八幡屋日本料理 (已結業)

朋友M話想食放題，小妹當然樂意奉陪😎！今日我地黎到八幡屋日本料理食午市放題($158/位)，食午市放題最好架喇😌，午餐食多左咪晚飯時食返少d囉👻～店內裝潢簡約，以深啡色同黑色做主調🖤。窗邊有卡位，望落去系人來人往既街道🚶🏻，有空間感得黎又舒適😝～飲品櫃旁邊有個小角落，裝飾得比較和風🇯🇵，客人可以系榻榻米地台上用餐🍽。呢個位相對黎講好有私人空間，不過似乎要1大班人先可以坐到🙈。我地坐左窗邊既卡位，梳化位好闊落，放埋袋都仲有位淨啊👍🏻！餐廳吊起左d算盤做屏風，隔開坐位同門口🚪。餐具都1份份放好左系枱面🍴～wasabi系圓形既，好似個波波咁⚪️。呢度竟然有特別味道既Qoo紙包飲品😙！小妹攞左Qoo香蕉味豆奶🥛同埋烏龍茶～朋友就攞左可樂～三文魚刺身：新鮮肥美，魚油甘香，好好食好滿足啊😆！八爪魚刺身：味道相對比較清淡，非常有嚼勁😁。有頭甜蝦刺身：味道不過不失👌🏻。希靈魚刺身：以黃色既魚籽為主💛，連少少皮同肉。食落口感爽脆，而且非常鮮甜👅。馬刀背刺身：清甜爽口，小妹食左超多🙈～榮螺片刺身：咬落韌韌地，都幾甘甜😜。虎蝦刺身：口感不錯，蝦膠爽口，味道相對較淡🙂。三文魚壽司(左上)：三文魚味道甘香🐟，壽司

認識我的朋友也知道, 我係唔食生嘢的人, 無奈友人愛食刺身, 所以最好的方法便是食放題, 各取所需, 早前便相約友人去了位於旺角的八幡屋日本料理食日式放題. 這裡的日式放題, 時間為兩小時, 入座時間不同, 收費也不同, 收費由$158 - $218不等. 另加$50可以升級體驗. 我先點了升級體驗中的日式蒸蛋和椒鹽炸蟹仔. 日式蒸蛋夠熱, 蛋都幾滑身, 當中混入了蟹柳粒, 魚蛋片, 非常好味. 椒鹽炸蟹仔炸得夠脆身, 作為小食真是不錯, 椒鹽味幾突出, 所以好惹味. 軟殼蟹手卷. 手卷一上枱便要食, 這樣紫菜才能保持脆口. 蕃茄三文魚頭鍋. 份量都幾大, 配料是大量的蔬菜. 蔬菜吸收晒湯的精華, 湯的蕃茄味不錯, 若再濃味一點更正. 放題當然不少得炸物. 一口氣點了胡麻炸雞柳, 炸芝士年糕, 吉列炸蠔, 炸蝦天婦羅和冬菇天婦羅. 當中我最鍾意食胡麻炸雞柳和吉列炸蠔. 雞柳啖啖肉, 而且入口有淡淡的胡麻香味. 炸蠔外層脆身, 內裡蠔就嫩滑. 鹽燒牛舌和汁燒翠玉瓜. 我試了牛舌. 不算好厚身, 但勝在夠彈口, 味道也不錯. 牛油炒什菌. 一口氣食

旺角超多放題餐廳，尤其是呢個商場，今次試下呢間食物選擇都好多首先嗌啲小食試下，平時出街覺得食枝豆好唔抵食，好彩呢度可以任食，終於可以比我過下癮喇，哈哈！面豉湯材料豐富，有蜆、海帶、豆腐，味道唔錯軟殻蟹手卷size細細，食多幾件都唔會好快飽牛油炒雜菌，好香牛油味啊，仲係熱辣辣，啱啱炒起隆重介紹一下炸雞軟骨，落左椒鹽，超好食，我地encore左兩次，不過如果連埋檸檬就更正喇！燒多春魚都好好味雞翼好大隻，熱辣辣，唔錯冷烏冬都唔hea，係稻庭烏冬，好彈牙

情人節提早同老公慶祝， 選擇左朋友介紹的<八幡屋日本料理>食放題~ 我地6點幾去到已經半場滿，走果時已經全場幾乎滿座~ 因為提早慶祝情人節，決定加HK$50升級體驗食豪d~ 可以仼食生蠔、赤蝦刺身、珍寶帶子刺身、 火炙柚子和牛壽司、炭燒紐西蘭羊架等等...... 我最愛刺身，呢度的刺身選擇款式多，而且新鮮 升級的生蠔、赤蝦刺身、珍寶帶子刺身、油甘魚刺身 珍寶帶子刺身鮮甜肥美赤蝦刺身大大隻新鮮彈牙 生蠔亦好新鮮爽口，而且仲唔細隻 其他各款刺身都一樣新鮮美味 我最愛三文魚刺身、甜蝦、鮑片刺身 當晚每枱客人仲有每人送一客鵝肝多士， 老公知我鍾意食，將他果份都俾埋我~ 而升級的日式蒸蛋好香滑，裡面仲有蝦等海鮮，非常鮮甜~ 老公最愛雞泡魚乾，口感煙韌， 再沾上沙律醬，別有一番味道~ 壽司方面選擇有好多， 當中比較喜歡的有軟殼蟹手卷、海膽軍艦、 米紙軟殼蟹卷~軟殼蟹手卷蟹的份量多 米紙軟殼卷味道唔錯，皮薄餡多 升級的火炙柚子和牛壽司肉質鮮嫰， 牛肉味濃郁 炸物系列 炸蝦天婦羅、芝士薯波、 蕃薯、芝士年糕等等都好味! 另外不得不說呢度的燒物都好出色， 我最

旺角是我比較少去的地方，全因人多車多的關係真的令人不想前來。不過我的朋友大多以九龍區居住為多，又是喜歡放題的一班老旺角是我比較少去的地方，全因人多車多的關係真的令人不想前來。 不過我的朋友大多以九龍區居住為多，又是喜歡放題的一班老友們。選擇兆萬中心原因好簡單，每層都是飲飲食食，一定有一間適合我們。本夜選擇【八幡屋日本料理】，放題的必選之地。不過地點要轉Lift的關係，需要耐心等候。 星期一至四(1900-20:59)$198/位，升級體驗每位加$50。每日晚市頭50位顧客送鵝肝多士一客，4位以上預訂送獨創五行壽司(必須一天前預訂)。生日優惠:4位免半位，8個位免一位(生日優惠不可與小童及長者優惠同時使用。)此店 更設有VIP房可容納8-16人。珍寶帶子 刺身帶子由外國入口新鮮保證，厚切帶子沒有過多的雪藏味道而且相當肥美不俗。 榮螺片刺身 很少地方會有榮螺片的刺身，薄切的關係容易入口而且不會有半點腥味。 生蠔 生蠔最重要莫過於新鮮度及品質，原隻生蠔有本小姐的手掌那麼大，相當抵食沒有半點沙粒又代表高品質。能夠在放題中任食，確實不錯之選。 花之戀 呈花形的花之戀壽司，利用三文魚卷下內含沙律醬

放題林立，要做到出奇制勝，令人津津樂道，必須有突出的食物或有gimmick我個人對於這間放題情有獨鍾，連帶我的另一半也如是而我倆的偏愛當然是因其只需加HKD50就可嚐升級放題，生蠔仼食，仲有其他有特色又味道不錯的小食，加上食量不大的我倆，甚為欣賞其每次的份量，不會大大份，令一向多心的我可以每款都嚐一嚐，細味一番今日我倆早來，差不多已坐得滿滿先來一個賣相美美好似個花盆般的刺身，哈又幾靚喎每款刺身我倆都點得不多，就是喜歡淺嚐多滋味丫麻，款款新鮮鮮甜鮮味足雖然未到升級體驗，但都不錯，特別係黑烏貝，好爽好鮮跟隨在後，就係升級體驗，新鮮肥美的生蠔，珍寶帶子及赤蝦刺身，帶子口感十足，赤蝦新鮮得唔會食完口痕痕，記得試過食過一間，刺身蝦唔夠新鮮，害我口邊敏感痕癢，這裡的就不會了炸蟹仔，微微的辣加椒鹽，好惹味又香口卜卜脆，成隻都食得，煮得仲好入味，香噴噴而這兩款湯好香好濃好味美粟米湯好香濃，口感滑滑，而大蜆麵豉湯味道唔會過鹹，同時不失麵豉的味道蕃茄湯三文魚鍋（2人份量）第一次食，湯濃郁，蔬菜完全充滿濃濃蕃茄湯，口感豐盈，而煎香的三文魚更是鮮甜香，肉亦夠滑，好味，而且食完都唔感覺膩最後甜品雪米糍更是不能不

老公幫我提早慶祝生日，一共7大1B ，諗住多啲人食可以試多啲野。一入到去，裝修唔錯，我有架Bb車，職員都幫我安排到個方便泊車既位置。👍🏻職員同我地講有張單要加$50先可以任食，如生蠔，鍾意食生蠔既我地，當然要加！！ 飲品我先要左我最中意既Qoo~ 真係唔錯，而家無幾間有Qoo飲～ 仲要我中意既香蕉奶奶🍌🍼，老公要左個烏龍茶，其他人要提子汁🍇。食得放題，首要當然要先點刺身🐟⋯⋯當中唔少得我最喜愛的蝦蝦蝦🦐，基本上，每次都至少食30隻！😋 仲要點下其他唔係重點既食物 如炸物 小食（筆者係生食愛好者，放題時，好少食熟食）入左紙，基本上唔洗3分鐘，已經上枱。論時間，真係好快！ 雖則話係一早整定，但咁快到，唔係間間做到👍🏻 講番我個至愛刺身～ 我地點左三文魚，八爪魚，馬刀背，帶子片等（當中包左啲要加$50先有）新鮮還可以，但略厭刺身有冰，冰到未溶雪完全食唔到。 但原來加左錢，係有多一款蝦，分別係大細之分。味道就可能雪左耐啲，就鮮味爭啲。 因為要湊女關係，相都影唔到😭😭😭生蠔就細細隻，有啲就鮮啲，有啲就有啲「梅」，呢啲就睇睇數，我就好睇食到既都係鮮。不過中意食大隻既，就唔好預係呢度食啦，始終$5

農曆新年前各有各忙，終於可以約到同朋友食個飯～因為大家都諗唔到食咩好，就不如去食大家都喜歡的日本菜，放題多選擇，所以就帶朋友去到呢間食～之前已經黎過覺得唔錯，而且價錢相宜！這裡位於旺角兆萬中心9樓，佔全層，雖然座位不多，一眼可望到哂，但坐位都不算太迫，兩人的枱子都會太細！而價錢收費就係按日子及時段計算，由$158-$218不等～這裡是以放題形式為主，跟大部份的放題一樣，有一層厚厚的點單紙，款式十分多樣化，分別有刺身、壽司、手卷、沙津前菜、燒物、炸物、小食、其他日本鍋物、炒飯、飲品及甜品等！另加HK$50可以升級體驗其他升級食物，當中的珍寶帶子刺身真係好吸引哦！先來冷盤沙律及辣味螺肉！芝麻醬蕃茄沙律：芝麻醬微酸的，配合清新爽口的沙律菜特別開胃！辣味螺肉：是我的至愛，質感好彈牙爽口，咸度適中，醬汁好惹味，一口接一口好快就食哂lu～刺身：分別點了有三文魚、吞拿魚、希靈魚、鯛魚及鮑片等，擺設都十分吸晴～而刺身下面有放著不少冰塊，將刺身冰鎮，令刺身保持新鮮～三文魚刺身很新鮮厚身，啖啖肉，亦都無雪味，三文魚味濃郁！升級體驗：當然也有點叫升級體驗的刺身～油甘魚刺身：切片好厚身，油甘魚新鮮，質地淋滑易

老實說，小妹雖是為食之人，但並不代表樣樣都食，如果唔好食既，免費都唔會食.......八幡屋放題，自第一次吃過後就未能忘懷，有空都會跟友人再訪，而且其會定期更新增加新款式，加上食物份量每一次都唔會太大，我係十分喜歡，可以多吃其他今次再黎，又有新野，咁當然有些升級食物就必定唔會錯過，加小小錢就可仼食新鮮生蠔同其他升級食物，怎可錯過！生蠔保持一貫肥美鮮味又新鮮，加上肚餓，係時候要飽肚的日式蒸蛋，味道不錯又足料刺身及多款式選擇的壽司更是必吃 刺身同樣的新鮮，鮮味彈牙的蝦，厚身的三文魚，口感十足的螺肉，款款鮮甜多選擇又有特式的壽司，米紙卷，海膽，軟殼蟹手卷仼食，味道討好，用料十足，飯及紫菜都唔會腍，各款都出色羊鞍亦是友人每次必吃，味道夠入味，口感十足又唔會過韌，而且香濃，羊味十足炸物，天婦羅，串燒款款恰到好處外脆內軟，保留當中的鮮，天婦羅蝦彈牙吉列蠔亦好新鮮燒虎蝦香而且入味燒蕃薯鮮甜另外呢款芝士焗蝦，夠曬特別，芝士香濃，味道唔會過鹹，配上蝦同吃，口感十足又味美 好欣賞，好好味 紫薯餅好正，外脆脆的，當中清甜，好食香蕉荳奶，亦甚少係外面的放題見到，拎左盒

年尾食團年飯，唔想自己煮出街真係大把選擇。兩個人，又鐘意食日本野，揀放題就岩晒。去左一間兆萬既放題店，地方唔算好大，不過都好多座位，七點嚟到已經座滿人。有分不同時段不同收費。點食物紙多到揀極都有，相信應該冇咩人可以每樣食物都食到一次。仲有野飲，甜品都係種類多。加左升級放題$50，多左張"S"既紙。油甘魚刺身，珍寶帶子刺身，赤蝦刺身，生蠔，火灸袖子和牛壽司，汁燒豚小排，炭燒紐西蘭羊架，燒味淋河豚干，日式蒸蛋，呢d真係星級陣容，特別鐘意鮮甜大粒既珍寶帶子刺身同埋好香牛味既火灸袖子和牛壽司。其實呢度每樣食番一轉已經值回票價。前菜必有沙律，螺肉，墨魚。揀左辣味螺肉同胡麻冷豆腐，細細碟唔會好飽肚。刺身選擇幾豐富，三文魚刺身，劍魚腩刺身，馬刀貝刺身，希靈魚刺身，有頭甜蝦刺身等，放題嚟講係交足功課。手卷軍艦類有自己鐘意食既軟殼蟹手卷，芥末八爪魚軍艦同海膽軍艦。另外仲有，葱拖羅手卷，鰻魚八幡卷，吉列芝士蝦卷。壽司類都幾多火炙壽司，燒得都唔錯，特別鐘意加左芝麻醬既火炙三文魚壽司，味道一流，其他火炙壽司(火炙左口魚裙邊壽司，火炙沙律松葉蟹棒，火炙胡麻三文魚壽司)亦燒得夠香。炸物(炸海老餃子，炸蝦天婦羅，南

好吃的東西，不妨多吃一次女士如我，都比較多心又貪心，或是有選擇困難症因此放題係不二之選八幡屋的食物十分精緻，款式多，而且加HKD50就可以升級體驗,如生蠔仼食等......見座無虛席就知，十分多人生蠔好新鮮，肥美好吃刺身選擇多又新鮮，當然升級的會更美味，但唔升級的還是不可不吃，特別黑烏貝刺身，很少在別的放題看見，口感煙韌十足，味鮮甜，其餘各款刺身都十分新鮮味美！吃過刺身後，始終還是想有點飯落肚，軟殼蟹手卷炸得外脆香口；拖羅鮮味十足而其餘的壽司款式選擇都多，特別海膽好鮮味，好美味再來一碗碗香口又惹味小食日式味噌煮蜆：份量少少，正合我心意，不用吃太多，淺嚐就夠，十分鮮味地獄汁煮螺：果真地獄汁，辣度好強勁，螺肉煙韌，好吃雞軟骨：炸得香脆，味道亦唔會過鹹，口感爽帶酥香食完後，又想吃點暖暖的雞泡魚乾，好好食，一定最少吃上2碟，口感煙韌可口，微微的烘口，再點上沙律醬，又有另一番味道吃得不多的我，對甜食我還是有另一個胃點了個烤粟米及小蕃薯粟米鮮甜，小蕃薯烤得外有點脆脆，內則甜又可口最後少不得焦糖烤菠蘿，外面的脆糖令整片菠蘿更鮮甜，少了份酸味，多汁可口而芒果布甸，口感很滑，而且不會太甜，適中櫻花水信玄

想在旺角鬧市中找一家便宜又有質素的食店還真的挺有難度的自從找到八幡屋日本料理後這裡就仿若變成我們的私家飯堂般了燒味淋河豚干上檯時微熱，味道鮮味濃郁分量還挺多的不過其實放題可以無限再添加的三文魚刺身、八爪魚刺身、希靈魚刺身、鮑片刺身刺身很鮮味而且很有厚度，又有咬口珍寶帶子刺身巨形的帶子切得超厚身超級鮮甜爽口火炙柚子和牛壽司和牛只是用火微微燒過肉質保持鮮嫰，而且很有肉汁牛肉味道濃郁海膽軍艦、米紙軟殼蟹卷、芥末八爪魚軍艦、鰻魚八幡卷軍艦的尺寸跟一般壽司差不多不過這樣也好，可以試多幾款比較特別的是米紙軟殼蟹卷口感味道都很不錯日式蒸蛋內有藏著多種海鮮蒸蛋吸盡了各式海鮮的鮮甜味口感嫰滑多汁椒鹽炸蟹仔很香脆可口，而且不會很乾還有淡淡的蟹味海鮮炒飯炒飯粒粒分明，味道挺不錯的鹽燒多春魚、燒日本番薯仔番薯仔很甜糯，一叫就是好幾串 ^皿^鰻魚壽司的鰻魚挺厚身的，吃進口啖啖肉，很滋味玉子壽司的玉子比較薄，也沒有太大的蛋味鰻魚壽司也是較薄身，肉質也較為乾花之戀挺有份量的，三文魚的質素很不錯炸蝦天婦羅外層香脆，內裡的蝦肉鮮甜彈牙芝士薯波充滿濃郁的芝士味胡麻冷豆腐 (一份)很迷你的一口冷豆腐可以先嚐嚐味道喜愛才再加

冇試過有一間放題係要等野食到。通常上完第一轉野食，只要 keep 住落單就會 keep 住有野食喺枱面。但落完第一轉單，先後黎左刺身壽司手卷，之後有大概6-7分鐘先黎左3隻焗蠔，但同一張單落既其他熟食就未到。要等多大概10分鐘先有其他熟食如黃金蝦。炸物如炸雞翼及餃子由落單去到送黎等左25-30分鐘。由於係限時2小時，遲上野食對食客黎講係好差既感覺。質素方面，芝士焗蠔，芝士黃金蝦最好食。三文魚不過不失，但炸雞翼無乜味，炸蠔既同芝土焗蠔一比明顯遜色。留意既係唔升級既話，熟食選擇好有限。少食生野既食客要留意。可能因為聖誕想做多幾枱生意，枱同枱之間冇乜距離，坐得比較迫。

平時星期一至四 質素都唔錯但唔知係咪平安夜關係 食物好差1）刺身唔新鮮 好硬 好似雪左好耐咁平時食好新鮮 真係好失望 而且 個蝦 黑晒 唔係紅/粉紅咁 一睇都冇晒胃口 2）焗蠔芝士唔溶 大細粒咁 質素參次 3）炸物呢個係唯一正常的食物 個蕃薯幾好食薄薄地 個芝士年糕都唔錯 有口感4）甜品推介一口蘋果果粒 名唔係好記得 但叫一口蘋果xx 果個好有蘋果味 好正 其他既就普通啦 焦糖菠蘿都唔錯