太卷，炒什菜，炭燒黑豚肉扒(雖然熱氣少少，但每次黎到必食)，仲叫左個老公最愛的金菇肥牛卷，而阿囡就叫左個佢地新出的兒童餐，仲有玩具送

搬出美孚已5年多，今晚專登同老婆駕車再美孚一遊及晚飯，重溫昔日情懷，拍左架車喺荔枝角公園停車場，一出黎見到這間八佰屋，就決定食呢間，我都有2年冇幫襯了，屈指一算，我相信這間小店已經起碼廿多年。入到店內見佢地裝修左，有點半新舊的感覺，但也不失其小店風情，坐下後同侍應傾談中得知原來轉左老闆，但廚房師傅係舊班底，咁都放心d 。首先叫左個三文魚腩刺身，雖然賣相唔係好靚，但新鮮程度及級數都有80分，之後再叫左老婆最愛的銀鱈魚同燒牛利，加多碟炒什菜，味道同我以前食過的差不多。幫我埋單個位原來係老細，都好友善，好健談，傾落原來佢係呢度幫襯左成20年的熟客，係前年機緣巧合下頂了這店，班底同來貨全部無變，今次俾我感覺唔錯，雖然我搬左去港島區，但我會再黎，希望佢可以保持到，支持小店。

今日去美孚同朋友食lunch🍱, 求其搵左間有位既。一入去，開始有伏味，啲員工仲坐左係度傾計，好似未開檔咁⋯⋯ 🙄但我入去時，已經係12:45。見到個價錢，我就明點解會比其他餐廳少人啲，一個lunch, 大概$80-100左右😲，餐廳比較舊式，其實無諗過係呢啲價位，不過坐得舒服，還是可以接受啦。雞扒咖哩撈烏冬+青瓜絲沙律+麵豉湯 $97麵豉湯：有兩小粒豆腐(0.5x0.5x0.5)，其實好好刀風🙈 仲一小塊昆布，非常非常非常淡的麵豉味，我覺得我好似飲緊鹽水😖青瓜沙律：最尾先上枱😅？！雞扒咖哩烏冬：雞扒煎得唔錯，不過個咖哩，又是非常淡的，完全食唔到日本咖哩味😔可能係我叫錯食物吧，味道真係唔係我杯茶！

路過美孚﹐因為腸胃不適﹐不敢吃肉就決定在八佰屋吃碗清湯麵 這裡價錢較高﹐清湯麵也需$48 ﹐如改為雞/牛/豬湯麵需 $78不過這裡也奉送前菜 - 牛肉蘿蔔煮 ﹐蠻好吃的蘿蔔煮得很透﹐吸收了鰹魚湯汁﹐很甘甜牛肉也很"林" ﹐牛味挺突出清湯麵比我想像中多配菜 有點住家感覺﹐麵條煮得剛好！　煮透了的麵條仍保找麵身本來的硬身﹐而且麵條本來質素挺高﹐吃不去有點麥味木耳﹐芽菜和粟米都提供了清新爽口的口感整頓都覺得很有心思﹐而且店員也很熱心﹐服務很好有點家的感覺 

住在美孚已經踏入第6個年頭，老實說所有美孚的食肆都食過一遍，當然這間老店亦不例外。但不幸地，自從大概半年前轉手後，食品的質素每況愈下不用說，現在連等侯食物的時間也長得離譜。今晚因工人姐姐放假，懶得煮飯的兒子和我就隨便的來到這，打算吃個炒飯就回家。我們7時20分到達，是第三台客人。我們叫了平常吃的滑蛋豬扒飯和三文魚炒飯。正常來說，又不是什麼繁忙的時候，一個日式炒飯需時怎樣也不應超過15分鐘。但這次這兩個飯居然讓我們等了30分鐘。而且侍應的態度亦非常愛理不理; 其間其他客人也不停催促食物，那麼侍應也只是敷衍了事。看來他們可能生意好得做不來。建議没一,兩小時時間的人不要考慮了。

前菜小食（冷盤）：醬油茄子，沒什麼特別！牛肉炒烏冬$7x ：其實睇個樣都知唔會係好好食，同普通茶記炒烏冬差唔多，牛肉份量少。實在貴左啲！牛油果炸蝦卷$110 真係超級唔抵食啊！Feel到係hea整嘅！峰壽司嘅炸蝦卷好食好多、仲要平一大截！係屋苑嘅日本料理店，定價真係太貴了！唔知附近居民係咪都咁覺得呢？🤔🤔燒帆立貝$70 4粒：最後悔係叫左哩樣！燒得唔好食，帶子裙邊都燒到硬左。如果落海鹽燒就好啦，唔係就咁燒完點豉油食！

去完朋友屋企，諗住落樓食下啲嘢，但係美孚不摟都唔多嘢食，諗住搵間日本料理就更加難，但係就比我搵到呢間隱世日本餐廳，終於可以過下口癮！餐廳唔算大，但都足夠坐得舒服既，燈光唔會太猛，所以感覺好舒服，而且有家既感覺。服務員態度不錯，可能因為咁啱唔多人，會同我地有傾有講，好親切。茶位 ($5)一坐低，服務員遞上一壺茶同一碗小食，我地個碗係茄子，但係唔記得影，一早就比我同啲朋友食完..... 鍾意食淋嘢既人一定鍾意食呢碗茄子，佢就醬汁搭配起黎好正，一陣麻油味道同茄子混埋一齊係唔錯既！炸蝦天婦羅 ($80)個粉唔會好厚，食到蝦既原味，而且新鮮炸出黎，熱辣辣，脆卜卜，真係好正。佢會有個蘿蔔加天婦羅汁，令天婦羅更加調味。日本油甘魚刺身 應該啱啱入貨，所以都幾新鮮，而且脂肪比例同分佈都平衡，雖然做唔到出面高級餐廳既入口即化既感覺，但係好鮮甜，一舊食落去好幸福.....牛油果炸軟殼蟹卷 ($110)炸蝦唔會因為啲飯整淋左，牛油果唔會好似爛泥咁，賣相不太好，但係都ok既，個人認為啲料唔夠，份量都唔夠，但係原來配搭一齊食都幾好食既，牛油果味道唔夠出，比啲炸蝦蓋住啲味，鍾意牛油果既人事唔好比太大期望。汁燒北海

未食已經一肚氣，今日中午我們三個大人帶住一個十七個月大BB去，個女侍應比了一枱給我們，冇BB椅都算，她問我：BB食唔食嘢？我們答：食她話咁妳們要叫四個餐，我心打左個突，便回應她：妳當佢唔食吧，她便馬上收左他個位，並說咁唔食我便收走，嬲到我們同個男侍應說，他應該是老闆，我們話她態度差，他話她是他女兒，目無表情地說唔好意思，我們馬上執嘢離開，以後也blacklist呢間餐廳，我心諗出面d高級餐廳也不會逼BB叫一個餐啦，簡直就是黑x!我們原本諗住去友樂亭，但因冇打去訂枱，所以冇位比我們

今日去到美孚附近一間餐廳，食日本菜，聽閒這是一間家庭式運作的餐廳，餐廳老闆和服務員也是一家人。進了店內，服務員會好熱情有禮地招呼我們，也主動為我們介紹餐廳推介的食物。👍餐廳座位不算多，星期日會比較多人，客人需時等位。店內服務也很貼心，提供兒童餐具同凳，也會定期加茶給客人。食物品質好，料好足 （煮既時間火候剛剛好）熱量足夠，令人十分開胃，感覺也新鮮。店內寫住推薦個餐牌個啲食物，大家不防一試，因為幾好味💪🏽👍👍😋不過我今次便選擇了食豬肋骨西京燒，宮崎豬肝，牛肋骨肉，安格斯牛，牛肉鍋。個人特別推介牛肉鍋，啲牛一開始見到係紅紅地，要淥一淥佢令佢熟，就啱啱好，肉質口感爽口鮮美，很好吃！

禮拜日見佢要等位, 諗住今日去試下, 點不知中曬伏！麵豉湯好似水! 茶要收茶錢但係冇茶味！ 再加一！ 壽司d飯 又濕又難食！ 個碗烏冬 食左一啖就唔想食！ 一個字, "劣"!!!!!!!

友人介紹呢間做街坊生意的日式料理給我，我午飯即管去試試。我叫左一個午餐，頭盤有三文魚壽司一客。三文魚無乜特別，飯團都算實淨，起碼唔會散，味道正常，不過不失。主食係叉燒溫泉蛋烏冬，叉燒有少許脂肪，煮得都入味，溫泉蛋就真係煮到半熟，裡面蛋黃槳流出黎，染滿晒烏冬，令烏冬好滑溜同充滿蛋味，呢part係最好食，湯底其實無特別，只有鹹味。最後甜品係柚子啫喱，好清香，柚子味好重，食後減去唔少油膩。整體黎講，這餐廳的日式食物只是港式味道，但街坊餐廳不能要求太高。50蚊個午餐就不便宜了。

今日自己食晏, 走去試下呢間日本野, 係出面望入去好似黑沉沉咁, 但係入到去原來都幾好feel其他都已經坐滿人了, 於是我坐在吧檯, 雖然坐高椅, 不過都幾好坐, 廚師正在大刀闊斧咁處理緊條大魚, 個感覺好地道我叫左個咖哩牛肉飯, 包埋個明太子沙律同麵豉湯, 沙律由材料簡單, 包括青瓜, 蟹籽, 個沙律醬幾好, 唔太酸, 感覺清新, 而麵豉湯味道普通, 有D水呢個咖哩牛肉飯竟然比我想像之中辣喎, 唔似一般的日本咖哩, 日本咖哩味道通常比較甜同唔辣, 相對黎講呢個咖哩味好重, 個飯味道ok, 牛肉肉質還可以, 但食唔出牛肉的鮮味, 碟飯都幾大碟架, 我食剩少少最後仲附送甜品, 唔係好食得出係咩味, 有d似百香果, 由於小妹唔係太喜歡食啫喱, 又有d飽既關係, 呢個甜品對我黎講麻麻地啦.下次黎幫襯試下其他野先!

站在八佰屋門外，總覺得門面有些殘舊，也有些陰森。金漆浮雕的招牌已經變得有點破落，令我想起兒時遊荔園經過鬼屋的情境。不要以為這樣的店沒人幫襯，事實卻剛好相反，之前一次無法登門而入，今晚尚餘吧檯兩人座位，也算是好運吧。店員把前菜和熱茶端來，通常前菜都是一人一碗按人頭計算，像今日兩人一碗的好像從未遇過。日式薯仔牛肉雖然說是尋常家庭菜，但煮得好卻並非容易，比方今晚的，就嫌薯仔有點生，牛肉有點乾硬大件，醬汁也清淡了點。想吃海膽三文魚子茶泡飯，無奈今日沒有。無論如何都想吃茶泡飯，所以改為點了三文魚茶泡飯($65)。三文魚端來的時候跟魚生一樣清澈透亮，拿起茶壺把茶湯倒下去，三文魚的顏色慢慢變樣，放一點山葵，刺激了味蕾，也緩和了起伏的情緒。

又黎到食Lunch時間，今日同事們想食日本野，於是就去左食八佰屋啦。去到我就叫左個價值$60的魚生飯B，魚生飯B的配料包括有：三文魚及熟蝦。因為係套餐的關係，所以仲有麵豉湯、雜菜、甜品。先講魚生飯的買相麻麻，三文魚唔太新鮮，有好多邊邊位，而熟蝦太老質地太硬，食落口好似有渣，口感認真麻麻。而麵豉湯淡而無味，仲淡過平時自己沖個種，雜菜都係麻麻，入口有陣腥味。總結：服務態度時好時唔好，午餐時間一定要等齊人先準入，少一個人都唔洗旨意有得入座，魚生質數一般，又唔新鮮，所以唔好抱太高期