公子茶座 (已結業)

一家大細行九龍灣Donki前緊係醫肚先啦😁平靚正就緊係茶餐廳！要乾淨坐得舒服又抵食嘅。。因為食得多呀😂🤣Yeah成三點幾啦！仲有午餐緊係即叫啦！係招牌生前生餅飯配檸檬茶（$58），呢個冇得輸堅好味，大大塊勁厚身又煎到脆卜卜嘅肉餅好惹味，d招牌豉油汁配埋飯份外吸引。。隨時大大碟钣清晒😁想keep fit要小心😋😋公子常餐（$48） - 薑絲豬潤通粉配4.5牛奶炒滑蛋牛油多士加十蚊配椰汁紅豆冰，唔使排隊啦，呢到都有薑絲豬潤通粉食連d湯都清埋，豬潤係厚切好好味架😉滑蛋有牛奶香味，放係多士上一齊“正”呀！椰汁紅豆冰勁正椰汁香濃紅豆軟軟綿綿又多又大粒仲唔甜好好味Encore首選👍👍茶餐抵食呀👍👍傳統法蘭西多士配朱古力奶（$35），勁大塊西多切開醬料多到流出泥Yummy😋😋南乳炸雞肶配薯條配檸檬茶（$38），南乳炸雞肶好大隻好香南乳味外脆內嫩仲好Juicy正到呢，d薯條丈炸到脆卜卜好惹味yummy yummy🤩🤩奶醬多士檸檬茶（$33），我致愛d醬勁多一咬落去流晒d醬出泥惹味又開胃💯💯二百幾食到飯抵呀👍😋🤩💯😁公子茶座 牛頭角道5号得寶商場地下H鋪

平時好少行去德寶商場準備附近做運動之前成班朋友去食個快飯之選一口花生醬西多士配煉奶講真幾好食！比起傳統西多士一口的Size基本上已經唔使再切慳水慳力而且咁樣做法油炸嘅表皮面積會增多咗即係脆嘅面積又會多咗正！入邊花生醬又夠多！非常之推介！招牌生煎肉餅飯老實講都值得推介肉餅表皮煎到脆身份量都足夠加上少少蔥油非常之香都建議可以食！厚切豬扒配印尼撈麵豬扒幾大塊而且唔會太乾身太鞋肉質有彈性唔係太淋滑蛋處理得啱啱好好滑印尼撈麵底就正常發揮餐廳應該將調味品減少左味道唔會太重滑蛋蝦仁飯相比以上三項係比較失色蝦仁都還算係爽但係味道太鹹應該醃製嘅時候太重手滑蛋唔夠多 飯就太多比例唔係太好食完滑蛋冇晒餸後半淨係食飯可以試吓其他啦

公子茶座 — 雖然小店沒有太多花巧既設計同菜式，但簡單同充滿香港情懷既家常菜足以俘虜我既心❤️🤎招牌肉餅飯 ($58)招牌果然係招牌🤎肉餅好有驚喜，水準已經超越左我之前食過既肉餅，表面焦香帶脆，亦能鎖住肉汁，十分juicy🥰肉質厚實不易散，最重要係冇筋同肥豬肉，食落一啲都吾肥膩(⁎⁍̴̛ᴗ⁍̴̛⁎) 外層更加上焦香既蔥同甜䜴油，更為惹味～🤎滑蛋叉燒牛肉飯 ($58)黎到已經比金黃色既蛋漿吸引住，炒蛋十分滑溜，牛肉亦相當嫩滑，叉燒則中規中矩，吾會乾身，不過整體來說同樣食得滋味😍🤎椰汁紅豆冰 炎炎夏日飲翻杯紅豆冰真係好滿足，香甜既椰汁冰，配上足料既紅豆🫘🤎讚~🤎冷萃咖啡估吾到有茶餐廳會推出cold brew🥰萃取過濾時間相對長，所以更顯得小店既心思，飲落吾苦澀，易入口同香醇，值得一試整體來說小店選擇吾多，但每樣菜式都十分有心思，有一種家常便飯的感覺🤎多多支持ʕ •ᴥ•ʔ 招牌肉餅必食🤎🤎🤎

•一口花生醬配煉奶西多士這道菜式絕對是邪惡之選🤪我相信沒有人能抵抗這個誘惑！每一粒西多士都炸得金黃香脆，令人食慾大增！內裏夾雜着滿滿的花生醬，配上極度邪惡的煉奶簡直是完美的組合，又邪惡又滿足🫣•洋蔥芝士豬扒豬仔包🥖這道菜式絕對是創新的菜式。平平無奇的豬仔包夾雜著厚切無骨豬扒，製造成豐富的豬仔包三文治，絕對是飽肚之選。唯一的缺點是包略嫌有點乾，若加入少量的沙律醬相信一定會令味道提升！•阿華田火山 喜歡喝阿華田的可以一試！上層有大量的阿華田脆脆，十分滿足，整體味道不會太甜😚

🇭🇰公子茶座 九龍灣懷舊茶座💈餐廳位於九龍灣德寶個邊 位置非常易搵🤓裝修企理 行懷舊路線 仲有唔少得意玩具同擺設🕰感覺舒服 寬敞舒適 食物質素不錯👍🏻仲有cold brew 飲 非常值得黎試試😋🍳滑蛋叉燒蝦仁飯(💰$58連餐飲)一上枱先睇到有幾足料幾鐘意佢地有叉燒蝦仁既組合咁就可以唔洗揀 兩隻都食哂😜叉燒同蝦仁都大大件 份量比足叉燒夠腍肥瘦適中 蝦仁飽滿爽身蔥花豉油香口 整個都唔錯🥢公子常餐(💰$48連餐飲)👍🏻推薦同平時既茶記唔同 公子常餐指定薑絲豬潤通粉豬潤大大片偏厚切 食落爽脆 唔過熟鞋口 湯底真係帶薑味 飲落清甜唔腥 配通粉吸哂湯一流😍😍另外跟既炒蛋做到滑身 多士烤得脆身🍞一口花生醬西多士配煉奶(💰$35連餐飲)一口西多士既好處就係唔洗哂時間切包邊既脆邊相對會再多啲 每一粒都可以食到脆邊夾心花生醬比足 配煉奶邢惡又好食幾欣賞佢地西多士唔會炸太耐😋keep 到麵包仲好企身鬆軟 而且份量好多 建議share🫘椰汁紅豆冰(跟餐💰+$10)👍🏻推薦除左主食佢地既特飲都做得不錯佢地既紅豆冰 椰汁底係用左椰汁雪花刨冰去整🧊唔僧愈飲愈淡 紅豆份量都唔少而且成杯飲品唔會係糖水個隻死甜 不錯😆-

🥢公子茶座•••••••••••••••••生煎肉餅真係唔係度度都有 梗係要黎朝聖一下一入到去 成個裝修就已經feel到懷舊茶座冰室feel 好乾淨好舒服 招牌都好搶眼•••••••••••••••••🥢招牌生煎肉餅飯 $58見肉餅煎得好靚 表面煎到脆卜卜 但都冇話成塊肉餅油淋淋(加分）入邊好Juice好嫩滑 配上醃菜(甜甜地) 鍾意生煎肉餅嘅朋友真係要去試吓🥤龍鳳檸七 +$6只係茶記先見到嘅飲品 當然要叫黎飲下黃檸檬加鹹檸 鹹檸好夠味 就算未督已經飲到浸味•••••••••••••••••見到呢間茶座竟然有cold brew 不過一個人就飲唔到咁多 唯有下次先再去嘆下見到好多人都話一口西多士唔錯 可惜胃得一個 下次再試埋你先🤤•••••••••••••••••📍 九龍灣牛頭角道3號得寶商場地下H號舖•••••••••••••••••

公子茶座（Kowloon Bay）好耐冇食過茶記 趁住嚟到九龍灣 一於發掘下呢度嘅港式茶餐廳風味😎😎 ⌖ 招牌生煎肉餅飯🐖💰$58嚟到呢度當然要食佢哋嘅招牌名物喇😙😙 生煎肉餅飯份量超足 一大塊厚身肉餅鋪面 下面係加咗些許甜豉油嘅白飯😌 肉餅兩面都煎到脆身 肥瘦適中 尤其欣賞中間加咗甜豉油炒過蔥花 令味道提升多一個層次🥰🥰 隔離仲有兩條菜心爽下口 完全唔驚食滯咗😆😆 認真推介！⌖ 紅豆椰汁刨冰🥥🧊💰$10（跟餐價）呢款紅豆冰嘅出品真係夠晒震撼😳😳 師傅真係將椰汁刨冰堆到出杯面1/3 好誇張🤩 岩曬打卡 飲落冰涼爽甜 呢個價錢好抵飲🤪⌖ 出前一丁麵餐🍜💰$38（+$14 追加豬扒）來茶記當然要整返個出前一丁 今次揀咗厚切餐肉同埋火腿 另外食肉獸小編😈仲追加多豬扒一塊🙈🙈 麵餐竟然俾埋包麻油自己落 真係好少見 出前一丁煮得啱好 正常發揮～ 值得一讚嘅係追加嘅豬扒有成手掌咁大🖐🏻 肉質嫩滑 完全唔會乾巴巴😗 都幾抵食！⌖ 凍檸檬菜蜜🍋🍯💰$6（跟餐價）檸檬菜蜜甜度適中 酸酸甜甜幾開胃😛😛☻ 回頭指數：7.5/ 10❝ #Ami の九龍覓食記#Fatshit_ami #Lunchtime #九

尋晚本身諗住帶爸媽去食潮州野，點知間餐廳已結業，最後佢地揀左間環境乾淨企理的餐廳入去，枱與枱的位置都好闊落，我爸龐大的身形都唔覺得逼夾。 ⦁一口花生醬西多士配煉奶 $35⦁招牌生煎肉餅 $68⦁惹味乾蔥豬膶爆雞 $82⦁魚肚鮮菌勝瓜湯 $78⦁白飯 $10/碗⦁鹹檸檬雪碧 $20⦁檸檬茶 趕上下午茶時間嗌左份西多士，每件都沾滿蛋漿，蛋香味濃！煎肉餅煎得香口，唔怪之得可以成為招牌。果豬膶爆雞色香味俱，我地都覺得尼個餸做得好出色，必嗌！魚肚鮮菌勝瓜，岩晒夏天飲消暑解渴。

今天為大家介紹一間茶餐廳—公子茶座是一間裝修比較懷舊的茶餐廳。我和朋友們叫了一個招牌生煎肉餅飯，這個肉餅來到枱面的時候是十分香噴噴的，肉餅咬下去肉餅打得非常之有口感，而且肉餅表面煎到有點薄脆，口感極佳。生煎顧名思義就是沒有先把肉餅弄熟後才煎脆兩面的，要控制好火喉才成功。除此之外，我和朋友叫了一個滑蛋叉燒蝦仁飯，醋和蛋的配搭恰到好處，大隻嫩滑，叉燒也不錯。此外，選了一個是日推介—薑絲豬潤通跟炒蛋多士，薑味極重，適合像小編一樣的好薑人士，每一啖通粉吃下去都感到溫暖的，實在值得一試。多士方面也烘得外脆內軟。最後選了龍鳳檸樂及薑味奶茶作結，薑味奶茶感覺有點像薑汁撞奶的感覺再加上底，讓人倍感新鮮及醒神，大家不妨一試。cold brew 並不是一般茶餐廳會提供的，我亦為這是十分特別的感覺，大家可以一試。

呢間茶記真係抵食又好味😋自家XO醬雞扒煎蛋飯勁大份💕大大塊炸雞扒🐔外層炸到金黃香脆 肉質又嫩滑多汁 好高質呀😍流心煎蛋都好正🍳加埋啲XO醬撈飯 一流🫶🏻

經過九龍灣探朋友👯‍♀️，喺啲住宅區見到呢一間茶餐廳，係一啲餐室嘅設計仿以前80年代嘅冰室，好有懷舊同親切感😊，環境都非常之乾淨企理，同埋d食物好有heart ❤️南乳炸雞髀配薯條🍗🍟 （$38）雞髀都好有份量大大隻，炸到金黃香脆，入面Juicy，用咗南乳醃製，味道方面會比出面嗰啲更加惹味，多咗一份鹹香😊，薯條都係波浪形嘅薯條，超過份量一口花生醬西多士配煉奶🍞 （$35）個擺碟都超有誠意，幫你擺到靚靚先上枱😍，可以一口咬非常之方便，切都唔需要切。每粒都做到脹卜卜，粒粒金黃色，麵包炸到非常之鬆軟仲有蛋香味👍🏻，極力推薦椰汁紅豆冰 🍧 （+$10）杯紅豆冰真係超誇張，望見都透心涼，簡直可以用雪山🏔️形容佢🙈，超夠椰汁味，d紅豆夠淋又有咬口🫘👍🏻，超級滿足📍 公子茶座 (九龍灣)九龍灣牛頭角道3號得寶商場地下H號舖

《啡一般嘅冰室☕️》———————————————-#公子冰室 💁🏻‍♂️-去九龍灣淘大附近搵朋友食飯，佢推薦咗呢間隱世小店，走懷舊冰室設計，大大個招牌牌匾夠哂吸睛，而且座位闊落，喺卡位坐得幾舒服💈-聽小店店主講先知原來開鋪都係機緣巧合，咁啱原本嘅老店店主要退休頂讓，而家嘅店主以前就喺呢頭讀書，所以就膽粗粗咁開咗呢間價錢親民、乾淨衛生嘅新舊合壁茶餐廳😙-招牌生煎肉餅絕對係餐廳嘅招牌菜，煎到金黃色，而且份量十足好足料，肉餅超大塊過😝 食落口又唔會太油膩，帶少少焦脆，咬開入面充滿肉汁，餸飯食一流👍🏻 所以我哋就叫咗個鹹魚雞粒炒飯，炒得乾身唔會過於濕潤，充滿鹹香，大大碟幾抵食😌-茶餐廳有得飲咖啡就唔出奇，出奇在唔只係得港式咖啡，竟然有得嗌冷萃咖啡☕️ Cold Brew咖啡香突出，低溫萃取咖啡超過十二小時，所以無咩苦澀味易入口，口感順滑😎-⭐ 參考價錢︰招牌生煎肉餅：$68鹹魚雞粒炒飯：$58冷萃咖啡 Cold Brew：$23🍌 抵deal 指數：7/10💰 人均消費：$100

🥢 平時我好中意去唔同嘅特色茶餐廳或者茶座尋找佢地嘅撚手小菜，往往都有驚喜，今次黎到九龍灣公子茶座，亦都唔例外！ 👍🏻 店員都有禮貌，做事落單都爽脆俐落，小店裝修好光猛，好有香港特色 ⏳ 上菜速度中規中矩，晚市人流較多，而且有接外賣單，所以尚可接受 ✨ 招牌生煎肉餅 $68呢個小菜係公子茶座嘅其一招牌菜，亦都係menu上邊第一樣選項，可想言之肉餅系列係呢間舖頭嘅撚手小菜。首先生煎肉餅外皮煎得好鬆脆，入邊充滿肉汁，加埋配製嘅醬汁，同時間平衡左肉餅嘅油分，令到肉餅唔會太油膩 ✨ 惹味椒鹽豬扒 $78呢個小菜分量超充足，極多邪惡椒鹽，極多件香脆豬扒，係每一舊豬扒表面都灑滿左椒鹽配料，豬扒咬落去唔會太韌，呢間餐廳嘅椒鹽豬扒飯係主打濕，炸蒜同豬扒唔會乾身， ✨ 藍莓乳酸梳打 $26估唔到茶餐廳會有呢類型嘅特飲，所以好奇order嚟試試，賣相都值得打卡，嚟到要攪勻先飲，藍莓加上乳酸中和左酸嘅味道，飲落去唔會太酸，反而有一陣果甜味，而且配合梳打，爽呀！

香港人出名做嘢高效率，食嘢也追求「快，靚，正」，所以茶餐廳已成了香港標準陀地飲食文化之一，也影響了改變了很多華人地區餐飯文化。 打工仔為錢幣做奴隸，難得中午食個 Lunch，當然首選「快，靚，正」的茶餐廳。  這兩年的疫情影響了各行各業，經營餐飲業更是一個 Mission Impossoble。公子茶座位於人來人往的九龍灣住宅區，開業約半年。店主把舊老店翻新，在新時代的洗禮下，變革成新派冰室；既保留原有的懷舊色彩，亦承傳了獅子山精神，添了一份年輕活力。🥇招牌生煎肉餅飯  $58果然係生招牌！蒸肉餅由細食到大，而煎肉餅都係第一次食。肉餅厚切，成隻手掌咁大 🤚🏻煎香兩邊仍然保留 juicy 肉汁，食落不肥膩。加埋甜豉油，送飯一流，外出打拚，少住家飯，一定會想念那份親切媽媽的味道 👍🏻👍🏻👍🏻  滑蛋牛肉蝦仁飯  $58賣相好得！！一次滿足哂你三個願望，滑蛋嫩滑，蝦仁爽口，惟獨牛肉少少韌。甜豉油汁調味適中，配合蔥花提味，濕濕地好適合撈飯，另一香港地道美食 😁  香脆奶油豬  跟餐+$16我係好鐘意食奶油豬架 😆 即叫即製，外面烘脆，加埋牛油和煉奶，好香甜又邪惡😈 不過好肥，間唔中過下癮就好，

香港人真係對茶餐廳情有獨鍾媽媽時不時都想食件西多飲杯凍檸茶🍽嗰日同婆婆天天行完街😝竟然發現到依間舊式裝修既 #公子茶座 入邊裝修係仿六七十年代懷舊冰室裝修，嘢食選擇非常之多懷舊紅豆冰至新式豬扒印尼撈麵都有🤩炸魚柳薯條魚柳香滑實肉又多汁，炸嘅時間控制得宜香脆肉嫩薑絲豬潤通粉湯底勁濃郁，豬膶清洗得乾淨，熟度剛好入口爽滑冇渣，通粉有彈性🍲食到最尾都會淋Betbet 😋😋🍞一口花生醬西多配煉奶每粒西多切到一口size ,四面都炸到脆卜卜，入邊夾住香濃花生醬🥜再配埋少少甜🍼煉奶👍👍🧊椰汁紅豆冰椰汁🥥刨冰配上軟綿綿紅豆甜度適中🥤最普通嘅🍋凍檸茶但係都要茶底好味😋呢度調得啱啱好茶味香濃又不會過於苦澀👍晚市餐牌仲見到有好多招牌小菜，睇相都勁有鑊氣🥘。下次捉埋爸爸嚟食🥢晚餐試試又唔使煮🤭🤭