八號餐廳

营业中

休息中

今日放工番大埔食飯,去拎完taobao經過8號花園附近, 咁就係間試一試這間餐廳,住左咁耐大埔都未食過呢間餐廳入到去餐廳都很寬闊,裝潢都比較舊式,我們 大約7點都唔洗等位,好快就坐下來睇睇餐牌睇完餐牌,分別點左2個餐套餐都包含有餐包,餐湯,主菜和飲品(凍飲+$2)餐包: 普通餐包沒有什麼特別餐湯: 雜菜湯味道尚可, 都很濃郁主菜: 紐西蘭肉眼扒配薯菜優惠晚餐質素都唔錯啊,又不會太過難咀嚼, 肉質剛剛好主菜:炭燒紐西蘭牛柳而呢個餐俾優惠餐貴少少, 反而都不及肉眼扒美味,令我有點失望最後,上埋2杯飲品熱咖啡完結美滿的晚餐

下午天氣轉暖，與其留在家中，不如外出享受陽光，吸收維他命D，強壯身體機能。二人在大埔區內悠悠蕩蕩後，便走入「八號餐廳」來一個下午茶。我們在精選茶餐中分別挑選了「吞拿魚三文治」和「法式吞拿魚牛角包」，並配上熱檸檬水和咖啡。三文治雖然不烘底，但白麵包鬆軟，吞拿魚則鹹淡適中，與其他配料夾起來相當滋味；加上一啖粗闊薯條，一口熱檸檬水，感覺開胃。牛角包烘燶得宜，非常香口，生菜、番茄片和吞拿魚置身熱包內，頓覺整份清甜、鬆化而不油。先呷一口未倒入牛奶的熱咖啡，啡體較重，可調和炸薯條的豐腴。繼而一口加了牛奶的熱啡，牛角包即有不同味道。兩份茶餐的價錢都合理；而餐廳環境不錯，開揚，落地玻璃，可望向公園，的確寫意。

今天下午兩點幾去食咗個海鮮大什會同冬蔭公炒烏冬，侍應俾餐具時是大力拋在枱上，海鮮大什會係$124，但上枱簡直係垃圾，餐包焗燶到似石頭都上枱俾客人食，冬蔭公炒烏冬是凍的，真係太差了！

相信住大埔街坊都唔會唔知八號餐廳，已經經營多年，係唔少人既西餐首選，全因為呢到實在抵食同大件。保證一定有食到個肚就爆既感覺。今次叫左個2人套餐，有沙律，一份意粉，一份牛扒，甜品，2客餐湯同飲品。首先個沙律好大碗而且加了八爪魚刺身，估唔到個沙律會加埋八爪魚，有少驚喜。意粉是帶子白汁意粉，又係好大碟，2個人都唔會食得哂～出面餐廳的帶子意粉真係得意粉同帶子，但呢到會加埋三色椒切條去煮，所以多左D清新感覺。帶子大大粒，睇到都HAPPY。牛扒叫了5成熟，沒有OVER COOK. 塊扒好厚而且同隻碟相比下，差不多長度，你話點會唔飽！套餐的甜點係是日精選甜點，由於當日的甜點我唔LIKE，所以加左錢UPGRADE。叫左個心太軟～心太軟係小妹都幾鍾意食既甜點，而店內的心太軟不過不失。個人評價，如果自問喜歡D野食大大碟的，不防光顧下。2人套餐都夠3人食，所以係超值啊～不過我覺得店內的燈光好暗，加上街外的黃燈，成間店暗暗黃黃咁～

一入門口，已經見到個自助飲品吧~真係好欣賞餐廳會大大方方咁為食客帶來既貼心，而旁邊仲放咗個雜誌架，彷彿老闆同您講咗一句：「歡迎您慢慢坐，睇住雜誌飲吓嘢放鬆吓喇~」呢吓真心就真係打動到人嘅~唔似得啲連鎖食肆，完全感覺到佢地係想您食完快d走，唔好阻住張枱做生意，極度商業化。入座後，第一時間睇吓有咩好食，令我眼前一亮既係佢既健康簡便套餐，對於晚上喜歡輕食既女士們真係煩少好多!equal代糖都有，的確為有需要既人士準備好呀吓~抵讚!餐具擺得整整齊齊，乾乾淨淨咁~留意吓個籃，其實係膠嚟架!比起傳統既藤籃衛生好多，而且個包包有烘過，外脆內軟哩!飲品既糖同奶自己落，要幾多，自己話事!西柚汁，細細地一杯，都夠飲嘅~卡邦尼意粉，用料，份量同味道都不俗~焗芝士肉醬意粉，大家唔好以為佢落漏咗芝士，其實係我叫佢走既，第一次上枱竟然比咗個有芝士既我，同侍應講返，佢都好客氣同樂意咁幫我換返。

這間餐廳，食過幾次，每次都保持水準，今次行完山，再去食過，因為這間餐廳環境舒適，坐得舒服，人流唔多，適合一班朋友慢慢坐，傾下偈。今次叫左個煙三文魚香草意大利幼麵，等左一陣，好快有得食，芝士味同香草味都好濃郁，煙三文魚份量都幾多，有口感，可以再試！

Weekend同親戚去到大埔，思來想去都不知道食甚麼好，有提議來8號。我就未食過，佢地話這間早餐唔錯，抵食又好味，不知晚餐如何。奔波咗成日，個肚早已唱空城計，見炭燒餐好抵咁，98蚊有餐湯有野飲，可以自選三樣。餐湯其實幾好飲，雖然無影到。永遠飲紅湯的我，覺得唔錯，羅宋湯陣酸不是茄膏帶出來的，而是真材實料的蕃茄。餓了一日的我，選了牛扒，羊扒，豬頸肉三大肉類，配蒜萁汁。端上來的時候被份量驚呆，女仔一定食唔晒！我數咗下，起碼四塊肉，一次過食到够。揀豬頸肉食好難出錯，爽口係必須的，其他就中規中矩，但都心滿意足。黑椒汁也可以，依然huge size，味道與價格都合乎預期，唔會話特別好食，但絕對不差。跟餐沙律，良心份量～配上烘焙芝麻醬一如我最愛，在這麼多肉的襯托下，清爽又解膩。Btw，餐廳茶水有自助，有花茶、紅茶之類，沖咗好多轉，有色無味，餐未上之前都可以解下渴。

呢個餐係全日供應，每日會更新，好抵食!叫左個夏威夷菠蘿汁焗龍脷飯，份量好大，仲要好多芝士正，應該係即焗，都幾好食。個汁係少少酸甜，仲有少少菠蘿肉，幾開胃。可惜個溫度係暖，而唔係熱辣辣，大為失色，可能焗得唔夠耐。每次黎呢度都會飲佢既菠蘿汁，覺得好好飲。甚至為左個菠蘿汁黎食飯，仲為左呢個菠蘿汁去超市買左好多款菠蘿汁黎試，終於俾我試到係某牌子既味道(兩個英文字母既牌子，九成九似既味道)，所以都減少左黎下午茶時段都幫襯左好多次，次次都要o係人地食緊野既時候掃地，仲要喺你隻腳度撩撩撩，又冇禮貎又唔衛生。咁多年都冇改善過，可唔可以注意下呢?!

第一次帶老公到八號餐廳晚飯點了2人套餐另加生蠔忌廉湯很滑,,很香鮮忌廉味~不會粉粉的!北寄貝刺身沙律~份量多,,北寄貝新鮮,,醬汁微酸很開胃白汁海鮮焗飯,,海鮮份量多,,飯質夠乾身!配上芝士,,很好吃!只是略嫌牛扒有點over-cooked..變得較韌~甜品是奶凍~普普通通整頓飯的亮點是加$60的兩隻生蠔size有手掌那麼大好鮮甜好creamy吃完後,,整個口腔都充滿蠔的甜味

俾多左錢事小, 無喇喇受氣就唔值。件事大約係咁,我指住餐牌, 指到明係邊個餐, 就問老闆:「1號牛柳 定 2號牛扒好食?」老闆:「牛柳就棯D, 牛扒就有咬口。」我指住個 1號餐話:「咁牛柳喇。」...好喇到埋單個時, 我地幾個人分開俾錢。老闆問:「你叫左咩呀?」我拎左錢:「牛柳」佢一睇我D錢就話:「唔夠喎, 邊個牛柳呀?」我指住個餐牌上嘅1號牛柳。老闆即刻大大聲話:「下! 落單個時唔係呢個『串燒』牛柳喎, 係另一個牛柳喎。」我忍住:「我指住 1號牛柳落單, 你自己睇住, 咁你都可以俾第個餐我?」老闆:「咁你食個時都知喇, D牛柳都無串埋俾你, 你見到佢無串就知落錯左喇, 你個時又唔出聲?」我:「你都幾神奇嫁喎, 自己落錯單, 仲賴個客?」「你期望個客會比你更熟個餐牌?」老闆:「你都食左喇, 你仲想點?」我都費事同個無賴曬時間,總之係呢度提提朋友, 歡迎廣傳

久唔久會同朋友返教會,教會係大埔,都幾遠所以聚會完食埋飯先走之前去過一次依間8號餐廳,裝修幾雅致,唔錯食左個晚餐,個餐湯唔錯,點上熱辣辣餐包仲好味個咖哩飯真係好好食,辣辣地咖哩又好味D飯又軟,撈埋一齊食幾正

環境：落地玻璃，又陣陣冷氣。曬到太陽又吹到冷氣，正。服務：親切有禮，難得。食物：辣汁半熟牛肉沙律。又辣又有少少酸，夠醒胃。薄西冷岩岩medium ，沙律菜夠爽脆。$48，但份量略細。不過餐牌講明係簡便套餐，份量小都正常。( 星期六日公眾假期要加一，平時唔洗)飲品配果汁，但我更喜歡熱咖啡，唔係話特別好，但貪佢無限添飲，坐足二個鐘都唔趕你走。

愚人節我點了蕃茄忌廉汁龍脷柳拼薯菜，餐湯點了雜菜湯，餐飲方面點了凍炭啡。媽媽點了卡邦尼意粉，跟一杯菠蘿汁。上菜時間頗快，只要大約7分鐘便上齊所有食物，令人不禁懷疑食物質素哦！先上的是餐湯和飲料，湯的味道比以前更濃更香，炭啡上枱時是沒有奶和糖，花奶和糖漿都是分別另上，味道可以由自己調較，雖然這樣更貼合個人口味，但剩下的就未免造成點兒浪費。入正題，龍脷柳口感不錯，份量亦足夠，蕃茄汁有水準，薯角夠脆又夠香，整體來說也挺好！媽媽所點的意粉則稍遜，比以前淡味了，就是賣相不變。另外，餐廳有提供免費咖啡和紅茶添飲服務，一些書本雜誌讓食客外借等，而且我還是覺得一切都是有質素，彷彿用餐於英國的餐廳，絕對不是那些中國會爆炸的國貨款式！是次用餐物有所值，這個價錢似乎都相當合理，值得想一嚐西餐的大家一試！

8號餐廳早餐算係好多晨運客，太太們的聚腳地，相信最吸引的地方可以無限添飲美式早餐，煎蛋一隻，2邊都有煎,岩岩好熟,煙肉，有2大片, 邊位都煎得幾香口,仲有法腸一條配牛角包，餐牌及落單時轉牛角包無講加$4，加埋即係$36，到後期送餐待應先講要加錢，呢方面需要改善，呢啲基本野唔會太難食，而牛角包偏乾熱咖啡, 偏酸, 配上花奶添飲區除咖啡茶，仲有橙汁，玫瑰花茶，都幾特別

由中學食到依家，八號都算係滿載住唔少大埔友 ge 中學回憶，坐得耐又好食，最重要係抵食，大把捧場客同，難怪可以做到依家依舊不倒！> 厨師沙律用料方面除咗例牌ge 蔬菜，仲有cheese ,鴨胸肉，豬，牛同火腿絲，配千島醬，味道ok, 最重要係足料！> 自選炭燒燒鐵板(揀咗雞扒，牛扒同龍利柳，配意粉and紅酒汁)等得有d 耐，不過咁就證明真係即整，一d 都唔馬虎！dry 睇賣想都係嗰句-足料，雞扒大大塊，個厚度都有返咁上下(base on 呢個price 計啦當然) ,媽咪讚塊魚好夠料，唔會話食切開得d 炸粉~不過我就覺得個魚味有d 雪藏味~牛扒亦唔係茶餐廳果d 過份醃or 落太多鬆肉粉ge 貨仔，牛味幾濃！P.s. 個包媽咪大讚焗得好香好有包味至於個餐湯，個人認為比較淡，冇乜忌廉味，不過就足料，食到好多蘑菇~所有餐(唔計輕便餐) 呢個價有餐湯有包同餐飲，算係咁啦