農

营业中

休息中

父親節嘅時候，我哋一家人去咗位於香港科學園嘅「農」餐廳慶祝。呢間餐廳環境優雅，裝修簡約大方，畀人一種舒適嘅感覺。我哋點咗好多菜式，包括田園炒花青苗、金箔棗紅糕、南瓜角、古路熔岩、烈焰菠蘿炒飯、木桶豉油雞、手抓餅、蒜爽豬手、羅拔仔同埋爆汁乳鴿。每一道菜都令人驚喜。首先，田園炒花青苗嘅口感鮮嫩，顏色翠綠，好有田園風味。金箔棗紅糕則係甜而不膩，金箔嘅點綴更添奢華感。南瓜角外皮酥脆，內餡香甜，好適合做開胃小食。古路熔岩醬爆墨魚嘴烈焰菠蘿炒飯則係一道主菜，菠蘿嘅酸甜同炒飯嘅鹹香完美結合，令人回味無窮。木桶豉油雞則係一道傳統粵菜，雞肉鮮嫩多汁，豉油嘅香味令人垂涎三尺。手抓餅則係一道北方特色小吃，餅皮酥脆，內餡豐富，好有飽腹感。蒜爽豬手則係一道下酒菜，豬手燉得入味，蒜香撲鼻，好開胃。羅拔仔則係一道海鮮菜式，蝦肉鮮美，醬汁濃鬱，好有口感。最後，爆汁乳鴿則係一道招牌菜，乳鴿皮脆肉嫩，汁水豐富，令人一試難忘。總括嚟講，「農」餐廳嘅食物質素非常高，每道菜都有佢獨特嘅風味同特色。而且，服務態度都好好，令人感到賓至如歸。如果你鍾意食中餐，又想試下新口味，咁「農」餐廳絕對係一個唔錯嘅選擇。

今日我哋嚟到白石角同狗狗散吓步，行到咁上下就揀咗呢間「農」食lunch。
餐廳嘅戶外座位區係寵物友善，狗狗可以自由落地，亦可以上梳化或凳坐。每張枱都有太陽遮，兩側仲有大風機不停送風，即使中午都唔會覺得焗促或太熱。先講講最吸睛嘅主菜 —— 菠蘿炒飯。成個新鮮菠蘿挖空再做碗，賣相打卡一流。炒飯炒得夠乾身，飯粒粒粒分明，入面有蝦仁、腰果同啲新鮮菠蘿肉，味道鹹中帶甜，酸香開胃，食落去豐富而不單調。至於肉類，我哋嗌咗蜜汁叉燒，真係幾有驚喜！色澤紅潤油亮，表面微焦帶香，咬落去外脆內嫩。肉質保持嫩滑，肉汁鎖得住，醬汁甜鹹適中，完全唔會搶味，反而令叉燒本身嘅香氣更加突出，每啖都好有滿足感。小食方面點咗兩款：炸春卷外皮金黃酥脆，一咬就碎，內餡蔬菜鮮香唔油膩；炸墨角嘴就真係超出預期，每粒都大大粒，炸漿夠薄，外脆內嫩，面頭灑咗炸蒜同蔥花，咬落去有啲香脆同軟滑嘅對比，口感非常討好。整體而言，呢度不但有心水推介嘅菜式，環境又舒服自在，特別適合帶埋毛孩一齊過個輕鬆嘅下午，值得回訪。#香港美食 #寵物友善餐廳

以前入科學園都會黎哩間野食下飯，因為啲食物都有小小創意！今日再黎簡直係面目全非，叫左個菠蘿炒飯講真100幾蚊個炒飯都唔算平，炒到又鹹又酸.之前隻乳鴿都幾好食，今次都再叫點知完全唔同晒味又黑.又腥！都唔知係咪換左師傅！再黎個蝦餃又細粒啲蝦又成陣味一聞就知唔新鮮！幾十蚊籠點心都係咁既出品！都唔知係咪預製菜黎！然後啲服務員個個好似係到遊魂咁，揮晒手都冇人睇到！話晒都收加一茶錢吖！咁既服務態度點做吖！以後一定唔會再黎！

我來到農餐廳看到很多食物，很多選擇可以選，態度服務十分之好點心十分之美味。飲品都好多選擇。甜品啲樣好得意。啲叉燒都好好食，叉燒好腍啲雞都好好食好多汁同好好食。我覺得啲乳鴿真係好好食好多汁同埋好豐富。食嘢嘅環境都好好，10分滿足。下次一定會返嚟食。

兩個月前黎食，食物質素是可以的。但今日再黎食無叉燒，燒賣都退步左好好好多，一定轉左廚房師傅，最離譜係一咬粒蝦餃-有酸味，吐都吐唔切，即刻話俾店員聽有酸味，個店員死口話冇可能，根本唔想處理，我再叫佢可以聞一聞就聞到，佢先死死氣拎左去俾個亞頭，亞頭聞完即刻同廚房講有問題！但店員過嚟不但一句唔好意思都冇，仲好敷衍話（咁取消囉）完全趕客態度！客人已經唔係多，仲要咁嘅態度😡呢次之後一定列黑名單（不論食物質素，以及員工態度）

黎到科学園, 好靓食肆, 以為呢间是有質素的餐厅, 會同一般餐厅唔同. 但试過之后, 食物同一般茶樓冇分别, 而且冇服務, 態度差, 不會再幫襯.又要等位 又冇質素 隔離仲有好多選擇 又唔係平 不會再考虑.

好失望😞食物質素好差⋯⋯浪費了美好環境的餐廳….差評100豬油撈飯沒有豬油香，飯好硬雞仔奶黃包個包好硬，沒有奶黃香味其他點心唔知食咩落肚沒有下次再幫襯，唔會介紹比身邊朋友

踏入「農」餐廳，美食體驗超驚喜！烈焰菠蘿炒飯，煙火氣中菠蘿清甜與米飯香交織，口感豐富。拉絲啤梨創意十足，甜蜜拉絲超有趣。柚子花精凍清新爽口，滿是自然芬芳。土炮雪茄造型吸睛，口味獨特。

今日嚟到科學園，想試吓造型點心，就嚟咗呢度食午飯。一入到嚟，會俾茶水。餐具有埋濕紙巾同手套，相當貼心。（1）🧀拉絲啤梨（芝士）🍐$48好好味👍🏻外脆內軟。配芝士餡都好唔錯👍🏻啤梨造型賣相討好。（2）🔥烈焰菠蘿炒飯（瑤柱菠蘿炒飯）🍍$128上菜時會原個菠蘿上，即場喺下面點火，燒一陣再打開菠蘿。啲飯吸咗菠蘿汁，好好味😋我見好多枱都有叫，推介😁（3）南瓜角 $48好好味👍🏻同上面（1）拉絲啤梨一樣外脆內軟，不過餡係南瓜。南瓜造型都好可愛😍（4）🐮牛榛仔（叉燒餡）$49係牛頭造型嘅叉燒包。唔係好明點解唔做返豬呢🧐味道都ok嘅，不過冇餐廳其他點心咁好味。如果唔係特別鍾意食叉燒包嘅，建議留肚食其他點心。（5）🚬土炮雪茄（蒜蓉蝦）🦐$68喺雪茄造型嘅蒜蓉蝦春卷，再加朱古力粉扮煙灰。外型可愛☺️一份有三條嘅，食咗一條先記得影。味道都好好味😋春卷好脆（6）🦐荔枝趣脆 $68喺荔枝造型嘅炸蝦丸。外賣可愛，味道都好👍🏻推介😇（7）爆汁乳鴿 （兩隻）$136可以一隻一隻叫嘅，我哋今次叫咗兩隻。乳鴿冇乜特別，同一般酒樓質素相若，都ok嘅。環境方面，餐廳喺科學園，景觀都唔錯。

菠蘿炒飯得個樣，一般好食。其他點心仍然非常出色，d料非常足，淡淡蝦肉，好似炸雲吞同雪茄春卷等，推介。至於，煎堆入邊嘅綠茶流心，我就麻麻地，非常濃綠茶味，綠茶控應該鍾意。另外，冇晒糯米飯荷葉飯，我覺得有啲失色。

🧧新年快樂！再訪科學園區，都係去返農飲茶🫖，因為幾間茶樓都各有參差，食物質素當然係首要條件，食物總類亦都好重要❗️感覺上款式的確靠之前減少咗選擇，希望店舖可以調整一下，咁就可以帶小狗🐶經常去幫襯😅.———————————————————————————.🥢螞蟻上樹🐜💬即係肉碎炒粉絲，上面再加啲櫻花蝦以增加口感，味道同賣相都不錯，香味撲鼻，爽口彈牙👌🏻.🥢黑毛豬叉燒🐽💬色澤鮮艷，有著炭烤嘅效果，麥芽糖嘅表層有著糖中帶香嘅味道，配上白飯感覺一流👌🏻.🥢沙薑豬手🐽💬冷盤點咗豬手，皮爽肉彈，大量香菜蒜粒秘製，非常入味而且腍滑，不錯嘅效果👌🏻

一段時間冇嚟過農，啲嘢食質素仍然非常高。個菠蘿炒飯好有特色，以為得個樣，但個炒飯真係幾好食，粒粒分明水，又惹味。另外佢啲特色店都好正，粒類似荔枝樣既蝦，入邊啲肉好實，落足料。豬軟骨，又係好入味。整體都好好味，推介。

呢間餐廳第三次嚟👌~中秋做節唔想逼又唔想俾人趕交檯⏳️,嚟呢間最穩陣~嘢食好味,前公司要攪晚宴我都推介呢間🤗,連外國人都讚👍~前兩次嚟都無食過點心,所以一早已經睇中咗呢個荔枝造型嘅🍓~佢成粒都係蝦膠🦐,配埋外脆脆米粒粒~偏鹹咗少少🤏,但整體又脆又彈牙,好食~仲有個蒸點心,三色蝦餃好靚🥟,不過藍色會有啲染到蝦肉🎨~蝦肉彈牙,層皮都好QQ~呢個氣鍋雞係我最心心念念嘅🫖~雖然係好簡單嘅椰子雞湯🥥,但好香濃又甜~不過茶壺上比較煩,會有回漏,浪費咗啲湯🥲~呢個土炮雪茄第一次嚟都有食,好有心思,唔止有招紙仲有埋煙灰🚬~係脆卜卜嘅春卷包住蝦肉🍤,得意造型一定男女老幼都啱~佢個蜜汁做得好好🍯,甜得嚟有少少滷水汁味,有啲香料味~而叉燒肉質都幾腍,中間有個位爽爽地~其實本來想叫乳鴿,但可惜今日無,所以試下呢個沙薑懶人雞🐔~雞皮超級香脆,而啲肉就拆好晒,加埋青瓜撈咗沙薑味🥒~呢個烈焰菠蘿炒飯又係每次必點🏆,仲近乎每檯必點~上檯一定要幫佢影video🎥,睇住佢燒🔥~入面係瑤柱蛋白炒飯,炒得好乾爽🍚~食完飯可以挖埋底嘅肉,啲菠蘿肉真係好甜🍍,汁都飲埋🙈~做節都無啲乜費物費🤑,人均二百零飽到捧住個肚🤰,性價比夠晒高

見無落雨又好耐無去, 一於去重温吓佢D嘢食先😚坐戶外,少少陽光,唔係好熱☺️侍應細心咁安排咗一張唔曬嘅枱畀我,話我知有優惠,食滿一百蚊,可以加一蚊換咗原價$68嘅乳鴿👍用QT code 落單, 點咗拍青瓜做前菜,蒸素菜餃,綠茶煎堆,加一蚊乳鴿. 食物同以前嘅質素差唔多,一邊飲玄米菜,一邊嘆美食,仲有湖景相伴🥰 點得太多嘢食添,最後要打包煎堆仔做下午茶添😅埋單$170, lunch係又D貴,叫少一樣點心就啱啱好啦

今日晚上到科學園「農」買外賣，叫咗幾樣嘢其中一樣係荷葉飯，落完單俾完錢後去附近買啲嘢再返嚟，個男店員話冇荷葉飯，叫我哋加多個炒飯（因本身已有個炒飯叫咗），同埋如果要炒飯同荷葉飯價錢相差$20，問過個店員店員話因為用八達通付款冇得退返錢，個店員話寫低下次嚟幫襯減返$20，我哋話唔係經常去，佢跟住就話不如加錢要多份小食，我哋話嗰啲小食唔啱我哋食，（我哋落單中並無任何小食在內，因為唔啱食否則都叫咗），後來擾攘一輪後要個炒飯，個店員話補返滷水豆腐了結件事。呢件事根本係店舖店員問題，冇得賣落單嗰位又唔知，到我哋返到舖時店員處理又處理得差，完全浪費時間。