凱逸餐室

营业中

休息中

原來元朗開咗呢間新淨企理嘅冰室，我就嚟試吓下午茶啦！見到餐牌有超級多選擇，睇到我花多眼亂，最後決定邪惡少少，食一個蔥油雞扒撈丁。我覺得茶餐廳一定要有出前一丁呢個選擇，因為真係好食過普通公仔麵好多。佢個一丁仲配左隻蛋，我最鍾意食蛋，即刻成個感覺豐富晒。而佢個蔥油係幾香嘅，個雞扒好大塊，亦都係熱辣辣。可惜撈丁無湯會凍得好快。所以嚟到就要快快脆食完啦！因為今日真係好肚餓，所以我嗌多個奶醬豬仔包。個包烘得好脆！大滿足返去又要減肥了

約左朋友去元朗行街，行街前食個飯～而朋友又話想食茶餐廳，兜兜下見到呢間都幾多人下，就入左去食。午市選擇我覺得比較少，見到後面晚市小菜好吸引咁不過佢星期一至日都會有啲特別啲既廚師推介，有蒸野，感覺都幾健康。我叫左咖哩薯仔蝦球飯，薯仔有煎一煎先落去整咖哩，好香，蝦肉彈牙，數量都唔算少。咖哩都夠辣。朋友叫既豉椒鮮魷炒河，個汁都幾好食，唔會太咸，而且都有唔少新鮮既青椒。魷魚唔會過熟，夠爽口彈牙。不過今次啲河粉比較碎濕濕，如果河粉多啲係完整一條條既就好啦！朋友叫既咸柑桔話梅蜜，我試左一啖，咸柑桔味好濃，好好飲。我本身叫左凍椰香杏仁奶露，但係佢話無哂，所以就轉左凍杏霜，又係沖得好濃好好飲！凍飲唔洗叫少冰都夠味，姐係佢本身都沖得夠濃，呢樣野又係值得欣賞～

夜晚經過千色嗰頭，見到呢一間茶記出邊有整煲仔飯，今晚天氣凍凍地見到煲仔飯好吸引，一於入去試吓。嗱嗱臨就揀一款煲仔飯啦，佢都有好多唔同嘅款式揀嘅，我哋就揀咗臘腸排骨飯。另外再叫多一個乾炒牛河，兩個人share嚟食。首先乾炒牛河嚟先，因為煲仔飯係即整嘅所以都需要一啲時間。個乾炒牛河中規中矩，唔會好多油都正常啦。終於個煲仔飯嚟啦見到條臘腸都幾大條，仲有兩條tim，食煲仔飯嘅精髓一定要叫臘腸嘅。個煲仔飯啲飯入邊都做到有飯焦，唯一有啲可惜嘅係啲飯焦癡得太實好不不出來。另外每一個餐都一碗湯，飲落又唔係味精湯，有住家嘅味道，而且仲好足料，每碗有兩隻雞腳添。

菠蘿冰$28🍍佢嘅菠蘿肉🍍都算多，而味道唔會好淡，亦唔會話味道好似正係飲水感咁淡，都算有啲菠蘿嘅味奶茶紅豆冰$30奶茶嘅味冇話特別濃，亦冇話特別香，不過都有茶餐廳奶茶嘅個種香味，而紅豆嘅口感係粉粉地，唔會好甜椒鹽豬扒飯$51佢嘅椒鹽豬扒唔係話特別脆，不過都有椒鹽嘅香味，油淋淋感，口感淋淋地，飯嘅分量都算多魚香茄子炆米$56茄子有4舊，啲米粉油淋淋口感比較爽唔會好淋，佢仲有啲啲肉碎，味道有小小辣香味

除夕晚凍凍哋，喺Open Rice見到評價幾好，要等位都想一試……點知我哋3人點咗2個煲仔飯1個煲仔菜，諗住等幾個字好正常，但等咗差唔多半個鐘，見到其他枱仲遲過我哋落單既都有嘢嚟，再追單嗰時個伙記先話冇落到單……嬲到即刻起身走之後d伙記仲黑住面睇住我哋走，咁既服務我一萬個唔認同佢有咁好食評囉！差差差差差差差差差差差差差差差差差差差差差差差差差差差差差差

到了下午茶時間，家人建議去附近的新開茶餐廳試一上下午茶.發覺他們的選擇很多：👍🏻花生醬西多士邪惡的西多士當然是下午茶的常客這裏的西多士還加入花生醬更加香口滋味切成九塊，每人淺嘗一塊，正.👍🏻紅燒豬手細麵雖然他自稱是細碗麵，但其實份量也不可輕視豬手有三隻，炆煮得也頗入味而且下午茶送熱飲一杯，繼續也是平民貼地價錢的茶餐廳.午餐：原來下午茶時間亦有午餐供應叫了一個雞飯，份量很多，食完超級飽肚.這間茶餐廳應該是新開了不久，環境乾淨新穎很舒服，空間感也充足

來到元朗找東西食 去了西菁街附近逛逛看看這家餐廳跟一般茶餐廳差不多 裝修簡簡單單🙈去到的時候已經有一半人 還有位置可以坐不用等餐牌的選擇挻多 飯類/麵食也有不少選擇挻好價錢一般可以接受的價位 看到旁邊客人食挻大份·常餐 HKD$45一人選擇一份常餐 食物分別點五香肉丁和鮮牛肉鮮牛肉口感不錯不會感到太韌 麵底選擇出前一丁其中一碗湯底轉了蕃茄湯 飲一口感覺挻香濃的味道飲品跟餐加HKD$8轉了即磨咖啡 飲到味道挻香濃感覺像泡沫鮮奶咖啡 飲品面頭有很多泡泡挻好🤤🤤

今日約左朋友要入去元朗度玩，未見朋友之前，我見有點肚餓，於是就去搵野食醫下個肚。我見到一間叫做凱逸餐室的餐廳，佢既裝潢感覺光猛又空間大，有點似有水準既餐廳，於是就入左去試試。由於太肚餓的關係，我叫了兩個餐，一個係榨菜牛肉飯，一個係常餐。先講個榨菜牛肉飯，味道有水準，因為呢款菜一定係肚餓時醫肚的佳物，牛肉同肉汁好夾，用來撈飯一流。至於個常餐，我叫左豬扒麵，並叫埋餐肉、煎蛋及厚多士。先講餐肉，真係算唔錯，坊間好多都係薄既，另外個豬扒又夠入味，個麵底仲要係一丁麵來，足料！最後竹我飲埋杯麥芽奶露，夠豐富！

我係茶餐廳嘅常客， 特登介紹一間平靚正茶記，就係元朗嘅「凱逸餐室」。 餐廳位於《元朗西菁街9號富盛大廈地下3-4號舖》。這間餐廳提供好多套餐， 有炒粉麵飯、常餐&下午茶餐等等， 都係幾十幾蚊起， 抵食！ 我點常餐，另外常餐免費轉番茄湯，抵！ 包份量十足嘅五香肉丁米粉、香滑奄列炒蛋、厚切多士&餐飲。 牛油多士又香又脆。 係跟餐會送熱飲，但係如果你揀紅豆冰，只是加$15 （半價優惠》仲有叫咗碟鑊氣十足嘅干炒豬扒出前一丁， 豬扒外脆肉嫩，仲要厚身， 啖啖肉， 又惹味，仲要都幾大碟吓！

天寒地凍最啱食煲仔飯 竟然俾我發現位於元朗千色店後面嘅呢間凱逸冰室原來有煲仔飯食 仲要係即叫即整 有誠意 閒日夜晚嚟到人頭湧湧 我諗食物質素應該有保證 落單發現要等30分鐘 不過都係值得 叫咗個排骨臘腸煲仔飯 煲仔飯豉油係自己落 豉油明顯有煮過微甜有甘香味 排骨醃得夠諗 而且 入味 臘腸唔太肥 送飯一流 最驚喜係有飯焦脆卜卜夠曬咬口 另外叫多個香芋滑雞煲 分量唔細 個汁係奶白色 好有芋香嘅味道 芋頭夠粉 有部分溶咗落個汁度 用嚟撈飯一流 雞件煮得啱啱好夠滑溜

近年尾成日要ot 又冇時間煮飯 身為無飯家庭嘅我哋 唯有出去食餐住家菜 經過呢間開左無耐既凱逸冰室就入去坐底地方唔大 但係枱櫈有好多卡位 坐得幾舒服一年一度嘅冬天嚟到 梗係要食煲仔菜 兩個人叫咗個枝竹魚腩煲 魚腩有炸過外皮索曬醬汁嘅味道 十分惹味 入面仲係滑溜嘅魚肉 不過有啲碎骨食時要加倍留神 成日出街食都要飲食均衡 蒜蓉炒油麥菜 蒜蓉炒夠曬香口惹味 油麥菜唔苦澀 不過略嫌過多油 都係住自己煮比較健康 另外叫左杯蜂蜜柚子茶 蜂蜜味充足柚子皮金香有咬口

今日同男朋友出咗元朗買野同食晏， 經過呢間餐廳見到裝修唔錯，連平時好少幫襯餐廳嘅我都忍唔住入去試下😅我叫咗個星洲炒米，男友叫咗乾炒牛河，五十幾蚊包埋飲品👍星洲炒米食到幾香咖哩味， 炒得好均勻，配料幾多，微微嘅辣，蝦仁好爽👏乾炒牛河嘅牛肉同河粉都好滑，唔油膩😋 以前喺出面啲茶餐廳食過干炒牛河超級油，見到都怕，所以對呢樣野有啲恐懼，估唔到今次呢度咁得！男友無叫錯😁😁我轉咗個特飲做蜂蜜柚子茶，男友轉咗個熱柑桔話梅蜜～佢嘅蜂蜜柚子茶令我幾impressive😱 估唔到茶餐廳飲呢款飲品都會飲得出真正嘅蜂蜜味👍👍👏👏下次如果想食茶餐廳嘅嘢但又唔想個環境好迫同係咁俾人催，應該都會即刻諗起呢度😀

20191210 @凱逸餐室冬天凍冰冰，見到凱逸餐室外有師父忙住製作煲仔飯，唔理要等幾耐，即時衝入餐廳落單，恰巧坐係可以望到師父製作煲仔飯既位置，見到蒸氣熱騰騰，流哂口水，非常期待。落單時侍應姐姐已經細心地提醒我，煲仔飯需時大約30鐘，見到爐大約有10個左右，好多張單排住等師父整，睇黎都係呢到既招牌了，估計我無咁快有得食，等就等吧！等待期間，侍應姐姐先送上每人一碗例湯，普遍茶記水準，不過等食期間有湯有肉落肚墊墊胃，無可挑剔。侍應姐姐時間預得準確，30分鐘內果然有飯食，等候途中亦點左腐乳通菜，邊食邊望住兩位師父製作煲仔飯，時間其實並唔難過。先講講蝦醬豬頸肉煲仔飯，一打開香氣撲鼻，令人食指大動！飯面舖有薑絲，頗能去除豬腥味；豬頸肉肥瘦適中，帶有香濃蝦醬香味，下飯一流。另有章魚肉餅飯，肉餅打得結實，口感不錯，調味唔會過咸，甚有有家的感覺。飯食到最後更可刮出焦香飯焦，脆卜卜十分香口，為今餐畫上滿足句號。1

週六早上在千色附近銀行辦完事後，便走到千色後面找午餐吃。由於打算簡簡單單吃個常餐，看見這間落地玻璃裝修的凱逸餐室，裏邊又有很多食客，便走進去一試。餐牌上的選擇頗多。除了全日套餐外，午市時間還有午市套餐和每日精選。餐牌是影都影不完。晚市還有小菜提供。思考了一會兒後，還是決定吃常餐。最重要的是，將麵底轉成蟹王麵！我自己是挺喜歡吃蟹王麵的，可惜不是很多地方有供應。之前有一間常去的餐廳有蟹王麵，可惜餐廳比較熱，而且座位狹窄。相反這間餐室，由於是落地玻璃裝修，所以光線充足，亦可以看街景。還有卡位可以選擇。麵底煮得爽口，不會太腍。配有兩隻雞翼，少吃多滋味。火腿奄列亦不錯，切開有相當份量的火腿條。

—一個個瓦煲放咗喺門口 藍藍嘅火焰正燃燒着 吸引到大家嘅注目豉汁白鱔煲仔飯($93)製作需時 有個例湯上枱飲住先望落都幾多湯料主角終於整好 店員提醒小心熱同焗一焗自己按喜好加豉油 飯粒分明較綿白鱔肥美 魚油滲埋入當中最後唔少得煲底金黃香脆嘅飯焦 脆卜卜唔會太燶全日套餐($45)蕃茄湯鮮牛通/火腿絲奄列/牛油多士Omelette仲有蛋汁流出牛油已經溶埋喺多士到———————————————凱逸餐室元朗西菁街9號富盛大廈地下3-4號舖