刕舙馫麵館 (已結業)

刕舙馫麵館🍜🍲一望到呢間餐廳個名就覺得應該係有邊讀邊！所以應該叫刀舌香😂😂 講笑咋～我哋問咗老闆，舖頭名嘅讀音應該係［黎華馨］💁🏻‍♀️係一間賣正宗山西刀削麵嘅舖頭！麻辣豬耳仔👂🏻（細）$15鹵水豬耳，味道岩岩好，面爽內脆，再加埋出色既麻辣汁，毫無油膩感，食幾多都無問題！👍🏻炸雞翼🐓（五隻）$35雞翼新鮮即炸，熱辣辣脆卜卜，雞肉亦都醃得好入味，配埋刀削麵一齊食就最好不過啦！👍🏻💓麻辣肥牛豬扒刀削麵 🐮🐷$57呢度嘅刀削麵，我哋真係力推！首先講咗麵底先，偏向粗身，煙靭有咬口，份量亦都好多，絕對係抵食之選！🥰🥰跟住就要講吓佢哋個辣油，有兩款嘅，一個係秘製辣椒醬，一個係魔鬼辣🌶️🌶️大家可以跟返自己食辣嘅程度去揀～呢隻辣椒醬特別香口，辣味其實唔算太重，反而有麻香味～上枱嘅時候碗麵係清湯既，要食幾辣落幾多辣椒醬都可以由自己決定！咁就唔怕會太辣啦～ 💓👍🏻🌶️🌶️🌶️呢個辣椒醬十級推介！🌶️🌶️🌶️肥牛配埋辣椒醬食非常惹味，豬扒就煎到金黃色好香脆！👍🏻💓麻辣口水雞刀削麵 🐔$53呢度嘅口水雞都好特別㗎，上碟嘅時候暖暖地，上面嘅花生份量好多，亦都都好好食！😋口水雞非常入味，就算係食雞胸都係嫩滑既，辣油入面仲有勁多芝

刕舙馫麵館今日去咗紅磡食刀削麵，呢間刀削麵店個名都幾難讀，要網上查先知點讀，叫「黎話興」麵館，門口易拉架仲寫住無味精，一於入去食先。一入到店內見到唔算細，輪椅入到去都夠位轉彎，門口都係有一級，我就繼續用我塊斜板入去食野，店員安排我坐喺近壁畫位置坐，畫中好有「中國特色」，畫中大概見到好多間屋， 屋附近有間「刀削麵店」，好多人幫襯緊，畫得好靚呀！店入面有8張枱，大約坐到約30位食客，每張枱都有三款調味醬比你加，有老陳醋、特辣醬同麻辣醬。間麵店係用QR code落單或傳統望餐牌叫野食，大約等5分鐘就煮好拎上枱，小食又平，幾抵食！1.麻辣牛筋腩刀削麵$58＋鵝腎$9＋熱奶茶＄6（8/10）呢個牛筋腩刀削麵最初我係想叫牛筋刀削麵，點知我自己睇漏字，原來有牛筋又有牛腩，6舊牛腩3舊牛筋，每舊都係一小舊，一口一舊易入口，每一舊都好淋，刀削麵就好煙煙韌韌，煙韌得嚟又好滑，好難夾起似河粉咁滑，麻辣醬就自己加，呢個下午茶加$9有9塊鵝腎，鵝腎好爽口，鹵水夠入味，再加$6又有杯熱奶茶，奶茶夠滑，個人唔鍾意茶味太出，整體都ok！👍👍2.麻辣肥牛刀削麵$57＋牛展$9＋熱咖啡＄6（7/10）呢個麻辣肥牛刀削麵個

餐廳位於紅磡，主打刀削麵同多元化嘅中式小菜料理，口水雞、鴨血、牛筋等等，同時亦提供多款特色小食！值得一讚嘅係辣度可以按個人喜好調配，老少咸宜，唔怕唔啱食！整體地點方便，價錢亦十分親民化，經過不妨試試～ 風味小食有好多選擇，牛類包括肥牛、牛筋腩牛肚同牛肋條～ 最有驚喜嘅係牛肚，口感爽脆，帶點嚼勁，鎖緊精華，食落超級入味！牛筋腩都唔錯，大量骨膠原而且炆得幾腍，值得一試😝 豬類有金沙骨、豬手、豬扒同豬頸肉，四揀一嘅話唔使諗一定係金沙骨，肉質細嫩，肥美，淡淡肉，超級滿足😌 另外亦有經典嘅炸雞翼同炸雞脾，外脆內嫩而且份量十足，性價比甚高！相比之下白菜/韭菜豬肉水餃就較為普通，勝在餡料滿滿，試試無妨～ 食完主食就輪到涼拌菜！芥辣貓耳仔、涼拌青瓜醃蘿蔔拼香脆花生、糖心蛋樣樣有齊，個人最鍾意皮蛋豆腐同惹味燻魚、前者調味適中，十分開胃、後者外皮煎至酥脆，內裡鮮甜美味，必點之選！想食得均衡啲嘅都有生菜、菜心同小唐菜，可以加配滷水或牛腩汁，味道剛好，唔會過鹹，非常抵食～ 嘢飲方面就比較大路，建議叫豆漿，健康得嚟又解渴😜

好耐無食過辣野，特別去左一個主打刀削麵的麵館～一入座見到小店有很多人來拿外賣，可見很受街坊歡迎😎性價比好高，每一款食物都很足份量，值得一試🤩麻辣牛筋腩刀削麵🍜$49刀削麵可以選擇不同辣度，而麻辣牛筋腩刀削麵絕對是本店的特色菜之一，牛筋腩的肉質鮮嫩多汁，搭配麻辣湯底又濃又香麻辣豬扒刀削麵😋$48豬扒夠厚夠香，咬下去香脆可口，配上刀削麵的Q感，口感飽滿，每口咬下去都能夠感受到充滿香氣的麻辣風味麻辣口水雞🐥$45口水雞肉質十分的鮮嫩多汁，搭配豆豉椒醬，口感香辣醇厚麻辣炸雞翼😎$35炸雞翼外層金黃脆，裡層鮮嫩多汁，食到停唔到口豆漿🥛$8食左甘多辣之後飲埋豆漿就啱啱好啦

好特別的店名😆 原來是主打刀削麵的麵館～晚市時間滿座，好受街坊歡迎！食物選擇豐富，香鹹惹味，質素很不錯，份量多好抵食，性價比好高 💖食評💖𝑭𝒐𝒐𝒅特級安格斯肥牛撈麵 ($88)✨ 牛筋腩撈麵 ($49)✨ 安格斯肥牛口感一流👍🏻 牛筋腩軟腍又入味！🤤 刀削麵偏粗身 煙韌有咬口，份量多 飽肚之選👍🏻 配上麻辣醬一流🥰 麻辣水餃 ($30/6粒)✨皮薄餡靚，好好味😍 滷水汁生菜 ($15)✨新鮮生菜配上鹹香滷水汁，好味👍🏻麻辣豬耳 ($15/小)✨爽口彈牙，麻辣味香濃，食唔停口糖心蛋 ($10/粒)✨推薦~ 軟腍又香甜𝑫𝒓𝒊𝒏𝒌解茶 (+$10)✨果粒橙 (+$10)✨

大家係咪見到個名都唔識讀呢？原來係讀「黎話興」😂想食刀削麵好耐啦，好掛住啲煙煙韌韌嘅麵，呢間就專食刀削麵嘅雖然餐牌上面全部寫住麻辣，但係原來姐姐話係自己落辣椒醬嘅，所以全部嚟到嘅時候都係唔辣㗎▶️ 牛展刀削麵 ($48)喺餐牌上面嘅人人人氣推介👍🏻牛展同湯刀削麵係分開上嘅🐂牛展有成五薄片，每片都幾大塊㗎，個樣有啲似拉麵啲日式叉燒牛展用滷水汁醃到好入味，仲略嫌佢鹹咗少少，所以我都係揼落湯度食🙈但係鍾意佢咬落唔韌，即使中間透明嘅筋位都好易咬😋有牛味而又唔臭，應該係外面食過比較好食嘅牛展🍜刀削麵雖然係用機削而唔係人手，但都係即叫即削，每條嘅粗又長短都唔一樣，口感非常煙韌👍🏻同銘興刀削麵嗰啲差唔多湯底望落清但已經有味，另外仲加咗大量蒜蓉、酸菜、芫茜🌿令佢更加惹味，大少少川菜嘅味道(只差在唔辣)食完成口蒜味🧄不得不食返粒益達曬駱駝🐫整體成個麵除咗鹹咗少少之外都好食🤤份量又夠飽，牛展足料▶️ 油菜 ($15)可以揀生菜／菜心／小唐菜 🥬而汁可以揀滷水汁／牛腩汁我哋揀菜心加滷水汁菜心咬落清脆新鮮，滷水汁味道淡，唔鹹，感覺健康-佢嘅刀削麵的確整得好好食！個人覺得係隱世小店，平時淨係識銘興／山西刀削麵係個店

紅磡，對我來說是一個新環境，有好幾天在這兒，當然要周圍看看有沒有好吃的地方啦。就在佛光街的天橋底，《刕舙馫麵館》這一個完全唔知點讀的店名吸引到我停在門口看幾眼。啊! 原來是一個食刀削麵的地方。味道又好像 modify 過，遷就了香港人 / 廣東人的口味。咁，我就要來試下啱唔啱口味啦。早就在店門口，我就看中了這一個香炆豬軟骨刀削麵。豬軟骨的肉味醬味都是頂呱呱的，以這一個廣東人喜愛的濃味道來配上北方人口味的麵湯底，半點違和感也沒有，反而多了這一個濃濃的炆肉香味，令這一個麵的味道來得更香濃。加了點點的辣補回了漠北的風味，很是好。而且，刀削麵的都條煙韌可口，麵條能掛汁，也是很美炒的啊。跟諶有飲品，不加錢我就選了熱奶茶。這一杯奶茶印象係從店外端入來的，似乎是旁邊外賣小店的出品 (同旁邊的小店互惠互利，幾好。) 。味道雖不是很濃，但入口夠香滑，算是能令我開心的一杯茶。這次輕輕試了一碗麵，已經立即令我留下深刻的印象。日後有機會再係紅磡一帶飲飲食食，可以再來品味的啊。

我從未食過咁特別嘅刀削麵😓正宗嘅山西刀削麵個湯底基本係鹵湯。但呢一間刀削麵的湯底清湯😮（淡如水的清湯）。個刀削麵就一般般，（唔係人手削麵的）麵條可以再粗厚一啲。😟個餸呢都係不予置評。正常的豬頸肉係應該炸一大舊之後再薄切細細舊。但呢間的豬頸肉係切好一片片再炸出來。一點都唔吸引。炸得耐就好硬我係好中意食刀削麵🥹。但係呢一間真係不予置評。😓如果可以改變嘅話，將個湯底轉返基本嘅刀削麵湯底咁呢間鋪應該都會好多人幫襯嘅。

已經唔係第一次 其實佢哋個撈麵好好食 每次都好期待 但次次都俾湯麵 好食好食有咩用 都食唔到想食麻煩睇單睇清楚 問清楚 都係俾錯太多次我先寫負評 我真係鐘意你哋個撈麵的 唔好再錯

下午茶嚟講三十幾蚊一大碗都算幾抵食～有六款可以揀～水餃、豆腐、炸豬扒、炸雞髀、牛展、豬手～有湯麵同撈麵兩款～今次試吓炸豬扒同牛展先炸豬扒刀削麵少辣多芫茜～湯底幾入味～有：雪菜、芫荽、蒜蓉～刀削麵以下午茶嚟講～份量都唔少～即叫即煮好彈牙～切開嘅炸豬扒一大塊醃得好入味～又唔會太多炸粉牛展刀削麵少辣多蒜多芫茜～有五大片牛展～睇顏色唔係好入味～但係食落都OK～好有牛味～不過食湯麵最緊要梗係個湯底啦外賣各+$1

做完義工，回家前要去買外賣晚餐，呢間同事介紹比我，去到天橋下一間麵店，店內不大，茶餐廳格局，去到已下午5時多，堂食時間快完結，店內剩下一枱客，我去到最內圍吧枱位置落單，八達通比錢，等十分鐘就出菜！外賣袋企理，3份麵分湯都可以一袋攪掂！大腸刀削撈麵（$47）少辣，我回到家即食，一入眼是滿眼嘅蔥、芫茜、蒜，大腸份量夠，又是我喜歡的薄皮腸衣，半肥瘦，彈牙夠入味，好味，一程車撈麵有點結塊，我落左點湯（肥髀的）就揀鬆了，醬油味濃，麵是有厚度夠彈牙的，掛汁不錯撈埋啲蔥蒜惹味，雖然叫了少辣，但店員姐姐辣椒份量同細佬正常嘅一樣😅，所以我先𢳂走部分試下辣度再慢慢加到自己接受嘅辣椒份量！好味麻辣牛筋腩刀削麵（$48）細佬嘅清湯牛𦟌刀削麵（$35）肥髀嘅食物水準不錯，店員極爽手，不廢話，包裝企理值得encore

外賣自取，order 1份麻辣餃子湯刀削麵(微辣), 凍檸茶,小食-涼拌青瓜,小食-麻辣水餃(小辣),油菜-生菜(滷水汁)。 最終變成麻辣餃子湯刀削麵(微辣),小食麻辣水餃(小辣)全部走晒辣，已經不是第一次了落單姐姐成日善自更改辣度,有啲失望,不想每次去到取食物時都要提都要問。😑其實食物味道好味,但每次被更改落單要求當打開食物時會好失望,希望可以專注些少留心每一個訂單,少啲失誤,出錯能加以改善就完美了。

經過呢間麵店 見到個名好得意諗住係風味小店咪入去試吓 今日喉嚨有啲唔舒服 所以叫咗碗豬扒麵走辣滿心歡喜等待碗麵到 點知勁咸成碗麵得個咸字 唯有食豬扒豬扒反而幾香脆 但食多兩件都係咸呢間嘢真係no more next time

見咁少劣評，滿心期待美味嘅刀削麵，好讓大人小朋友品嘗。可惜竟然外賣裏，三碗刀削麵都冇湯，乾食太難食！😩就算肯加熱水都已太遲，麵都已變硬！人客不會這樣花時間來回。

今日介紹的，是一間位於紅磡的刀削麵小店😌這家小店平常在上班時間都比較人多，但到晚上時，是基本上都沒人😹先說說餐牌上的食物，大部分都是寫著麻辣口味的， 事實上是不太辣的，不太吃辣的人， 也能吃😋 而刀削麵是不會太厚那種， 所以入口時不太硬，口感良好。人均$50 左右， 便宜之選🌝👍🏻門口，整體感觀都算整潔餐牌，唔算貴， 我覺得價格合理呢個叫貓耳仔 實質上係雲耳我覺得鴨血好好食😹😹😹😹😿😹😿😹呢款係撈麵