刕舙馫麵館 (已結業)

今日放工同朋友一齊去呢間位於紅磡嘅刀削麵。一入到去見到好多學生喺度食一睇就估係抵食嘅嘢。叫咗個金沙骨同炸雞髀刀削麵。刀削麵見到有波嘅係新鮮製造。刀削麵咬落口感啱啱好唔會太硬，又唔會太腍食得出係新鮮打出嚟嘅刀削麵。金沙嗰度炸豬扒都係新鮮炸出嚟熱辣辣外脆內軟仲好Juice。金沙嗰頭炸豬扒嘅肉感同埋味道都好好👌🏼👌🏼唯一覺得就係識落會有少少漏。食完整個麵飽肚感十足。好邪惡嘅刀削麵，加埋凍冰冰嘅凍豆漿簡直係絕配！

一直食開呢間，口水雞好啱我口味。今晚一如既往外賣自取，我揀走蒜 小辣。拎返屋企發現個湯麵直接冇辣椒 酸菜 蔥。完全是清湯，d料全部同我冇曬。今次嘅食麵體驗完全唔得。個樓面根本唔睇客人備註。仲要係只有筷子冇俾匙羹。好唔掂個樓面整外賣

在紅磡碰上「利宇興」，俗稱大碗公得來的刀削湯麵，馬上心思思想試一試，食得我轉頭轉腦，確實值得。呢度既麻辣牛筋腩刀削麵，簡直就係麻辣控既福音，湯底啖啖辣得嚟又唔會過火，啱晒鍾意味道濃郁既你我。佢個牛筋腩又夠晒軟滑，夾埋啫喱啫喱既口感，真系正到無朋友！而且，啲麵呀，夠晒筋道，唔會因為湯底入味而變得爛爛地，刀削麵既錯嗰種，食落口感一流！跟住又點咗口水雞，信手拈來都香濃夠味，麻、辣、鮮、香四重奏，頓時個口腔内歌劇開演，正呀！同埋唔少得，特色既大豬耳，爽脆得嚟，味道又岩晒，呢啲簡直系下酒小菜既不二之選！細細張桌上湧湧力公司，食落雞胸都觉得有啲噏，但係對於呢啲平民化小店黎講，總算係可以理解同接受！最後，冇得揀擇豆豉雞胸或者等飲品耐啲，如果店員多啲，服務再提升咁就真係冇得輸。總括黎講，喺紅磡刀削麵黎講，「利宇興」實係出色👍🏼，食物夠晒正，價錢公道，下次有得揀，我仲會再黎試佢地其他既麵呀！🍜😋👌🏼

今日嚟呢間餐廳食下午茶，點咗個豆腐手幹麵，埋單都係$30。個豆腐好足料，真係成件上，外脆。嗰面見佢都係即時整。配料非常充足，真係好好味。而家喺香港好少可以食到$40樓下但係都係好好味!!! 真心推介，我會再光顧的。

我在Open Rice 12:33落單，訊息通知我12:48已完成，我已經早了下去等。結果是未完成，我禮貌的問了一次，叫我等，結果等到其他現場落單的人都拎哂外賣，都未有消息。三催四請，我說不如取消單，因為已經快過了我食飯時間，店家先開始製作，又唔睇清楚單內容，我等到12:58先拎到外賣。然後我要走莞茜，係無走過，只有我話取消訂單先拎我碗面出黎，求其加哂啲野落去先問我要唔要辣。求其整完推比我想我快啲走。做唔切其實可以同我講，取消先識整實在無下次。

無添加味精所以被吸引豆腐外少少炸了內熱滑+麻辣醬=認真惹味👍🏻👍🏻刀削麵即時用機器削出來，很有口感，自己比較鐘意淋少少。加了香菜蒜蓉酸菜，好惹味！他們的麻辣醬都不錯👍🏻推薦！

平時附近返工都會食佢 特別鍾意佢嘅麻辣刀削麵 麵質闊同埋比較粗 有口感 都掛到汁小編最鍾意嘅就係麻辣撈粗+佢嘅豆腐 成件事係10分夾嘅👍 撈粗有麻辣醬 蒜蓉 蔥 底部有甜豉油 就咁撈嚟食都好味 但係唔夠飽 佢嘅豆腐都係麻辣 愛彼似豆卜 內裏係勁滑嘅豆腐 雙重口感 小編鍾意食嘅時候將豆腐倒入去麵度 整爛啲豆腐 一齊食😌 咁樣食就會夠飽啦 飲品方面 呢度都係高身大杯 適合鍾意飲多啲份量嘅你 或者想食完同朋友傾吓偈 唔使咁快俾人收晒啲嘢 小編都覺得係合適嘅😛

今次叫外賣，叫咗麻辣水餃面，小食有炸水餃，麻辣撈水餃，涼拌青瓜，麻辣豬耳，麻辣皮蛋豆腐，每次麻辣水餃都唔知點解自動走辣，明明要少辣次次变走辣，今日突登寫加蒜，取時再問，佢話少食是無蒜的，我話但我叫少辣你哋就次次走辣，查看時又走咗辣，佢哋先比兩盒辣醬我，點知食時發現連麻辣水餃面都自動走湯，又要自己加工。😑😑😑

作为来了香港超过15年的北方人，在香港经常吃各种面类，刀削面也是基本看到都会试一下。这次来红磡玩board game，在openrice外卖了这一家名字奇怪的刀削面试了一下。点了两个刀削面，牛肋肉豆腐刀削面和牛肚刀削面，都是拌面。真的很少能吃到这么难吃的刀削面，牛肋肉明显是雪柜里面拿出来的，没有热透，面的口感很奇怪，很难遇上这么难吃的面食。而且吃完直接拉肚子了…………永远拉黑再也不会吃的刀削面。也是难得集合难吃与不干净的刀削面。ps……店家自动门有问题，点开门按钮没反应，然后朋友拉门手就被门挤了，大家小心避雷

紅磡 刕舙馫麵館 小店個名我真係唔係好識讀😅可能就係咁 當初引起我對餐廳嘅注意 亦都印象深刻每次問完店員個餐廳名點讀，下次又係唔記得咗😅刀削麵梗係必食㗎喇‼️我通常會叫肥牛刀削麵，或者口水雞刀削麵加埋啲蒜蓉同蔥芫荽 多汁 超濃味 啱晒我 辣度自選🌶️🌶️🌶️🌶️🌶️仲有d小食 糖心蛋 皮蛋 涼拌青瓜 🥒 雲耳刀削麵份量好多 好大碗 男士都應該覺得好飽 好滿足😅而且係愛辣人士 唔錯嘅平價選擇👍🏻👍🏻👍🏻

今日去左黃埔一間專做刀削麵既小店食晚餐🍜裡面既野食都幾抵食，全部都係四五十蚊左右，而且分量好大肯定夠飽，糧尾之選😆😆😆我地兩個人每人叫左碗面🍜同埋d小食我叫左口水雞湯麵❤️ 刀削麵口感有嚼勁又重麵香，配埋湯底既配料（生蒜 雪菜等）好match🤣🤣🤣!一個女仔都食唔曬碗麵🤣🤣🤣。雖然佢係食刀削麵既，但係佢既餸都有水準😆口水雞麻麻辣辣，雞肉都嫩滑入味👍👍同行既人叫左安格斯牛肉撈刀削麵，撈面相對湯麵就更加彈牙有咬口，選邊種就視乎個人喜好。牛肉係即刻手切既，牛肉味濃👍👍另外仲叫左麻辣鴨血同埋鵪鶉蛋🥚🥚🥚🥚，同樣都好入味，而且價錢好抵👍值得encore既一家店😆😆😆

今日同阿女去紅磡交收，經過民裕街,見到個招牌好特別，刕舙馫麵館，真係唔識讀刕舙馫三個字，細問之下，原來這麵店主打刀削麵，老闆就是希望客人吃過刀削麵，舌頭留香。我哋都想試吓刀削麵，一於入去試吓！麵店內有部製麵機，三兩句說話就做好一份麵，乾淨衛生又快捷。香燜豬軟骨刀削麵，可以揀辣度，我揀我微辣，軟骨煮至透明膠質狀，入口即化，富含鈣質和膠質，刀削麵入口外滑內筋，軟而不粘，越嚼越香。加豬扒，豬肉表面帶光澤，肉質柔嫩，肉味濃且甘香。鮮蝦雲吞、韮菜餃刀削麵，每粒雲吞都有鮮蝦，十分爽口，韭菜餃的內餡飽滿多汁，清爽不油，味道調得剛好。惹味燻魚，燻魚係用鯇魚做成，口感外酥內軟，味道濃郁。麻辣皮蛋豆腐，美味的麻辣醬汁淋在皮蛋豆腐上，鹹香麻辣的滋味，令人大開胃口。炸素春卷，一條條炸至金黃香脆，皮脆餡香，點些酸甜醬更惹味！凍港式鴛鴦、凍檸茶都夠濃夠味，甜度適中。

好耐無食刀削麵，朋友就推薦依間刕舙馫，雖然唔識讀，但朋友介紹點都要過黎試下。餐牌都算有幾多選擇，小食都有唔少。麻辣豬軟骨撈麵刀削麵有嚼勁，偏硬身，個麻辣醬好特別，好香，唔夠仲可以自己加豬軟骨入味又夠軟淋。麻辣口水雞湯麵估唔到呢到口水雞係暖，麻辣外仲有d花生香，雞都幾滑，湯麵比撈麵無咁重口味。小食叫左糖心蛋，都幾入味，惹味燻魚就普通左，炸得有點乾。食辣野一定會飲杯冰凍豆漿，跟餐都係加8蚊，唔會太甜。

❤️🤍🧡刀刀刀 刀削麵🍜加配料有成碟三個刀字點樣讀？唔識唔緊要，刀削麵識食最緊要！😝文末開估啦！平時好少食手工嘅刀削麵，前排見到唔少評論推依間麻辣刀削麵，搞到Hatty都心郁郁，好想食🤤一場嚟到就咩都try try啦！🤫❤️麻辣牛筋腩刀削麵❤️ $49刀削麵嘅配搭都好多，有辣有唔辣🍜有湯麵有撈麵，可以按個人喜好選擇🫶🏻今次揀咗麻辣湯麵，小辣唔會太刺激，作為提味就啱啦！麵條嘅口感有嚼勁有彈性😳加上牛筋腩嘅軟嫩鮮味，一啖麵一啖肉肉真係好幸福！💙配料💙 最多加配2款幾蚊一個配料，仲以為係細細件🫢點知係成碟，依個真係估佢唔到🤣炸雞髀同埋豬手都係加$9，一碟嘅份量似乎同單點小食差唔多，強烈建議大家加配！雞髀炸得金黃香脆，仲啖啖肉添！🍗豬手就炆得軟腍入味，係補充膠原蛋白嘅節奏！🐽🧡麻辣東坡肉🧡 $30好少麵檔會有東坡肉，依個辣度啱啱好，令東坡肉肥而不膩！🤎麻辣新鮮豬大腸🤎 $38豬大腸爽彈入味，口感韌性足夠🤤亦都唔會會異味，配上刀削麵食冇咁膩！💜麻辣特級安格斯肥牛💜 $78結合咗中式麻辣風味同埋西式肉質鮮嫩口感嘅菜式🥩，肥牛肉質細膩、鮮嫩，麻辣味比其他菜式較低，🌶️咁會令牛肉味更突出！🤍麻辣豬耳仔拼豆腐🤍

喺附近做完嘢，見到有間食刀削麵嘅餐廳，感覺最近又興起一個刀削麵潮～價錢親民，一於入去試吓🐰口水雞刀削麵 $53❣️如果好似我一樣唔鍾意食蒜蓉嘅，記得要走蒜粒！刀削麵好煙韌！而且好滑身，加埋底下小小嘅甜甜辣辣醬汁，非常之惹味～口水雞會另上，份量等同一個小食咁多😂佢嘅口水雞居然係暖㗎！入口會有少少麻麻哋，雞肉滑嫩，很讚😋🐰安格斯牛肋條併豆腐刀削麵 $54❣️個人私心覺得佢啲豆腐好出色！俾啲醬汁浸到入晒味，入面仲係好滑㗎😍😍牛肋條已經切到細細舊，方便一口一粒～同樣入味，不錯👍🏻🐰麻辣金沙骨 $35❣️呢度小食嘅價錢非常合理，金沙骨唔會話太多肥膏，但係入口係好香！🐰麻辣新鮮豬大腸 $38❣️平時食開嘅豬大腸都係偏瘦，不過呢間嘅豬大腸係有好多肥膏😳食落香就香啲，但食多兩嚿好快濟😳😳一定要配飯一齊食🐰麻辣牛肚 $45❣️ 牛肚非常軟腍，唔會有內臟嘅異味，而且煮到入晒味～🐰菜心 $15❣️揀咗牛腩汁，而家人大咗食嘢都好鍾意嗌多一碟菜😂菜心唔會煮到好老，仲夠爽嘅