八幡屋日本料理 (已結業)

最近唔知係咪因為轉天氣，同朋友食極都唔飽，個肚好似無底洞咁！呢啲時候最好就係去食自助餐或者放題！今次係朋友帶我來食，一於試吓有幾好食啦！一坐低第一時間就睇刺身，我哋都叫左好多， 例如三文魚、赤蝦、有頭甜蝦、虎蝦，佢三文魚絕對係厚切，放咗入口之後啱啱好塞滿晒個口，小小空間都唔會剩低，成口都係三文魚感覺好滿足！另外聽朋友講呢間嘅天婦羅都好食，於是我就叫咗番薯仔、南瓜、蝦、蟹棒，仲有一個一直都好想試嘅可樂餅。可樂餅絕對值得推介，我用埋天婦羅嘅醬汁一齊點， 真係一啲都唔膩，加上出面炸得好脆但入面嘅薯仔好軟， 口感好唔錯。我哋叫咗鹽燒牛舌、黑松露雞髀菇同芝士大蝦金龍船。牛舌好有咬口，雞髀菇真係好有黑松露嘅味，感覺上似浸左成日黑松露咁，味道超級濃郁。壽司我哋叫咗火炙左口魚裙邊、火炙海膽蝦同埋迷你海膽手卷。迷你海膽手卷個架真係好可愛，同埋佢嘅壽司有好處就係唔會太大舊，你可以試到好多唔同款，唔會食兩舊就飽咗尤其是係女仔！今次想同朋友食好啲所以我哋有加升級體驗，佢會比一疊升級體驗嘅落單紙比你，我哋叫咗和牛壽司、海鮮燉湯、海膽蒸蛋。海鮮燉湯個杯好靚，一打開個蓋就已經有撲鼻而來嘅香味，我同朋友都即刻湧向前爭

幫手post~~八幡屋涮涮鍋 25/5 Venusku0318標題自己作晚上約朋友去旺角食日式shabu shabu，現場都坐左唔少人，好彩我地一早book左位，一到步即時帶我地入座。我地叫左個火鍋放題，每人分別加左錢要個沖繩海鮮清湯連兩層海鮮塔同追加刺身放題，都真係幾抵😋除此之外，其他火鍋配料、炸物、燒物、壽司、前菜、手卷、甜品同飲品都係任食，任食既食物都幾多款式，樣樣都想試下😆落完單冇耐個海鮮鍋就送上啦，店員話幫我地計時，夠鐘就會過黎幫我地開蓋，都幾細心。等緊海鮮熟既同時，我地又點會浪費時間呀！梗係出去睇下有咩食啦~出面有各式名樣既火鍋配料、飲品同甜品，好吸引，樣樣都想試。刺身方面，淨係點左三文魚，超厚片，好重油香味，仲幾嫩滑。燒物方面，海蝦新鮮彈牙。雞翼燒到岩岩好，d皮好脆。腩片肥肉分明，食落爽口，冇油膩感。壽司同手卷方面，樣樣整到細細件，等我地可以試多d款式，好細心。軟殼蟹同蝦炸得好鬆化，壽司飯都處理得唔錯，幾好食。前菜方面，芥末明太子沙律，個醬有明太子既咸香，配埋好fresh既沙律菜，好夾！食到差唔多d海鮮都ok啦，店員就幫我地開蓋等我地品嚐，第一層d蜆同青口都好鮮甜，啖啖肉

今日又一次同男朋友出旺角搵日式放題，嚟咗旺角日本料理八幡屋。預訂咗晚上八點入座，由於有訂枱嘅關係，入到黎唔駛等就即刻有位坐。兩個人坐卡位，空間非常之夠，唔會話好迫。價錢方面就兩位基本價錢，如果加錢就會有個升級體驗，可以食生蠔，刺身如珍寶赤蝦刺身等等，最重要嘅係佢嘅澳洲和牛壽司，所以我同男朋友都加左錢食呢個升級體驗。注意返一台一係就全部都加升級，一係就全部都唔好加，唔可以有啲人加、有啲唔加咁樣架！個胡麻冷豆腐係非常好味，我同我男朋友都叫咗一份，胡麻冷豆腐好濃麻醬味，作為開胃嘅前菜的確係非常好，而且份量又唔會多，都係一舊一啖。估唔到放題都有蟶子食，我哋就叫咗一份炒蟶子，炒出嚟嘅蟶子味道都幾好食，拍得住大排檔的水準。建議大家叫一份，食下海鮮，除咗刺身之外，熟嘅海鮮都好好味嘅。特別加推升級嘅體驗 ,試咗呢個澳洲和牛壽司，澳洲和牛壽司燒出嚟半生熟，入口即溶，最重要嘅係佢有大生蠔同埋大生蝦刺身。我哋寫完菜單，上嘢食嘅速度都幾快 ,差唔多一張單交左之後，等5分鐘內就已經到咗啦。刺身拼盤來講啊，生蝦刺身都算係新鮮，三文魚刺身嘅脂肪比例亦都好好，媲美得上一啲出名嘅壽司店。生蠔來講，我個人就唔係好識得食生

在兆萬九樓的八幡屋日本料理最吸引我的地方就是它的升級體驗!!加少少錢，選擇已經大大提升，還有焗龍蝦送。升級體驗中，要數生蠔和油甘魚刺身最為吸引，多食幾隻生蠔，已經簡單回本~再者八幡一品海鮮燉湯都是我非常推介的，鮮甜濃郁的海鮮湯中更有花膠!!!!日式海膽蒸蛋中的海膽份量比手卷更多!!而升級後更有心太軟作為甜品~全部都非常好食，不過都是製作需時的食品，建議升級後立即點選落單，之後再看放題基本價去點餐紙~其實基本食物點餐紙的選擇已經非常豐富，刺身就已經有10多款。另外，熟食之中，愛吃辣的話推薦地獄汁煮螺，夠辣!!豉汁炒蟶子則是滋味無窮~~~!汁燒羊架和鹽燒大虎蝦更令我愛不惜手!!!!甜品方面，意想不到會有日本人氣櫻花水信玄餅!!!好味道之餘，非常適合影相呃Like~~飲品最特別之處是提供冷熱日本清酒~~~不另加收費~配刺身一流。最後，店內環境舒適，座位夠寬敞，適合一大班朋人，朋友聚會~~

早前同父母去呢間野度食午市，貪佢158+1可以食三個鐘好抵咁其實筆者係荃灣人，咁都有時會見D食評話旺角放題幾好幾好，試過呢間之後又覺得好似同想像中唔太一樣講D好野先啦，其實158+1一位可以食3小時又真係好平，卡位都好闊，坐得好舒服D野食都係細細件好打意唔會令你好快飽食唔落其他野，呢點幾好嘅！雖然母親大人唔太喜歡咁樣嘅做法，覺得孤寒左D不過本人覺得留多D胃試試唔同嘅食物都幾好，見仁見智啦！D蟹籽好脆好正炸蠔都好食！但係其實午市就冇咩野可以食……而且去到見到人好少其實都明伏伏地加上Facebook冇update資料好誤導性lor，本來以為有多春魚同芒果布甸，為左滿足母親大人嘅口腹之慾先去到旺角。如果知道你地一早取消左其實留係荃灣區都OK啦天婦羅真係好唔得，唔脆兼炸粉好厚唔好味嘅……神秘氣球甜品其實係啫喱，咭開個波四分五裂，食起黎好唔方便牛肉類感覺都唔soft，有少少難嚼其他就一般般不過不失啦！下次應該都唔會再考慮出荃灣區食放題，認真覺得旺角D都唔係出色好多咋嘛冇謂比多份車費啦

學生仔約我食飯，就交俾佢訂位、安排。他們挑了這間位於兆萬的八幡屋，老實說對於兆萬的餐廳，總是有點忌諱！全因伏了不止一次⋯⋯一出𨋢，侍應熱情招呼，被安排坐卡位，都幾闊落。至於食物方面，都尚算多款，可以接受刺身尚可接受，都新鮮，無伏，但帶子好細粒，款式又不夠多。炸物有驚喜，尤其魷魚圈香脆，得來裏面又唔會太乾，又唔會太鹹，好味串燒都有質素，肉質juice 唔會過火，唯種類太小，蔬果欠奉蜆同蟶子都麻麻，聲聲地汁料又麻麻地好食。神秘甜品，原來係氣球啫喱，味道都唔錯有啲新意整體來說，價錢係比其他地方食放題平＄50左右，對於學生來講係幾吸引！不過，如果要追求款式、味覺嘅享受，又或想食餐好嘅，又或者唔介意貴少少嘅，我覺得旺角可以有其他更好嘅選擇！可唔可以從新考慮這間放題，就睇你有咩要求啦！

每一個星期都會喺旺角食一次飯，今次又去到「旺角兆萬」試吓第二間放題。見到咁平，星期一至四八點後$198一位，仲要任食兩個鐘，真係乜都抵哂呀！上到去已經差唔多滿晒座，好彩我哋早幾步姐，入面已經有好多人，過咗幾分鐘之後出面已經有好多人喺度等位。坐低左之後，望望下原來有個升級Menu，每位只係加＄50，就可以食到佢啲升級食物，特別係有生蠔、羊架、海鮮燉湯同埋珍寶蝦刺身等等，正呀！😍大部份都係我至愛，仲要係貴價食物，所以我哋兩個齊齊升級體驗。首先嚟咗個「八幡一品海鮮燉湯」同埋「日式燉蛋」，店員將食物放落張枱，我哋已經聞到好香，好似花膠湯既味道，行咗咁耐街，梗係首先要飲咗碗湯潤下喉嚨先，飲飲下真係飲到幾塊細細塊嘅「花膠」啊👀😱，真係花膠啊！仲要有一條好好食嘅半肥瘦肉，肉條燉到好林，仲要係好入味啊啲湯，飲得出用咗好多材料燉出嚟嘅湯，另外入面仲有少少冬菇，成碗燉湯好滋潤！所以我哋決定再encore多兩碗，既可以補靚樣又補身，正。😋此外「升級體驗」嘅食物質素真係非常好，樣樣都好食，首先就係三款唔同嘅刺身，分別有「油甘魚」、「珍寶帶子」同埋「赤蝦」，刺身非常新鮮，冇腥味，而且望落去好乾淨，絕對係可以放心

咁岩行開兆萬 所以夜晚都決定喺度食飯，望到有唔同嘅傳單 最後都係決定咗食呢間。一入到去個環境有好多日本嘅擺設，唔似一般嘅放題店會好嘈，反而有好靜嘅空間同朋友傾吓計。估唔到真係有得自製章魚丸，之前諗住同男朋友去銅鑼灣整，結果今次放題都可以試到！呢間放題比足材料自己整，仲有唔同醬汁可以加上去章魚丸到，最緊要係自製章魚丸係送既又可以玩到！呢到有好多唔同嘅飲品選擇，側邊仲有唔少小食可以拎，仲有好多張紙可以揀嘢食。一嚟梗係揀咗刺身食先！俾足料刺身好新鮮！ 刺身冇腥味 好鮮甜。另外值得一讚嘅係壽司，花之戀，火焰蟹柳都正！花之戀嘅三文魚好肥美 唔似出邊放題既好薄，另外火焰蟹柳好實肉 有鮮甜嘅蟹味 一咬落去唔會散咗，質素好過出面放題。另外升級體驗雖然要加＄50但見到生蠔，羊架，珍寶帶子同蝦都覺得抵！全部都係我嘅最愛！珍寶帶子真係好大粒，賣相好吸引睇落亦都好乾淨。 所以好放心咁食咗好多！到咗小食類 咖喱魷魚同地獄東風螺都值得推介叫完再叫過！辣度對我來講啱啱好！ 咖喱魷魚口感好爽口一啲都唔un，另外東風螺都冇沙，好入味，唔係就咁加啲辣油就算數！天婦羅都係即叫即炸 食起嚟都仲係熱嘅燒牛舌同豬頸肉唔會話淋唔會

旺角放題必定係諗起兆萬，兆萬一楝有咁多間放題，點解偏偏就揀八幡黎食呢?因為..好簡單哈哈哈，加$50就可以升級任食生蠔，淨係呢個原因都夠啦！升級除左任食生蠔，仲有任食帶子同埋特大甜蝦！生蠔入口都算順滑而且冇咩腥味，任食黎講，生蠔都算叫幾大隻！第1ROUND仲叫左帶子同埋特大甜蝦帶子口感十足，鮮甜特大甜蝦份量夠晒大！特大甜蝦真心推薦，叫左幾ROUND!除左升級左既刺身，仲叫左三文魚等等既刺身三文魚都算幾厚幾新鮮！雞泡魚乾，好好食！口感煙韌，微微的烘口，再配埋沙律醬，又有另一番味道~日式蒸蛋夠熱，滑身, 入面仲有蟹柳粒，魚蛋片等等，令蒸蛋更加鮮甜，非常好味~每次放題都必定order的焗蠔，意想不到焗蠔的蠔唔係好細粒搵都搵唔到果d！其實食左好多已經好飽，但口痕痕，都係叫多左個涼拌茄子凍而且醬汁好配合！整體來說，升級後的生蠔，帶子及甜蝦也滿意熟食都不錯，而且店員服務都幾好！

最開心係咩？當然係忙完一個星期之後同朋友去食餐正放題啦😍 今次呢間係八幡屋日本料理都係朋友介紹嘅！點解會㨂間？因為佢有生蠔同埋帶子！兩樣都係我嘅至愛！雖然呢兩個都要加錢升級，但係升級都覺得好抵!首先講下刺身先！有三文魚、甜蝦、八爪魚、北寄貝呢啲都好新鮮！佢嘅刺身都好厚身好正，夠曬凍💁🏻除咗刺身，一樣好值得推介嘅就係自製章魚燒！呢到嘅店員都好有心機，教我地點樣整！真係好玩又好食，今次第一次整真係好有新鮮感好好玩！未玩過嘅真係要試下呀！每粒都有八爪魚好大粒架😍小食我地叫咗唔同嘅炸物，有雞軟骨粒、炸芝士年糕、芝麻雞翼等等！芝麻雞翼要特別推介！佢一上已經好香，雞翼迷一定要試啦🤘🏻🤘🏻🤘🏻首先燉蛋嘅外觀唔錯，端上黎嘅時候傳黎陣陣蛋香，食一啖之後感覺味道唔錯，比平常係屋企整嘅更濃蛋味。而且燉蛋唔只有蛋白，仲有唔少海鮮，例如三文魚肉、蟹柳等，為燉蛋帶黎少鮮味，讓我地覺得好驚喜，呢燉蛋絕對值得一試👍然後我們食咗生蠔，佢嘅賣相唔錯，生蠔上佈滿唔少葱絲同辣椒碎。食一啖以後，呢個生蠔好新鮮、味道鮮美，完全冇腥味，令我地食完一隻又一隻，好滿足☺至於雪糕都有好多味，仲有雪米糍同雪條！本身仲想食埋泡芺添，但實在太

公眾假期唔知食咩好，行過瓊華友人提議之前食過的八幡屋，話刺身好新鮮同好好食，所以最後揀左呢間放題一試。上到去，見到入面唔算多人~大慨只有6成人，一去到就有位....唔知係好事定壞事...不過黎都黎左...就入去吧~待應算有禮貌，坐低有問清楚我地係咪剩係打邊爐定係加埋放題，講清楚之後就放底左點餐紙俾我地~望完曬之後，朋友立即推介刺身~咁就緊係二話不說叫...黎到之後見到都算可以，之後就開始打邊爐...選擇算多~同埋最緊要係冇人搶野....可以輕輕鬆鬆咁食...唔駛好似去難民營搶食咁..飲品款式都算多~最後仲有小小甜品同雪糕...雪糕我當日就有韓國melona...都叫做有的驚喜!總括黎講...呢間都算可以再去的餐廳..但唔係必食推介!

第一次黎呢間餐廳食放題，估吾到有驚喜我地睇到menu，加五十元就可以食到升級體驗: 有生蠔，油甘魚，珍寶帶子，珍寶赤蝦，羊架，一品海鮮湯等。平時食壽司想叫呢d都要起碼二十元一件，而家五十元就可以任食，當然要升級啦!升級刺身以大船載著，好震撼! 首先試試生蠔，生蠔好大隻好多汁，帶甘甜，唔係一d自助餐咁細細隻的生蠔，抵讚另外珍寶帶子和赤蝦好大隻，新鮮，忍唔住要再叫再試羊架，羊架肥美多汁，我好怕有d羊架香料太重，蓋左羊本身的香味。相反，呢到既羊架香料剛剛好，保留羊本身的肉汁，非常juicy一品海鮮湯很清甜，睇得出落足料! 而日式蒸蛋都好甜，好岩女仔食。燒味醂魚乾都吾錯，我係第一次食，甜甜的，好岩女仔食，可以點埋旁邊的沙津醬，不過我還是中意原汁原味。燒物方面，我地叫左黃金焗蠔，芝士大蝦金龍船，鹽燒牛舌。都唔錯，上菜時還很熱一品料理方面，我地叫左豉汁炒聖子，份量岩岩好，好香，再加青椒，紅椒和洋蔥，炒得好似大排檔既聖子咁惹味。壽司方面，有鰻魚壽司，火炙沙津松葉蟹棒壽司和花之戀，壽司做到好好，夠實，也不會做得太大件，咁就可以留反個胃口食埋其他野。黑松露蟹肉脆餅都好好味，蟹肉上有黑松露蟹子，餅夠甘香，

好耐無食過放題啦， 所以就openrice睇吓附近有咩放題食，見到呢間啲評價唔錯，就試試佢 位置上都幾易揾喺兆萬3樓搭𨋢上9樓就會揾到架啦 ， 會見到有大大個牌寫住八幡屋.  先講環境先啦，都幾闊落，唔會同隔離枱痴到實一實 到嗰陣人未多，所以我地兩個就有得坐四人卡位，枱面好大haha，唔怕冇位飲品同其他放題一樣，都係自助既，值得一提既係呢到有清酒呀，幾少見 而甜品亦有一個自助雪糕櫃，仲有其他甜品可以喺點餐紙揾到架，一陣再介紹.  好啦，講吓啲食物先, 為食既我地聽reception話加50蚊就可以升級有得任食生蠔同其他升級既野食，就梗係加食番夠本講左升級既野食先會另外有張點餐紙架, 諗住任食水準唔會好好，無諗過呢度既生蠔都幾鮮甜 食到我地兩個叫完又叫 叫完又叫刺身方面，upgrade左值得推介既有珍寶帶子刺身，又新鮮又肥美， 仲有珍寶赤蝦刺身大大隻，食起黎啖啖肉仲好鮮甜蒸蛋同海鮮燉湯就普普通通啦好！而家就講吓其他推介既野食啦, 講咗前菜先，我地三款沙律都叫晒, 三款都好開胃 將軍沙律即係有胡麻醬汁喺上面既沙律，仲有隻滑滑既温泉蛋撈埋一齊食充滿蛋香而蜜桃蟹子沙律就比較乾，但蜜桃就好鮮甜都

款式少都算啦，仲要叫乜無乜，你做放題備貨咁少點做啊，同類型同價錢系旺角區你呢間都算一絕，雪櫃仲誇張可以空左大半，得返兩三款汽水，咁都仲接新客入黎食，明系搵人笨，無下次88，，，zzz👸………………………………………………………………………………

是日同男朋友在兆萬揀左呢間放題，walk-in竟然有位+仲有好多吉枱，但男朋友話黎到又有位就儘管試下吧!睇完點菜紙，決定每人加$50，因有男朋友最愛的生蠔及我愛的珍寶帶子&赤蝦，心想赤蝦一隻都要$8-$10，我食多幾隻都回本。先黎刺身，第一ROUND幾好樣，三文魚幾新鮮又厚切，甜蝦算大隻但無嘜味。呢隻甜蝦霉霉地....上碟既蝦肉"meet"到好肉酸。******************************之後就黎加$50既升級版，帶子好大隻厚肉，合格幾甜，赤蝦就...睇落好大隻但雪味重，同埋感覺好污糟，生蠔由男朋友評分係麻麻，好多蠔殼平時自助餐佢可以食二十隻，呢度食左三隻佢已經，仲話我好叫咁多隻。******************************驚喜地有海膽軍艦，係我地至愛，但海膽臭臭地唔新鮮，青瓜好大塊好拮口=.="芥辣八爪魚好吃，上面的龍蝦軍艦都係有陣味******************************焗生蠔合格既~羊架同燒雞泡魚干都好味，幾香口。升級菜單內的椒鹽蟹仔‥無嘜肉食軟殼蟹手卷，用咁大塊青瓜來"zip"位。*********************