刕舙馫麵館 (已結業)

間舖頭對我冇乜吸引但係見咁多人話好食，即管試下。 成碗嘢個樣都冇乜吸引， 刀削撈麵 一放入口味好好食！ 有啲喜出望， 口感 非常之好 好彈牙好煙韌，個撈麵亦都好香口！ 但係東坡肉有D乾， 同埋個口水雞不夠入味 普普通通，呢兩款就真係麻麻地好一般！ 佢主要係 個撈麵好食😋😋😋， 下次試下叫豬大腸 或其他 做餸 試下得唔得先！ 但係我會為佢個撈麵 再嚟！！！！！！麵會問你要唔要辣， 其實都只係屬於小辣。 鍾意食清嗰啲人 可以叫刀削湯麪。 臨走見到入面有一部 刀削機 雖然唔係人手 做 但起碼啲面係新鮮所以會有口感

明明係專賣刀削麵仲有個好似好地道嘅名🙈搞到我好大期待，但真係大失所望😨麵好淋，完全唔似刀削麵煙韌有𡁻勁😕牛筋腩好嚡撈麵嘅汁就係好普通嘅咸同埋辣，無咩特色😳一句講完就係無特別但仲要好多蚊螆😨

搬咗黎紅磡，第一次幫襯此店。先是被店名吸引，再而見到係刀削麵，所以今晚就買黎試試（其實好想坐低食，但礙於6點後無堂食，唯有買回家食）。因為外賣，怕返到屋企啲麵林晒，所以叫咗撈麵。落柯打時見到有部大機喺廚房，我見麵團似喺機器削，而唔係人手削（下次再睇清楚求真吓），第一次食，有啲貪心，樣樣都想試，最後叫咗豬扒牛撈刀削麵小辣，店員好nice咁仲送咗罐飲品。返到家急不及待即食，刀削麵夠咬口，撈埋啲蒜蓉麻辣醬好香，份量夠，味道都好，不過下次會叫多啲芫荽蔥。豬扒有醃過，但唔會林到無質感，牛剛好軟硬得宜。總結，係會回頭再幫襯嘅！

係openrice外賣9折，初次用openrice滿40減$20，超平！自行到店外賣計原價，一定要用app外賣先有9折。奇怪！味道不錯，只是沒有分湯，金沙骨係炸的，咁樣放係啲湯度浸住真係淋晒。

去何文田學車，當何文田沒野好食，唯有行落去佛光街，見到黎間好多人討論個店名點讀的刀削麵，就入去私下。牛肉刀削麵好抵，幾十蚊，面好彈牙，湯底都好好，如果有飲品送會更好🤣🤣

今天冒著雨來，非但沒有失望，還超出了預期。店員態度超好，外帶包裝很仔細很乾淨，刀削麵彈牙，牛腩，雞肉和湯都很好食，這個價格再貴一些都值得，實在好味。下次會帶朋友來！

刕舙馫麵館名字實在吸睛，走進去立刻問問老闆怎樣正確讀出店舖名字 「荔華馨」名字真的很有心思！店舖主打刀削麵，當然先來一碗刀削撈麵。平常食撈麵，怕醬汁太咸過濃又怕麵條淡而無味，不過刕舙馫撈麵的醬汁濃郁，但不過咸，味道齊中，刀削麵也入味，真的齒頰留香，牛肚無”騷味”, 易咬開。再來一個東坡肉撈刀削麵，肥瘦比例好，肥的部份入口溶，瘦係部分不”鞋口”，老公全部吃掉。加碼來客老公喜歡的水餃🥟皮薄，沾上醬汁，好好味呀！今次食韭菜水餃，下次要食另一款！

口水雞刀削撈麵極之好食, 佢口水雞D汁酸酸甜甜, 好開胃!撈麵D汁同口水雞D並唔係同一樣汁, 但係一樣咁令人驚喜, 食完時時想再食。52蛟交足貨, 比多10元也可以接受, 因為真係好好食!

男友食過話好味佢話鴨血好食然後就帶我去食好西啦🥰舖頭名都未識讀😂😂—————————————————刕舙馫👈🏻有無人識讀？原來間舖專食刀削麵 選擇都算幾多但由於前一日食左太多肉於是揀個簡簡單單嘅餃子算仲有韮菜同粟米兩款我唔知佢係揀一款定兩款都俾因為我碗兩款都有但有人坐低叫韮菜🤔👏🏻可以一次試曬 韮菜香粟米甜麵質彈牙厚身有咬口鴨血個人覺得唔太入味唔似得麻辣火鍋入面啲鴨血咁嫩口但都值得試手拍青瓜清新啱啱好可以清口腔😌——————————————————♝ 水餃刀削麵 $36♝ 豬頸肉刀削麵 $46♝ 麻辣鴨血 $25♝ 涼伴青瓜 $9

麻辣口水雞好好食，肉質嫩滑，但今次佢煮得唔夠熟所以d 肉紅紅地，但味道依然出色。主打刀削麵非烯有咬口，湯底清清地好夾個麵，鐘意食辣既記得加埋辣油！另外小食鴨血好入味同實的的，好好食！強推！

見佢唔係連續鎖店，又係街訪小店就算好唔好食都會冒住「中伏嘅可能性」幫襯吓！😅😅😅呢間舖見證住佢開舖，等客到，到客似雲來...過程一定唔容易！呢個間嘢到依家都唔知佢叫乜，中女中文水平有限..就叫佢「刀舌香」！😝😝😝邊個話中女唔食牛？咪儍啦！就試吓個牛筋暔啦⋯⋯嘩！牛筋和牛遍布碗面未食都覺得好抵..牛腩有啖啖花椒八角🌶香味，濃度適中甘香不鞋，可能因為痴住少少筋和脂肪。(中女好少食牛腩因一般都鞋個鞋底🥾🥾🥾）牛筋彈🦷入味🉑️惜只🉐️一大嚿。主打刀削麵彈牙又不太厚了，如果鈡意思港式一pat意粉🍝你可能會嫌太硬，但係這是中式Al Dente 呵！明白嗎？🤣🤣🤣湯🥣底有微辣，小辣，....如此類推微辣跟劇情真係好微，下次可試小辣。湯底唔係嗰種濃味搶㗋，搶咗啲牛腩嘅味道。由湯底，麵和餸嘅味道平衡得好好，唔會搶咗各自嘅味道！＄55加理大大杯檸茶，好滿足呀！🐂大家支持小店經營啦！

休息了一輪，又來寫下食評先﹗一個人唔知食咩好，諗起附近有間食刀削麵的，唔駛等位可以試下喎﹗入到去坐低見到個Meun.....主食清一色都係刀削麵....仲好似全部都寫麻辣....即刻要檢查下自己有無帶充足紙巾出門....好彩MENU度寫可以微辣...侍應姐姐話可以直頭唔辣...咁都無咁驚...麻辣牛筋腩刀削麵好似唔錯，有3個好味推介...就佢啦...由於唔太食得辣...叫左個微辣試下...等左5-10分鐘...我碗麵黎啦...睇落唔係好大碗....不過牛筋同牛腩都有好多舊下.....牛筋當然正...不過牛腩都唔輸蝕....唔會好鞋口好瘦...輕輕有DD痴牙...刀削麵厚身有咬口...但又唔會好似紅薯粉咁煙韌...佢係一咬就斷...幾好味...佢個微辣真係得好輕微...啱晒我..最正係佢個蒜味好重...唔止聞落去好重蒜味...連食落口都啖啖有蒜味...個湯仲有D蒜泥喺度....鍾意食蒜的朋友有福了....作為一個女仔我都食得幾多野下....如果D麵份量多返少少會好D...埋單47大元無野飲.....熱飲唔記得好似要加5元定7元...呢個唔多抵...所以無叫啦....由於個蒜味實在太正..

經常喺紅磡食飯既我，一早就知呢間店鋪既存在，只係剛開業時無機會寫。估唔到而家已經儲左甘多好評了～門面，好搶眼內在環境，地方不大，四四正正。店員醒目餐牌，選擇唔算多。大部份既食物都比較濃味既貓耳仔嘅蒜味好重，辣辣地。好開胃，好適合做前菜湯比較清，但面頭放了好多生蒜，增加了蒜香味。刀削面較粗，厚身。不太軟，有咬口水餃一般啦⋯不用加一，都幾抵食

其實我對刀削麵都唔係好有研究，不過呢到整體既味道我就覺得好好味啦首先佢係一間係家維村對面既小店，地方唔大～但食物選擇多。我試過食牛腩麵同小食之類既，味道唔錯 不過又唔覺得十分特別不過！今日要推薦呢款安格斯牛肉刀削麵首先佢比一般既麵食貴、不過其實用料同埋味道已經值返哂！落order後我見個餐遲遲都未上、就去昅下個廚房搞咩。原來牛肉一d都唔hea,係即切出來。味道 牛肉味好出、超腍亦唔會韌。但其實個湯底都係精華！千祈千祈唔好走蒜，會後悔的份量牛肉好足、每片牛既Size大概有一條牛仔骨咁長、一碗大概有5-6片。我就覺得好足料。十分夠飽

麻辣刀削麵🌶🌶鐘意食辣既朋友，一定會鐘意，個麻辣醬好特別，好香(係炒過既香味）🤤唔會好似平時麵鋪個款辣椒油咁油得黎又唔夠辣，唔夠可以自己加，店主絕對唔會吝嗇，要幾辣有幾辣🔥。麻🌶口水🐔，好多時，麻辣太辣都會搶左雞味，依個又無喎，仲有花生香味，個雞香得黎又唔會好油仲幾滑添。麻辣牛肋條炆得好入味又夠淋，仲要唔硬，肥肥地，咬落去有少少肉汁。👍🏼本身以為咁勁，手工刀削麵都可以做到條條一樣粗，點知原來係機做既😅，個麵就正正常常咁啦！最後要講既係非常抵食，因為刀削麵已經比其他麵厚同粗，一般人一碗已經好飽！如果胃口好小小既朋友加個小食，最平個款貓耳朵都只係9蚊。CP值爆哂燈！