初遇

营业中

休息中

今日繼續沙田開工，周圍碌繼續碌去沙田中心覓食；最後揀左依間開左幾間分店既初遇，主打係台灣嘢。我中午時間去，人唔算多，唔需要等位就可以入座；侍應唔算多，所以落單要等左陣。午膳有唔少套餐可以選擇，亦可以有D小食加配。好多都係特色台灣麵、飯🍚我最後揀左個藥膳花雕雞卷手工麵，其實好多都想試，不過見好多人都揀雞卷，所以我又試下；套餐免費加配既台式飲品有限，我最後揀左冷泡阿里山綠茶。味道方面，一上個麵……係 超 級 香🤣真係有D意外，老實我對依類型連鎖式既台灣食店係有小小保留。但係個湯底的確有驚喜，仲搞到我忍唔住飲左啖湯😅味道唔算太鹹，藥膳味唔算濃，雞味幾多，重點係飲到結尾有淡淡花雕酒味。老實湯頭真係好唔錯！手工麵方面中規中矩，無特別驚豔，煮得唔會太淋，因為本身我都唔鍾意淋麵🍜雞卷肉質唔算嫩滑，但係好入味，無痴牙🦷但有個問題，好似浸得有D耐，所以一夾就散。其他野我就未試過，但係依個藥膳湯可以再試😋

其實我之前成日黎食，以前門口個哥仔幾好，又識笑又識安撫客人又識做野，就算有錯漏哥仔都補位補得好好，而家換左個黑面神，永遠黑面都算，成日背著門口企係到真係第一次見，我只係過左一個號碼佢要我重新攞飛排過“以前哥仔會等到一有枱再比我”，黑面神仲呃我話下一張就係，結果有幾張枱都比哂其他人，我地3個人，，岩岩叫完6個人入，又叫人地5個人迫埋4人枱，總之就係唔會比番張枱我（當然啦，人地當你重新排過，當然入哂其他客先）咁我當然以後唔會再去啦～

自己係喺呢一頭返工，而呢一間舖頭呢都開咗一段時間，一直以來都比較多人，所以都冇過嚟食過午餐，今次難得見都唔係好多人，於是就嚟試吓佢個午餐都幾多選擇，有啲係set嚟嘅，又有鴨血啦又有湯又有嘢飲飲咁樣，但係自己食量都唔係太多，於是就嗌咗佢餐牌上面推介嘅滷肉腸飯，配一杯嘢飲，自己就揀咗珍珠奶茶。要讚佢上菜係非常之快，落咗單5分鐘內啦個飯已經上咗枱啦，一上嚟見佢賣相呢係有滿滿嘅滷肉啦，配埋熱辣辣嘅香腸，佢咁快上菜本身以為所有嘢都會唔係太熱，但係都係熱辣辣嘅，味道方面呢滷肉係相對比較肥，但係非常之惹味，成碗飯可以食晒，而佢個珍珠奶茶都係非常之好飲。

初遇沙田橫壆街1-15號好運中心3樓3091-3092號舖推薦指數：⭐️1. 味道：❤️❤️🤍🤍🤍2. 價錢：❤️❤️❤️❤️🤍3. 打卡：❤️❤️❤️❤️🤍4. 等候：❤️❤️❤️🤍🤍5. 位置：❤️❤️❤️🤍🤍食物：1. 初遇一品臭臭鍋2. 自家芋泥鮮奶評價：◇臭臭鍋用料尚算齊全，該有的料都有；可惜味道一般，就是把一堆食材丟進去的感覺，各有各的味道；以這個價格來說感覺不太划算◇飲料超級難喝根本喝不下去，芋泥都是粉的感覺；鮮奶是鮮奶芋泥是芋泥，味道分的明明白白，還不如去便利商店買盒鮮奶；◇以前還喝過他的冷泡茶全部都有澀味不好喝◇挺難吃的就是不知道為什麼還很多人排隊，可能是對台灣料理的熱愛吧...總結：食物還可以下肚，飲料有夠難喝

自從好運中心翻新後，引進了很多不同菜式的連鎖餐廳，這晚便與朋友下班後來試試這間台式餐廳。———————————————————————便當包括了一碗滷肉飯，肉粒大小適中，肥膏比例算是合理，再配上平常滷肉飯少見的肉鬆，整體感覺不算油膩。豬軟骨方面，由於有「慢煮」兩字，我本來期望會是已炆煮得非常軟爛的豬軟骨。可惜最後肉質偏韌，軟骨部分亦偏硬，與我心中預期有很大落差。另外套餐還附有麻辣鴨血，鴨血有質感，味道都正常。但湯品卻非常之鹹，我和同行朋友都喝了一口就決定放棄。蜜汁排骨味道香甜，但肉質偏硬。另外由於它是整塊上未有斬開，食用時比較麻煩。拌麵採用的是粗麵，非常掛汁。麻辣汁辣度適中，麻亦足夠，我想五小辣人士都應該能夠接受。蛋餅餡料豐富，煙肉和芝士的味道都相當突出。蛋餅並不是煙韌質地，反而有點脆脆的感覺。整體味道不錯，只係以$42來說，份量略嫌太少。雞卷嫩滑爽彈，醉雞汁花雕味道夠香濃，亦有充分滲入雞件，相信浸泡時間十分足夠，值得推薦。芋圓煙韌軟熟，仙草是一條條的形狀，口感滑溜並帶有些少Q彈感覺，就算配上紅豆也不會太甜，表現合格。———————————————————————總結每道菜式都發揮正常

我點的東西：冬瓜茶：冬瓜味蠻淡的，5/10台灣香腸滷肉飯：香腸，台灣的；滷肉，台灣的，肉鬆，新奇不過般配的；青江菜，港式台灣餐廳的通病。士林鹽酥雞：外皮太厚麻辣臭豆腐：整個無語，根本就是長沙的125HKD，不會有想去第二次的感覺

星期日怕太多人，所以早點出去食個brunch11點去到冇乜人，坐了卡位，環境很舒適。上次嚟試過蛋餅幾好食，可惜太細份，所以今次叫咗個便當定食。見餐牌寫住雞卷有個like，所以試吓，點知有點失望，完全唔好食，最後冇食晒，因為真係唔啱口味。反而個滷肉飯OK ，鴨血就冇乜特別，少少辣，都係台灣嗰啲比較好食。叫咗杯冬瓜茶都冇乜特別，少冰都係俾咗好多冰。新城市附近，呢個價錢算平宜，下次會試吓其他嘢或者試吓個拌麵。

台灣牛肉最好味！早餐食多咗唔想食咁多碳水化合物就嗌咗個小食牛三但係食落又覺得唔係好夠喉🤣 細心一體，其實每樣得兩件一個人食先啱啱夠 牛筋同埋牛肚咁細份量應該比多少少，兩個人都完全唔知點分 我自己一個食都唔夠喉。不過好好味好腍好夠味上次試過牛肉煲，今次試吓海鮮！其實佢啲海鮮質素麻麻哋 如果二百幾蚊嚟講好似嗌返粉麵飯好啲最大一定係下午茶不過星期六日要三點先有 好難等哈哈啲海鮮不是太新鮮，蝦有兩隻紋夾有三粒仔 青口得一粒咋 蟹蓋都普普通通，其實係用個蟹殼嚟讓咗啲丸肉月餅之類嘅物體今次試吓醉雞麵，湯底有足夠酒味唔錯，但係個雞塊麻麻哋，有四件

繼續解鎖沙田好嘢食，自從上次發現呢頭下午茶性價比極高😍，就決定同好友逐間試下🤣。✨麻辣鬼椒雞腿蛋吐司$45✨ （爆推🌟🌟🌟🌟🌟) 超級好食😍😍雞腿肉大件，雞蛋望落去全熟，但咬開蛋汁瞬間流出，好正。麵包微微爐邊，加上麻椒粉，惹味得嚟恰到好處。✨士林咸蛋芋泥酥（3件）$36✨ （爆推🌟🌟🌟🌟🌟) 在香港餐廳甚少見到，感覺非常特別。炸得非常出色，外表金黃香脆，一口下去，芋泥餡煙煙韌韌，非常軟糯🤩中間還有鹹蛋，邪惡得來非常甘香，超級好食，真心推薦‼️✨鹽酥雞滷肉飯 $52✨性價比十分高，份量超級足。鹽酥雞香脆可口，滷肉飯還配上半隻流心蛋，非常正宗。這些全是主菜，另外還搭配兩款小食，包括鹹香紫菜貢丸湯及台灣香腸，真的十分開心。香腸搭配蒜片進食，一個字，爽🙌🏻。✨麻辣鴨血臭豆腐拌麵$46✨拌麵非常大碗且彈牙，辣得惹味，喜歡吃辣的朋友不要錯過。伴碟的臭豆腐是黑色的，既臭且香，是非常正宗的台灣臭豆腐。鴨血非常大塊，麻得爽辣。同樣地，搭配兩款小食，紫菜貢丸湯及地瓜酥，煙靭有咬感，只收這樣的價錢，的確令人滿足。鮮鳳梨水果茶 （跟餐+$8）賣相十分吸引，酸酸甜甜，飲完覺得十分清爽。愛文芒果起司奶蓋（跟餐+$1

今次1:30兩點入座，食唔到下午茶食午餐午餐雖然冇下午茶咁抵但係都好貼地嘅價錢！下次會嗌70幾蚊嘅牛肉麵今次金錢肚 只係得兩件咋，牛筋就好似多少少，不過呢牛肉如果多一兩件就正🥳🥳今次男朋友食咗好大嘅早餐唔係太肚餓，所以我哋嗌一個鍋同埋小食share，不過最後可能唔會太飽，因為個鍋食落唔係真係咁大，底下係好多蔬菜有應該兩三片牛肉，不過食落去因為體積太細，我都係鍾意食一件件嘅牛腱肉 自己下次應該會嗌返牛肉麵，見到隔籬枱牛肉麵會有三舊同埋我本身唔係咁鍾意食治癌肉 即係丸類、不過佢啲魚類的確幾出色！有兩粒芋頭貢丸，芋頭好鬼香，兩粒牛丸都爆汁應該好多油 男朋友勁鍾意！仲有兩至三件牛筋綠到最後食就啱啱好蛋餃都唔錯！有兩粒鵪鶉蛋 金不換口感好特別好味不過今次牛三寶嘅滷水豆腐酸酸地 我哋兩個都覺得，早知同侍應講🤣因為上次食都唔係呢種味道，而且煲入面嘅豆腐都唔會咁唔緊要啦有機會要食返下午茶，下午茶好正又多款😍

聽日睇完戲嚟食又下午茶，假日下午茶要三點後今次就啱啱好！等咗幾個位就入得啦，因為都好晏，我諗好少人咁晏食午餐🤣下午茶超級抵！而且選擇超多，佢可以嗌一碗麵一個飯或者拼盤咁樣都係四十幾五十幾或者60幾蚊超抵 煲嘅話，就可能將來試仲包嘢飲呀呢個價錢最後埋單仲發覺唔使+1超抵！完全贏晒茶木💯💗😍食物質素仲勁高嗌咗個牛三寶！佢除咗牛肚牛筋同埋牛腱肉，每樣有兩件，牛肚細嘅話就有三件，但係食落都覺得唔夠喉好少！一粒糖心蛋同埋兩件滷水蜂巢豆腐 全部都超正囉，但係呢個勁肚餓嘅環境覺得唔夠喉，尤其是係金錢肚同埋牛筋，基本上每人得一件 牛肉好腍好入味，亦都好有牛味，牛筋好腍😍🥰超正枱面仲有啲鹹酸菜俾人任食㗎 ！不過覺得鹹咗少少呢個牛肉麵配滷肉飯上枱超抵兩個都覺得非常大碗，就算佢呢個價錢只係得一碗都勁抵，而且好足料，雖然牛肉只有一舊，但係質素好唔錯，仲比好多手工面同埋¼ 條小白菜？ 唔鍾意食炆豬肉嘅，我覺得佢個滷水超好食！基本上呢間嘢所有食物都好正服務都唔錯，但係佢哋好殷勤一定會encore！啲茶仲係一樽樽嗰啲茶好有誠意

平日夜晚嚟食，等左5分鐘左右，店入面都滿座。初遇小食拼盤$88溏心蛋熟得岩岩好，個味都幾濃。花雕雞卷係凍食，算滑，酒味好濃。鹽酥雞冇筋，但好咸。其他都係普通。古早滷蜜汁排骨手工麵 $70排骨冇切開有啲難去食，個蜜汁幾好味，排骨最後兩舊都係肥膏麵唔係好多，偏淋台中脆皮雞卷拌麵 $72個雞卷唔脆，肉偏淋，但有雞肉味，拌麵都幾辣同埋咸服務一般，水都冇，價錢唔算平，碗就好大份量就唔算多，而且冇乜邊款食物特別好味

餐牌上所有名都好台式，但個手撕雞上到枱嗰刻就知出事…手撕雞唔喺白色一條條，喺一嚿嚿仲要喺粉紅色，似中式排骨蒸雞嗰種雞塊，食落就真喺蒸雞嗰種味嘅，出晒事，唔好食。滷肉飯有豬肉鬆，當佢新式做法吧，但整體味精味好濃，同枱男友飲完自己杯水果茶再飲埋我杯芒果茶都仲覺得口渴嘅。見隔離枱嗌咗個牛筋麵，成碗麵連牛筋都食剩一大半。無試過差到要打食評，叫得做台式嘢，就算啲味道喺爭咁啲，都比個台式飯嘅樣嚟吖…手撕雞真係最令人驚訝..不可一 不可再。完。

好多時路經呢間店舖都見佢排長龍，今次終於有機會試到，仲要係下午茶時段，當然要入去試下啦😋全店用上木系傢俬，裝修簡潔清新🥢紅燒牛肉麵拼古早滷肉飯 $52(下午茶)超抵食，份量唔少；牛肉麵嘅牛肉係軟腍得嚟帶口感嘅牛𦟌，麵質滑溜亦富口感；滷肉飯味道清香，唔會太濃味，滷蛋亦好味🍵紅棗桂圓茶 跟餐 +$0(下午茶)好多材料响裏面，有紅棗、杞子、玫瑰花及菊花，清清地幾香花味🥢初遇紅燒牛三寶手工麵 (腱心、牛肚、牛筋) $85超大碗，牛𦟌非常大舊又厚身，軟腍得嚟帶口感；牛肚爽彈；牛筋Q彈，整體都幾入味，麵質滑溜亦富口感🍵黑糖薑母茶 跟餐 +$8裏面同樣好多材料，有黑糖、薑、紅棗、杞子及玫瑰花，充滿香濃黑糖及薑味🍨古早仙草三色芋圓 $38三色芋圓大大粒Q彈煙韌 ，配上爽滑仙草，而且味道唔會好甜，啱哂我哋檯上仲有酸菜可以添加， 酸爽脆口，伴飯伴麵一流

間中來沙田做嘢如果諗唔到食乜就會揀呢間台灣嘢 貪佢價錢合理食物質素好穩定 有時下晝得閒就會嚟食下午茶其實價錢差唔多，但係仲會送嘢飲就到時間啱就會食下午茶門面比較開陽 出面有餐牌睇到有咩選擇座位都幾特色 三個至四個人仲可以坐卡位上次食嘅時候仲未見到呢個拌麵今次決定點評一下下午茶好多選擇都係$50以下仲包埋飲品 有幾款凍飲都唔使加錢古法慢煮焢肉拌麵 大推薦！如果鍾意食少少台式香辣一定要選慢煮至入味的焢肉又油香豐富半肥瘦又夠厚 平時係銅鑼灣食類似一碗呢個質素的台灣麵最少100醬汁好香濃，麵條軟硬適中仲配埋紫菜湯一齊食 超夾呢個size有四至五塊！仲有台式酸菜好好食🤤下午茶最適合點一款輕食呢款好有台灣風味的慢煮雞腿蛋吐司就係平時台灣成日見到嘅「特厚三明治」雞腿肉好嫩滑 成個組合一定好食 我想講$40包埋飲品，真係平過茶餐廳鹽酥雞，即點食炸！鹽酥雞滷肉飯 一樣保持水準另外加咗$22要咗古早仙草三色芋圓 size同平時差唔多一樣 芋圓口感煙靭 加埋仙草一齊食 幾重口感好豐富