八幡平石燒牛扒專門店 (和富中心)

营业中

休息中

今日落左去北角和富行NIKE OUTLET, 跟手呢頭搵食.  行行下見竟然有間新開嘅八幡平石燒牛扒專門店 本身剛中都會去鰂魚涌間八幡食. 呢間新開鋪頭都大間好多. 當然要試下啦. 佢地宜家做緊試業送禮活動.  1) 8月22-9月8期間有開張優惠送帶子，每日仲有$5就食到招牌牛扒原價$85，每日4pm開始有8個名額*2) 推介 珍寶元貝 ，任何扒餐+$15都可以試到下次晚餐會試下呢個珍寶元貝. 見到門口咁多人排隊原來就係排緊$5食招牌牛扒 . 嗰時只係2:30pm,  我當然就直入食正價啦.  半自助嘅形式，沙律、飯、湯都係任拎, 特別一提, 佢地嘅湯係湯係蘿白牛肉湯超好飲超足料. 我飲左兩大碗. 沙律菜好fresh好爽脆，可以自己加醋/日式芝麻醬調味.招牌牛扒  $85     比較乾身無咁多油脂, 冇筋一啲都唔鞋.  厚身!   帶子都有驚喜超鮮甜. 牛柳  $130    好厚肉 肉味更香濃點 , 肉質會更軟淋. 如果舊石唔夠熱嘅話,仲可以請佢加熱添 佢地會好快咁幫你換. 富士山柚子汽水佢地仲有款波子汽水 柚子味，好好飲 少少甜幾可口解膩最後仲有GELATO 雪糕作結, 真係好

屋企附近開左呢間石燒牛扒!!! 見到門口咁多人排隊🆘 而且好香好香勁吸引🤩 今次同朋友黎食我地兩個都大滿足😋👍 有🉐️自己係石磚上面燒, 好玩又好食👍 (⚠️佢地8月22-9月8期間有開張優惠送帶子(勁好食!好鮮甜!哈哈哈😋😋😋)同埋見佢promote每日仲有$1食到招牌牛扒原價$85，每日10個名額😍)·🌟鐵三角🥩 $260人氣王牌組合鐵三角, 包含招牌牛扒100g, A5日本產和牛60g, 肉眼牛扒 100g, 岩曬選擇困難症人士😌 可以食曬三款肉, 唔同口感唔同味道✌️自己最鍾意A5日本產和牛😋 油脂豐富, 入口即融😭 配埋白飯真係一流, 肉眼牛扒都唔錯, 肉汁濃郁, 油脂分布較為平均; 招牌牛扒比較少油, 都係有好多肉汁不過由於少油脂部份, 口感相對偏柴, 非常適合健身人士食用😄(🏆鐵三角：A5日本產和牛> 肉眼牛扒> 招牌牛扒, 個人口味僅供參考)·🌟西冷牛扒🥩 300g $210勁大舊西冷牛扒😍 好厚肉!!! 肉味濃郁～唔會太乾，啲肉汁瘋狂爆發😂 (🏆A5日本產和牛> 西冷牛扒 > 肉眼牛扒> 招牌牛扒, 個人口味僅供參考)·🌟富士山柚子汽

牛扒份量多 但多筋 難咬 難切 多血水 無牛味 而店舖提供的調味料中 暫時沒有一種 可以令牛肉的味道提升 鐘意食野嘅我 真心覺得伏伏伏 第一次覺得份量多 唔係一件好事 食之無味 棄之可惜咬到咀嚼肌變大得不償失有圍裙係貼心 但二人座位設計唔舒服掛外套於椅背容易掂到地下 包包放椅後會容易掉到地下唯有將包包掛身上進食…… 無加一服務費係正嘅因為無服務可提供…一百幾蚊一餐 話貴唔貴 話平唔平抵唔抵食就真係見人見智 我就覺得唔抵食 食快餐店都無咁嬲🥲

🔥天氣凍凍地🧣最好梗係要食熱辣辣嘅野啦☺️我哋今日就去咗食半自助嘅石燒🔥真係好抵食呀💯🐂餐廳門口有部機自助落單✅落完單就可以去自助區拎沙律🥗熱湯🍲同埋白飯🥢埋位帶好圍裙之後😍我地揀咗嘅肉肉就已經送到面前喇👍🐂八幡平招牌牛扒 (270g)：呢個招牌牛扒上枱前已經烹調1至2成熟🔥仲有張隔油紙包住添👍我哋平時鍾意食medium嘅熟度💯自己係預熱岩石做就啱曬喇✅牛扒口感好軟嫰😍加埋啲醬汁同埋生蒜真係超惹味呢🧄🐽日本の豚扒：切到啱啱一口size嘅豚肉好好燒呀🔥燒熟嘅豚肉仲好多汁💯我地仲燒到個邊邊小小脆卜卜✅唔錯呀😌🪼巨物元貝：一定要叫埋呢粒超巨型嘅帶子呀💯輕輕煎到帶子兩面小小金黃色就可以點埋醬汁食✅yummy😍🥤烤肉又點可以唔叫罐凍野嘆吓呢😍配可樂同檸檬茶就爽喇✅

呢日收工好想食牛扒😋~見到呢間日式石燒牛扒嘅湯飯同沙律都有得任飲任食🍴,一於嚟試下~呢度嘅八幡平招牌牛扒實在係大件又抵食🐮!我揀咗中間size嘅,非常厚嘅一塊😍~而且佢哋只會煎到一兩成熟~然後可以按自己喜歡嘅生熟程度再煎🪨~佢哋嘅招牌牛扒啖啖肉,完全無筋👍~另外叫咗個日本產豚扒🐷~我覺得佢哋嘅豬扒同牛扒一樣咁出色,一啲都唔會鞋~而且因為豬肉要煮得熟啲🔥~店員見到個石扒唔太夠熱,都主動嚟換咗~而家叫任何石板燒扒,仲可以加25蚊叫粒巨物元貝🦪~呢隻元貝又大又厚,切開嚟煎🔪~外面略為焦香,入面都仲好juicy💦~我見其他檯都有加,必食🙂‍↕️!呢度最開心係沙律任裝🥗,仲有胡麻醬或者酸汁任揀~而啲飯又好味,仲有飯素可以加🧂~有時一個人唔知食咩,又想食啲菜好飲啖熱湯🥣,嚟呢度鋸個扒都唔錯~Klook 3%優惠碼: HELENCKLOOK

👨🏻‍🍳八幡平石燒牛扒專門店 (和富中心) (北角)📍北角和富道21-53號和富中心地庫B57&B58號舖 「又平又好食：免加一半自助石燒😋」 發掘到北角呢間新開既半自助石燒，吾止牛扒、豚扒都超高汁！！自助落單，埋位坐低等食，仲可以去自助吧拎沙律、湯、白飯任添！！😆店長超好客，吾識落單會教你🤤🫶🏻 重點‼️免加一‼️配有圍裙 👍🏻🍽️八幡平招牌牛扒 270g $125上枱前有隔油紙，吾使自己遮😝超香🤤牛扒幾嫩，搭配蜜糖芥末、燒肉汁都勁夾！！仲有生蒜、岩鹽、黑椒。 👍🏻🍽️日本產の豚扒200g $85推！！超嫩又香口既豚扒，估吾到系到食到🥹呢個輕輕蘸燒肉汁已經好好食！！半肥瘦，脂香肉汁滿頰👍🏻 白飯系珍珠米🤤仲可以加飯素！！ 套餐仲包有一粒珍元貝！！我地6點就去😝有幾張枱都訂左，走個陣都差吾多滿座，建議book定或者早D入座🙈

天氣凍凍地，就想食一啲熱食，同朋友嚟到一間燒牛扒專門店，可以自己燒牛扒嚟食，亦都有鰻魚及豬扒等其他選擇～八幡平招牌牛扒270克$125叫咗一款餐廳招牌牛扒，牛扒有幾款克數可以選擇，八幡平招牌牛扒(180g HK$85 / 270g HK$125) ，而惠顧任何扒餐+HK$25粒就有粒日本巨物元貝。扒餐免費任添飯、湯同埋沙律，一開始餐廳廚房會將牛肉煮到一至兩成熟，之後再放喺一個熱騰嘅石板上，然後交由食客自行調整肉質嘅熟度，牛肉質素軟腍，仲可以切成細粒，咁會更快熟，元貝大大粒，放埋入石板入邊慢慢燒熟，食落都幾彈牙！日本產之雞扒280克 $140另一個套餐叫咗嚟自日本熊本縣嘅雞扒，雞扒大大份，先將雞皮向下煎香，之後再切成塊狀，肉質軟滑，加埋側邊嘅醬汁一齊食，食落幾香口，同樣可以任添白飯、湯同埋沙律，仲有鰹魚紫菜飯素可以加埋落啲飯度食，今日飲到嘅係牛肉湯，入邊除咗有牛肉，仲有洋蔥同埋白蘿蔔，飲落幾清甜，沙律都係任拎，配料有椰菜絲，粟米，蕃茄片，食落都幾清新！最後仲可以揀雪糕食，分別食咗海鹽同埋椰子味，成為呢一餐完美嘅結尾～

和富地庫開咗間新既日式石燒牛扒，採取半放題形式，點一份餐就可以任食沙律、湯同白飯，係自助點餐機落單比錢之後先再搵位，旁邊就已經放好5種調味料包括鹽、黑椒、燒肉汁、蜜糖芥末醬同埋生蒜蓉沙律菜望落都幾新鮮，配柑橘醋或者胡麻醬都好開胃，湯品估唔到有老火湯既感覺，熟肉同埋腍身既瓜都幾滋潤🌟八幡平招牌牛扒（180g HK$85 / 270g HK$125）惠顧任何扒餐+HK$25粒日本巨物元貝，熱辣辣既石板牛扒好快就上檯，貼心地有張紙防止彈油，牛扒大約預先煎到2成熟左右，自己切開細件後就可以用石板加熱到想食既熟度，肉質幾軟腍，容易咬開得黎幾有油花，配簡單鹽同黑椒就引出甜味🌟熊本縣地雞扒日本地雞扒勁厚身，足足有成280g，雞皮已經預先煎炸到好香脆，肉質鮮嫩多汁，適合配蜜糖芥末醬

收工同朋友食飯，突然好想食肉🤣，就搵左間石燒牛扒🥩食😏，一人叫返一塊扒，八幡平招牌牛扒🥩同牛柳，仲加錢每人加返粒巨大元貝，仲有任食沙律，白飯同任飲湯😛！！！！！！湯有好多牛肉塊😏，係牛肉塊😮，唔係牛肉粒，真係好有誠意❤️牛扒🥩上枱係大概1-2成熟左右，再可以根據自己嘅喜好，睇下想要全熟先5成熟，再自己係熱石到燒，聽到熱石燒肉既聲，特別悅耳🤣，同朋友share食，都覺得幾唔錯👍🏻

石燒牛扒專門店最近喺北角開咗間新分店，即刻去試一試😋舖頭裝修夠哂光猛，座位又坐得幾舒服🙂‍↔️仲有一人座位😆唔洗怕尷尬🙋🏻‍♀️有半自助沙律吧仲有洋蔥牛肉湯和白飯任添‼️八幡平招牌牛扒 180g $85大大舊牛扒可以自行用熱石燒熟😆按返自己口味燒，牛扒肉質鮮嫩，冇筋位🙋🏻‍♀️外層有微焦🤣但保持到內汁‼️搭配埋蒜蓉粒、芥末做調味，整體味道更豐富~牛柳 200g $130牛柳仲正，好厚肉🥩肉味濃郁，唔會好靭👍🏻仲配有帶子，記得要趁熱食~ 非常適合喜愛牛扒嘅人最後仲叫咗兩杯gelato雪糕 $15做結尾🍦❄️芝麻味夠特別，淡淡的唔算好甜🩶📍八幡平石燒牛扒專門店(北角)北角和富道21-53號和富中心地庫 B57和B58號鋪

今日同朋友去和富中心一間新開嘅石燒牛扒店，入面每張枱面上都準備了圍裙防止整污糟衣服，很貼心💌我們點了招牌牛扒和西冷牛扒，試吓兩款有什麼分別🥩牛扒約5成熟，裏面是粉紅色的，牛扒易切，較淋身，可以自己添加海鹽，餐廳是有提供的。而白飯、沙律和牛肉蘿蔔湯都是任添的。

去北角探朋友，朋友帶咗我去和富中心一間新開嘅燒牛扒店，八幡平石燒牛扒專門店，入面裝修簡約，舒服，每張枱面上都準備了圍裙，防止牛扒的汁會彈到衣服上，相當細心。❤️💫我們先在門口自動購票機選擇食物！🐂🍴種類以牛為主！朋友點了招牌牛扒-180g 和西冷牛扒-200g，加元貝。💥招牌牛扒西冷牛扒因為兩個女生，所以選了份量最少的這兩個，牛扒上枱的時候，石板十分之熱，有詐詐的聲音，十分期待！牛扒約了7成熟，外面煎香了，裏面是粉紅色的，剛剛好。牛扒無筋位，不會韌。而西冷較淋身少少，非常好味！😋而白飯、沙律和牛肉蘿蔔湯都是任添的。沙律菜非常新鮮，很翠綠，喜歡食菜嘅人士可以食多D！最後加$10蚊仲有汽水！🧃

🥢🥢🥢新開張好有質素=回訪率90%🥢🥢🥢雖然成日都有石燒牛，但又平又高質的確唔多～呢間勝在肉味濃，朋友話覺得比起好多低grading 嘅所謂和牛好食😋 幾鍾意佢招牌牛扒🥩top blade 嚟講唔會太韌，燒落幾香；牛柳都勁正，🥩自己燒三成熟至五成熟都唔錯，仲有粉紅岩鹽、經典芥末等調味，慢慢試唔同風味～Btw 佢個自助任食沙律🥗、紫菜芝麻飯、洋蔥牛肉湯都幾高質，尤其牛肉湯，好足料好夠味，唔怪得閒日都多人捧場🏷️招牌牛扒最平$85 牛柳最平$130 已包半任食

這間位於和富中心的小店在工作地點附近，午飯時來這裏一試，叫了比較平價的中size牛扒餐，$125不用加一，在門口自助用八達通先付款，店員會給你一個呼叫器取餐。 白飯和菜沙律任食，牛肉清湯任喝。面層已熟的牛扒用一塊燒熱的石板盛著，自己用刀义將牛扒切開在石板上再煮熟，牛扒肉質鮮嫩肉味濃，桌上有燒汁、黑椒和海鹽自己調味。

首先叫一份套餐，外面就有半自助bar，有白飯、湯、沙律，仲可以加飯素，湯有黑椒洋蔥牛肉湯，側邊仲有調味bar，有柚子醋同麻醬，外面嘅半自助區域可以無限添加。牛扒只燒過表面，要自行用熱石燒熟，肉質生熟因人而異，不過最緊要係襯石板最熱嘅情況下盡快整好肉。叫左八幡平招牌牛扒，隨心所慾將牛扒燒到自己鐘意的熟度，蘸燒汁好夾，熱石保持到牛肉溫度，外層有焦香味，牛扒有咬口，冇筋位。帆立貝大隻味道鮮甜。牛柳厚身肉味濃又juicy，可以配燒汁、岩鹽黑椒、蒜蓉，最鐘意係配蜜糖芥末醬，同牛柳最夾。