影片
以上资料只供参考，请与餐厅确认详情
朋友成日推介呢间米线，但系日日都排长龙。今日睇啱时间出击喇！今日系星期五嘅下午5点左右嚟，唔驶排队直入。一个人嚟就安排坐单边吧位，ok嘅，都干净阔落。朋友推介话呢间汤鸡好正，今日就试吓佢嘅招牌醉鸡汤米线啦！菜单上写明系即叫即整，所以要等耐啲，好期待呀！点知落单唔够2分钟就上枱，又话即做嘅？醉鸡汤米线（$62）一饮啖汤嘅时候就知道出事喇！啲汤唔够热，即系唔系即整啦！味道方面，啲酒系直接倒落去，冇煮过，所以酒味好浓，盖过鸡汤味（亦可能佢本身啲鸡味唔出啦）！总之汤底除咗甜味同酒味就饮唔到鸡味。至于鸡肉就俾得好足（有6-7嚿 - 有翼有脾有胸），仲有豉油辣油俾你任点。但系啲鸡肉好柴好老，又唔似煲完汤啲汤渣咁软糯，而且仲几油吓。总结一下，鸡汤米线的确比平日食𠮶啲米线健康啲。但如果系向住「饮靓汤」出发嘅就会有啲失望喇！
继续阅读
减肥期间唔想食淀粉，但又想饮佢个醉鸡汤底，见到有得转菜底，虽然要加10蚊都转咗，点知份量劲少，加𩠌拣菜都系7蚊下次走米线加𩠌都冇咁sad个醉鸡汤底好好味嘅，少少偏甜，今次啲鸡都几滑
继续阅读
讲左结论先：唔系唔好食不过我拣左一个唔合我口味既汤想写出黎希望同我一样唔钟意咸食系甜味既人可以拣其他汤第一次食拣左最多人推荐既醉香鸡汤米线卖相几吸引 见到啲鸡油就觉得会好好食但饮左第一啖汤就知我拣错左个汤既甜味唔系鸡汤既鲜甜 系真系甜味我估系红枣既甜？系食糖水既甜 搭配米线好古怪至于鸡肉我几钟意 唔会好un注意返唔系滑鸡黎 所以会鞋鞋地 不过我钟意既（我觉得太滑似假鸡肉）下次我会拣其他汤Btw铺头啲staff都好nice
继续阅读
平时系旺角见到必定大排长龙嘅一间餐厅，今次突登系lunchtime果阵食，岩岩1215到，都要排一阵队，都真系几多人食。🔹醉香鸡汤米线 $62好香酒味，个汤系好浓鸡味同酒味，饮落好暖胃。汤入面又有红枣，会令到个汤更加甜😍另外啲鸡嘅份量好够，鸡又滑又嫩，好正😋🔹虫草花鸡汤米粉 $65对比起醉香鸡汤，虫草花汤会清好多，超多虫草花，感觉好健康。鸡要点佢秘制豉油食会更出鸡味，我呢碗咁岩系鸡脾，啲鸡会更加滑，正😋🔹冻菠萝青柠蜜 加$8唔好睇佢平平无奇，好重菠萝味，几fresh几好饮，但饮到底会发现啲菠萝青柠蜜未完全溶晒，超甜😣建议完全捞晒先好饮
继续阅读
这间以鸡做主题的餐厅，我已经帮衬过好几次，今晚一个人食，所以特登想回味那个醉鸡汤今晚专登招牌嘅「醉香鸡汤面」，主食方面可以拣米线、油面、河粉、公仔面、乌冬等，（如果𨍭部份主食，需要加钱 $10）我拣咗米线。米线口感弹牙，煮得啱啱好，完全唔会过腍，而且每一口米线，都会索上一部份的鸡汤，味道十分好而个汤底飘散著阵阵花雕酒香，酒味浓郁却唔会喧宾夺主，亦冇酒嘅苦涩味，每一口仲渗透少少药材嘅香气，如果冬天食，更加一流。鸡件分量唔小，调味适中，唔会过咸，保留咗鸡肉嘅鲜味。店家同时贴心地附上一碟豉油，想味道更浓郁嘅话，可以点少少嚟配，味道同样出色，并且有一个小碟，可以放鸡骨，感觉枱面唔系咁多口水，比较卫生餐饮今晚拣咗包香果冻饮，味道都唔错
继续阅读