凱柏冰室 (已結業)

望海嘆冰室最近荃灣西一帶開了不少新餐廳 當然少不了我最喜愛的冰室 今日黎到一間新餐廳食午餐 不講食物 單說境色已吸引不己冰室一定要食常餐是常識吧 叫了沙爹雞排出前一丁雞排煎得香口肉嫩 口感一流加上湯底花生醬味濃 微辣中帶點甜味 做得不錯 配上出前一丁 完完美配合搭配奶醬多士 加上煉奶同花生醬 想起舊時餐廳的味道 重有牛乳炒蛋拼雙煎丹麥午餐肉 整個午餐非常滿足還有一個 喇沙魚片頭拼白魚旦銀絲米粉 喇沙湯頭的平衡做得相當出色，吃得出叻沙醬用上十分足 加上香氣十足，米粉滲滿喇沙湯底更是入味 冰室可以做到甘 好難得 整體感覺好舒服

望住個海食嘢，心情都輕鬆d, 冇諗過茶餐廳都有咁靚嘅海景睇，海之戀嘅凱柏冰室，真係可以用茶餐廳價錢去欣賞貴價地段海景。既然係港式冰室，一定要食港式經典鐵板餐$89,送熱飲，亦係呢度出名抵食又好味嘅餐。朋友點的日式吉列豬扒拼香烤雞扒意粉，先要讚雞扒，外皮煎得很香脆，裏面雞肉滑溜多汁，很新鮮。再吃吉列豬扒，覺得超好吃！外面吉列炸粉脆卜卜的，裏面豬扒大塊又厚身，而且非常鬆軟，好juicy, 好好味！極度推介要試試這個日式吉列豬扒。每個鐵板餐都配薯條、粟米、腸仔、火腿各一塊，加上有飯或意粉，份量超多的，食肉獸都一定夠飽。食鐵板餐，最過癮是把醬汁淋上鐵板上，聽到咋咋聲彈油的感覺，有得玩有得食。我點的西冷牛扒配香茅豬扒鐵板飯，主要想試下香茅豬扒同吉列豬扒邊款好味。香茅豬扒有香茅揮發香氣，食落很有bbq風味，也是大大塊的，有甜豉油汁醃過，食落唔會太鹹，不過口感覺得吉列豬扒好味啲，因為吉列豬扒鬆軟更多。西冷牛扒，相對薄身啲，不過夠新鮮，真係食得出牛肉味，不是用鬆肉粉醃到鬆曬的質感，覺得呢度的扒類用料都不錯。要介紹下呢度杯即磨咖啡，雖然是跟餐附送，但用料是用意大利金裝咖啡豆， 飲落真係幾香，比其他茶餐廳

今日行完街，去到海濱長廊試下依間餐廳，都算一路望住海，一路据扒😂😂食完仲可以行下長廊。真係$89蚊就可以据扒，仲有好多選擇而女朋友揀既就係經典鐵板餐火腿+腸仔+粟米+薯條，西冷牛扒（1塊）雞翼（3隻）黑椒汁，配薯菜 $89 火腿有一片，都好大塊一片，腸仔就有炸過，粟米粒，美味的薯條，女朋友塊牛扒比較薄，較沒有牛味，炸雞翼就皮脆，肉質還好，黑椒汁唔錯，夠濃夠味，因為本身有薯菜，所以再配薯菜就比較大份。經典鐵板餐火腿+腸仔+粟米+薯條，西冷牛扒（1塊）牛乳炒蛋（2隻）黑椒汁，配意粉$89配菜和上面一樣，牛乳炒蛋普普通通，沒有特別，但要講下既係我依一份的牛扒比較出色，除左大塊一些，仲很有牛肉的味道，而意粉的份量亦很多，足夠一位男士食用。

早餐時間、沙爹好香，味道中上環境幾好，新裝修，有海境，坐位都舒服可惜，待應態度十分惡，仲衰過大排檔！我旁邊既男仕叫野，個男待應同佢講：「點餐不是點圖呀，你諗吓先啦！」跟住調頭走左去！呢d 待應真係好影響形象需要改善

不嬲都鍾意食冰室嘢，今日咁啱經過呢間位於荃灣嘅冰室，於是就入去試下。冰室至尊常餐香濃嘅豬骨濃湯底，簡單配個出前一丁都好好味，加埋大大塊香茅豬扒，美中不足係中間有小小鞋。厚多士真係厚多士，外脆內軟，香甜可口。牛乳炒蛋夠滑，搭多兩塊火腿，perfect！經典鐵板餐西冷牛扒加香烤雞扒配薯菜，我哋揀咗番茄汁。牛扒好嫩滑入味，唔洗蘸醬汁已經好味。雞扒煎到好香口，同牛扒一樣咁滑。火腿、腸仔、粟米等配菜中規中矩，薯條就腍咗啲，不過都正常嘅。份量十足，價錢合理，經典懷舊港味，經過不妨試下。

今天來到荃灣西站最近新開的商場吃晚餐。C1出口正正有一間冰室，一於決定在這裡吃晚餐。食物的選揀很多，有常餐、碟頭飯、煲仔小菜、熱石鐵板燒等等。我們兩人分別選擇了黑椒薯仔牛柳煲和熱石鐵板燒餐。８９元就有一個熱石鐵板燒餐，先有有火腿，腸仔，粟米，薯條，再可以自選２款食物。這次我就選了日式吉列豬扒和雞翼，配蕃茄汁。豬扒好大塊，雞翼是炸的，都很香口。薯條是幼身的，已經調過味，十分香脆。黑椒薯仔牛柳煲配白飯。肉和薯仔的份量都很多。牛柳煮得很稔身，薯仔很入味。雖然是黑椒但不會過辣。總括而言，這家冰室的味道很不錯，定價合理，份量多。

最近去左海之戀某日本超市正想食飯之際一係倒模商場既餐廳一係多人排隊都唔想入去食而依間餐廳就正正係外圍行左兩個圈先搵到行到餐廳外冇乜人排隊而餐廳亦裝修得唔錯心諗都係果味公式野又肚餓就入左去叫左個火腿通唔好睇佢咁普通係我好細個食果陣火腿通湯底唔係般大咩樂，大快咩果種火腿份量唔係求其係多果隻而通粉既份量我係低估左佢第一次食火腿通得飽第二次去食係頹飯類型雞扒雙腸飯 黑椒汁我頂，個黑椒汁調得好似kf乜咁唔係坊間得個黑椒味重好食！腸仔係放過入炸爐雞扒差小小因為放涼左咁

海之戀商場真係多咗好多餐廳，今日就同朋友去咗喺海邊隔離嘅一間冰室。有啲卡位係望住出邊海邊，成個感覺都好開陽，環境唔錯。叫咗一個經典冰室扒飯，要咗雞扒煎蛋意粉配上蕃茄汁，雞扒煎到好香脆，而且都醃到好香，食落幾嫩，成碟意粉嘅份量都真係幾多，食完飽晒。冰室至尊常餐另外朋友就叫咗一個常餐，揀咗豬扒配喇沙湯，喇沙比較似沙嗲湯，但都幾濃上餐本身已經有配埋牛油多士炒滑蛋同埋火腿，不敗組合。兩款都有配埋餐飲如果擬晚飯來講價錢真係唔錯

凱柏冰室位於海之戀商場地下G01號舖，知道餐廳係最近先開幕，終於有時間黎試一試。餐廳行懷舊路線，所有裝飾丶擺設丶佈景都充滿香港冰室原貌，而且餐廳對住無敵大海景，可以望住藍巴勒海峽嘆早餐，真係好寫意，不過可惜我坐唔到海景位。我叫左份特濃沙嗲牛肉湯公仔麵拼牛乳炒蛋丶牛油厚多士。沙嗲牛肉屬於微辣，牛肉一般，炒蛋都OK。不過呢度冷氣比較大，怕熱的人好適合。見到呢個留聲機，令我諗起一首歌⋯⋯"如果愛過後未完全放棄流聲機一般暗自回味重復將悲歡刻意淡忘又記起為了捨不得你印象變依稀仍然默默的低唱期望你會聽到的那樣情感令人迷惘沒有你每晚更漫長緣和份若失去盼可再遇上縱分開了亦離不了夜曲只會因你唱"

海之戀有好多食店都望到附近的海景，貼近海旁的玻璃窗位，見到海景同散步人仕，感覺舒心又悠閒。餐廳是新開的，很乾淨又光線充足，但裝潢佈置都有懷舊風味，除了常餐同晚餐，仲有鐵板燒套餐，好吸引。我選的至尊常餐，揀左丹麥多士 ，烘得微脆帶酥香，配牛油更添香味。牛乳炒蛋好嫩滑，蛋味濃郁。丹麥午餐肉薄切，煎得非常香口，咸香惹味。正宗新加坡椰喇沙湯米粉，椰味飄香微微的喇沙香辣，被米粉吸盡湯汁，入口充滿喇沙湯底味，份量亦很夠。香烤雞扒醃得夠味，肉質較彈。熱石鐵板燒揀左日式吉列豬扒及西冷牛扒拌黑椒汁，配香腸火腿及薯條，怕太飽所以選了薯菜。倒入黑椒汁，隨即就有熱辣辣蒸氣、香味，用紙巾預先隔好，免彈油到衣服，睇住吱吱聲的黑椒汁，有視覺享受又有嗅覺的吸引，令食慾大增，呢d就係兒時覺得極高級的晚餐，真令人懷念。西冷牛扒真係味道不變，果種醃肉味道同質感，係茶餐廳獨有，牛扒好軟腍易咬，牛味同黑椒汁係最夾組合。日式吉列豬扒炸的香脆，肉質鬆化，唔會乾哂，配黑椒汁唔太夾，配返沙律醬正d，不過鐵板燒有得揀，咁多肉真係好豐富，又飽又抵食。腸仔火腿味道正常，薯條係幼身款，保持脆口，薯菜用了椰菜花及紅蘿蔔，份量亦多，拌黑椒汁都好

海之戀商場有幾間有海景睇既餐廳，今次去咗呢間食好西👇冰室設計新潮光猛，坐得舒服，仲可以對住個海外用餐👍雙重享受呀😚午餐選擇唔多，咁就可以唔使揀咁耐🤔喇沙豬扒魚片同湯米粉(另有沙嗲、蕃茄、豬骨湯)💰62+6🍋樂啊！這個湯頭我鍾意😍椰香味唔太重,🦐味濃郁惹味，有鹹香味，唔係死鹹嗰隻呀， 飲多幾啖都唔會口渴👍豬扒夠釃大件， 肉質正常，唔係醃到腍bet bet嗰隻， 有口😚 片頭都有兩大塊ga~對得起這個價錢😆

Nice Sea View from here❤️ Hong Kong Style Tea House🇭🇰 ..時代變遷，昔日既茶餐廳，漸漸變成而家既永室。由快餐慢慢亦轉型成多元化餐點，但當中當然都會保留住傳統既常餐吧。.呢間冰室吸引我試既原因，係因為呢度既地理位置佳，正正就係荃灣沿海地段，就在海濱長廊旁邊。食住冰室都可以欣賞到海景，黃昏仲可以望住日落🌅，你說可以不捨意麼❓.就來吃個海景早飯吧🍽 哈哈哈。晚餐時段，款式不多，但都有供應：中菜、常餐、喇沙湯粉麵、鐵板扒類套餐。格局光猛企理，最重要係非一般茶餐廳，唔會食完趕你走 可以慢慢坐，服務很好喔。.l雞煲]l $89ll $92ll $89Um...香港人嘛。晚飯時段🌙，當然要有米氣落肚。幾款煲仔小菜 配白飯🍚，來個家常小菜，讓你有種家的感覺。.煲仔小菜，即叫即做。別看小小一鍋，份量都唔算少。送白飯吃，2個人吃🥢 3個小菜好似有點多。.但當我吃罷，發現別人吃的常餐、鐵板餐更吸引啊啊啊。下次有機會，冰室我還是推薦你吃常餐、鐵板，感覺更棒。最後飲杯凍檬蜜🍋🍯，身心舒暢。..×××××ש荃灣大河道100號海之戀商場地下G01號舖..

朋友在海之戀新居入夥，今日去探探他，順便可以行荃灣的海濱。以為似海之戀這裏的新型豪宅樓下的餐廳會好貴，不過這間海栢冰室定價好合理，份量又多，難怪朋友話是他的飯堂。通常鐵板扒餐會好貴，這裏的不用$100，$89就食到！經典鐵板餐本身已經有火腿+腸仔+粟米+薯條，還可以自選兩種扒，我吃的西冷牛扒及香茅豬扒好大塊，特別是牛扒，這種長度食一塊！又有椰菜薯條腸仔火腿，很適合我這裏食肉獸！不要忘記還有白飯，黑椒汁用燈神的壺裝着，十分多基本上用不完。.冰堂至尊常餐$55也很豐富：奶醬厚多士、午餐肉（2塊）、牛乳炒旦，加入奶醬厚多士的確吸引，炒蛋炒得好滑有水準！而且不孤寒午餐肉足足有兩塊。喇沙湯沙嗲牛肉米粉好正，喇沙湯超級濃郁，每一口米粉都滿載滋味！.我朋友說他最喜歡經典的這個港式三寶飯，冇意思港人的最愛，午餐肉（2塊）、火腿（2塊）、流心蛋，配上葱油頭抽，那個香港人能夠抗拒？.每一個餐都附送熱飲，見到餐牌咖啡選用金裝咖啡豆，而且是即磨，果然不一樣，很香醇，飲完之後超級精神，正好今晚要通宵工作。.如果可以住在這裏就好，食到飽飽又可以去海濱散步，人生呀......

荃灣嘅海之戀商場，越開越多美食，仲有donki可以行，同朋友行完Donki，決定喺商場入邊搵嘢食。餐廳有小菜或者鐵板，鍾意食肉嘅我叫咗佢哋嘅鐵板餐，估唔到咁抵食，可以自選唔同嘅肉類。我揀咗咖喱吉列豬扒炒蛋餐，吉列豬扒有成塊面咁大，本身套餐仲附送火腿腸仔同薯條，仲可以跟飯、薯菜或者意粉，完全唔怕唔夠食。而朋友就選擇左黑椒豬扒香烤雞翼餐，同樣肉類一啲都唔吝嗇，大大塊豬扒再加三隻大雞翼，佢哋嘅薯條係幼身同埋本身已經有調味，非常香脆而且唔使點任何醬汁都好好食。

今日係荃灣西站辦完事，食完麵，點知住係荃灣的朋友仔打黎，話要一齊食下午茶，雖然有D 飽飽地，但當然奉陪到底喇😎一個肚餓，兩個陪坐的組合，朋友仔提意去下呢間有景睇嘅茶記打下躉，okok 咁又係一個下午😴呢度真係好好景，但可惜今日無陽光☁️不過呢度都好舒服。我地三個人，叫左兩份餐 share：喇沙香茅豬扒拼魚片頭湯銀絲米粉~喇沙好香，好濃，唔算辣，反而係滿滿的香料味道；豬扒夠淋，亦夠味；魚片頭都好食，可惜得兩塊，唔夠喉😆而我最喜歡食銀絲米粉，我係食得最慢嗰個，米粉我係最尾先食，但仍然有咬口，唔會淋。豬骨濃湯香烤雞中翼意粉拼午餐肉牛乳炒蛋丹麥多士~丹麥多士夠熱夠脆口，唔落牛油都已經滿滿的牛油味👍；牛乳蛋炒得剛好，我喜歡呢度的午餐肉，薄先煎得香同脆，但仲可以薄多少少仲好；雞翼本來唔睇好，上台得兩隻咁少😑個樣又唔靚仔，點知咬落去，係脆嫁🤩脆口得黎係唔油嫁喎，入面嘅肉仲好嫩滑，係好食嘅；最後個意粉並不是茶記淋意粉，都有咬口嘅，但個湯底反而最失色，豬骨湯淡，唔突出，有少少失望。炸薯條~我唔好薯條，但朋友想食，所以叫黎消磨時間，點知個薯條都好好食，似 burger 店個d薯條，夠味夠脆，我都食完又食😋