出羽櫻鐵板料理

营业中

休息中

有60蚊，加一姐係66蚊，的一人鐵板燒，當機立斷叫左牛肉薄燒晚餐。跟餐有面豉湯，炒菜同埋肉仲有白飯。面豉湯無特別鹹或淡，炒菜有少少油，但食鐵板燒就係會比較油架啦。前菜味道都不錯，白飯大大碗珍珠米最啱用黎送比較油的鐵板燒燒肉。薄燒牛肉係一片片好薄的牛肉，包住蔥黎燒，好juicy, 就算食得慢凍左都唔會變到好難食。另外可能係家庭式小店，見到2個小朋友係店面幫手，一方面覺得佢地好乖一方面又擔心佢地做完功課未😂😂，anyway服務幾好的，又會同熟客傾計👍🏻

係住hall 所以先知道呢間抵食嘅鐵板燒！$48免加一！有豬頸肉/燒秋刀魚/雞肉炒飯簡！凍飲仲唔洗加錢😋每次去食都係同樣嘅員工（唔知係唔係老闆）仲有時會見到兩個孖仔 好有親切感🙈簡鋪頭好細間 可以簡坐近燒嘅位 睇住整另有一番風味🙈一個lunch set 包主食 麵豉湯 飲品 菜 &白飯～豬頸肉好入味 好鍾意d燒汁同剛剛燒焦嘅口感😋 但麵豉湯好咸 一般, 菜就好好食 鍾意加上蒜蓉！我加左杯凍檸茶 但唔係幾好飲 純解喝！但整體性價比高 住係紅磡會再食👍

老友生日加中同聚舊試新野，未出發先期待！係平時極出沒的紅磡舊區，地鐵通車後，非常方便！黃埔B出囗行幾分鐘就到。中學同學係呢度既熟客仔，由佢拍板叫左老虎大蝦龍脷柳鐵板燒餐。先來沙律，麺䜴湯，正常日式風味，之後係三色刺身，中規中矩鐵板燒主角之一，黑松露芝士龍脷柳，好嫩，不過芝士食到尾有D漏主角之中既主角出場，老虎大蝦，大廚控制火候剛剛好，蝦肉極之弾牙跟住係和牛，脂肪比例剛剛，不過以女仔食量，食到和牛已飽左八成之後係炒雜菜，同炒飯，都係好好味，真係食得好飽！最後仲有抹茶雪糕出羽櫻，絕對值推介！！！

我老公好鍾意食鐵板燒！平常食開尖東！已經執左！search open rice見到呢間食評好似幾好就試吓！点知仲埋！一入去！应該其中一個不知厨師定老细接待我們！坐低比了一個menu.最平伍佰幾到近千元都有！明明在綱上有其它menu！心感不妙！点好餐後來了一班学生！我見到menu不同反問店員她才比我睇！100元一位！我跟他們說hold 住先、即收走我D sauce！解釋貴既質数会好好多！我堅持要100元set点知真失望！飯超爛！雞超有雞雪味！未吃到一半！老公話要走！点解無影相！因想食完即走！觉得做生意手法不老實！最後佢話有甜品！我一肚氣吾洗你食自己！

母親節正日，我們這一家來到了拍拖時代曾來慶祝節日的這間、性價比相當高的鐵板燒。與前2次不同，這次沒有坐在鐵板前（一來不夠位，二來現在多了個孩子），故此風味減了很多，決定以後無論如何，還是坐在鐵板前！今天點了個老虎大蝦鵝肝套餐，因實在太久沒有吃鵝肝了，故此特別期待。首先上了沙律，很清甜，芝麻醬味略酸。麵豉湯，正常無甚特別。刺身，算新鮮，鮮甜。第一道燒物就是芝士燒虎蝦。餐廳主理鐵板的廚師還特意詢問要芝士燒還是原味。芝士控筆者選了前者實乃明智之舉！如同店員所介紹，非常惹味，很想一吃再吃。鵝肝很可惜地味道不濃郁，未達預期。炒飯不夠味，要把虎蝦剩下的芝士送飯。牛小排很惹味，燒得剛剛好，肉嫰而沒有血水。炒雜菜也很惹味，偏鹹送飯剛剛好！甜品還有雪糕，記憶中以前都會詢問要什麼味道，這天就直接上菜，尤幸荔枝味很好吃！餐廳有一排座位在鐵板前，看著燒其實會更有趣。鐵板燒其實是一門表演藝術，很考廚師功架。要燒得好，除了味道，燒的過程更像是每款菜肴的增味劑。筆者是首次沒有坐在鐵板前，立刻覺得食物味道大打折扣，以後還是要霸個靚位，讓眼睛即燒即食！

平時食開嘅鐵板料理閑閑哋都要成舊水，出面個牌寫住60幾蚊有個定食喎，嗱嗱聲入去食啦。我哋被安排坐係吧枱，有個細路仔做侍應好搞笑。我哋係近距離睇住師傅鐵板燒，雖然唔係日本人，但有板有眼，手勢純熟。用竹、雪、櫻、梅、菊等代替ABCD餐，好有日本風味。我哋叫咗一個竹餐一個雪餐：一個雪魚配雞排搭帶子；一個三文魚扒配牛肉薄燒搭帶子。附送白飯、沙律、餐飲同黑椒炒椰菜。一個餐滿足哂你三個願望，有魚有肉有海鮮。仲有得睇師父表演鐵板功

一行11人食鐵板燒,有刺身、帶子、鮑魚丶大蝦丶蠔、比目月、銀鱈魚、煎餃子、炒雜菜、炒飯、炒公仔麵,飲清酒加埋飲生啤,好睇又好食。價錢合理,飽到抱住個肚返屋企,值得推介

我份人其實是很喜歡吃鐵板燒的，總喜歡看著廚師在我眼前把生的食物煮成美食，可惜在香港的鐵板燒不多，想不到今天卻有幸跟老婆仔找到一間食鐵板燒的專門店。爐面非常乾淨，非常的放心。食物有便宜的有貴的，以鐵板燒的價錢來說真的很不錯了刺身！呢到d刺身真係冇得談！好新鮮！而且大大件食落好有口感！呢間餐廳每日仲有d新鮮日本魚做刺身，問waiter就會推介翻，之前試過金線鯛真係好好味！唔洗次次都食三文魚咁寡，不過今次朋友好似唔太感興趣所以冇叫有d可惜。另外仲叫左好多不過冇影到相，但係每樣都好好味！如果來觀塘食日本野推介呢間！服務態度好好！waiter waitress會推介d好野食比你，而且服務好好，成日幫你換碟，好細心！食物好食！而且價錢合理！唯一唔好就係成日大排長龍。

香港地方小小，但就係好多人心見中的美食天堂，而我都好認同呢個講法，身為香港人，又鐘意食野，香港絕對可以滿足到我每個星期都試不同的餐廳，各種菜色要乜有乜，日式鐵板燒係我其中一款喜愛菜色食日式鉄板燒其中一樣最吸引的事情就係可以一路食一路睇住師父表演，又可以同師父交流一下飲食心得，包保無悶場鉄板燒，有著高級鉄板燒的格調，菜式選擇貴精不貴多。以為會索天價，原來套餐價錢一點都不離地，雖說不上便宜，但是性價比仍然很高。基本上，沒有可以挑剔的地方！

終於抽到時間寫返對呢家食店既觀感。平心而論，個人對海鮮感覺普通，不過作為香港不少食家的恩物，不過白色情人節嘛，女朋友叫到實到沒有不食的原因。是嗎?很喜歡小店的感覺，首先是客人不算多，很快就可以等到座位；其次是裝備雖然普通，但人情味絕對搭救；其三是銀包絕對稱不上豐滿的小弟，小店的價值相對便宜，就算食到成張枱滿曬，筆者都仲有能力埋單。叫了鐵板公仔麵、一個set dinner還有甲羅燒。兩個人食絕對夠，因為呢處食物既食量都還算多。最令筆者感覺印象深刻的是焗蟹蓋，「甲羅燒」，因為可以整到咁靚都埋有返咁上下鮮味，相信只有小店師傅先可以做到。感覺滿足，飽而不膩，而且結帳總計合理。小店，絕對值得支持。

今次嚟到紅磡黃埔花園裏面，諗住捐窿捐罅，搵搵有咩好食又平嘅嘢，係門口望入去見到呢間出羽櫻日本料理，係日式鐵板燒形式既格局，見到個價錢都幾平，諗住呢一類嘅鐵板燒都唔會差得去邊啦！ 餐牌有啲求其，不過算啦，見佢平平哋，諗住啲嘢食OK就冇問題啦。今晚九點左右嚟到，諗住叫個燒羊肉，但啱啱最後一客比上一台叫咗，最後我哋叫咗豬頸肉同埋牛肉薄燒。主菜嚟到之前，日式鐵板燒餐廳都會炒一碟菜等你食住先，我哋兩個人叫咗餐冇幾耐之後，就送上每人一碟前菜，呢個係菠菜鹹鹹地嘅醬汁，加埋炒得都幾林既菠菜同埋芽菜，幾開胃嘅，相信麻麻哋鍾意食菜嘅人都覺得唔錯！麵豉湯呢個係我人生中飲過最難飲嘅麵豉湯，對比起一般嘅麵豉湯，呢個好鹹好鹹，完全飲唔落成碗，要整到咁樣，應該好難！牛肉薄燒整得差嘅要彈，呢個整得好嘅，都要讚一讚。以＄60來講，呢個牛肉薄燒算係唔錯，圖中見到有六舊，每舊都係有一塊塊好薄嘅牛肉去疊成，中間有部份燒得唔係太均勻，有少少生，但係個味道都OK ，林嘅程度適中，加埋醬汁都幾惹味，一舊可以送好多飯。豬頸肉開頭以為佢係一舊厚厚嘅豬頸肉，但佢只係好薄切片嘅豬頸肉。份量極少，上圖見到嘅係未食過，可能因為豬頸肉嘅家比較貴

晚市二人餐548起，另外有好幾款一人定食，100-168有交易。二人餐有多款，大多數都有牛、鵝肝多士，唔同款海產。當晚係平日，七點幾冇乜人得兩枱客，我同家人四位叫左個二人餐及兩個一人定食share，若非家人細食一定唔夠飽。主菜基本上都係隔離爐個老闆燒，我地前面個爐個師父懷疑係三廚，淨係做簡單野，烘多士，炒菜炒飯就冇了，係後來老闆招呼熟客唔得閒整我地啲牛先交俾佢燒。一人定食嘅主菜燒三文魚得手指咁大條，所謂金菇牛肉卷，用左薄牛肉片，但係碎嘅，入面啲金菇都係碎嘅得4件，其實好似食空氣。鵝肝多士煎得唔夠香，係老闆燒嘅。燒牛係三廚係我地面前燒，燒得幾靚，有返啲味道。另外有一人份同二人份嘅炒烏冬同炒飯同一碟椰菜絲炒芽菜。餐牌寫日式海鮮炒烏冬，調味得鹽胡椒同豉油，炒完極淡味，海鮮得三文魚。碟菜寫就話日式炒雜菜，就係得椰菜絲同芽，齋到爆又係冇味。成晚唯一我欣賞嘅係佢地嘅三文魚刺身，好大件好厚好有口感。最後甜品係綠茶雪糕，好味嘅！

黎到紅磡，食D咩野好呢？去完日本返來無耐，見到呢間餐廳個名夠曬日本，仲有我最鍾意食既海鮮，二話不說就拉埋朋友入去食。雖然入面唔大，但我幾鍾意入面既格局，廚師同客人既關係Close D，食飯聞到菜香，其實係一種好正既享受。見到有手臂大蝦，即刻叫左幾隻黎試下。見到D蝦咁大隻，坦白講我真係有點兒大鄉里出城，不過見到啖啖肉，真係想試下佢內裡乾坤。我都叫識少少日本地理，出羽即係東北面向日本海既部分，我估海鮮點都會好食啦！果然，爽口彈牙不在話下，最重要係見到叫生燒到熟，見到蝦殼慢慢變色，對於唔係好識得煮飯既我感覺好特別。咁多道菜黎講，呢道菜令我幾難忘！

平日很少寫食評，不過今日真系有少少不吐不快。食物的味道一般，而且十分的油膩，無論是由雜菜到主菜都落得太多油。服務態度也十分一般，可能太忙，服務員黑口黑面。食半個鐘左右就卑人催你走，話有客人系出面等。感覺真系麻麻 最誇張的是連甜品都未上就叫我地買單。如果話百幾二百蚊per head，我相信同區有大把更好的選擇。

情人節同男朋友去食，二人餐由平時的五百多加價到七百多果然大時大節應該留在家慶祝～我們坐bar枱，望住廚師整野食，邊影相邊期待！每道菜的賣相都好好，非常吸引，又好香，等到我流晒口水！我們點了鵝肝套餐，鵝肝外脆內軟好香好好味！帶子好大個，見住廚師落了牛油又落了酒，即刻想返屋企試整仲有和牛，個牛就令人失望，我地點了五成熟，食落口都好香，但好難咬，完部都咬唔開，可能我地唔好彩食中根位。之後上兩碗炒飯，即刻飽了。最後每人有一球雪糕做甜品。