冬蔭公公 (已結業)

今日行開九龍灣,行來行去都唔知食乜好...見到呢間好似連鎖式既泰國菜,所以一於入去試試!!入到去都唔駛排隊呢, 唔駛等!!我地散叫左三樣野食:::第一個冬蔭公雞扒金邊粉!!個湯底不過不失, 而且都幾大碗!!不過塊雞扒真係好細...而且都幾夠辣, 幾好味!!第二個墨魚膠撈檬...呢個真係麻麻地, 完全乾忟忟咁...就算加左魚露, 都會覺得完全唔多吸引,味道一般般, 完全唔值$$$40幾50!!第三個係木瓜絲沙律!!呢個係唯一全餐最好味果個,不過呢個係全份, 價錢都要成$6X!!其實整體黎講都幾貴!!呢餐都要成$170, 唔係好抵囉!!同食物質素唔成正比, 唯一係唔駛排隊最好!!

十點幾先得閒食晚飯，見冬陰公公仲有好多食客一於試下佢。一入門口，有個男侍應大叫“唔係吖嘛，十點幾仲有客”，咁……我仲食唔食好呢？此時有另一個女侍應帶位入坐，算啦，一場黎到食一食佢。冬陰魚腐米線，魚腐有三塊，軟軟的都幾好味，湯底酸酸辣辣，好開胃，大愛配料嘅芫荽同花生。金菇肥牛卷，好有牛味，但金菇太韌，好難咬開。旁邊有個咸咸地嘅醬料，有少少蒜頭味，幾特別。要了一杯凍檸蜜，檸味同蜜糖味比例唔錯，好飲。食物是幾好的，但係啲侍應態度嚇人，一路食一路用漂白水拖地。其實當時好多食客，點解要拖地呢？抹完地下嘅布又用黎抹枱，好唔衛生。另外侍應談笑間不斷用粗口互相問候，又不停問收得工未，做死人咁，真係好難再幫襯囉。

欣賞電影前先要照顧肚子，選擇了價錢相宜的冬蔭公公。幸好到達時間還早，否則便要排隊等候，餐廳的座位狹窄，環境也較為嘈雜，因此只適合快吃不宜久留。生怕冬蔭公湯太辣的關係，保守地點了豬扒撈檬粉，最後發現自己大錯特錯。比例方面，豬扒和檬粉極度失衡，前者份量吝嗇得很而後者卻過度澎湃。豬扒的肉質粗嚡，而且全完失去水份，可確切地以「柴皮」來形容。它有些香草醃過的味道，但又不太突出鮮明。至於檬粉則黏著一團團，用枱上放著的魚露來調味，怎料會如此清淡。平日吃到的醬汁總會感到微微酸，令人開胃，但這裏的完全不一樣，我倒了很多也不覺得夠味。友人給我試了一口冬蔭公湯，辣度是三級中最輕微的，我反而認為不錯，絕對適合不能接受過份刺激的食客。薯寬麵十分滑溜亦帶煙韌，咬起來很有勁度。至於油鬆餅，因為吃時已待涼，所以很粗很硬，建議要趁熱食。這店不設加一收費，價錢亦相對便宜，不過以此食物質素，恐怕我暫不會幫襯了。

响淘大商場主流係日本和港式食物。突然間好左間"冬蔭公公 "，主力係泰國食物，緊係去試下間舖頭因為有做下午茶時段，所以呢個時段去光顧的人特別多，都要等左十幾分鐘先有位入去坐。店內的位子唔係好多，地方比較窄，人又特別多，所以都坐的唔係咁好車仔麵式落單，可以選湯底，主茶，麵和多少辣的程度。今次我地點左一個冬蔭公湯底牛肉麵和一個清湯芝心丸米粉，另外見到門面有師父整緊烤餅，所以order多一份餅來食。但係如果烤餅想跟有醬汁點，就要另外加錢呢個真係比較差少少。因為客人比較多和侍應比較新手，所以入單和等食物的時間都等左好呀終於有得食啦，個冬蔭公湯底，少少辣，D味道好濃，個麵好好食呀! "少少辣"個程度都可以接受到。反而個清湯芝心丸米粉冇個冬蔭公湯底咁好味。但係碗麵的份量好足夠，其實個份量當正餐都可以夠飽肚。個烤餅因為係即叫即做，所以食物上枱時，個餅都好夠熱，而且都好好食，但係欠左d醬汁去點烤餅。整體來說都不錯呀，特別個烤餅其實好好食，但係單叫一個已經$18元，另加咖哩汁或其他醬，就要收多10幾元。呢個真係唔多化算。

食物賣相方面及味道一般, 沒有驚喜. 最差就是那個咖哩雞飯($58) 的咖哩雞只得一塊 (可再分為2小塊吧), 其他全是洋蔥. 向經理反映, 他只冷淡的回答 "我地係得一塊雞架嗃". 我明白依家食材貴左, 但唔係得一塊雞咁寒酸嗎. 大x樂都有3-4 塊啦. 價錢講真唔算太平, 但係環境又逼又唔舒服, 服務又唔好 (叫加水叫左幾次), 一定唔會再去 !

下午茶唔知食乜，一直想試這間。本來想試冬蔭湯底，但胃痛只好乖乖試魚湯。魚湯味不錯，我吃得較清，不太咸so我不用加水。什菜魚餅很薄，冇特別，但魚型好得意。下午茶來說有很多粉，粉又長，我要用筷子夾斷，麵質有咬口 QQ 的。我又不吃白蘿蔔，早知點多樣餸。好在個湯好味，食哂d 粉。胃痛的我只飲滾水...下次試肉骨茶先

一個人心情唔好.漫無目的地去到九龍灣.眼前見到冬蔭公公呢間新店.下午茶亦不貴.當然,要入內一試.入內環境雖則新,但設計上一排排桌子,與鄰座距離什近.店的設計.地盡其用,什有壓迫感.但服務不俗.店員還主動介紹下午茶的食物.我眼見其他客人對食物有投訴.店員也細心處理.海南雞飯加凍檸茶.36元....凍檸茶:上枱後.我第一眼望到.好驚訝.為何全杯都是冰?沒有誇張是給了我整杯冰.茶亦淡色.味道與白開水無異.檸檬只得3薄片.完全出唔到味..但下午茶只加2元的飲品都值得原諒!海南雞飯34元:我聽到客人投訴34元同48元的是無分別.首先醬油沒有問題.黑醬油杰身.充滿酒味.其餘辣汁.薑溶亦惹味.湯亦無問題.冬瓜湯,相當清甜..可惜飯粒.冷冰冰.而且每粒入口都覺得林身.怎會好食?雞皮厚,有一點現雞毛,同有少許黑色.雞肉並不嫩滑,什至有點韌,而且肉質,好乾,味道亦無雞應有鮮甜,淡而無味.毫無優點.埋單雖則36元.合理.但應該無下次...

今日成班同事一早去試新開的餐廳，12点到唔洗等位。一坐低先黎2份生蝦，新鮮，爽，好味。之後叫咗份併盤，裏面有柚子沙律啖啖肉，燒蝦新鮮，串燒雞肉味道好，炸虾餅夠大件，墨魚餅弹牙，燒豬頸肉唔乾，点埋d醬汁好味。除咗併盤，再叫多咗幾樣小食，金菇牛肉卷夠大舊；炸雲吞又脆味道好；燒魚片頭和墨魚丸無特別，亦不過不失。到主食，有海南雞飯，雞油飯和雞也不錯；湯粉有唔同湯底，粉麵和餸選擇，車仔麵idea，亦好似泰式版譚仔； 有選擇障礙的朋友，佢有海鮮冬蔭公湯麵....而我就叫咗個冬蔭湯底BB辣，腐竹，魚片頭和竹笙，竹笙吸晒d湯好正！最好的，每個粉或飯有餐飲跟，嗰d例如特色咩荔枝冰，馬来拉茶/咖啡都有。晤錯！！唔洗成日都跟凍檸茶咁悶。最後試個特色甜品“馬来雪山“，賣相特別，皮夠香脆，饼底有糖，練奶，椰絲和花生粒，味道唔太甜，啱啱好！

當日與男友到九龍灣淘大商場, 看到有新店開張, 堂食食客亦不算少, 便被吸引到門前~看看餐牌, 有米線餐啊! 實在很想一試這新店米線質素~下午茶時間, 因為座位不太滿, 很快就被帶到近走廊位~(幸好坐走廊位, 那裡的座位很狹窄, 相鄰的桌子只有約20cm, 坐其它座位的人出入有點麻煩..)店員及貌似經理的, 服務態度都很不錯!!是日下午茶: 一碗"什菜魚餅x鮮魚湯湯底薯寬麵"另外飲品則+$4, 要了"珍多冰"~因為男友喉嚨痛, 所以沒選冬蔭功湯底,原先想吃米線, 但想試試甚麼是薯寬麵(一般湯粉餐廳都沒有)~下單後等了10-12分鐘才有飲品啊珍多冰中的綠色粉條是幼長的, 跟以前喝那些粗粗的很不同,這些沒有了能咀嚼的感覺再等約10分鐘,"薯寬麵"終於送到~看餐單上標示魚湯湯底的配菜有白蘿蔔,芽菜,金菇等等..但沒見到有任何金菇, 而期待的白蘿蔔很大塊, 但都是壞酸味 不能吃!! 老實說, 只有"什菜魚餅"算是不錯~鮮魚湯只有很淡的魚味 薯寬麵尚可~配菜不行!!!原先打算下次到淘大逛街可以試米線及其他小食,但真的很失望啊..

8月18，媽媽吾想煮飯，於是近近地落淘大搵食XD係地下見到間冬蔭公公，個menu d野又幾吸引，於是就等位。等左成大半個鐘，當有位既時候，先話有bb車吾入得:@要等出面果d:0再等多幾個字，媽媽見甘等吾係路，抱住啊b入去坐。前後等左接近一個鐘，有待改善！一坐低，我地即刻點左: 油鬆餅： 係等位果陣見到每枱都點左甘濟，食落又ok，推介！印度薄餅：普通啦，舅母話吾夠正宗一個湯粉：未食過，不過都ok一客大蝦：又係推介！媽媽話比4隻都食得哂xd一上果陣好香！一隻燒春雞：呢個好好食，好香既香草味，食落口仲香！一個大蝦炒金邊粉：好失望！d粉同普通全蛋面無分別！又吾好食半份雞腳：我地3個女人食吾停XD 總結， 服務吾多好，可能新開，waiter吾熟悉，因為落錯單，又漏單，本來叫左一份雞腳，最後落左半份-_-3個女人食左$248仲要吾加一，係甘上下啦！

前身是賣台灣菜的易牙妙手, 常常食飯時間經過都只有小貓三四隻, 原來最近停業了,換來上場的是這家新派連鎖東南亞餐廳冬蔭公公.現時冬蔭公公除了在九龍灣這家新店, 荃灣跟沙田也有分店.見剛剛開業, 裝潢門面好像不錯, 收費也十分便宜, 便前來試試.來到時晚上7:30, 巳見門口人山人海, 跟以前易牙妙手還在時簡直是2個光景.拿了飛等了差不多1個小時, 15張枱, 終於到我們了!!座位超級窄, 我們2個人坐在4人枱, 基本上也是跟另外2位搭枱.點菜是剔紙的, 都幾方便.先來試試個泰式海南雞飯 (HKD$48 要脾+ HKD$8)雞說是用龍崗雞, 我們要了脾位. 吃了一件, 雞味不算濃, 但十妙分肥美, 肉質也很淋軟, 肉雖不至十分嫩滑那種但整體仍不錯. 雞飯的雞油很少, 香味不出, 麻麻地.泰式大蝦炒金邊粉 (HKD$39)份量比想像中小很多呢, 炒得也很求其. 金邊粉十分碎, 糖也下太多, 整個粉都太甜. 大蝦肉是淋PAT PAT的, 也很甜. 整個面都甜得搶喉, 我以為自己在吃甜品.泰式柚子沙律半份 (HKD$38)香料配料都很少, 只有面層的一些炸蒜及花生碎, 頗香口, 底層主要就是沒