函館元祖北海道拉麵 (已搬遷) 新店位置

去過北海道, 一直都念念不忘個度既拉麵, 終於可以係香港食番啦, 無論麵質同湯底都同北海道既一模一樣, 真係好好味, 價錢又唔貴, 幫襯個度既有七成係日本人, 甘你就知道佢d野真係好野黎啦.不過要彈一彈既就係個中國藉女收銀兼侍應d 態度麻麻,見到你叫佢, 等等都唔同你講聲就繼續做野, 等佢好一陣先過黎, d日本仔反而知你唔係日本人都對住你好好笑容, 又成日斟荼俾我地.... 唉....

今日同女友慕名前往用膳~夜晚九點左右去到, 本來唸住會排隊, 但點知原來唔係好多人~ 鋪面面積雖小, 冇乜華麗o既裝修, 但卑人一種簡潔的感覺~ 唯一的缺點, 就係有隻好細隻o既蠅仔偶而出現~ 如果想有浪漫氣氛("食裝修"), 呢度唔係一個好o既選擇~ 但小弟幾欣賞果度o既格調, 光猛得黎有一種地道拉麵館的親切感~ 而且因為人少, 所以感覺清靜舒服~ 用膳期間, 前後有四位日本人光顧, 也可說是一個品質的肯定吧~講番d食物~ 小弟同女友都點左牛油鹽拉麵~個湯真係好香好好味~ 加左牛油之後變得更有層次感~ 令人一試難忘~ 小弟去年試過中環的札幌拉麵, 依稀記得該店的鹽湯拉麵也是令人十分感動~ 但礙於時間日久, 而且小弟味覺比較遲鈍, 未能由函館與札幌之間分出高下~ 但函館的拉麵絕對係一流水準之作~ 個人而言, 拉麵的份量都幾足下, 而且加左牛油的湯比較容易膩, 所以淨係個拉麵都食到飽曬, 未有機會試下其他小食~ 不過小弟幾鐘意杯凍茶~ 平時去開的拉麵館都係奉上熱茶, 但天時暑熱, 身水身汗之際, 一杯冰凍的紅茶反而來得更體貼~ 而且食完濃味的食物, 凍茶可以令口腔更清爽~函館果然名不虛傳

夜晚去，叫濃味噌拉麵($50)和燒三文魚定食($70)。拉麵本身質地爽口彈牙，湯底亦算好味，不過始終覺得我同老婆札幌和美瑛食過正宗北海道拉麵係正好多，剩係湯底都唔夠人地咁濃。至於燒三文魚就唔合格，舊三文魚又咸又實。另一要扣分係，由坐低到埋單都有烏蠅仔飛來飛去，以日本食店講，咁情況梗係唔接受到。總體睇，佢碗拉麵吸引到我番頭幫襯。

上個月去左呢度食拉面, 其實一直都想黎見咁多網友介紹, 所以果日就特登去搵呢間野, 原本以為好難搵, 好再我今次思想正確係"惠蘭苑"道度入去...咁就好輕易搵到喇...果日叫左個面豉拉面...叉燒是超好味因為佢係燒過黎既很香口,湯底有少許咸,面底不錯,但與JAZZ 拉面相比.本人覺得JAZZ是出色得很....可是JAZZ拉面的老板娘服務態度確是欠佳得很...相反這裏的服務卻是親切有禮.

之前係openrice參考過食評之後,我同老公找到呢間拉麵館試下．當晩我地叫咗一碗炒泡菜豬肉拉麵＆牛油鹽味义燒拉麵．首先係牛油鹽味湯超正，好香濃，拉麵彈牙有咬口．叉燒肥廋又剛好．而泡菜豬肉炒得好正，好好味，係我食過最正嘅，難忘！而餃子亦幾好，皮薄．

今日放左工又心思思要去這裡食麵,因為實在太好味啦!早兩日試過味噌同濃味味噌,超正. 湯底好香味道好又夠熱,我可以飲哂都面不改容.西山拉麵彈牙有咬口,叉燒肥肥地入口即溶,芽菜,葱花份量很多! 而我最喜歡食既荀好入味. 今日食既係豬骨湯底,黃白色既湯睇出用了好多豬骨!

早幾日和朋友及辣椒女再來這裡食拉麵!我叫了一個加大鹽味拉麵，湯底清甜好味，叉燒肥廋又剛剛好，拉麵好有咬口，實在和在日本食的沒有多大分別。朋友和辣椒女每人叫了一個濃味豬骨湯拉麵，她們都應為湯底好正，辣椒女就好喜歡，但朋友就唔多喜歡d拉麵太硬，她說喜歡再多一點的。各人有唔同的喜好，又一例証！

這夜，想有些私人空間，推掉所有無聊約會，獨個兒到一間某年月日，曾經開心過的小店。數數手指，原來差點不夠用。每次只要有人提出吃拉麵，總會到這裡。短短數年間，來了張裡幾次，到今夜…終於是首次一個人來。好像想找些甚麼，但其實，自已也不知想找甚麼。

又係星期六, 再一次找舊同事吹水討論.散水之後,便來到這裡吃拉麵.自問都幾喜歡吃拉麵, 但還未到日本吃過正宗的日本拉麵.雖然呢間店舖和我家相距不太遠,但位置都幾僻.如果行最好由太古城方向行去會方便少少.一個人兩點到, 舖仔唔算大, 但都有少少日本feel.近廚房位置擺左幾樽日本酒, 加上好多手寫日文字, 又有兩檯日本人食緊野+一個日本廚房仔出黎同佢地吹水(太古城都幾多日本人住), 看似什為對辦.看看餐牌, 款式不算什多, 但相信是專做幾樣野會更有水準.先來一杯凍麥茶, 加上冷氣, 剛行到流汗的我都覺得十分舒服.本來要豬骨湯拉麵+叉燒侍應說已經有兩片叉燒, 所以改要左豬骨湯拉麵+餃子.豬骨湯味道溫和, 當然比港式拉麵勝一籌.雖然個人吃拉麵不算是什麼專家, 但這裏的叉燒係食過咁多間最好.叉燒不是十分厚身, 但認真的燒過才放下湯碗, 以前吃的叉燒都是沒有燒, 不夠香口.另外麵的確與別不同, 夠粗夠彈牙, 加上蔥花, 粟米, 芽菜, 海帶和筍.食左都幾飽.餃子卻是麻麻地, 五隻內有三隻都係破皮的, 幸好夾上來都沒有爛開.埋單$88 其實一碗拉麵五十元吃得有水準都算抵, 那三十元的五隻破皮餃子卻

拉麵彈牙, 味噌湯味濃, 雖然要$60, 但值得!! 拉麵味道還十分有北海道feel呢! (我在北海道也有吃個同樣的牛油味噌湯拉麵.

叫左一個濃味味噌拉麵, 拉麵非常彈牙, 湯底非常入味.另外叫左個炸蠔定食, 個心熱騰騰, 好好味! 另外叫左d 小食就一般啦. 總括來說質素很好, 當然價錢相對較貴.

近排終於試埋港島東區至好味既拉麵-函館.間鋪好易搵,由太古城行去太古城道又得,由英皇道穿華蘭路入又得.我們兩人點了兩個湯麵，一客串燒.我吃極上豉油拉麵($80),湯底真係好鮮，配料有兩片叉燒，筍,芽菜,粟米粒,肉碎,一大堆蔥花.另外係味增牛油拉麵($60),配料一樣,只係湯底唔同,牛油味好香,配合味增湯超正.仲有一客冬菇雞肉兩串($30).我地兩人一飲啖湯,即時感覺係:食完函館+小樽既拉麵,睇怕我地以後都唔會去銅鑼灣成日排大隊既各大拉麵店.以味道黎講,小樽比較濃,函館就剛剛好,D麵又彈牙,如果我食得落,真係會成碗一滴湯都不漏咁食完佢\.至於個串燒,我個人認為OK,並無太大驚喜.食時待應一見我地杯冰麥茶飲到一半即時黎加茶,服務唔錯,佢\地都有識廣東話既.眼見有唔少日本人一家大細黎幫襯呢! 我以後一定會經常去食.總結港島東區拉麵排名: 1. 函館, 2. 小樽, 3. 札幌拉麵屋.

原本就打算去稻穗亭食,不過我同女朋友見都無咩特別，就行左黎呢間到試下個拉面。一行入去，裝修雖然唔係好特別，不過都幾有日本feel，之後我就叫左個味噌牛油拉面，而我女朋友就叫左個濃味味嚕拉面，跟住仲叫左炸蝦天婦羅同明太子雞翼。首先d拉面好彈牙，好好味，湯底都好好味，不過就比較多油D，而塊叉燒又夠鬆軟，可惜就只得一塊。而牛油又唔夠大味，但係整體上都好食。而天婦羅同雞翼都唔錯,我地都好鍾意個明太子雞翼，都幾特別。雖然都幾貴，埋單都成$224 連加一，不過都抵啦，食完我地都話一定要再黎過~~~~~~

我同朋友找唔到地點呀？究竟點入去架？我去到華蘭路4 號只見停車場，我應該點入去呢？(By Editor : please reply in Hot Gossip, thx!)

快樂時光後和朋友們來吃一個拉麵暖暖胃氣, 約莫八時到達, 店內客人不到一半. 環境整潔而牆上掛了有趣味性的魚網作為裝飾.侍應先來了四杯凍麥茶, 麥味清香可口, 亦不停為我們添加; 先點了鹽味拉麵加牛油, 配料有蔥絲, 粟米, 芽菜和一小片叉燒等等, 麵質彈牙討好, 鹽湯比想像中味度較重, 而附加的牛油亦略嚴不夠香濃; 再來了一個鰻魚茶漬飯, 鰻魚飯份量不小, 鰻魚味道香濃可口. 另外還跟來了調味料和湯料, 可作不同的組合; 餃子雞翼, 比想像中精緻, 味道輕清; 八爪魚圓, 外皮脆身而質感比想像中實; 粒貝串燒, 有點像燒響螺肉一般, 肉質偏韌而且帶有一點炭燒味道; 最後還來了一客南瓜餅, 外皮香脆內裡的南瓜味道清香. 整體上服務和味道表現出色, 有機會會再嚐試其他拉麵.