函館元祖北海道拉麵 (已搬遷) 新店位置

今日難得過海當然要再去食掛住左好耐既日本拉麵啦十二點幾去到只得一檯客人上次坐近門口今次專登坐正o係廚房前面因為上次食過d小食唔多特別所以今次同朋友仔只係叫左拉麵我要左豬骨湯拉麵朋友仔叫左濃味味噌拉麵豬骨湯拉麵湯底味夠濃但色清唔會有一層油o係面配料一樣都係粟米,海帶,芽菜,蔥花,筍同叉燒今次d叉燒比上次瘦啖啖肉好o岩我胃口唔知係咪因為師傅見我係女仔呢?反而見到朋友仔個濃味味噌拉麵個湯好油有好多油o係面都係豬骨湯底o岩我心水多d出面少少雨粉有d凍但食完碗熱辣辣既拉麵同飲番杯熱茶個身即刻暖晒正!後記：師傅淥完麵送上檯前專登伸個頭出黎同我地講happy new year好得意呀佢!

上2個星期六放左工唔知食o羊, 於是行行下就走行近左呢度, 於是把心一橫入去試下~真係好有日本feel~個日出面都涼涼地, 但係佢\\\\\\\地係無開冷氣, 攪到我真係食到大汗叠細汗,事關係日本冬天好多商戶都唔開冷氣兼要開曖氣,好焗熱- -\\\\\\\" 好彩佢\\\\\\\地有凍麥茶免費飲咋~叫左個炸雞拉麵餐\\\\\\\ ($80) 我要左豉油湯底個湯底好正呀,不過都幾油,D 叉燒夠滑溜,最緊要係D麵夠彈牙,加上真係好正宗既做法,個麵既配料有海帶,粟米粒,牙菜,大蔥等配料,雖然個湯底比較油,但好處係食左唔口乾炸雞就一般啦,如果計係日式炸物O黎講,呢個做出O黎比較油膩, 因為正宗既日式炸物都係比較乾身唔會太油不過呢間拉麵真係好味,我以前多數係去對面街既屋台屋, 但屋台屋既豉油拉麵知點解個湯底落去梗係覺得\\\\\\\"行行地\\\\\\\", 但呢間唔會所以我一定會再去呀

提醒番大家豬軟骨拉麵其實都係叉燒拉麵只不過係豬軟骨湯底D 料同濃味味噌拉麵一樣即係芽菜,海帶,粟米,蔥花,筍同叉燒所以唔好以為配料係有豬軟骨喎

今晚心癢癢又同女友黎開餐。大約夜晚七點左右啦，店裡面小貓三四隻.... 我同女友都叫左"濃味味噌拉麵"。好正呀! 湯頭好掂，保持水準，食到尾個時都忍唔住要飲多幾啖。料都幾多，好多芽菜,海帶,粟米,蔥花同埋筍。叉燒今次值得一讚，比上次黎食好左好多，入口好滑，一d都唔難咬，雖然未到入口即溶既地步，但係好有肉味，半肥瘦，而家話諗起都仲想食，嘻嘻。麵就唔洗多講架喇，一個字:掂! 彈牙，爽口，食左甘耐都無淋過。另外要讚既係個拉麵好熱，食到尾都係熱架，而家冬天真係好正!!! 服務方面唔錯啦，會加茶。我想問下大家，呢間餐廳既茶會係邊度買到? thanks!

見過開海一於約朋友仔去食人地話係全港最好味至正宗既拉麵去到發現真係有好多日本人幫襯有一半以上都係同朋友仔叫左個濃味味噌拉麵,豬軟骨拉麵同餃子雞翼兩個湯底都夠濃味d麵夠粗身又彈牙又有好多配料:芽菜,海帶,粟米,蔥花,筍同义燒真係好好食架咁大個女未食過咁好味既拉麵今晚先食完但而家已經好想再去食喇食完簡直中毒咁不過衰在地點偏d丫唔係我一定成日去o者不過有少少值得改善既就係义燒雖然夠晒厚切不過就少左dd如果可以多一兩片粟米同筍多番少少咁就perfect喇餃子雞翼就比較失色喇一份得兩隻仲要係好細隻男仔唔食雞翼尖可以一啖咬晒入面又只係菜肉餡咁就要55蚊真係食完有d呻笨係個皮脆但無乜味所以下次都係只食拉麵會抵d拉麵都只係50蚊碗咋喎p.s.味道同抵食扣一分係因為個餃子雞翼只計拉麵係有5分架

因她聽我們說過很好味,所以星期日晚,我們共三人便到這裡吃麵.我見每次也吃拉麵,今次就試試鰻魚茶漬飯($100).都幾貴...這飯有兩種食法,一是淨食,感覺像普通的鰻魚飯,雖然鰻魚很新鮮,很好味,但沒有什麼特別.二是加茶食(這茶是已經加了醬料的),很奇怪,加了茶後,竟然好好味(但不要太多茶),比沒有加之前好味了很多.有點像湯飯的感覺.這可能是因為醬料的原因,但我覺得這是值得一試的.這飯比較大,如細食的朋友,可能會吃不完.朋友叫了濃味味噌拉麵,她也覺得很好,還立刻拿了咭片,打算遲d再約其他朋友來吃.

原來lee間店係要由華蘭路轉到入去太古城道先搵倒, 非常之僻. 店內完全係小店風味. 服務十分之好同有禮, 有個相信係日本人o既staff同個同鄉顧客o係度有傾有講, 感覺十分親切. 店內有d日本雜誌俾你揭下, 又有張我諗係函館夜境o既海報o係牆上. 不過, 冷氣好似唔夠.講番d野食. 嗌左鹽拉麵. d麵係真係同我地係mass production 式o既所謂拉麵店o既出品唔同o既, 唔會一舊舊未散. 口感好彈. d 筍非常好味! 個湯好香, 而且唔令人渴. 不過, 我個人覺得個麵唔夠熱.另嗌左餃子雞翼. lee 個就夠晒新鮮滾熱辣, 好香, 好脆(雞皮), 好味...再嗌燒八爪魚丸. 賣相好可愛, 亦好夠熱, 但食落好香口但冇乜八爪魚o既鮮味, 同埋口感好粉.坐左個零兩個鐘, 除左我同朋友, 只有兩pair香港人o黎過, 其餘全部o係日本人, 除左生意人, 仲有好多一家大細o黎.*有加一服務費

今早返完教會,還未夠鐘返工,由銅鑼灣驅車到此試試人人讚好的拉麵。到達時己兩時,人客不多。點了濃味味噌拉麵及豬頸肉辣泡菜拉麵。麵很大碗,有芽菜、洋蔥、竹荀等作伴菜,叉燒較厚身,拉麵粗身有咬口。味噌湯底香濃,味道留在口腔中久久不散,亦欣賞她無下味精,吃完也不覺口渴。豬頸肉切得很薄,炒後很香,但不明白日本興泡菜的嗎?辣度適中,吃完全身暖暖的!價錢略貴了少許,正宗日本拉麵是較貴的了。不過我還是覺得兩年前在日本街頭吃的更為好吃,仍很回味... 很希望再去吃一次呢!

拉麵Q, 手羽明太子更正。絶對推介!

今晚看完戲後,同朋友和辣椒女三人便決定到這裡吃拉麵,我們叫了一個加大鹽味拉麵- 麵質還是這麼彈牙,這麼好味,但叉燒可能厚了一點,比較差,但也是好味的.一個麵豉拉麵- 聽說也ok.一個濃味麵豉拉麵- 湯底好味,下次可以試試.一碟芝士腸加炸雞- 芝士腸還是好脆好味,炸雞就一般啦.一碗關東- 麻麻地,可以不吃.看到有個鰻魚茶漬飯要$100元,本想試試但又好像貴了一點,下次考慮看看.(但聽店員話比較大碗,如細食的可以兩個人一碗.)要一讚的是,店員服務很好,看到你的茶比較少,便會主動幫你加滿.但不知是否開了暖氣,越吃越熱,所以冰凍的茶就會感到特別好飲了.

睇到openrice對呢間日本拉麵店既評價之後，慕名而來~我叫左個Salt + butter 拉麵，先講湯底，撈左牛油之後，真係好香。有好多葱同埋芽菜，不過叉燒睇得出係之前燒過再放落麵，幾特別，好有咬勁但係如果淋d會好味d。主角既西山麵真係同其他日本拉麵既連鎖店好唔同，d麵彎彎曲曲，有口感又彈牙，一試難忘。女友就叫左特濃味噌湯底拉麵，個湯底仲正，下次我會叫呢個. haha~ 一試之後，我同女友講，香港最正既湯底係呢度喇。飲完湯亦無口乾既情況，十分好。我女友係好鐘意飲茶，佢都話呢度既茶好好飲，唔知叫乜名呢? 佢飲完一杯又一杯，個侍應見我地一飲到2/3杯茶就即刻過黎加茶，真係好好服務。當晚全場只係得我地係中國人，其他相信都係日本人家庭，一家大細黎呢度幫襯，食物應該有一定水準。下個星期應該會再去多次!

0係香港好食0既拉麵都無乜邊幾間,唔係太貴,就係唔正宗,所以尋晚專誠唻呢度食拉麵,希望食到一碗真正0既拉麵...可能因為係weekdays,所以只坐得一少半客人,我地2個人,一人嗌一個拉麵,男朋友嗌左豉油拉麵,我就嗌味噲拉麵....拉麵賣相一般,實而不華,不過份量都幾大碗,女仔食一定夠飽,味噲拉麵比豉油拉麵濃,如果鍾意清d,可揀豉油拉麵,2碗0既湯底好清,麵質夠彈牙,整體來說雖然稱不上十分出眾,但比起一般所食0既拉麵又確係有d唔同....最後埋單合共$110 (拉麵$50x2,再加一),都算係物有所值...在我所言,函館比起開到成巷成市0既味千,絕對係質素較高味道又夠好.....

之前聽KC 說這裡的拉麵很好吃,又正宗.一直也想來試試.昨晚和太太兩個人,到這裡試吃.一入去就感到很日本feel.我們叫了兩個鹽味拉麵($50),一個加大($15);之後再叫了一碟芝士腸加炸雞($30),及一支啤酒($25).等了不是太久,便見到兩碗很香的拉麵送到,湯很香濃,麵很好,夠彈牙,好有水準;我想是最接近日本正宗的鹽味拉麵了,西山拉麵,的確唔錯;只可惜叉燒太少了,能夠再多一兩片就好了.芝士腸加炸雞,也唔錯,外皮很脆內裡美味.吃完還想再吃.唯一唔好的是,冷氣不大好,越坐越熱,飲過啤酒後才好D.和地點很難找,因附近的店有些己close了,未看到前還想會否已經沒有了,好在....一路吃拉麵,一面幻想在日本,真的很滿足丫!最正宗的拉麵!我一定會再來的.好味道!

we were not very hungry last saturday and so only a 鹽拉麵(HK$50) and mixed vegetable (HK$50) to share. the noodles are ok and the soup is quite good but a little bit salty. the vegetable is so so but too expensive. as i am a vegetable lover, my bf ordered for me. i think it is very expensive just for some vegetables. the air conditioner should be improved. some seat are windy and some are hot. it is a place suitable for quick meal only. don't very comfortable.

琴晚放左工之後一個人係公司附近遊遊蕩蕩.....醒起其他食家讚過呢間拉麵.....於是走黎一試.....七點去到....除左我之外得一檯客(兩個日本人)....我揀左一個豬骨湯底拉麵($50)......冇加到其他食物.....我見到煮麵果位日本亞姐係個寫住西山拉麵既木兜入邊拎左一舊麵出黎煮.....D麵一早預備定係到....好似我地去雲吞麵舖果D師傳都會一早揚好D幼麵咁灘定係到.....我碗麵既賣相唔花巧....但係我吸引我既食慾....topping 有粟米...洋蔥....芽菜....長蔥絲....荀....同埋兩片日式叉燒.....先試一啖湯....好好味呀...忍唔住飲多兩啖.....跟住先食D麵...D麵唔似我地平時食開果D拉麵.....有D唔同...但係我又講唔出有咩唔同.....總之好好味啦....我平時唔係咁鐘意食日式叉燒架....但係呢度D叉燒都好好味.....唔鞋....好淋....好有肉味.....好彩我冇加其他材料咋....碗麵好大碗....好飽....但係咁好味....我唔忍心唔食哂左佢.....所以成碗食哂.....湯都係飲淨少少咋.....攪到我要即刻走