凱逸餐室

营业中

休息中

第二次幫襯，和老媽子簡簡單單叫餸食飯，叫咗鹹魚雞粒豆腐煲，超級熱而且份量都算多，二人食都食唔晒。仲有湯送，但飲品就要另外加錢~鹹魚雞粒豆腐煲，上枱滋滋聲的聲音就知是即製~ 雞粒很多，豆腐粒更多🤣好似食極都有咁。。。而且味道很不錯，有小炒風味，好啱送飯~這個湯其實份量很多我叫咗鯇魚腩粥，配炒米粉。粥底平平無奇，但鯇魚腩很多，令整個粥充滿魚味，想不到而家既茶餐廳都有粥食。眼見餐廳外自設煲仔飯爐，好像不錯，下次再幫襯煲仔飯吧！

《暖笠笠有飯焦嘅煲仔飯》.想食煲仔飯唔一定要去廟街嘅😆係元朗嘅凱逸餐室都食到啦！除咗煲仔飯仲有小菜常餐等，飲品仲好好飲😋重點係佢環境好乾淨，大大嘅加分位！.🔻臘腸排骨煲仔飯評分：8/10價錢：$75香味濃郁而且好惹味，重！點！係！佢有脆卜卜金黃色嘅飯焦🤤即叫即煲等15分鐘就暖笠笠咁上菜，真係好好食.🔻椒鹽豬扒配白飯例湯評分：8/10價錢：$77豬扒夠軟腍，入口有微微嘅辣味再帶出椒鹽嘅鹹香，鹹鹹辣辣， 香口惹味，好好送飯🤤另外白飯都粒粒分明有咬口，例湯亦不馬虎都有唔少湯渣夠晒真材實料.🔻椰香茅胚芽奶露評分：8/10價錢：$13（跟套半價）好香椰奶味😋亦都幾多胚芽，好有口感，而且唔係到到有，好飲呀！.👉🏻呢間係元朗千色後嘅譚仔隔離，位置都幾就腳味！好好食會列入我嘅翻食list💕.📍凱逸餐室 (元朗)元朗西菁街9號富盛大廈地下3-4號舖

今日同朋友一齊過嚟元朗呢邊食個晚飯，最近天氣都開始凍咗啦朋友就介紹咗一間唔錯嘅煲仔飯餐廳的時候，到咗你荃灣呢一邊大概7.0 -8:00幾乎餐廳都滿晒啦。外面有兩個廚師喺度做緊煲仔飯，味道真係相當響亮，呢間餐廳裝修都唔錯嘅有光先有過晚，用傳統嘅煲仔飯大排檔唔同呢個係光猛又舒服。土油肉餅煲仔飯，係天時冷享用最佳之時候！而我最鍾意就係試吓呢個煲仔飯嘅飯焦，一打開蓋嘅時候，香氣已經搏命協議，感想是有再焗多一陣，味道更佳，我用名嘅口感真係相當之好， -這個魷魚嘅鮮味，返朝再加豉油嘅完全融合上嚟食埋真係太惹味

朋友話有日本手信比我所以約埋一齊食個lunch~星期日中午人流唔算好多，可能大家都想慳返啲口罩，留在家中😌😂Menu好多選擇，分哂豬類、蛋類、雞類等等，方便客人按喜好揀野食～因為今日係天公誕生，所以我食齋，揀咗一碟小菜「濃湯浸野菌鮮竹菜苗」$65 成碟都係蔬菜，感覺好新鮮，份量又多，冇點白飯送，都已經好夠飽 濃湯味道偏鹹，如果怕食鹹嘅，唔好飲啲湯～朋友點左午餐咖喱薯仔牛腩飯（$65），跟餐餸白飯，再加飲品。朋友話咖喱香濃，牛腩炆得好琳，薯仔入味，以午餐黎講係唔錯既選擇～見到餐牌有杯飲品幾特別，所以朋友加$5轉配凍椰香胚芽奶露，初時以為一定會好甜，但係其實味道唔太甜，有椰香味，幾驚喜

呢段時間本應留喺屋企多，但有時逼於無奈要出街，都會食埋飯先番屋企。今日喺元朗買餸，搞掂之後就食左個早飯。未夠6點鐘來到凱逸，仲係下午茶時間，客人都幾多，大部份坐卡位，其實都好闊落下午茶抵食，但其實碟頭飯、小菜等等都唔貴。下次想來試下煲仔飯，天氣仲涼涼地，特別有風味。下午茶餐點左瑞士雞中翼配薯條，一份三隻，雞翼入味嫩滑，唔會太鹹；薯條係粗薯，即炸香脆時菜牛肉炒河份量不少，河粉唔會太細碎，可完整夾起，濕潤度適中，未見過量油份。牛肉都幾鬆，仲有幾條菜添！最後點左一份菜膽滑雞飯，估唔到雞件份量咁多，仲要係雞脾，基本上食落都好嫩滑，幾好肉地。檸茶啱飲，唔會太甜。

今朝同朋友打完波之後係附近食晏，冇咩心水，見到呢間茶餐廳裝修ok又好多客人就拎左張飛，好彩時間算早所以好快有位～我叫咗個咖哩薯仔蝦球飯，熱柑桔檸檬蜜朋友叫咗個雪菜肉絲炆米，熱鹹柑桔話梅蜜個咖哩蝦球既咖哩比較港式，偏辣少少，不過幾香👍 蝦球分量好足兼爽口， 連啲洋蔥同青紅椒都係脆口，薯仔就夠淋👍朋友既雪菜肉絲炆米隻色幾靚，肉絲幾滑唔韌，味道剛好唔會太咸我最初以為我杯柑桔檸檬蜜係有檸檬，但係原來冇，有啲失望，但係飲落去又幾清新，似係加左新鮮嘅檸檬汁，層次仲好豐富，都幾驚喜👏

呢度似乎出名煲仔飯, 好多個choice!是日例湯超足料，無味精，飲完想再叫多碗😋👍👍土魷肉餅煲仔飯好有風味，飯焦好香，食到停唔到口👏🏻👏🏻仲要熱烘烘咁, 肉餅既肉質都剛好, 要meantime control到火侯同肉質, 真係唔容易架!椒鹽鮮魷一d都唔乾，椒鹽味十足什菜海鮮煲勁足料，仲有海鮮配料，抵食，清清地都好滿足環境闊落企理光猛，最鍾意餐廳可以用Gulu遙控攞飛排隊，唔驚等好耐，超貼心，咁方便以為飯堂首選👍👍

今晚好想食煲仔飯，成日經過都未試過就入去試下啦是日老火湯，湯料十足，飲落仲唔多覺有味精，好清甜。土魷肉餅煲仔飯，天氣凍的時候 , 除火鍋外 , 食煲仔飯都係一個唔錯的選擇 , 有少少飯焦 , 咬落脆卜卜，土魷仲好有咬應。 菠蘿咕嚕肉，咕嚕肉肉質外脆多汁，汁醬甜酸成胃，應該都很難忘記那種酸甜可口的美味感覺。什菜粉絲煲，材料十足，有蘑菇、鮮魷、粉絲、菜心、白菜、西蘭花、生菜、蝦米，真係超抵食。椒鹽鮮魷，惹味椒鹽配爽口彈牙鮮魷，而且鮮魷一啲都唔好韌，炸粉又岩岩好，唔好食到成口粉，好好味。又大碟又抵食，我以後必定會係常客🤣🤣

真係經過左呢間餐廳就入左去全因門口一個個爐煮緊煲仔飯🔥好香完全睇到廚師點煮🧑🏻‍🍳👨🏻‍🍳感覺乾淨衛生🌏⭐️蝦羔豬頸肉煲仔飯💲6️⃣5️⃣煲仔飯新鮮熱辣💥淋上專用既鼓油豬頸肉滿滿既蝦羔味🦐🦐但又唔會太咸‼️飯都夠乾身，仲要有飯焦❣️我最愛⭐️腐乳通菜💲1️⃣5️⃣（跟餐加）⭐️例湯餐仲送埋例湯🍵飲落足料無味精⭐️秘製蔥油雞扒太陽蛋撈一丁💲4️⃣8️⃣蔥油果然係秘製既 又香又濃🥢加上太陽蛋既蛋黃撈一撈🍳雞扒炸到脆卜卜💥

黎開元朗剪頭髮，順便試下髮型師介紹嘅新餐廳😆門口望落好新淨、光猛，以白色同木質作為陳設嘅主要用色仲有幾枱等緊(有人氣即係有保證啦🥳後尾仲發現裡面其實好大!!)入左去被安排坐係卡位，睇過menu晚餐都幾多選擇，除左常餐、小菜、仲有煲仔飯同生滾粥~既然仲有少許寒意，毫無懸念，就食煲仔飯啦😀煲仔飯餐都幾實惠，按餸嘅選擇分別$65至$93送例湯，仲有優惠價加菜同飲品👏🏻我就叫左白鱔煲仔飯加臘腸同通菜凍檸茶🤤煲仔飯應該係即叫即整，所以先黎左菜，份量都幾多~過左陣白鱔煲仔飯都黎啦，超級香噴噴🤩倒入豉油，仲聽到吱吱聲🤣白鱔份量好多，好新鮮，有油香之餘仲好彈牙👍🏻臘腸亦帶濃濃嘅玫瑰露酒味，質素超級好🥰🥰煲仔飯飯粒濕潤但但底又做到脆口，稍帶金黃，上乘之作~

約了幾個朋友去元朗食飯，大家見涼涼地就不約而同話去食煲仔飯。上網睇過元朗好似呢間凱逸餐廳有煲仔飯食。七點幾到左但好多人，要等位先可以入，咁證明間野都多人食，應該唔錯。門口有兩個師傅在整煲仔飯，聞到都香噴噴。等左15分鐘左右入得，餐廳啲位都算闊落，坐得幾舒適。 4個人叫左三個煲仔飯，分別係土尤肉餅、臘味同北姑雞，另外叫多個中式牛柳。煲仔飯都要等耐小小，因為即叫即做。先黎左個中式牛柳好有鑊氣，牛柳又夠冧，唔錯。食完牛柳三個煲仔飯就到啦！未開蓋係蓋面上淋上豉油慢慢流落去啲飯度左焗多30秒先食。啲餸既味都入哂啲飯度，都有幾多飯焦唔會太爖。整體都唔錯，冬天❄唔係打邊爐就係食煲仔飯啦！可以暖下個身

夜晚行過西菁街，就見到呢間餐廳喺外面煮煲仔飯，香味非常濃郁，所以就忍唔住入去幫襯下啦晚市客飯套餐都非常抵食，都係$70、$80就有包例湯同白飯例湯依舊足料，好重陳皮同豬骨味，一d都唔似飲緊味精湯，所以係非常健康粟米魚柳份量夠哂多，大大碟，魚柳仲有炸過添，所以外皮係好脆架呢度既大馬站最遺憾係冇支竹，佢主要既料係豆腐同燒肉，建議有埋支竹成個煲就非常完滿牛柳非常淋，配埋大量既洋蔥汁，餸飯真係一流白飯煮到係一粒粒架

今日要去元朗換証件，行過西菁街附近就搵地方食個午餐，見到凱逸餐廳環境唔錯，就決定入去食個飯先😜餐廳都好大，環境坐得好舒服，我2:00去到，唔使等位👍🏻每日有精選午餐，仲有常餐同好多款茶餐架👍🏻仲可以加$3轉我最愛既蟹王麵😍奶茶既茶底唔錯，好香濃瑞士雞中亦配豬扒包🐷，$42瑞士汁正，豬扒包好脆，仲要塊豬扒係好厚架吉列魚柳配沙津🐠，$36魚柳新鮮又脆口今日主角，雞扒蟹王麵，個麵好好吃喔😋

簡簡單單食餐lunch, 黎到西菁街見呢間幾大間， 好光亮的茶餐廳。呢到食物款式多， 有炒飯麵類， 有常餐，豬牛雞海鮮飯等價錢合理， $41-$78包熱飲我叫左我平時到了茶餐廳最愛又方便既常餐手絲雞通粉（轉蕃茄湯）+火腿奄列+迷你牛油脆豬包份量好足， 蕃茄湯好濃， 手絲雞好多脆豬-好香牛油🧈味又香脆時蔬牛肉炒河（$56）牛肉俾好多， 炒河既醬汁增加河粉味道， 更野味飲品分別叫了咖啡紅豆冰及奶茶紅豆冰， 因為叫了餐， 特飲加$15就有飲品好大杯所以一定夠哂飽

中式牛柳好大塊，食過幾間餐廳嘅中式牛柳，依然覺得呢度嘅中式牛柳係整得唔錯，原因係牛柳食落唔會有筋，加上肉質嫩滑，醬汁茄汁味唔算濃但我覺得味道幾岩我食，而且呢個係晚飯套餐，唔需要額外加$12 就可以有白飯同湯，幾抵。咸魚雞粒豆腐煲，豆腐細細粒每粒都係經過油炸處理嘅，食落好嫩口，呢個亦都係晚飯套餐，唔需要額外加$12 就可以有白飯同湯。粟米魚柳魚肉就比較”鞋”，係四個餸入面比較差嘅，呢個亦都係晚飯套餐，唔需要額外加$12 就可以有白飯同湯。大馬站煲(豆腐火腩煲)豆腐火腩飯，燒腩肉好高質，舊舊都係好靚既燒腩肉，而豬皮亦都好入味，不過豆腐份量就唔係太多。