初麥手作烘焙

营业中

休息中

之前已經好想試佢出嘅芋泥包，但平時好多人排隊，又要睇啱出爐時間，今日終於唔使排好幸運😊。 佢嘅芋泥包好足料，有芋頭粒又唔會太甜，另外幾有蛋香味，麵包食落幾煙韌。 下次會再試佢嘅其他包款。

平日晏晝四點，經過門口見到冇人排隊即刻中入去買超人氣布甸包我買咗一個原味及一個芋蓉味，有個紫色嘅芋字好靚拎返屋企放入氣炸鍋 160 度焗5分鐘，另外皮好似法包一樣咁外脆內軟，好似新鮮出爐一樣！有啲人會一羹一羹食咗蛋漿先，我建議切開個布甸包，分為兩份，大啖咬，咁每一啖都會有麵包同蛋漿原味布甸包入口偏甜咗少少，但蛋漿非常滑溜，食一口就流落喉嚨一樣芋蓉味布甸包感覺上冇咁甜，好香芋頭味，夾埋蛋漿味啱啱好我鍾意喎！

呢排好多間鋪都推出唔同口味嘅布丁包，今次去北角買 #芋泥控 最愛嘅芋泥布丁包🤤🥥小店除左有芋泥布丁包，仲有基本款嘅布丁包🥥布丁包每日12:30/3:30/6:00開賣，當日6:30去到都仲買到，而且唔洗排隊👍🥖芋泥布丁包 $19布丁包餡嘅蛋漿同芋泥各一半蛋漿質地好creamy，流動性好高，但我都係鍾意蛋漿實少少嘅質地蛋漿嘅奶香同雲尼拿香唔明顯🥲芋泥好棉密，仲混入左粒粒芋頭，但可惜味道比布丁搶左味道整體唔甜，法包薄薄地，翻熱完好脆😋🌟布丁包加芋泥好有驚喜，但係味道如果再突出啲就可以更滿足到芋泥控嘅口味啦😋

見到有牛油法軟，夾左一個試下，又見今日有半個牛油果🥑剩，整左牛油果雞蛋多士，個包既結構好靚，鬆軟有彈性，見到一層層既麪包同氣孔，是件賞心悅目既事，自己鐘意手作麪包🍞，唔太食連鎖店，而且好鐘意食法軟，所以間中買一次黎食幾日，呢個很高質，刀切落去唔會太淋太硬，包體圓潤有回彈力，最緊要係，唔會太酸太咸，岩岩好，即刻加熱二塊值早餐食🙏🏻又多一項值得回購仲好大個每次見到咁樣一個一個既氣孔都覺得好幸福好幸福

北角高質手作烘焙初麥 呢間出名布甸包 通常都要排隊 好快賣晒 其他包賣相都好吸引 今次試試🙈.見到佢新出左 ⭐️岩燒蜂蜜蛋糕$25👌🏻表面有一層蜜糖芝士 有少少芝士鹹香 少少甜👍🏻都幾大舊 按壓回彈力超高最重要係口感超級鬆軟 有蛋香 值得一讚👌🏻蛋糕黎講$25 ok啦 價錢中等水平.⭐️蒜香乳酪包$22呢個出品都同高質 口感比較似bagel嘅設計👍🏻外Bagel包皮煙靭 食落每啖都滿滿乳酪👍🏻而最吸引 其實係佢表面烤過嘅蒜蓉香味😋蒜蓉包就係好食 .下次再試閃令令蜜糖芝士包 同明太子法包.#初麥手作烘焙 (北角)地址：北角英皇道483-497號東寶大廈地舖.⭐️評分：味道：4/5環境：-/5服務：-/5抵食：4/5

🍴布丁撻 $12 (7/10)係曲奇皮，幾脆個皮都厚身，都鬆化但未夠牛油香，個布丁好嫩滑，有奶香忌廉味，未算好出但幾香滑！似一個高身好食啲嘅蛋撻！🍴芋泥布丁包 $19 (7/10)麵包係比較淋嗰種，唔似豬仔包，不過焗返嚟食，口感會比較香脆，蛋漿同芋泥一比一，蛋質感好嫩滑，比較偏香甜，帶有雲尼拿油嘅香，個人覺得甜咗少少，但加埋比較淡嘅芋泥就剛好，芋泥好細滑，食到有芋頭粒粒，香但未算濃郁，比較清淡少少，ok的。欣賞佢加芋泥，但味道都係加多娜好食啲😆推薦指數: 7/10經過可以一試，唔使特登排隊買。

喺北角返工既朋友之前買過呢間既芋泥布丁包俾我試，嗰次試完覺得唔錯，所以今次去開北角就去試下。Lunch time1點幾左右去都仲有貨😚(好似係每日12:30pm & 3:30pm出爐)。反正買完都唔熱，所以拎返屋企用氣炸鍋焗返熱先食。🔅法式布丁包 ($15)布甸好香好嫩滑，包體都煙韌，唔會太甜。比起嘉多娜就少左陣雲呢嗱香味同細隻啲，但勝在唔使排半個鐘🙈。🔅芋泥布丁包 ($19)芋泥味既布丁包好似係呢間先有😋，梗係要試埋！芋泥好綿滑，食到少少芋粒🤤。芋泥同布丁大概比例1:1，加埋芋泥整體食落無咁膩👍🏻。🔅原味布丁撻 ($12)布丁撻幾香，曲奇皮有啲厚度，不過夠晒香脆又鬆化。🔅菠蘿皮麻糬QQ ($5)菠蘿皮都夠香脆，食落又煙韌👍🏻，$5蚊隻好抵食！之前朋友買過一次，基本上同口感味道同 @james_bonbon_bakery差唔多，但可以任夾無限買😂，仲唔使排隊，贏晒🖖🏻。💬包類pastries呢啲一律建議焗熱(氣炸)再食，就咁食相對會比較普通。呢間除左比較遠都無咩挑剔之處😌。

大大個芋泥布丁包流心蛋漿加芋頭蓉，買返嚟屋企之後，記得焗返熱佢嚟食，咁就會有熱熱嘅流心同脆皮法包👍🏻令佢再次新鮮出爐，變返另一個層次😂推薦度（10👍🏻滿）：7.5👍🏻滴汗度（10😅滿）：不適用衞生（10⭐️滿）：7.5⭐️環境（10⭐️滿）：7⭐️賣相（10⭐️滿）：7.5⭐️味道（10⭐️滿）：7.5⭐️價錢（10⭐️滿）：7⭐️服務（10⭐️滿）：7⭐️地點（10⭐️滿）：7⭐️初麥手作烘焙 (北角)📍北角英皇道483-497號東寶大廈地舖#甜點 #甜品 #甜點控 #甜 #糖 #sweet #sweettooth #desert #hkfoodie #hkfoo。dieblogger #hkfoodielife #hkfoodies #foodiehk #foodiegram #hkfoodstagram #hkfood #hkfoodlover #winsomelai

雖然布丁包已經興咗好耐，但係好多其他店舖都依然大排長龍，嗰日經過呢一間，新鮮出爐，但係又冇人排隊，就走去買咗一個，可能因為真係新鮮啱啱出爐，覺得特別好食，香滑之餘仲唔會好甜，好啱我口味，加上唔使排隊，更加係加咗好多分

聽呢就聽左好多次，連大西北既人都聽講過黎北角食既包，又何方神聖咁勁要坐一小時車黎食。是初麥既芋泥布丁包。見到無乜人就買左四個同家人分享（屋企樓下手）仲買左海鹽軟心包。我返去加熱左5分鐘180度黎食（唔鐘意食凍野），布丁變得流心，甜度正常唔會好甜亦食到奶同芋味（d紫色粉？）有芋香，中層是滿滿既台灣檳榔心芋頭整芋泥（食到少少粒粒既芋泥）但唔會係以前食到既過甜，包體是香脆中間軟唔會似外面法包咁咬唔開，但望落是比嘉多娜細點，價錢是hkd 19 海鹽軟心朱古力包（hkd 7) 岩岩出爐細細個，一撕開見到包體有一絲絲既麪包絲非常開心，中間是海鹽榛子醬，是量多的（可能是包細個），佢個包唔叫chewy 但有質感，唔係太甜好快清左下次會想試芋泥麻薯燒同埋菠蘿皮斯麻薯波波😽仲有蒜香乳酪包初麥手作烘焙-北角

之前都是吃嘉多利的布丁包，但是除了佐敦店，油麻地總有排長龍，這次路過北角，買了這家的原味和芋頭味道的，一樣好吃，如果按照我自己的口味，雖然平日都好愛芋頭，但是這個包反而且更喜歡原味！除了布丁包，這家的厚布丁蛋撻也值得一試，菠蘿麻糬包也都不錯

最近布丁包依然大熱，咁啱經過見到有買芋泥布丁包，又唔駛點排，就買咗店內三款芋泥產品食～✨✨芋泥布丁包（$19）切開中間係流心嘅芋泥，芋泥份量幾足，芋泥味道幾濃，仲有少少芋頭粒粒添～布丁相對上有啲甜，但整體上都唔錯💜如果想買，記得上佢ig 睇update，唔係日日有～✨芋泥布丁蛋糕杯（$25）焦糖布丁、芋泥加海綿蛋糕嘅配搭都幾得，一齊食味道幾和諧～✨芋泥麻薯布丁撻($16)撻比較厚身，芋泥同麻薯比例唔高，成個食其實唔係好感覺到麻薯嘅存在😂😂推介：芋泥布甸包環境：N/A 食物：⭐️⭐️⭐️服務：⭐️⭐️⭐️⭐️性價比：⭐️⭐️⭐️⭐️回頭度：⭐️⭐️⭐️⭐️📍 初麥手作烘焙 (北角)北角英皇道483-497號東寶大廈地舖

布甸包依樣野都紅左一段時間，不過因為油麻地嗰間太多人排隊，每次都夾唔啱時間，同布甸包無緣。近排知道原來港島有間麵包店有得賣，咁啱喺北角食完lunch見差唔多時間，就專程過嚟睇睇。布甸包固定3點半出爐，差唔多鐘數嚟到已經見到有條人龍喺出面排，雖然係假日，但又唔算話好多人排嘅。不過基本上依個鐘數嚟嘅大家全部都係買布甸包，其他產品比較少見到有人買。店內布甸包有分原味同埋香芋，另外仲有布甸葡撻。我今次淨係買左原味($15)，如果芋頭味要$19，見大部分人都係買芋頭，可能比較有特色啲。本身攞到上手以為係熱辣辣，不過點知原來唔係，同想像中有啲出入。因為返到屋企唔係即刻食，所以都要入烤箱叮一叮。叮完食落覺得啲布甸非常順滑，有入口即溶嘅感覺，而且個麵包烤到脆卜卜，texture都幾特別。食得出有焦糖嘅味道，不過個人覺得個布甸偏甜左少少，有啲食唔慣。自己嚟講覺得食過一次就可以，可能依樣野食本身唔係太適合我，有啲甜得滯。

2022-09-16女朋友推介👩🏻‍🌾女友去完銀行入數💵經過初麥手作烘焙🥯見唔算太多人排隊👨‍👩‍👦‍👦又買咗幾個麵包食🍞主打係流心法式布丁包❤️食得多布丁包，依間有特色🥳芋泥布甸包，19蚊個，流心芋泥布丁包，麵包非常煙韌，爆餡芋泥係依個包嘅靈魂，用匙羹潷落去餡料，就有非常香濃芋頭蓉同布丁，兩者口感非常豐富，加上啱啱新鮮出爐，包皮做得好脆，真係做到外脆內軟嘅感覺，超好食👾海鹽朱古力軟心包，7蚊個，外表就普通，內餡有幾多嘅朱古力醬，味道都普通，可以試其他🤣🤣湯種黑芝麻地瓜貝果，16蚊個，貝果外有大量嘅黑芝麻，食落口有重嘅芝麻味，內餡有地瓜蓉，味道一般，可以試其他😂😂菠蘿皮QQ波，5蚊個，菠蘿皮味，個皮焗到好脆，內超軟熟煙韌，值得一試🍍芝士QQ波，5蚊個，芝士皮味，味道偏淡，食唔到芝士味，不過都好煙韌，可以其他味🧀朱古力QQ波，5蚊個，朱古力味，係三個味之中就朱古力係最濃味，口感都係咁煙韌，味道幾好🍫整體唔係每款麵包都好食，經過見唔係太多人排，可以買芋泥布甸包，推介之選，味道好食，價錢又唔貴，不過其他麵包就一般🤣🤗🤗#初麥手作烘焙#芋泥布甸包#海鹽朱古力軟心包#湯種黑芝麻地瓜貝果#菠蘿皮QQ

已經都可以算係北角名物嘅法式布甸包，工作日都已經好多人會排隊，週末更加唔洗講，試過有次3點半放籌，啲人3點就開始排隊。所以想食嘅朋友一定要趁早去呀！每日限量發售。試咗個芋泥佈甸包，用多士爐再烘熱多一次😍焗熱時候已經好香蛋香味道，皮脆，有咬口，中間蛋都幾實正，芋泥都唔錯，加埋我自己覺得幾夾下，不過可能一個人食成個會有少少漏，我覺得兩個人可以share一個嚟食，同我自己本來中意清新味道嘅嘢，所以呢個包對我嚟講偏甜咗少少，但係值得一試。