函館元祖北海道拉麵 (已搬遷) 新店位置

lunch hour叫左一個叉燒豬骨湯底拉麵套餐(送一碟日式餃子), 日式叉燒好好味(好過味千,別府果類連鎖店好多), 拉麵先係最正,爽口彈牙,個湯底又非常鮮甜,味千別府相比之下得個鹹字! 仲有個日式餃子本來我都係麻麻地想食,因為食餐日式餃子都係好油,但佢地個餃子香得黎又唔會太油膩,呢間日式拉麵真係我o係香港食過咁多間最有水準既一間!

星期六晚奉旨睇波，搞到星期日瞓到日上三竿至起床。在本地的日本朋友大力推介下，一心想試呢度的鹽味拉麵，出到來已經兩點有多。可能飯市已過，只見客人不多，只見日藉老闆同兩個日本客人在吹水，其他員工更在準備開飯，咁一場來到無理由唔食，所以就立即坐低叫了碗鹽味拉麵。店舖不很大，大概有三十多個座位，亦非常整潔。見廚房有個位專放客人未飲完留下來的清酒，可見熟客都有一定數量。先來涷烏龍茶，仲係有雪果隻，感覺上是比拉麵橫丁的正宗很多。碗麵賣相相當掂，有大量長蔥舖面，湯底濃郁得來無雜質，用蔬菜及豬骨煲的，渴起來亦十分鮮甜，可以說是在香港吃到最正宗又最接近北海道風味的鹽味湯底，所以我亦少有的飲到見底！麵與交易廣場札幌元祖拉麵一樣，都是用西山拉麵，在麵條上已是品質保證，入口彈牙，非一般大陸製作拉麵可比；配料有叉燒、大量芽菜、筍、粟米等，用料傳統而豐富。其中叉燒雖然只得兩小片，但就最出色，口感不錯亦好味；整體而言好有水準，亦係好傳統風味的函館鹽味湯底拉麵。同札幌元祖拉麵比較是不相伯仲，但比起拉麵橫丁的店就較優勝了，當然同其他港式拉麵店就更加唔使比，值得推介。佐料有胡椒粉、辣油同七味粉，全部是在日本運來不在話下，

咁得意架，唔講都唔知。

食湯拉麵及烏冬飲涷麥茶或涷水都正宗，就算天寒地涷、落住雪都係咁飲。反而食壽司就要飲熱茶。

oh, there is something known as 凍麥茶. last time i went to 富久保, i was surprised to find that the tea given was cold, and i wondered if it's traditional. anyway, it tastes special and good, quite like the malt flavour.

幾個月前第一次幫手呢間家庭式麵館, 一入到去,見到大部份都係日本人, 坐低後飲啖我最鐘意既凍麥茶,正~兩個人order左豉油拉麵同豬骨餃子拉麵, 隻碗好中國式, 拉麵好彈牙, 湯底勁香,豬骨湯底仲好甜呀,餃子炸得唔油,入面D有好多菜絲同肉絲, 好味!呢次係我咁耐以黎食麵食晒成碗兼飲埋湯既^^P.S.如果特別介紹餐牌上有埋中文就好lor,唔駛次次問waitress嘛!

點左豬骨湯拉麵﹐湯底幾濃﹐忍唔住飲到飽飽﹐但係麵條就始終同響日本食既麵差段距離﹐不過上面塊叉燒又真係唔錯。可惜當天的煎餃子唔好食﹐成為小敗筆......

今日lunch time卒之o黎o左呢度試個面鼓拉麵同埋醬油拉麵...點知，有D失望。個面鼓拉麵有分普通同濃味兩隻；我地叫o左普通果隻，但係食落口依然好濃味(有D似Domon個湯底)，攪到我食完之後要飲番好多水先頂得順。好在個醬油拉麵都唔差，湯底唔錯，有醬油味之餘又唔會太咸，都幾好。呢度D拉麵依然又正又夠煙"un"，叉燒又夠鬆軟；不過，下次都係叫番豬骨拉麵好D！

見食谷有板友極力推介，呢間舖又近我office，就即管就去試下~~~嘩！一食之下，就決定以後食拉麵唔會再去屋台屋。叫o左一個豬骨湯拉麵，煎餃子同串燒雞肉小冬菇。小妹從未o係香港食過咁正宗o既豬骨湯拉麵，承為$50，夠煙"un"之餘，個豬骨湯底係煲到奶白色o既，又濃又夠味，我覺得好味過Domon，又平好多添！個煎餃子同串燒都好香，尤其係個餃子，咬開見到一絲絲菜同豬肉，好味！個串燒除o左雞肉之外重有D好cute o既小冬菇，幾特別。三樣o野加1，埋單$12x，抵食過Domon好多。呢度舖位好細，位置又幾辟，好似家庭式經營咁。店主唔似識講廣東話，但樓面兩個女侍應都識。唯一美中不足o既係餐牌只得拉麵同小食，冇魚生；不過其實正宗o既拉麵店應該係咁。我去果晚冇乜人，坐得都幾舒服。平日lunch time去可能要等一陣；不過呢度流量好快，要等都唔會等好耐。相中就係豬骨湯拉麵同串燒，yummy！下次再o黎食過面鼓拉麵先~~~