八妹雞煲

营业中

休息中

八妹雞煲喺大埔都開咗好多年，成日都想試，今晚終於有機會了。店舖都好大好闊落，裝修風格懷舊別致，非常有心思。先點一壺竹蔗茅根，兩個人夠哂。秘製八妹雞煲🐣必試嘅當然係招牌八妹雞煲，辣度有六款選擇，仲可以揀多麻少麻，非常貼心。我哋兩個人點咗半隻，小辣多麻。雞煲嚟到嘅時候，店員會幫手將雞同配料拌勻。雞煲賣相好靚，見到都流晒口水。味道有驚喜，係甜甜哋少少辣超惹味啲雞食到咁上下，加少少湯就繼續打邊爐！即炸響鈴真係即炸㗎！熱辣辣脆卜卜，吸收咗滿滿嘅美味雞煲醬汁，真係不得了滑牛滑牛比起肥牛更加吸湯汁，口感嫩滑，都唔錯豬爽肉豬頸肉名副其實，口感好爽牛柏葉雞煲打邊爐都必點嘅牛柏葉，口感爽爽又索汁鵝腸鵝腸份量都幾多，慢慢食吓食吓都仲有出前一丁最後都係忍唔住點返個麵，因為個湯底實在太正了

今日放假入咗大埔探朋友順便一齊食餐飯,佢帶咗我去佢經常幫襯嘅八妹雞煲,地址喺大埔舊墟直街美新大廈地下去到餐廳地方好闊落,裝修得好特別,有懷舊香港feel ,坐位空間感好足夠,喺度食飯傾計感覺都幾舒適餐廳主打雞煲,性價比好高,花膠雞煲半隻238蚊聞到隔離枱的色香味俱全,因為我唔太食辣,所以今日選擇咗打邊爐,湯底清清地芫茜皮蛋$98元手切肥牛大 $278元,手切肥牛分量都好多,望落去已經知道好靚,肥瘦均勻,入口牛肉味好香濃,有入口即溶嘅感覺,加上脂肪嘅油花,令到牛肉味更加突出。蟶子皇 $148 元,拖一拖水已經食得,入口肉質爽脆味道鮮甜,蟶子有番咁上下大隻,食落去特別有口感。 脆肉鯇魚骨腩 80 元,骨腩係我嘅至愛,入口魚肉味香濃加上腩位嘅脂肪,食落去特別香口惹味,魚肉爽脆鮮甜食得出好新鮮。雞子 58元,雞子分量都算多,58蚊性價比真係好高。最後嗌多個唐生菜,生菜都係好新鮮食落去好爽甜飲品就點樣杯椰汁冰,少甜少冰 32元,味道都好清香,椰子味香濃,加上冰冰涼涼,非常正

今天我們來到了大埔舊墟直街的「八妹雞煲」，這家餐廳以其獨特的雞煲和火鍋聞名。餐廳佈置是懷舊風格，以六七十年代的佈景、招牌或街道，每個角落都係打咭位，在懷舊氣氛包圍下，令人眼前一亮。首先，我們點了麻辣青瓜，這是一道非常開胃的前菜。青瓜配上辣椒和花椒，味道非常香辣，但又不會太辣，又有少少酸甜，非常適合打開咪蕾。接著我品嚐了他們家的招牌菜秘製八妹雞煲，這道菜是這家餐廳的招牌菜，也是我非常期待的菜品。雞肉伴上紫洋蔥，用秘製的湯汁混合，味道非常鮮美，湯汁中的香料和辣椒讓雞肉好入味，更加鮮美可口。雞肉嫩滑吾韌，讓人回味無窮。吃完雞煲，加湯變成火鍋，加入喜歡的菜式。鮮腐竹經過煮熟之後，變得入味，吸收湯汁之後味道更加吸引。軟淋口感帶有豆腐香味。墨魚滑賣相吸引，加入魚仔外型變得討好，而且口感更豐富及有增加嚼口。手切肥牛具有纹理清晰、肉质细腻、肥瘦相間，肥肉和油花分佈均匀，非常新鮮，肉質鮮嫩入口滑嫩，味道也非常棒。竹蔗茅根湯，清香可口，是一道非常好的湯品，配合火鍋有降火解熱的功能。生菜增加維他命C帶來健康元素，為晚餐增加健康色彩。總體來說，服務到位，侍應有主動及時為客人換碟，上菜速度有效率。是個愉快的用餐

有日同朋友傾起想食雞煲，身為大埔人的佢就推介左依間在大埔廣為人知的雞煲店比我。今日就去左試試。店舖的位置都幾易搵，而且附近有好多錶位可以泊車，所以都幾方便。入面的裝修都幾有特色，好有舊時的香港感覺內有不少霓虹燈、招牌，恍似置身於80年代的香港一樣。如果入到去咩都想食，不妨參考下八妹雞煲的十大必食牌。我地叫左個秘製八妹雞煲（半隻雞）order 小辣，一送上枱姐姐會幫我地炒兩炒，炒下d配菜，一炒就香氣撲鼻，即刻好肚餓好想食🤤八妹的雞煲果然不錯，雞肉嫩滑可口，而且d雞好入味，食完一舊再想食另一舊。加上本人好鍾意食配菜，芫茜、紫洋蔥、芹菜炒一炒完全索晒雞煲汁的味道，又辣又甜、好惹味。喺Menu度見到竹蔗茅根即刻要嗌返一酌黎飲，即刻覺得打邊爐冇咁熱氣。A級安格斯肥牛（小），好有牛味，燙幾十秒就可以食，好鮮。同埋叫左2人必點的什餃（雲吞/韭菜餃/魚皮餃）打邊爐都不可缺少，雲吞和韭菜餃都係人手包，餡料好足，咬落去多好汁，雲吞勁多蝦😬。另外亦叫咗油麥菜，菜的份量很多，新鮮。上菜上得好快。職員亦都有過嚟介紹話出面有小食和醬油。小食係脆脆雪糕筒、麻辣花生，用嚟送酒飲好夾，而且是任添。見到枱枱都有叫即炸響鈴

失望☹️之前間唔中都會食吓，好耐冇食，最近再去食返我哋叫咗一隻雞煲;雞煲嚟到，份量少都係其次，一隻雞嘅份量，竟然得一隻雞膇，我哋搵晒成個煲得兩件雞髀肉仔🍗，其他全部都係雞胸同雞骨😑，真係好想問吓點解Menu上面可以寫自己係一隻！最後，埋單嘅時候，找$30，佢哋竟然全部比硬幣我😡，但我行過收銀處，見到佢哋係有好多紙幣💸，想收tips都唔係咁過分 ; 好食服務好自然會俾貼士，你打到咁散，只會令人反感🤢雞煲味道依舊，嘢飲同牛肉都正常，但整體真係好失望，好過分💔

放工嗱嗱聲衝入大埔去食雞煲，之前喺旺角食過八妹雞煲，一路都念念不忘佢香濃嘅醬汁😌佢店內嘅裝飾充滿香港懷舊嘅味道，地方寬敞有特色🪩今晚order咗一隻雞，微辣少麻雞肉嫩滑多肉，醬汁超級香濃，雞肉完全唔需要點任何調味料，煲內有大量洋蔥、芫荽、香芹，非常入味混丸魚蛋、貢丸、墨魚丸、牛丸每樣有兩粒可以試晒4種丸類，啱晒每樣都想試嘅我什餃雲吞、韭菜餃、魚皮餃鮮蝦雲吞蝦肉爽口彈牙，韭菜餃大大粒口感食清新足料，魚皮餃就比我朋友食晒🥲鮮滑牛肉肉質嫩滑稔身，好大碟，打邊爐必點西班牙豬腩片厚度剛剛好，肥瘦相間嘅豬腩片再加上香濃嘅雞煲醬汁，非常惹味娃娃菜食咗咁多肉，要點返個菜清清腸胃，娃娃菜新鮮份量多，食埋個菜已經好飽紅薯粉煙韌Q彈嘅口感真係打邊爐嘅絕配👍🏻📍八妹雞煲 (大埔)大埔舊墟直街4-20號美新大廈地下A1號舖人均消費：$300-400食物：⭐️⭐️⭐️⭐️⭐️環境：⭐️⭐️⭐️⭐️⭐️回頭率：⭐️⭐️⭐️⭐️⭐️

「八妹雞煲」裝修寬敞，店內帶有香港懷舊特色，增添一份特別的氛圍菜單上的主打 - 招牌雞煲，半隻雞$168元 有唔同辣度選擇我今次簡左微辣，整個湯底味道都好濃郁，滿足👍🏻。如果你唔想食雞煲，都有其他湯底可供選擇🫱🏾每位$12元醬料費，有花生和脆脆小食，撈面一流！即炸響鈴，系店內招牌出色。蘿蔔鮮甜👍🏻👍🏻厚薄剛好，可以平衡其他食材的味道。牛柏葉大大塊 爽水 新鮮 正👍🏻👍🏻淥完好入味桂花蚌鮮嫩多汁，肉質鮮美，帶有淡淡的甜味和香氣蟹籽墨魚滑碌完爽口彈牙，所有食材都十分新鮮👍🏻凍檸柑桔高質食材 雖然系散叫 但系絕對好過一d放題嘅食品質素 仲有唔同嘅海鮮選擇 座位闊落 適合一班人，一起打邊爐聚會最後埋單大概$670

好多年前仲讀緊書既時候 有同朋友嚟過呢間大埔八妹雞煲！裝修當然已經唔同哂，依家環境靚咗 有特色好多！係懷舊風😆😆 冷氣都好夠 特別係咁炎熱嘅夏天 呢點真係好重要👍🏻👍🏻一坐低 就有員工埋嚟俾張QR code 落單 我哋梗係嗌佢地既秘制雞煲啦！揀咗要半隻雞 因為一陣打邊爐想食多啲餸 所以半隻雞就夠哂啦😋 可以留返多啲胃食多啲野🥳我想講 啲雞真係好滑！！又夠哂味，餸白飯簡直一流呀👍🏻👍🏻👍🏻 一人一碗飯都唔夠呀 要嗌兩碗🤣🤣🤣 因為啲汁真係好好味😋不過唔好 好似我地咁一次過嗌哂雞煲同打邊爐既料 因為會一次過送哂上嚟，記得食完個雞煲 想打邊爐既時候 先好落單呀～～ 最後 有位啤酒姐姐走嚟話依家啤酒做緊promote，我地就嗌咗杯1664飲🥳呢一餐飯真係食到好飽又好味！！😋😋

尋晚同幾個朋友去食雞煲，好食，都好快上，最後埋單千幾蚊，拎張卡出嚟果陣職員話只可以現金，我同啲朋友好愕然………而家食肆竟然係冇得比信用卡…… 冇八達通同埋支付寶都算……… 本身未打算埋單時，仲諗住嗌多幾支啤酒同嗌多啲嘢食吹多陣水，好彩無嗌喳……… 真係啱啱好千幾蚊現金比錢………

↘秘制八妹雞煲 (一隻小辣) $258辣度可選不辣至勁辣，今次選擇小辣，適宜食唔到辣嘅朋友。建議點中辣會更惹味。雞件嫩滑。有芫荽、洋蔥等配料。↘美國雪花肥牛(大) $148↘牛栢葉 $46↘脆肉鯇魚片 $63↘即炸響鈴 $48新鮮即炸，由多層激薄腐皮製成，好酥脆。↘三拼 （萵荀、鮮淮山、蘿蔔片) $58醬油費 (人頭) $12有花生、脆片供應

今日入左大埔搵朋友，佢話好想食雞煲，咁啱近近地就去左試呢間喺直街嘅雞煲鋪。一入到去就覺得呢間雞煲鋪好乾淨，d裝修都好靚，有d懷舊香港嘅feel。鋪頭入面d位都好寬敞，好好坐，同埋就算夜d坐滿左人都唔會有種好嘈嘅感覺。d店員都好nice，叫嘢食嗰時，因為我有d驚食太辣，就問店員叫幾辣會好d，個店員聽完之後就建議我哋食小辣。佢仲同我哋講話如果嫌唔夠辣，可以之後再加佢地個八妹辣雞汁，十分細心。個雞煲d雞肉好滑，雞件有好多，而且每件都好大塊。本身雞煲個醬已經好香，配埋我地之後加左嘅辣雞汁十分惹味，我地兩個人食左成煲雞都仲有啲意猶未盡，食完仲想再食。之後我地加火鍋湯底轉做打邊爐，我地叫左個大嘅安格斯肥牛，真係要讚下佢好新鮮好香牛味。其他食材都好足料，每一份都食極仲有咁，仲要樣樣都好好食。我地仲嗌咗杯凍椰汁冰，都好大杯，同埋好抵飲。呢間雞煲好值得下次特登入大埔再去食。

今次嚟到大埔試下呢間雞煲，之前上網睇過，俾佢嘅裝修吸引到。以街鋪特色做主題，打卡位好多。雖然係地鋪，但附近泊車都算方便，揸車嘅朋友唔洗擔心。兩個人食，但都叫左全隻雞，因為諗住平時食雞煲一隻都唔夠喉。但今次真係低估左呢個雞煲，隻雞好大隻，超抵食。至於味道亦無令我失望。花椒八角味好重，麻度同辣度好平衡。雞煲上檯嘅時候可立即食得，雞肉無煮過老，每件都保持到嫩滑。打邊爐嘅配料都好多種類，牛肉都有三款可以揀，海鮮，傳統打邊爐嘅配料全部都抵食嘅。但因為個雞煲好飽，兩人都叫唔到好多野食，所以叫左幾樣鐘意食嘅就算。大大杯檸檬茶同椰汁冰，非常推薦大家叫，一路打邊爐一路慢慢飲。即炸響鈴，1.碟有5大舊非常脆口，浸埋湯咁食，簡直係一流如果麻麻地雞煲嘅朋友其實都可以一試，因為佢另外都有幾款創意湯底，投其所好。

其實Bookmark咗大埔呢間雞煲好耐！果然招牌雞煲八妹雞煲 半隻 $168 叫咗不辣 個汁好濃好惹味 甜甜地好好味呀呢個汁！啲雞都好滑 唔食得辣既叫不辣啱啱好😋到咗打邊爐時間醬油個啲自己出去拎野生竹笙 $78好爽 而且份量好多 好味！好索汁蟹子蝦滑 $96份量真係好多！而且蟹子都好足料油麥菜$35菜既份量都係驚喜！因為真係好多而且洗得好乾淨好新鮮西班牙黑豚豬腩片 $70呢個豬腩片肥瘦適中 唔會孩烚烚好滑好重豬味炸魚皮$36好大盤 而且好脆 打邊爐之選叫咗杯凍冬瓜茶 都係好飲好有台灣既味道甜甜地好解渴！店鋪裝修都好有心思！好有以前香港既味道Haha！建議一班朋友仔嚟吹下水傾下計食！而且services都好好 姨姨都好nice好好服務

第一次去呢間雞煲店，雞煲係唔差嘅，但未有太大驚喜，唔會想特別翻兜加左佢放係枱度嘅湯落去打邊爐，個湯好淡！仲要連淥菜都覺得好淡！埋單八百幾蚊，但淨係收現金，周圍都有電子支付，兩人食野呢個價錢好多選擇

咁得意嘅裝修，忍唔住係咁影相send 俾朋友仔，個個都話好得意，好想嚟食吓，影吓相打吓卡。當然不只裝修正，雞煲也十分正😋去大埔食乜好？喜歡食雞煲的朋友可以試試「八妹雞煲」，餐廳裝修有特色，環境乾淨企理。附近又有大型停車場，非常方便。齋睇都覺得好好味😋雞天(1隻）（微辣）$268秘製雞煲，叫得秘製，個醬汁好好味，隻雞又大大隻，雞肉又好嫩滑，火候啱啱好，唔會煮得過咗火。加上洋蔥、芫茜、辣椒等….. 吊一吊起啲味道，令到成個雞煲嘅味再濃厚一點。手切肥牛(小）$218牛肉的脂肪分布好均勻，手切肥牛最好味的地方就係有咬口，牛肉🐂味又濃。竹底茅根(一酌）$45清甜又清熱，與火鍋係絕配，而且飲完覺得去油膩，可以食更多。