六和素食 (已結業)

老婆話呢間素食店成日都大排長龍，如果午飯時間去都唔使旨意搵到位。 今日恰巧經過銅鑼灣，時間尚早，老婆提議不如上去試下運氣。上到去，其實很多位都已經畀人訂咗。 但啱啱又有幾張細枱，就坐低食。呢度素食嘅款式都幾多，有日式壽司，泰式串燒 同埋傳統嘅中式。叫咗牛油果壽司、泰式串燒 同"芝士焗豬扒飯"。牛油果壽司同沙嗲牛食落都完全唔覺得似在食素。最欣賞嘅就係個沙嗲汁入面嗰幾件青瓜。最驚喜嘅就係焗豬扒飯太大碟。由於想試多一個餸，於是我們就將半碟飯放進食物盒內，留返做明天午飯。最後叫多咗個砂鍋雲吞雞，這個又有點失望，因湯底充斥著雲吞皮嗰陣味。 叫呢個餸都係想食多啲菜。甜品仲有紅豆沙送，正!另外呢度有個特別之處，就係如果啲"肉名"有別字嘅話，大會嘅餐牌都會係特登寫嗰別字出嚟。如下圖，“洋”腩。常食素身體好，希望有機會再幫襯多啲。

所謂齋口不齋心就係咁啦！叫晒成枱似肉又非肉的齋菜每碟都煮出水準，唔似食緊齋，最欣賞個羊腩煲，好嘢味。奇味豆腐，外脆內軟滑。齋菜其實都真係可以千變萬化的。好滿足喔

上星期同三個朋友慶祝生日，因他們都很喜歡吃齋的， 所以他們便選擇了“三和素食“， 雖然本人不是太喜歡吃齋， 但因生日三位朋友都喜歡吃齋所以由他們話事。我們進入了餐廳， 原來是主打新派創意素食， 現代化的裝修，氣氛雅緻寧靜。坐下後看看餐牌， 很多菜式都很特別， 有用冬瓜做成梅菜扣肉和猴頭菇製成的菠蘿咕嚕肉， 又有多款壽司和手捲， 做得十分相似， 像真度甚高。我們點了六和粟米粥， 香芒吉列卷， 牛油果天香卷，豉油王炒麵， 牛油果焗法包， 鳳蛋松露菜脯角， 青芥末日式燒茄子， 台式燒肉刈包， 紅棗糕和 桂花煨雪梨。牛油果焗法包， 味道一流值得推介丿香芒吉列卷，咬落的芒果好甜，又有口感另外這個係牛油果天香卷，本人不大喜歡入面的菜苗呢？青芥末日式燒茄子，估不到面上面的芥未那麽濃豉油王炒麵略嫌太油紅棗糕口感煙韌，賣相，味道都非常吸引外型已經吸引，食落清甜， 滋潤估不到齋都有一定的吸引力，果然新一派素食係有捧場客噃

勁失望的一餐！兩個人點左一個麻香素雞絲粉皮，一個避風塘茄子，一個竹笙海皇羹，以及一個梅菜扣肉，買單460蚊，唔算抵食，而且味道真係好麻麻⋯⋯首先最大伏係個避風塘茄子，一咬落去成口都係油，發現d粉同茄子一樣厚，而且完全入唔到味，為左唔浪費沾海皇羹的醋先勉強食完⋯⋯雞絲粉皮味道一般般，麻醬唔算香，偏甜，絕對算唔上好味海皇羹更係完全無鮮甜味，有幾粒冬瓜竹笙之外，就係各種素海鮮，其中有一款素蝦唔知點解勁腥！！！最後問伺應拿左胡椒粉先勉強飲完⋯⋯最後的梅菜扣肉普普通通，叫做可以送碗飯食，但冬瓜處理到偏甘，勉強可以接受啦⋯⋯總之食完之後，都無開心滿足的感覺，滿滿都係伏啊

大人朋友約埋一齊食飯, 兩位小姐都鐘意食素, 所以專登搵呢間未去過既去試下, 又估唔到有驚喜叫左四餸兩甜品, 再加本身送既糖水, 份量剛剛好牛油果天香卷 - 面用牛油果代替魚生, 裡面就塞滿菜苗, 應該係蘿蔔苗, 味道好草青, 不過感覺係幾清新既梅菜扣肉 - 個樣真係好呃得吓人, 夾到碗留心睇先見到少少分別, 口感唔錯, 雖然用冬瓜造, 不過醬汁做得好好, 梅菜又多, 撈飯食一流, 所以食起黎都好滿足濃湯沙窩雲吞雞 - 材料好豐富, 有白果, 素肉, 菜同埋齋雲吞, 味道好香好濃, 估唔到素既雲吞雞會咁好食, 冇諗過麵根可以做到咁既口感片皮鴨 - 一睇張相就一直叫呢味餸做片皮鴨, 其實應該係乳珠拼掛包; 佢既素肉口感又同雲吞雞既有少少唔同, 當然佢煎香左都有好大分別, 煎香左加埋個醬料, 又真係幾好食, 尤其是個包,  望落去以為好實, 入面原來好軟綿綿, 尤其熱食更好味甜品就叫左紅棗糕同桂花燉雪梨，桂花好香, 自己一向唔鐘意食熱既生果, 好在呢個既甜味唔算過份, 食落去都有一陣清香; 個紅棗糕既紅棗味就唔太夠, 不過素食朋友就會啱哂, 清新D; 另外仲有送既西米紅豆沙, 粒粒紅豆咬口

第一次來呢度食，真係都幾有驚喜喎。打電話來book位嘅時候都覺得聽電話嗰位應該經理好有禮貌。來到嘅時候服務都好好，所以食得幾開心。覺得樣樣野都幾好食！芒果壽司，口感不錯！如果芒果厚少少仲好！芋頭魚。花之戀壽司，三文魚真係好神似！五味人生！呢個炒得好香！好味道！古法羊腩煲，最鍾意枝竹！「羊肉」個質感都好似。色香味俱全！不過呢個咕嚕肉既「肉」就唔係太似。但係新鮮菠蘿好味！「軟殼蟹手卷」軟殼蟹原來係炸紫菜！真係好搞笑！原來紅棗糕配紫蘇葉味都係咁清新！呢個必食！！整體來講都好滿意！隔一排會再來。星期三晚都full，原來都有原因嘅！滿足的一餐。

幾位朋友是素食者，約他們食飯就要花點心機做功課。今次試銅鑼灣區上樓素食酒家，店內人很多，幸好三個人不用等。我們點了二人套餐，再加個避風塘茄子。我覺得套餐不太抵食；套餐包括：兩個南瓜素翅湯、炒上素、咕嚕肉、牛油果卷、魯水豆腐。南瓜湯沒有味道，炒上素（不過有我喜歡的淮山）和魯水豆腐普通；唯咕嚕肉最好味，醬汁酸甜味合到好處，不吃素的B先生都覺好味（其實他可吃的選擇不多😆）。茄子炸到剛剛好，薄炸漿包圍住每舊茄子）辣辣地好野味！牛油果卷有點奇怪....店內還有很多素菜選擇，份量亦很大，大顆兒share較好，適合一家大細既家庭聚會。

心知罪孽心重，所以相約友人忽然食素，希望可以靜化身心！方便行動要去銅鑼灣，於是隨手打開openrice碌下，發現哩間素食店好似幾好口碑，啲賣相都幾得，就一於卜檯試試！金沙淮山 - 好好味！外層甘香，內層爽脆！堅好食！菠蘿咕嚕肉 -  簡值一吃愛上，俾我一個人食成半碟。咕嚕肉真係唔知用咩做，外層炸得鬆脆，裡頭又不會死實，口感帶點纖維又有點水份，有點似猴頭菇，但沒有菇菌味道。用新鮮菠蘿做配菜，醬汁方面亦做得剛剛好。最適合我哩種齋口唔齋心嘅掃食者！刈包 係服務員推介，有驚喜，裡頭夾住一片非常香脆口感似煙肉嘅物體！牛油果卷 友人不太喜歡裡頭的老外豆芽，頂唔順佢嘅草青味喎！我仲ok！冇影相嘅，仲有七彩冷麵，不過大失啦~ 棗蓉糕$28/3件，不是熱蒸上檯，口感似布甸，個人較喜歡吃慣個種軟糯款式。不過食得出真材實料，啖啖棗蓉！哩間餐廳值得推薦俾一眾想食多啲素但又忍唔到口嘅人！

今日家庭聚會，哥哥係素食者，所以每次會揀唔同既素食食肆試試。今日家姐提議去六和素食，講真食物偏貴，食物質素一般。叫左一個炸素豬扒，佢將素肉切到好薄，然後炸，旁邊放左腰果，我地見到呆左，完全唔知係咩。老實所有食物都麻麻，咁既價錢真係無下次

不會再光顧。家人生日，今日在這間素食館食晚餐，先點茶，有普洱，香片，鐵觀音選擇,茶普通，十元一位，前菜有黑木耳，蕃茄選擇，要求待應不要前菜但被拒絕，她表示是員工福利，不可以唔要，而且已算在茶芥那裏，我們衹好接受，畢竟去其他食肆通常都有給食客選擇要不要前菜，這次居然被免強，大感失望。食物方面，餸菜味道普通。光顧的應該都是熟客，，飯後甜品木瓜雪耳糖水，有些送紅棗糕，詢問待應可否改送隔離桌一樣的紅棗糕，但待應表示不可以，因為他們會比較不同，埋單3人430元，發現前菜竟然另外收費15元，茶芥3位30元，與之前待應所說已算在茶芥有出入，總括而巳試一次就夠，服務態度冷淡，食物一般，是一次經驗吧。

同事介紹黎呢度食飯，冇訂位，6點半去到仲有位，但之後陸續好多人來。一坐低侍應介紹冬瓜盅，四個人點咗兩個share，又點咗刺身、梅菜扣肉、牛油果多士、芋頭魚、紅棗糕、燉雪梨先來刺身，素鮑片唔錯、吞拿魚似普通蒟蒻、最驚喜係三文魚、咬落去真係有三文魚味，正。之後來嘅冬瓜盅剛燉好，裡面好多料，素翅最有𡁻頭。牛油果多士夠脆，好多芝士，如果多啲牛油果會好啲，淨係食到芝士味梅菜扣肉賣相好似，其實係冬瓜，但梅菜偏甜紅棗糕同燉雪梨都好食，特別後者，佈滿桂花香

地點: 銅鑼灣堅拿道西10號冠景樓1樓A舖 交通指引: 港鐵銅鑼灣站 A 出口, 步行約5分鐘 電話: 2759 1368 六和餐廳是一家很不錯的素食餐廳，門面、菜色和服務都很足夠，很適合請客的時候帶朋友來這裡吃飯。唯，價格是香港本島素食餐廳中，屬於偏高的。這裡也有包廂，要很多人一起團聚吃飯也很適合。 芝士牛油果吉列捲(8件) (HKD 82) 這是我第一次在香港吃到素食壽司，非常非常感動。我超愛吃酪梨壽司，在香港酪梨叫做牛油果。香港的日本料理點，我還從沒看過牛油果壽司，頂多小黃瓜或蛋壽司，吃到酪梨壽司的時候，眼淚都快掉下來了。這壽司一口要TWD40，兩口壽司可以買一個台灣便當。這就是香港的物價。 美乃滋有點膩就是了。用筷子剔掉就好。後來還有在同德素食吃到好吃的壽司料理，很推薦。 沙嗲素牛肉串(四串) (HKD ??) 我超愛吃沙嗲味的料理，所以來素食餐廳通常必點。 波蘿咕魯肉 (HKD 85) 因為是猴頭菇，所以不錯吃。幾乎每家素食餐廳都有這道菜。一般帶吃葷的朋友來品嘗這道料理，通常不會失望，還有吃到肉的飽足感。 某水煮料理~ 這一道很推薦，忘了名字了，是菜單上少數有畫辣椒

我昨天完咗教會崇拜同阿媽去咗銅鑼灣 今日六四 維園方向超多人 所以行咗去教協那邊食 最終決定食素 我們的老地方今日叫咗一個下午茶套餐 2:30-5:00叫了叉燒包同蕃茄水餃湯麵 都幾好食 包好軟 蕃茄麵酸酸地幾開胃 一碗都夠2個人食 價錢58元 同叫了個芒果吉列卷芒果卷好食 4件不是太多 剛剛好 半價21元有得坐 環境都幾好 幾舒服

今日端午節同阿媽游完水食，下午茶由2:30開始 有唔同的套餐及半價小菜小食我們叫了一個套餐，包2件點心及一個主菜；我們選擇了一個南瓜海皇餃同雪菜素火鴨絲湯米。我覺得個南瓜海皇餃不是太好食 個皮厚了些；雪菜素火鴨湯米就好似啦 個火鴨係用面筋製 都大碗同幾好味 清清地我們仲叫咗2個半價野食，包括胡椒雲吞湯及素軟殻蟹卷，胡椒雲吞湯係一窩 不是太濃的胡椒味 雲吞好大隻好多料 個味道好好 不太咸同食完唔口渴。軟殻蟹卷最好味 有沙律醬內面脆脆的 好野味好好食

Happy Friday, 今日約好一齊去食齋, 又咁啱原來係'初一', 講講哩間餐廳的食物質數~唔油膩/清淡, 當中<壽司>口感食落去, 都真係感覺自己食緊'三文魚'壽司. 員工服務態度~有禮貌/友善👍