初心

营业中

休息中

今日同朋友嚟到位於將軍澳嘅超級美味煲火鍋放題餐廳用餐,實在太滿足呢!首先要提嘅係佢哋嘅雞煲份量超豐富,雞肉新鮮又好味,仲有三文魚刺身可以食!餐廳仲有好多款唔同嘅小食,由蝦多士、炸三文魚腩、鴨血、雲耳同牛蒡,飲品任飲,實在太過癮啦!我哋叫咗蓮花湯底嘅火鍋,煲係用北京鍋爐煲嘅,相當講究。海鮮火鍋超級豐富,有鮮蝦、魷魚、鮮魚、翡翠螺、花甲,樣樣新鮮,可謂海鮮打邊爐嘅最佳選擇。另外,腸仔同各款丸類,特別係手打嘅牛肉丸,咬落口感好Q彈,蔬菜種類又多,牛肉同豬肉都好好食。整體黎講,呢度嘅火鍋放題完全唔同一般嘅放題,無論係食材嘅份量同質素,定係就餐嘅環境同服務都好好！真係非常難得。我哋食完之後,仲想再嚟其他火鍋湯底口味！

將軍澳嘅初心，主打點心、午膳、火鍋、同埋放題！150分鐘由頭盤、小食、刺身、雞煲、再打埋個邊爐，一直任飲任食到尾！餐廳人流暢旺，食材流轉速度夠快，食物出品頗為優質兼新鮮！150分鐘火鍋放題醇滑嘉士伯及無酒精飲品任飲，消暑又夠爽！宮廷小食每天5款，天天不同！是日小食為松露蝦多士、麻辣鴨血、椒鹽三文魚頭腩、涼伴雲耳、炸雞翼！三文魚刺身咁啱分配到肥美嘅腩位，魚味勁香郁！招牌雞煲一開蓋就香氣撲鼻，雞煲勁惹味！煲底有個蒸隔防燶底，亦令雞件更水嫩！可自選辣度！蕃茄美人鍋以蔬菜為主嘅湯底，為食材添上天然嘅菜甜！個煲好有宮廷feel，氣派十足！環球海鮮拼盤包含海蝦、蜆、吊桶、鮑魚、廣島蠔、翡翠螺、仲有龍躉件！材料夠新鮮，真係點烚都咁好味！極上肥牛｜黑豚肉初心嘅火鍋肉品都幾高質，encore都係keep住相同嘅品質！火鍋配料海量嘅火鍋配料任叫任食！

初心，呢間火鍋放題已經喺將軍澳開咗好耐，佢哋除咗有火鍋放題，仲加埋有雞雞煲同有海鮮火鍋。 啱晒我呢啲懶人，一次過仲可以滿足晒幾個願望！另外仲有嘉士伯任飲！當然仲有其他非酒精飲品啦！當然餐廳仲有小菜啦！將軍澳地鐵站站A2出口，行大概5分鐘就到。都好方便。今日係星期五，呢個套餐係$318一位，可以食150分鐘！食之前，職員都好耐心咁解釋火鍋嘅detail, 有啲乜嘢係任食，有啲乜嘢唔係任食！每次都有五款唔同嘅小食，今日係松露蝦多士，椒鹽三文魚魚，雲耳，麻辣鴨，炸雞翼，我最鍾意都係松露蝦多士，夠晒脆，而且蝦肉都好彈牙！刺身係三文魚刺身，新鮮肥美！然後到雞煲，我哋揀咗走辣，本人唔食辣，雞煲夠哂入味，尤其是啲豬皮，超好食！雞都好多，而且都好嫩滑！其實食完個雞煲，我哋兩個女人仔已經好夠飽！然後到火鍋，我哋揀咗芫荽皮蛋湯底！今日34度高溫，要飲吓呢啲湯清下熱先得！火鍋嘅海鮮，係非任食項目！ 海鮮已經夠晒新鮮豐富！火鍋配料，蔬菜類亦包有菇類，又有好多唔同款嘅菜，都好新鮮，好滿足！火鍋肉類配料，牛肉薄切，雪花分布都好平均，入口好易食，手打牛丸，夠晒牛肉味！生日如果滿四位，會送一個牛肉蛋糕！ 下次可以同朋

雖然過了端午節後，每日氣溫都高達三十度或以上，但只要有充足冷氣加清熱湯底，炎夏打邊爐亦未嘗不可。位於將軍澳的初心提供火鍋放題，食物種類豐富，既有宮廷小食、三文魚刺身、招牌雞煲、海鮮拼盤及多款火鍋配料，每樣一點都足以飽肚。未上湯底前先上三文魚刺身，三文魚厚切肥美，口感柔軟細滑。宮廷小食有五款，包括有松露蝦多士、涼拌雲耳、麻辣鴨血、漬牛膀及椒鹽雞翼，其中最喜歡漬牛膀，味道與日本餐廳的一模一樣。雞煲香料有辣椒洋蔥及九層塔，提升香氣味道又不太鹹，豬皮及枝竹均很入味。火鍋湯底很特別的有蓮花鍋，加上冬瓜、粟米及紅棗，很適合夏天享用。是夜海鮮拼盤計有海蝦、鮑魚、生蠔、龍躉件、鮮蜆、翡翠螺及吊桶，每樣均鮮甜彈牙。火鍋配料第一輪由餐廳提供，其實食到火鍋配料時已經半飽，沒有空間再叫第二輪。第一輪火鍋配料種類很多，包括有肥牛、黑豚肉、手打牛丸、水餃皇、炸魚片頭、炸響鈴、年糕福袋、蟹柳、龍蝦丸、香菇貢丸、芝士腸及蔬菜籃，每樣一兩件，胃口滿足。

初心火鍋我最近光臨了位於將軍澳的「初心」火鍋,品嘗了他們的種類豐富的海鮮放題。溫馨舒適的裝潢，簡單大方的設計,營造出輕鬆愜意的用餐氛圍,讓人倍感放鬆。而最叫我驚艷的,無疑是他們那豐富多樣的雞煲海鮮放題。我點了他們家的經典雞煲, 雞肉鮮嫩多汁。緊接著是三文魚生,新鮮嫩滑,口感細膩。然後就開始吃海鮮火鍋，海鮮選擇如大大隻的鮮美海蝦、嫩滑的肥牛、新鮮的豬肉片,以及彈牙鮮嫩的牛肉丸和水餃,每一項都別具特色,讓我大呼過癮。除了精彩的海鮮,他們的蔬菜選擇也很豐富,有各式生菜、白菜、豆腐等。不同種類的飲品任我們自由選擇。雞煲海鮮放題,加上溫馨的環境和細緻周到的服務,為我帶來了一頓既豐富又愉快的用餐體驗。作為將軍澳的人氣火鍋店,它絕對值得一訪。

位於將軍澳的中菜餐廳，供應點心、雞煲火鍋任食放題、中式小炒等等。地方不大，但座位闊落，環境舒適，空調充足。外面有飲品櫃，罐裝可樂、紙包飲品、玻璃支裝啤酒等全部都放在雪櫃裡任飲。火鍋醬料也是在外面自行調配。宮廷小食：松露蝦多士、涼伴雲耳、麻辣鴨血、漬牛膀、椒鹽三文魚頭腩五款不同的小食，按餐廳每天隨機安排，吃完可以追加。三文魚刺身：每枱附送一客三文魚刺身盤。招牌雞煲：小辣雞件半份左右，醬汁沾滿雞肉，還有洋蔥、腐竹、豬皮、蔥等，配料吸收了醬汁，非常下飯。火鍋湯底：蟲草花南瓜鍋湯底鮮甜，湯滾得越久，南瓜也變成蓉，味道更明顯，還加入了蟲草花，養生美顏。環球海鮮拼盤：生猛海蝦、大鮑魚、廣島生蠔、龍躉片、翡翠螺、海蜆及吊桶每款海鮮都有兩份或以上，趁新鮮就趕緊放進鍋裡滾。火鍋配料：選擇甚多，侍應先送上一輪火鍋配料，有色彩繽紛的蔬菜籃、大大粒的手打牛丸、極上肥牛、黑豚肉、響鈴卷、水餃皇、蟹柳、小竹輪、墨魚丸等等，之後需要追加可跟店員下單。

俾我搵到間抵食嘅任食打邊爐雞煲，仲有送刺身同海鮮,兩個人食到捧住個肚。星期五、六日係做緊$328一位，2.5小時任食。味道不過不失，但重點勝在款式夠多，而且係任食，時間長可以令你回本。一開始會有三文魚刺身，之後就可以食雞煲，仲有宮廷小食，包括黑松露蝦多士、木耳等等的前菜，所有嘢都可以無限加添。食完雞煲就可以轉打邊爐，湯底都有好多款選擇，清清地我就揀咗個養生蓮花湯底，真係大大棵蓮花可以放入去食。另外佢仲會送一個海鮮盤，有鮑魚、螺、墨魚，沙白等，都算幾豐富。嘢飲方面，除咗基本汽水果汁，呢度竟然啤酒都係似飲，都真係幾抵。

餐廳在地鐵站附近，走數分鐘路程便到了，附近商場林立，吃後還可到處逛！火鍋放題的性價比也高，首先會先吃雞煲及小吃，雞煲的可自選辣度或不辣也可以，內裡配料有腐皮及豬皮，都是吸汁配料，味道濃郁；而小吃的都有很多選擇，當中的黑松露蝦多士更是必吃，多士脆卜卜，炸後十分香，更有麻辣豬血及蒜蓉雲耳等小吃，味道都很好！吃雞煲後就會開始吃火鍋，首先會來一盤海鮮、有螺、龍躉、帶子及鮮蝦，每天會出不同的4款；還會有一盤刺身附送，刺身新鮮肥美！飲品方面也有數個雪櫃的飲品可選擇，種類繁多！甜品的也有數款，湯水、雪糕糯米糍及椰汁紅豆糕也有！另外，喜愛喝啤酒的也是任喝，性價比十分高！

走左去將軍澳~初心~火鍋雞煲任食， 呢間有 150分鐘任食，真係可以慢慢嘆，免費嘢飲除無酒精飲品外，仲加埋嘉士伯啤酒任飲。🍻🍻一坐底就上碟肥美三文魚刺身食下先， 咁就一路食一路揀湯底。招牌雞煲隨即上，香噴噴，個醬汁好好味。每日有小食5款選擇，每樣黎一碟試試先，木耳、麻辣鴨血、松露蝦多士、紫薯同椒鹽三文魚頭腩，最鐘意黑松露蝦多士，好香呀。叫左豬骨湯，好香濃鮮甜。每日六款海鮮拼盤，蝦、鮑魚、墨魚、蠔、蜆同龍躉，樣樣新鮮彈牙。邊爐配料成5，60款，好多都好正。🔸️手打牛丸，牛香味十足，鬆化又彈牙🔸️ 年糕福袋，好多火鍋店都唔見🔸️生魚片，好嫩滑。🔸️極上肥牛，肉質結實，牛味濃。三文魚刺身同埋海鮮拼盤係一次性之外，其他全部任食。晚餐太豐富啦。🤤

第一步曲食頭盤三文魚刺生，魚肉新鮮，厚肉肥美，味道鮮甜有油香。第二步曲就係任食雞煲，雞肉好入味，醬汁好香濃惹味。 雞煲入面仲有豬皮，豬皮索晒d醬汁，好好味。第三部曲小食任食，醋香雲耳，麻辣鴨血，炸黑松露蝦多士，炸三文魚。鴨血口感少少煙韌，麻辣味好香，不會嗆喉，好入味。 蝦多士即炸熱辣辣好香脆，蝦肉夠厚肉鮮味。炸三文魚好脆肉嫩。第四步曲，換另一個大鍋打邊爐，有幾款湯底選擇，我揀左胡椒豬骨湯底。未食已經聞到好香濃既胡椒味， 未打邊爐前先飲一碗湯，湯頭好濃郁，好夠胡椒味。之後會有一份海鮮拼盤，有蝦、蜆、魚、蠔、尤魚、螺， 海鮮同個湯底好夾，味道好鮮甜。之後仲有其他配料追加，肥牛、豬肉片、水餃、鮮牛肉丸、炸魚片。環境、服務、同食物都有質素，無酒精飲品任飲，價錢合理。

今日本身都想食火鍋，咁岩搵到將軍澳附近有間食雞煲加火鍋放題仲可以任食150分鐘所以想試下～我係OpenRice度見到預早訂枱加買優惠券可以$268（未連加一）就可以食到，所以即時係網上購買

之前去大陸食過一個雞煲好好食，返嚟香港都試過幾間都食唔番過種味道，今日去將軍澳探朋友，朋友就帶我去食雞煲，話哩間雞煲好出名，而且食完仲可以打邊爐，任飲任食，好正，咁一定要試吓😋😋服務員態度真係好，坐位又舒服，雞煲仲可以簡微辣、中辣、大辣，好周到👍未食就已上三文魚刺身，肥厚美味，四小碟小菜😋好醒胃朋友食雞煲一定要整支啤酒🍻😂，先上雞煲，開火炆已經聞到陣陣香味辣味，好豐盛，有猪皮同好多腐竹，雞肉好滑，雞皮仲係爽口，雞煲醬好好味，猪皮腐竹吸收啲汁，辣辣地勁好食😋本來想追加（免費）但都係留肚食火鍋🍲剛食左辣，就食番過清清地，芫茜皮蛋湯底，我都以為係清水加，點知湯底都好講究架👍先吸一盤海鮮，有蝦有魚仲有二隻大鮑魚，生蠔🦪等，超級新鮮，鮑魚爽，舊魚鮮甜，皮爽口，好食😋仲有好多餸可以叫，我地都加左好多，牛肉，水餃🥟等，真係食到好飽，仲有甜品送😂香港地而家仲有咁價錢有咁食材、咁嘅服務態度真係非常之難得，要介紹朋友嚟食先得

初心😋😋😋雞煲拼海鮮火鍋將軍澳唐俊街、The Parkside Mall G09號地舖、透明玻璃外牆、紅色座椅、色彩夠吸引🤩150分鐘火鍋放題$328先上雞煲火鍋任食多款美食前菜：醃漬牛蒡、紅酒喬頭漬、不油膩松露蝦多士、麻辣鴨血、脆炸椒鹽三文魚頭腩⋯⋯（😋😋可追加）🉑️追加任食招牌雞煲底（微辣）、材料豐富、軟腍入味支竹、爽口彈牙豬皮、香滑雞件、惹味雞汁！奉上肥美三文魚刺身、油脂均勻品嚐完後、香茜皮蛋火鍋底上場先配環球海鮮拼盤廣島生蠔、生猛海蝦、翡翠螺、龍躉件、吊桶、大鮑魚、海蜆⋯⋯高質豐富海鮮、鮮甜味美👏🏻👏🏻再上火鍋配料、極上肥牛、黑豚肉、手打牛丸、炸響鈴、年糕福袋、芝士腸、午餐肉、龍蝦丸、鮮冬菇、農場菜心、唐生菜、蕃茄片、粟米件、娃娃菜、材料豐富、色彩繽紛、美食各有各特色、⋯^_^⋯共🈶️56種多款可追加火鍋配料、食🉐️出色、食🉐️招積、十分滿意、飽肚🈵️足👍🏻👍🏻👅任飲多款非酒精類飲品貼❤️奉送是日甜品：芋頭紫米露初心將軍澳唐俊街18號The Parkside Mall地下G09號舖港鐵將軍澳站A2出口、步行約6分鐘

呢幾日天氣好似秋天咁，舒服得令人興奮，而晚上仲覺得少少清涼，仲有興致去食火煱。加上假期前夕就想食餐火鍋放題，任飲任飲夠滿足。呢間除咗有茶飲，晚市仲有150分鐘任食任飲火鍋放題。各式凍飲可以自己去雪櫃拎，罐裝紙盒都有。未食火鍋，先食招牌鷄煲 (可追加)，辣度入選，唔辣又唔係幾好食，就BB辣啦。除咗鷄件，仲有紅綠椒加大量洋蔥及蔥去爆香，加埋豬皮去索惹味醬汁，呢一煲，好快被我地食晒。再黎五款小食，每天不同，今晚有松露蝦多士，涼伴雲耳，麻辣鴨血，椒鹽三文魚頭腩及漬牛膀。食緊麻辣鴨血之際，三文魚刺身送到。港人對佢又點可能抗拒?!  一啖一塊過吓口癮。跟住就可以轉做火鍋時間啦，多款特色湯底選擇，最後都係還原基本步同下火之選，芫茜皮蛋湯是也。打邊爐點少得海鮮?!  六款不定時轉款湊合成為海鮮拼盤。今晚”佳麗”為鮑魚，廣島蠔，龍躉片，蜆，蝦及翡翠螺。每款2隻/件，以冰底墊住保持鮮度。鮑魚帶點厚度，入口夠彈牙。廣島蠔烚完雖然變細咗，但蠔味幾出。之後嘅任食類包括肥牛，黑豚肉，丸，菜，菇類，薯粉烏冬等肥牛及黑豚肉肉色靚仔，脂肪比例平均，薄薄一片好快熟。頭轉唔駛自己落單，侍應送上心水推介，例如年糕福袋，黃金魚

完全失實，失望一坐低職員Sale左好多次食放題雞煲，不停強調任飲任食，叫小菜好似好唔想！ $350 /1位放題，但最後有好多不包項目！好失實！ 睇返細字，呢樣唔包果樣唔包！ 好違反商品說明條例，好失實tricky！ 主要是仲要計衛生問題，海鮮（兩隻鮑魚，4 隻營養不良的蝦， 冷氣一大一小的螺，溶溶爛爛的魚肉） 似係冰堆開鑿出嚟， 見到流晒綠色汁液，都冇食到， 同老公未返到屋企已半路肚痛扭毛巾果種痛，結果兩個人痾天光，繳肚痛繳天光！ 限時150分鐘， 但中途換煲，差唔多等左30 分鐘催先有，結果旁邊兩枱等到發脾氣走左！ 真係希望佢哋保持返個「初心」