八月茶室 (元州街)

营业中

休息中

今日有特別任務, 代哥哥送糭子給叔叔慶賀端午節,  叔叔非常開心, 還請我去他家樓下那間 [八月茶室] 吃晚飯, 餐廳是孖鋪,  門面好闊. 打開玻璃門, 看見餐廳好整齊, 光猛.   客人多, 氣氛旺. 裝修別致, 天花掛著不少大圓形球体, 牆上也有圓波波 設計, 這個  八月 構思,  好特別.店員好勤快, 替我們安排座位, 送上餐單, 大家自選, 食物範圍很廣, 有中式廚房煲仔小菜, 海鮮......川辣糸列, 小吃..... 粉, 麵, 飯, 西餐還有鐵板扒.....叔叔點了兩個小炒及招牌酸菜魚.   等上菜時, 在桌櫃桶內,   大家自取餐具,  好方便. 中式牛柳  首先送到,  配了白飯例湯 +$12,  熱飲 +＄10.  看看中式牛柳,  上檯熱騰騰, 香噴噴. 牛柳好肉又大塊, 口感嫩滑,  酸汁混合 西方茄汁調味正,  有菠蘿及洋蔥,   食得回味無窮.    香煎西檸雞 :   也是配了白飯例湯 +$12,  熱飲 +＄10.   西檸雞, 已去骨, 炸漿很薄, 炸得金黃香口, 外皮夠鬆脆,  檸檬再加上芝麻香, 烹調技術真不錯. 啖啖雞肉夠嫩滑,    酸甜菜

去朋友家，唔想煮😂就落樓下八月茶室食個晚餐。招牌酸菜魚（小），$188。份量好足，呢個酸菜魚嘅湯底酸辣得啱啱好，酸味令人好開胃，忍唔住飲都幾口湯。魚片滑嫩鮮甜，完全冇魚腥味，吸哂湯底嘅精華。配料有萵筍，薯粉，雞髀菇，酸菜嘅爽口同魚片嘅嫩滑形成強烈對比，整體唔錯。芝麻黑糖醋骨，$80醋香味濃郁，帶有黑糖嘅甜味，芝麻嘅香氣亦突出，味道酸酸甜甜。黃金脆皮蝦球，$94蝦球煎到金黃脆口，外層香脆，有啖啖鹹蛋黃香。內裡嘅蝦肉鮮甜彈牙，蝦味十足。鹹蛋黃同鮮蝦味道完美結合，滿足感爆燈。我哋叫咗 紅豆冰 同 雜果竇治，各$15。紅豆冰 甜度啱啱好，紅豆煮得軟綿綿，配埋冰沙，食落去冰涼甜美。雜果竇治嘅水果好refresh，原罐七喜咁到落杯，飲完清爽解膩。加白飯 同 例湯都只係$12，食到好飽👍

每次諗唔到食咩好，最後都會揾間茶記食，而#八月茶室 更集川菜同中菜於一身嘅茶記，呢排天氣漸涼緊系揾d臘味同酸辣暖胃兼開胃啦。6004. 乾鍋椰菜花整個乾鍋內有椰菜花和豬頸肉，椰菜花顏色偏黃色。味道屬少辣。2404.惹味臘味滑雞煲 $78.00臘腸係爽口唔油，乾身，雞肉很嫩滑亦很入味，熱辣辣，成身都暖哂。6001. 招牌酸菜魚 $188.00（小）雖然餐牌中顯示為（小），但份量都十足呢，在酸菜魚內整碗魚肉都滿滿，而爐魚片好滑，但間中會有少少骨😍呢一點都留意呢，味道唔太咸酸，迎合港人口味!!白飯＋例湯 12.00紅豆冰 & 自家製豆漿

椒鹽鮮魷: 酥脆椒香吃一口就愛上佢的魷魚圈放一匙料酒黑胡椒鹽兩轉一顆雞蛋抓勻醃十分鐘，製作炸粉澱粉和麵粉1:1攪拌把醃好的魷魚圈放裡面抓勻包上麵糊下鍋炸至定型後大火復炸酥脆，鍋底放底油洋蔥碎線椒碎小米辣和蒜末倒入炒香後下魷魚圈撒辣椒粉孜然粉和花椒粉再來一點鹽味素白糖調味! 脆

小炒叫飯的抵食之選，一間沒有加一收費的餐廳。早幾日和Foo一起食晚餐，八月茶室的小炒有鑊氣，米飯粒粒飽滿，價錢經濟實惠。人均消費$193。川味水煮魚$188好大盤的水煮魚，份量澎湃，賣相吸引。魚片切到很幼薄，雪白魚身，見到都想食。辣椒和辣椒油掛滿整盤水煮魚，辣度足，舌尖上的享受。盤底還有滿滿的配料配菜，例如芽菜、薯粉等都份量很多。紅燒鮑魚滑雞煲$84醬汁很惹味，餸飯一流。紅燒鮑魚好好食，軟彈口感，蔘茸海味的紅燒鮑魚食到不能停口，夠入味，口感好。滑雞名副其實滑嫩有肉，啖啖肉感有口勁。黃金脆皮海蝦$84海蝦新鮮，一食就食得出。肉質爽彈有力，鮮味足。外殼包裹着鹹蛋黄炒制而成的醬汁，鹹蛋黄控必叫。白飯加例湯$12每位每碗都裝到尖尖的，份量好足。例湯材料都好充實，青紅蘿蔔豬骨等都不少。凍檸茶加$3

朋友公司附近的茶室，和朋友來晚餐，感覺年輕，驚喜有川菜之店，酸菜魚亦有提供！ 豉汁蒸黃立倉蒸魚吃出鮮味，豉汁味香濃，蒸倉魚的肉質鮮嫩，套餐白飯及飲品很抵吃。即點即蒸，質素很好又下飯椒鹽鮮魷滿滿香脆之版本！香脆可口椒鹽鮮魷 ，魷魚彈牙，沒有內臟及軟骨，椒鹽鮮魷炸得香脆的小菜，下酒菜喔整個茶室清潔，座位寬大。豬扒飯美味之作白飯口感好，加旦炒勻，放上焗碟上，番茄醬香濃，有番茄洋蔥放在豬扒面。香濃芝士，焗至金黃色，非常棒

平日lunch time  繁忙時間 要搭枱我都理解  食到一半 有4位想入座  就即刻想收走我個餐 仲要唔止一次  想我快啲死開咁款杯野飲都未飲完呀 大佬 尊重下啦以後唔會再幫襯依間垃圾  當客人係狗?香港人中意北上係有原因

這裡凍檸茶，一向是有茶味又順口的。但近期凍檸茶，淡如水。這次是1個比較新及年長的服務員，我切開豬扒時肉還有點紅，感覺不熟，我要求再炸，怎料她說唔係唔熟，不理睬我就走了……之後我叫另一個服務員過來，要求再炸，怎知她又是說‘’唔係唔熟，我問肉紅色唔係唔熟，係咩？佢只答‘’唔係唔熟，係咁嫁‘’！另外我要求走芽菜的，來到有滿滿的芽菜！米線有點煮不熟，硬硬的！這個早餐，只食到1半，不飽。

今日收工去長沙灣食飯，呢間茶餐廳夠光猛，又闊落我地叫左小鍋的招牌酸菜魚，奇味雞煲，紅燒豆腐班腩煲，一份白飯加例湯，仲有炸小饅頭紅燒豆腐班腩煲最先上，it's hot，入面班腩好嫩，豆腐都好滑，Yummy!例湯都好有料！奇味雞煲smells so good，入面洋蔥超好食，食多幾碗飯都得啊，雞肉既味道都好好然後就係令我大開眼界既川菜-招牌酸菜魚！ 小鍋都幾大份，2-3人食完全no problem。魚滑，湯料都好足，我最中意佢酸菜夠多。炸饅頭係My Favorite，外脆內軟，配上煉奶簡直無敵。我會推薦比喜歡食川菜，又中意港式茶餐廳既朋友試哦~

今晚做無飯主婦同屋企人出去食 之前喺呢度食過一次下午茶味道都唔錯 可以試試呢度晚餐乾鍋椰菜花 $78 個汁辣辣地 除咗椰菜花之外仲有肉片不過就同我本身幻想嘅味有少少唔同 佢個味比較偏多豆瓣醬嘅辣味涼瓜炆倉魚 $92 一大條完整倉魚上面有炆淋左但仲有咬口嘅涼瓜 真係兩個人食一個餸再配兩碗白飯都夠曬數雞中翼伴薯角 $40 有三隻啖啖肉脆皮嘅雞中翼 仲有我最鍾意嘅原味薯角 超夠薯味蒜香蜜餞牛仔骨 $86 呢個送飯一流 個蒜香蜜汁甜甜地 加埋牛仔骨本身有啲油脂又夠軟淋 而且舊舊都淡淡肉好大塊 非常滿足櫻花蝦黃金炒飯 $71 呢個份量十足嘅炒飯裏面有櫻花蝦/鹹蛋黃/蝦仁/翠玉瓜等等 超大兜兩個人都食唔曬 而且因為炒飯用咗鹹蛋黃伴炒 所以啖啖都食到鹹蛋黃嘅香味

今日我哋去長沙灣一間以月球做主題嘅餐廳度食飯 價錢相當親民 有小菜炒粉麵食 亦有晚市套餐常餐 而且唔使茶芥 埋單比起酒樓食更加抵 但係食物質素都唔錯八月小炒王 裏面都幾多料 有韭菜花/魷魚鬚/腰果/蝦仁 炒得幾香幾惹味香煎西檸雞 西檸雞新鮮炸起 所以外皮依然香脆 包裹上甜甜酸酸嘅西檸汁 啱曬夏天開胃菜 而且每一嚿雞肉都大夠啖啖肉嗌小菜可以用$9配竹蔗茅根/豆漿 或者$12配檸茶檸水嗰啲 但係我哋幾個都叫咗竹蔗茅根或者豆漿 飲落去又唔會過甜都幾消暑另外亦可以加$12配白飯例湯 個白飯超大碗 兩個人食都得 個例湯當日係粉葛豬骨湯而家天口咁熱 有時真係出街食好過自己煮 仲可以嘆埋餐廳嘅免費冷氣 食完又唔使自己洗碗 啱曬上班一族

和同事分享愛吃的店，香濃惹味且受歡迎的家常菜，吃到川菜，算少看見茶餐廳會做的川式菜豉椒炒鮮魷鮮甜爽口的魷魚，配上豉香濃郁的豆豉，色彩繽紛的三色椒，增加吃慾，熱天氣吃非常棒石鍋和風牛肉飯配溫泉旦牛肉肉味濃，配搭香香咬口滿滿的配料，生雞旦旦味重，熱辣辣石鍋上，飯後旦汁慢慢的拌勻，滿滿幸福之滋味啊！石頭飯味道好，有韓國料理感覺，棒魚柳包魚柳炸到金黃，入味又大份豉汁蒸倉魚材料新鮮，肉嫩之倉魚，豆豉和蒜茸香。紅椒調味料美味，調味料拌勻，蒸倉魚更見店子功夫，朋友對魚情有獨中也。 人數不多的話，餸菜可以不用多，蒸魚炒小菜有益， 不是人人接受到淨吃，也可選飯水，蒜加豆豉蒸魚， 蒸過後鮮甜，好成功。 好味喔。朋友交流吃茶餐廳的心得，研究出店子的獨特

同朋友好耐冇見一齊食飯聚下，朋友在長沙灣附近住，呢排天氣太熱，朋友推介嚟八月茶室食酸菜魚開胃下👍🏻餐廳環境闊落，裝修時尚，我哋坐到卡位好闊落，坐得好舒服😊一點完菜，餐廳便為我們送上2個中湯，湯勁足料，除咗大大嚿嘅豬骨，仲有嘅粉葛，飲落冇味精好正😊招牌酸菜魚（小）（少辣）：魚湯酸酸辣辣好惹味，魚肉嫩滑冇骨，配上酸菜、薯粉、雞髀菇同埋萵筍好惹味，薯粉夠煙靭、雞髀菇同萵筍吸收晒湯汁嘅鮮味👍🏻成都口水雞（半隻）（少辣）：估唔到半隻嘅份量都唔少，雞肉嫩滑雞皮彈牙，配上辣辣地嘅口水汁好醒胃，送飯一流👍🏻八月小炒王：配料有韭菜、蝦仁、蝦乾、魷魚、腰果同埋紅椒絲，韭菜夠晒爽脆，蝦仁鮮甜而且爽口彈牙，魷魚爽口，蝦乾鹹香而且炒得好夠鑊氣好香口，又係啱晒送飯👍🏻餐廳食物質素唔錯，價錢經濟，而且地方寬敞好好坐，值得推介俾朋友☺️

系長沙灣都市叢林中，搵間CP值高嘅民間餐廳，食番餐豐富嘅三餸一湯，就系簡簡單單嘅小確幸。位於元州街嘅 #八月茶室 更系街坊不二之選。餐廳燈光柔和，坐位可選擇卡座或方桌，除左川味菜式外，晚飯小菜都幾多選擇！亦無收加一服務收費。椒鹽鮮魷$89炒得夠鑊氣，鮮魷炸得外層金黃，炸粉唔算厚，食落酥甘香酥脆。西蘭花炒魚柳$89西蘭花鮮嫩爽口，魚柳軟嫩細緻，真是道唔錯嘅巧手小菜。枝竹豆卜炆火腩$74一舊舊火腩，肥瘦適中，咸而香，  ;  大大片枝竹，豆卜濃郁，吸入了所有醬汁，香濃惹味口感相當豐富，實在太好味啦！白飯+例湯$24菠蘿冰$15+檸檬茶$12菠蘿粒很多，飲到見底，仲有很多系底。叫小菜可獲飲品以半價優惠，白飯+例湯只加 $12，性價比高。

今日上完堂之後，我同朋友就去咗附近食飯，想搵間舒服啲嘅茶餐廳坐吓。經過八月茶室，見到光猛又企理就試一試。呢間新式茶餐廳選擇多元化，晚餐選擇都有10幾款，而小菜方面，亦應有盡有，有川菜，有中式小炒，亦有鐵板餐等。我哋今日就點咗小菜食，加咗$12轉套餐，有白飯同例湯。今日例湯係粉葛煲豬骨，冇味精味道唔錯。藤椒魚$188喺深圳食過一次藤椒魚，覺得回味無窮，但係香港就比較少有呢個菜式，這度的藤椒魚，是以酸菜魚為基礎，然後再加了藤椒，味道更加豐富獨特。魚肉依然保持鮮嫩滑口，搭配上酸菜的酸爽和藤椒的麻辣，形成一種絕妙的口感。酸菜的酸味恰到好處，不僅去除了魚的腥味，還增添了鮮味。而藤椒的麻辣更是點睛之筆，讓整道菜多了一層香麻的刺激感，每一口都讓人驚喜連連。湯底濃郁，融合了酸菜的酸和藤椒的麻，入口即化的魚片吸滿了這濃厚的湯汁，味道層次豐富，帶來了多重味覺享受，一次過滿足晒麻辣和酸味嘅願望。而配菜方面，豆芽、水晶粉等也完美搭配，亦增添了口感，送飯一流。蒜香蜜餞牛仔骨$86牛仔骨肉質鮮嫩，煎得恰到好處，外酥內嫩，入口即化。醬汁濃郁，蒜香撲鼻，完美地滲透到每一啖肉中。蜜餞的甜味與蒜香的濃烈完美結合，食落香香