八居酒屋 (旺角新城)

营业中

休息中

喺旺角鬧市一間日本料理，真係有啲出色嘅料理等緊你去發掘！😍👌🏼呢間餐廳唔單止環境舒適，而且啲食物都係一級棒～☺️首先，佢哋嘅角切魚生飯真係令人驚艷❤️魚生新鮮爽口，配埋啲軟綿嘅飯粒，真係令人回味無窮～而且價錢$88都唔算太貴👍🏻除咗魚生飯之外，佢哋嘅明太子玉子燒都值得一試！🙆🏻‍♀️玉子燒軟滑多汁，而明太子嘅微辣味道又為整個菜式增添咗唔同嘅層次😆如果你想試下啲更加特別嘅料理，不妨揀返大根煮牛舌同火焰三文魚脆脆卷👍🏻大根煮牛舌帶有微微的甜味，加埋啲滑嫩嘅牛舌，真係入口即溶！！！而火焰三文魚脆脆卷則帶有獨特嘅風味，外脆內軟🫶🏻總括嚟講，呢間位於旺角嘅日本料理餐廳，絕對值得一試！無論係食物質素，定係服務水平，都絕對唔會令你失望！☺

趁星期五收工多啲時間去左樓上鋪搵下有咩好野，見到老闆娘係門口極力推薦就入左去試。環境日本風，聽老闆娘講因為租金貴但又吾想用加價黎減成本所以新搬到嚟呢度 幾有良心👍見職員極力推介上面個厚燒牛舌同魚丼飯，我地就跟足指示落單😂先上個8件壽司，個人覺得最好食係帶子壽司同池魚壽司。帶子超大粒口感好有層次完全冇腥味，池魚就好香油香味。呢度嘅壽司有個特別處係個醋飯比平時出邊日本餐廳食嘅會細舊一啲，整體食落冇咁漏，值得一讚👌呢個魚丼飯性價比好高😋98蚊食到lam lam脷重點推介真係呢個牛舌，夠灑厚好有咬口，食落好爽想食完一舊即刻再食😭個人就會中意唔配芥辣醬，因為本身食材已經好好👍另外叫咗雞腎，豬腩肉串燒同炸蠔，同樣出色🫡最後配杯香印提子酒無得輸😎擺落枱果下香印味巳經撲鼻而湧整體用餐感覺好好，老闆娘周不時會過嚟同你傾偈😄

星期五放工係旺角做facial，之後約左朋友dinner。去左間上樓既居酒屋， 旺中帶靜。 餐桌以木系為主，日式極簡風裝潢令人舒服自在。 食物種類非常多元化，有壽司、串燒、鍋物、丼飯等。明太子玉子燒 $60玉子燒蛋味香濃而且十分嫰滑，口感綿密鬆軟，仲要配搭埋明太子醬微微炙燒，咸香惹味。火炙三文魚壽司 $28肥美既三文魚 ，經火炙後鮮味提升，聞到陣陣焦香味，口感豐富。岩鹽炙燒三文魚腩壽司 $36三文魚腩炙燒後魚油更濃郁香氣，肥美嫩滑，入口即溶，加上岩鹽更顯油脂感，超級好味! 想再encore 😋!金龍燒 $75牛油果口感綿滑，中間捲住香脆既吉列炸蝦，口感豐富。面頭加上蛋黃醬作點綴，滋味滿滿。鹽燒牛舌 $58牛舌十分厚身😍，牛肉味夠晒濃郁，軟嫩多汁，豐富既油花，簡單以少量鹽調味已經好正！八居蟹王炒飯 $148見到呢款菜式係時令推介，果然唔錯！飯粒炒到粒粒通透乾身，夾雜住鑊氣同埋油香，仲有絲絲蟹肉同薑絲，非常惹味。

八居酒屋👻想食日本野係旺角好多選擇今次揀咗間性價比好高既居酒屋依個質素真係好抵食壽司串燒丼飯都有下次都可以再約frd黎食😙.🔅牛肉壽喜燒鍋 HKD 128鍋入面牛肉既份量都唔少雖然唔係入口即溶但係大大份都幾有口感個壽喜燒汁甜甜地唔錯整體黎講性價比幾高🤩🔅三色刺身丼 HKD 98三色刺身有三文魚劍魚同甜蝦刺身都係厚切一啲都唔孤寒最緊要係刺身夠凍甜蝦新鮮又好食🔅 香蔥拖羅蓉軍艦（2貫）HKD 42淡粉紅色既拖羅蓉真係好正入口勁creamy真係不愧為我最鍾意既壽司🤭🔅忌廉蟹肉薯餅（2件）HKD 32新鮮熱辣炸起入面忌廉同蟹肉好夾作為小食一流🔅鹽燒雞翼串（2隻）HKD 24🔅自家製免治雞肉棒（1本） HKD 38另外再加咗兩串串燒燒既火喉控制得幾好雞翼燒到外脆入嫩😛.整體來說:抵食之選 性價比高😚.🎈 八居酒屋 (旺角新城) (旺角)旺角彌敦道594-596號旺角新城5樓

復活節連續幾日假期，為避開人群，決定留港消費，這晚到了旺角的中心點，彌敦道信和中心隔鄰的樓上舖日式餐廳。甫踏出門就看到餐廳的宣傳牌。內裡地方寬敞，純日系裝修，感覺舒服。牆上還寫有當天餐廳推介，讓顧客一目了然。翻開餐牌，價格都是走大眾化路線。原來這裡還適合幾位老友把酒談歡，因餐牌有任飲推介，性價比絕對比得上一般酒吧，難怪鄰枱有幾位大男人在邊吃邊喝。開始到我們的正餐了，為了開胃，我們先點了一客芥末八爪魚，這個口感和味道，絕對適合佐酒之選，但可惜我倆都有輕微不適，還是留待下次再喝吧！再來仍是泠盤的芥末海鮮沙律，蔬菜和海鮮都十分新鮮。吃完冷盤是時候吃熱食了，點了這裡推介的牛肉壽喜燒鍋，份量認真不少啊！牛肉和配菜味道都十分入味。吃了熱食，應該吃點飽肚的吧，於是叫了一客角切魚生粒粒丼，同樣份量十足，三文魚粒新鮮味美。看見鄰枱有一份看似甜品的食物，一問原來是雙重芝士厚鰻卷，其他日式餐廳比較少看到，於是也點了一份，果然非常可口。

旺角新城樓上舖嘅居酒屋🏮位置都幾多而且坐得好舒服好闊落！QR落單，主打串燒，魚生但見到都有丼飯，如果唔食魚生都可以揀烏冬添同朋友叫左個蟹王炒飯炒得好香粒粒分明又乾身，而且都好多蟹肉食落好正👍🏻桃酒嘅桃味好香唔係好假嗰種而且甜度啱啱好，酒味唔會好濃好易入口仲試左杯香印提子酒比起桃味更加香甜但都好好味😌同朋友飲返杯但唔想咁重酒精味嘅呢啲絕對係推薦👍🏻-海膽三文魚籽茶碗蒸蛋又香又滑，海膽都好新鮮🤤牛舌好嫩而且燒得好香🤤🤤🤤芝士年糕4小件份量啱好唔會好油膩，煙煙韌韌-餐廳仲有啲二人套餐可以食到唔同菜式環境舒適好適合同朋友喺到食飯飲返杯☺️

今日約咗朋友輕輕鬆鬆想傾吓偈揀咗呢間睇旺角新城嘅居酒屋上到去環境都好舒服枱與枱之間嘅空隙都相當合適枱面上面會有實體嘅Menu睇啱之後，我哋就喺QR code落單佢嘅食物種類非常之多由壽司刺身去到串燒丼飯都一應俱全鍾意飲酒嘅朋友更加可以試吓佢嘅清酒清酒嘅種類選擇，亦都非常之多我哋叫咗個刺身沙律角切刺身配上新鮮嘅蟹籽另外個沙律汁酸酸甜甜非常之開胃蟹籽牛油果吉列大蝦卷嘅配搭亦都非常之好大蝦新鮮即炸，上到嚟仲熱辣辣配搭埋牛油果嘅口感同埋沙律醬蟹籽嘅質感口感非常唔錯甲羅燒配米通蟹膏味道非常濃郁配搭埋脆米通嘅口感一軟一硬，食完之後蟹膏味道仲會停留喺口腔燒三文魚鮫非常之肥美配搭埋佢準備嘅蘿蔔蒜檸檬同埋酸汁可以中和返三色刺身飯刺身嘅份量都好足牡丹蝦嘅size亦都好大件食嘢嘅過程中店員都會時不時過嚟幫我哋加水服務態度非常之好

今日同朋友仔係旺角買嘢到lunch time就來食個飯。兩個人點了兩個套餐，好抵食。角切魚生粒粒丼飯幾新鮮，飯上面鋪著三四種刺身，有三文魚，吞拿魚，三文魚籽。魚生件件切得厚身肥嫩，加少少魚生醬油同芥末混合，食落每口飯裡都有刺身，都幾滿足，可以消除頭先行街的攰～套餐裡還有一小碗麵豉湯，一個茶杯蒸蛋。麵豉湯稍微有小少鹹。蒸蛋都好嫩，底下有蟹棒，切成細細塊，味道正好，唔鹹唔淡，好快見底。蒲燒鰻魚丼饭有两大块鰻魚，單看賣相已經很吸引🤩燒汁足，鰻魚厚身，咬落很嫩很香口，配搭白桃🍑疏打非常清新解膩。追加的芝士蛋糕🍰非常細膩香滑，細細一舊份量正好，不會太膩。榴槤炸彈名副其實，榴槤味好濃，酥酥脆脆都幾好味。

呢間餐廳喺旺角，同朋友行街行得攰就上嚟呢度繼續慢慢食嘢同傾偈！貪呢度可以坐耐啲！蒲燒鰻魚丼鰻魚上面的蒲燒醬汁賦予了鰻魚獨特的甜味和炭燒香氣，配上蓬鬆的白飯，口感豐富且滿足。搭配日本蘋果汁，可以為餐點增添一絲清爽的口感。追加一道小吃忌廉蟹肉薯餅這款薯餅外皮金黃酥脆，內部則包裹著濃郁的蟹肉和奶油，帶來奢華的口感！唔算好多粉都有足夠嘅蟹肉味道！角切魚生粒粒丼是另一款午市選擇，它以新鮮的切塊生魚片為主角，有唔同品種嘅魚，包括我哋常見嘅三文魚魚同埋蛋！魚生好多鋪滿晒啲飯見唔到穿窿值得一讚！茶碗蒸口感綿密細滑，配料包括鮮嫩的蝦仁、香菇、紅蘿蔔等。這些配料在蒸製的過程中釋放出獨特的香氣，與蛋液相互融合，仲有少少鰹魚湯嘅味道，使茶碗蒸的味道更加豐富。茶碗蒸也是一道營養均衡的菜餚。蛋液中含有豐富的蛋白質和維生素，感覺好健康健康冇負擔！我喜歡帶點酸味的飲料，叫咗乳酸梳打！是一個不錯的選擇！

朋友話想搵間靜靜地嘅日本餐廳傾吓計，Openrice見到呢間嘅環境同嘢食都好似唔錯，價錢亦都唔貴，即日book枱仲有折添～.入到去環境幾舒服，裝修得幾日式，靜靜地幾適合傾計，朋友話冇揀錯地方～ 前菜叫咗個蟹籽沙律，中規中矩冇乜特別。飲品方面朋友就叫咗杯乳酸梳打，唔會話太甜，不過我就鍾意無糖多啲，所以冇叫嘢飲，飲熱茶就算。.主食叫咗個角切魚生丼，都係啲正常野。仲叫咗個雞皮餃子，顧名思義外面就係雞皮，但入面個餃子餡同普通餃子唔同，有啲好似筍或者馬蹄爽爽地嘅材料，同外面軟腍腍嘅雞皮形成強烈對比。.另外牛油蒜香炒雜菇同銀鱈魚西京燒好有驚喜。前者牛油同蒜味都好突出，個汁杰身可以掛喺啲雜菇上面，但係食落又唔會好油膩。.至於後者個皮燒到香脆，但肉質依然保留到嫩滑，燒過後之突出咗鱈魚嘅魚油香，配埋沙律醬再將個味道提升，唔係飽咗都想叫多個嚟食。.最後埋單唔算好貴，但環境舒服食物質素都唔錯，又唔會趕人走，係個唔錯嘅選擇。

今日朋友帶咗我嚟信和隔離呢棟大廈搵食最後決定食呢間八居酒屋好彩今日早咗收工 唔洗等位就可以直接入座呢度嘅食物選擇好多 有壽司 刺身 卷物 丼飯 炒飯 一人鍋等等 炎～壽司盛 (8貫)火炙三文魚 火炙左口魚邊 火炙鰻魚同火炙蟹棒各兩件 三文魚同左口魚邊油脂豐富 食落入口即溶 而鰻魚同蟹棒好厚肉 一啖入口勁滿足三文魚親子丼師傅用料好足 面頭鋪上五塊三文魚刺身同滿滿嘅三文魚子 再配埋蘿蔔絲食就唔洗怕太膩 串燒方面就嗌咗四樣 每串上面都灑上咗黑椒 但係份量恰到好處唔會搶咗食材本身嘅味道 鹽燒雞翼串 (2隻)燒得啱啱好肉質食落唔會太乾身鹽燒雞腎串 (1本)爽口又有嚼勁鹽燒雞皮串口感有彈性又帶點脆口鹽燒雞頸串(1本)第一次見有雞頸嘅串燒 食落估唔到相當有驚喜 一直以為雞頸係鞋口得嚟又無咩肉 但呢度嘅雞頸串燒肉質好嫩!!!

幾個月前黎過旺角新城食雞翼放題發現大廈原來都有唔少美食，今日試下位於5樓既八居酒屋。居酒屋同大部分和食餐廳一樣，地方唔大，有幾張卡位，其他大部分都係2/4人台，入到黎有位侍應姐姐已經好NICE咁介紹餐牌，得知餐廳既師傅原來曾經去過日本學整仙台牛舌，一於試一試。仙台牛舌價錢唔貴，牛舌質感夠厚冇筋又好有牛味，啖啖肉之餘中心既肉質比較嫩口，搭配餐廳跟既醬汁一流。成碟牛舌有成10舊都只係百幾蚊，無論係價錢定係質素都同係日本食既差唔多。推薦~~三文魚蟹籽丼三文魚蟹籽丼用料夠呎，師傅俾左唔少厚切三文魚，蟹籽粒粒都晶盈剔透，朋友亦讚成個飯都鮮甜無腥味。鹽燒雞翼/雞串串燒的味道同火候都做得岩岩好，師傅將雞翼開邊令燒起來容易熟D，少少鹽味令雞翼食落非常惹味但又唔會過咸，雞串都係燒得剛剛好唔會太柴。金龍卷金龍卷比較抵食，75蚊就有6件，牛油果本身有少少三文魚既口感，入面既炸蝦脆而不膩，上面仲有滿滿既蟹籽，性價比超高~雙重芝士鰻魚卷我自己就好喜歡喱個鰻魚卷，鰻魚夠厚身，飯既比例相對少一D，微溶既芝士加上鰻魚一齊食令成個口感都好豐富。整碟4件亦岩岩好，唔會太滯。火灸左口魚邊壽司朋友超級鐘意食左口魚，貪佢口感豐

油尖旺既食店真係多到數唔晒 , 今日朋友相約小聚又想食日式野行完信和就近近地佢介紹食過既 八居酒屋設有夾公仔機 , 供客夾中波波換取食物 , 有得玩有得食位置優越 , 就在信和旁日式嘅設計甚具風格 , 店員不多 , 但殷勤有禮 , 並會推介時令 招牌菜沒order野飲 , 但無限添加熱綠茶  值得一讚餐牌設計精美 , 日本酒類更是多不勝數order左唔夠10min就開始有野上枱汁燒雞肉串 2串 $24 - 汁醬特別 , 雞肉頗嫰滑七味雞軟骨 $22 - 軟硬程度適中 , 富含雞油香鹽燒雞頸串 $18 - 多汁鹹香 , 配檸檬汁好夾三文魚腩壽司2件 $32 & 火炙三文魚壽司2件 $28 - 富光澤魚油香 , 微妙清爽 , 火炙過後更別有一番微香焦香風味三文魚蟹籽丼 $80 - 份量合格有餘 , 三文魚油脂豐盛 , 蟹籽新鮮在口內爆發鮮味 , 飯則是日本醋飯 非一般白飯牛肉壽喜燒鍋 $128 - 牛肉 多汁而肉質飽滿 , 脂肪均匀 , 湯底材料足料 , 菜,菇,豆腐 等令湯底更為鮮美八居蟹王炒飯 $148 - 味道清新討好 , 蟹王味濃郁 , 炒飯粒粒分明 , 佐以蟹去炒 , 特別鮮甜埋

八居酒屋🏮位於旺角新城嘅樓試居酒屋，餐廳嘅昭和風格裝潢別有一番風味，而且仲有一種古式懷舊嘅溫馨感覺😆假日午市都有午市套餐提供，另可加配小食刺身等，選擇不少，重點係價格親民貼地，最平只係$48起🤭🤭我地揀咗兩款lunch set ，加配小食特飲已經相當豐富🤗蒲燒鰻魚丼 丼飯有兩大片厚身嘅蒲燒鰻魚，色香味俱備，淨係睇都流晒口水🤤，鰻魚肉厚肥美🤩🤩加埋日本珍珠米嘅煙韌口感一流，跟餐嘅茶碗蒸都十分足料同滑嫩👏🏻👏🏻銀鱈魚西京燒定食銀鱈魚扒煎至帶微微焦香感，魚肉相當嫩滑而且魚油脂含量高，所以食上口超級美味😋仲可以沾少少加咗七味粉嘅沙律醬一齊食👍🏻👍🏻白身魚厚切刺身是日白身魚係金目鯛🤩🤩魚皮經火炙後微脆身，重點係迫出香噴噴嘅魚油閃令令咁，天然魚油加上金目鯛嘅鮮味，真心世一，絕對超值🥇三文魚刺身一客兩件厚切三文魚刺身，跟餐加配價都只係$24，相當抵食又新鮮👍🏻跟餐餐飲都有好多選擇，當中不乏日本飲品選項，我地就揀咗日本波子汽水同日本桃汁🤗🤗

👏🏻👏🏻3-8婦女節有人話食請lunch，想食日本野，近近地嚟呢間八居酒屋，呢度嘅午市套餐好多選擇，揀咗蒲燒鰻魚丼，連麵豉湯、茶碗蒸、漬菜HK$ 88漬菜係兩片白蘿蔔，食到中間諗住酸酸地清一清味蕾，點知一食超驚喜，蘿蔔好淋甜，帶少少漬味酸，醒味！好好食！茶碗蒸一滑入喉；二多料，小小一碗有蟹柳、雞肉、菇，勁足料；三剛好的調味，似食緊滑滑豆腐花嘅雞蛋版😛麵豉湯又係勁多料，好多海帶、油揚條，鹹度適中，趁熱快飲😂蒲燒鰻魚丼，兩大片厚燒鰻魚，香噴噴，熱辣辣咁嚟到～睇到鰻魚真係帶點燒烤嘅樣子，啖啖肉，連埋秘制鰻魚醬汁，正！鰻魚底下嘅日本米，一睇就知好食，同埋好大碗呢～呢碗鰻魚飯足半條鰻魚，仲咁厚肉，$88好抵食🤤每個午餐都可追加小食，我哋加多客日式炸雞（2件)$28，睇吓件雞肉好大，炸得好好，唔會成口油，又啖啖肉🥰

本身想試自家沖製嘅烏龍王，但見有白桃梳打，就轉軚了🤭因為白桃真係至愛，加$18，好大杯，比平時加$3果d餐廳凍飲，多1/3分量，而且夠凍夠爽，呢餐食得好飽，好滿意的一餐，掂！