利小館 (已結業)

屯門—山旮旯之地，食野唔麻煩，但好食的唔多，來來去去都係個幾間，而如果我同屋企人食中菜的，有點心、小菜小吃、燉湯，企理的，首選會是利小館。它是利苑集團旗下的中式小菜館，定位唔傳統，但有母公司的傘子，質素有保證，今日又同媽媽食個早午餐。我自己最愛就是它的香辣牛筋（$52），燜得透，好軟焾但又不會溶化得支離破碎，外觀仍然美麗，入口溶化，充滿膠質，味道濃郁帶微辣，開胃小菜一絕。媽媽最愛的鮑魚汁燜花生雞腳（$42），簡單而花功夫，味道濃郁唔會過鹹，花生香而唔會油膩。呢度的金蒜干貝炒飯（$52）又是另一抵到爛之作，乾身香口，最愛其飯粒煙韌有咬口，唔會碎屑黎爛口感，加上炒香蔥粒、干貝絲，粒粒炒得金黃香濃的飯粒，令人再三回味。有時候簡單的小菜才見真功夫。

其實我好耐冇食過利小館，記得以前食，佢係冇做Lunch。一入到去見餐牌我已經唔對路，以前黎係一本本企企理理，而家幾廿張紙散修修，唔知佢想點。最失望係以前我好鐘意食既焦糖排骨冇左Anyway入到黎都要叫野食，我地叫左香檳海鮮焗飯、小籠包、炒四季豆同口水雞。香檳海鮮焗飯- 《媽啊，好咸啊。食完勁口渴，成口味精》小籠包 - 《唔係難食，但一上枱就乾憎憎咁款，個皮係塌既，完全唔想再食》炒四季豆- 《炒到一舊舊舊舊咁，芡汁同四季豆痴埋一舊，點食》口水雞 - 《平平無奇，雞唔嫩，汁唔香》望一望，餐廳食客有七成都係自由行，唔明點解咁多人食，是冇味覺的嗎。有d餐廳就算食完覺得麻麻都會俾次機會，呢間真係不了。

屯門V city有間利小館，成日好多人排隊，今天又經過，中午時間，入去食個lunch都好哦企系門口等位時已經睇好要食d咩了，好多野都想試下。點心方面都好吸引。室內裝修都幾高檔，睇上去清清爽爽，感覺幾乾淨。侍應服務態度好好，晤似平常酒樓咁混亂。巴蜀口水雞，大大個碟，得幾件雞，味道并不是出類拔萃，好一般，麻麻辣辣，不過好在雞都算滑。飄香荷葉飯：好好味，陣陣荷葉味。清新，開胃。不太油，香菇，蝦米好惹味。好開心整多幾啖。星洲醬軟殼蟹伴法包：救命，好油，系香口既，不過減肥人士勿近！啖啖油，好誇張。咕嚕蝦球：好細碟，勁油！肥到冇朋友。蛋白杏仁茶：好滑好香，杏仁味好重

This restaurant is always lining up during the dinning period. And we waited almost one hour before we got a table. Elegant Chinese restaurant. Simple White and clean environment let you feel good.The dishes we got are mostly delicious and relatively small(every dishes). For dinner, we got some dim sum and main dishes.Steamed custard stuffed buns is my all time favorite whenever I go to Chinese restaurant or Cha Lou (Teahouse), haa, so delicious! Becoming popular in these several years.Steamed p

新年新希望，同家姐家人拜過靚年，到她家附近呢間食店食個開心晚飯。聽說這間店早市及晚巿都人頭湧湧，食物很好吃。走到店門外等了十多分鐘已安排入座，滿心歡喜地揀選菜式。向侍應生點了五款食物，首選是牛仔骨，瑤柱炒飯，欖菜肉崧炆豆腐，飄香荷葉飯，南翔小籠包。五款食物中，牛仔骨是我最爱也是最好味的一道菜式，不靱又入味; 瑤柱飯略嫌太乾，有小小飯焦添。欖菜肉崧炆豆腐，配搭特別，味道適中; 南翔小籠包，皮有少少厚，幸好肉汁多; 至於荷葉飯，似乎沒有荷香味，味道麻麻地。看看餐牌，原來免收茶錢兼任飲，但茶包要比$6。食物質素與结單$330似乎不成正比。

八點幾嘅時候唔算多人，餐廳嘅坐位算係好闊落，可以枱之間嘅空間都十足(如果係希望一家人食飯比較安靜嘅情況下,我會推介呢間餐廳)叫咗兩個小菜咕嚕肉，肉碎炒四季豆，一個螺片例湯味道唔算特別，只可以話不過不失，你唔可以對佢要求太高(缺點就係， 每樣小菜嘅份量真係好少，如果用一男一女嘅份量，都大約起碼要叫三個餸)佢個例湯就材料十足，都可以算值回票價服務態度都算好好，如果再有得選擇嘅話佢同其他普通酒樓嘅水平其實真係差唔多

一班同事開完會之後係屯門聚個靚餐,因為同事太多,唔想一班人行咁遠周圍搵野食,所以就去左就近既VCITY食野. 不過眾所周知,呢D大商場一向都係D連鎖經營既餐廳, 唔會有咩驚喜, 所以今次呢間利小館都無令我失望---------一樣都係無咩驚喜!一黎見到個場都算唔錯,集團式餐廳裝潢一定華麗架啦,但係新派中菜館, 無任何中式室內設計, 令人感覺有D格格不入, 不過食野就唔係食裝修既, 坐得舒服就OK, 而且佢都算光猛, 算幾好啦. 見到張LUNCH SET既MENU, 菜式都吸引,不過睇價錢唔算平啦, 所以以為會好大碟講野食先! 黎左個嫩雞煨麵, 第一眼以為俾人食左一半. 份量唔夠就唔好用咁大個碗, 觀感就麻麻, 但係味道合格海苔牛肉絲石窩飯, 幾創意既, 石窩飯有飯香, 加埋海苔釣味, 牛肉嫩滑, 唔錯,不過份量係5啖食哂炒鱔糊, 味道一般,有D油,加上菇多過鱔鮑汁爽肉炒河, 一個字: 油! 講完普通蝦餃, 無咩特別沒有流沙的流沙包, 失敗呢個蝦醬芥蘭豬面青係好食既, 芥蘭爽脆, 豬面青亦爽口, 仲有蝦醬既獨特香味,唔錯無咩特別既炒飯,飯身過乾, 份量過少, 亦唔夠料, 少少失敗望落好靚

平日少有到V City開飯，除了選擇不比屯市多外，這邊的交通不便也是個因素。不是為着要到Godiva入手「聖誕倒數巧克力」，也不用專誠由屯市步至V City這邊來。既來之則安之，也就在V City找家水準平穩的吃吃便好。這天晚上想吃中菜，那就是利小館、八月、上海婆婆三家之選，可見選擇是何其有限。利小館會是三家當中較為中庸的選擇，價位較八月實惠一點，選擇也較上婆婆為多。利小館是以「小品」作為掛帥，菜式大都是「的式」、「迷你」，故點菜時一定要注意份量，若專攻小食、頭盤、點心必定吃不飽。選了點心、湯品、主菜、主食、甜品，二人的晚餐埋單接近四百元，在V City這價位已是常態了吧！留意到利小館晚市有點心供應，不分早晚能吃點心確是個賣點，但能否維持午市水平則有待商榷。利小館的點心水準參差，猜想是跟供應時段有關，晚市點選點心的食客不多，中伏指數亦高，見有食客吃得一肚子氣，還是避免晚市吃點心為妙。三款晚市點心分別是芹香蝦春卷、XO醬煎蘿蔔糕、炸銀絲卷，當中最令人失望的是XO醬煎蘿蔔糕($30)，成品明顯是翻熱過的，當然沒有香煎過的口感，特別是那XO醬油膩膩的，都是點心被翻熱過的鐵証，既然廚房覺得煎蘿

今次，依個飯局唔係咁想食架😭好唔捨得，不過，有野食都會忘記左依種感傷🙈去左依間中式餐館食，第一次食都幾期待架我地3個人叫左個2人餐，都幾多野食揀，分別有2個小食，加多左一款湯，4-5個餸，中間叫左兩隻蝦同加左一隻燒蠔食，最後就有兩款甜品ge😋先講兩款湯，一個係豬肺湯，另一個係燉湯，材料忘記左有咩，但燉湯味道好入味，加$10係值得ge反而個豬肺湯就一般啦，跟住就黎左個燒茄子、娃娃菜，兩款味道不太突出，但都唔錯啦跟住，就黎左蝦同個燒蠔，因為本人唔食得蝦，就額外加左個蠔試下啦，隻蠔都幾大隻架，但味道上覺得偏咸，突出唔到蠔ge鮮味，配料只係芝士同煙肉，煙肉比較偏乾🤔跟住再黎多兩個小菜，一個係黃金炸豆腐、污糟雞豆腐都幾滑，但味道就唔會令我特別想再食多幾粒🙈而個雞就因為個名吸引去叫，但食到係師父重手左，因為都幾咸🙈同埋唔係太熱辣辣上檯，有點失望但肉質算滑溜，最後到甜品啦，有蛋散同蛋白杏仁茶，蛋散友人都讚整得幾好食，無油‘益’味，而個杏仁茶，覺得算唔錯，幾滑同唔太甜，做得算可以

最鍾意食上海野嘅我點會唔幫襯下你小館呢其實我都係呢間野嘅常客嚟架除咗好鍾意食佢嘅多汁小籠包、大大粒嘅燒賣、仲會好鍾意食佢嘅雲吞麵！識落你一定知道同平時出邊食開嘅雲吞係完完全全唔同嘅！佢啲雲吞皮係意外地滑，滑到好線手，佢都唔算細粒架！面方面，唔會太硬身唔會太軟，適中位！如果要夾硬講一個改善嘅位置嘅話，我希望佢嘅湯底可以濃返少少，因為佢成個面都比較清，如果湯底濃郁啲啲就完美喇！鍾意食雲吞麵嘅你記得過嚟呢度幫襯啦

平時食開銅鑼灣嗰間嘅分店，今次因為係呢度屯門行街，咁啱又想食上海野，所以就入咗呢間度食！！其實基本上食完同銅鑼灣嘅質素差唔多，鍾意食上海野嘅我點會唔少得叫返一籠小籠包呢？：）佢啲小籠包真係冇得彈，啲皮十分之正，咬囉啲汁十分之濃郁！我敢寫包單佢一定係呢間鋪頭嘅招牌菜！不過食嘅時候就小心啲啦，因為佢入邊啲汁好熱呀！有機會「辣」親！至於燒賣方面，佢啲燒賣超級大粒，一人食兩粒嘅話，都已經會有少少飽啦！：）

星期六出外食都特別貴😪😪尤其係去大型商場...但呢間都ok例外。。。-🌶四川擔擔麵 (配小食兩件+飲品) $48平時食開嘅擔擔麵怕辣嘅小編都係走辣，但今次唔記得咗🤦🏽‍♀️碗麵一黎，見到橙油即刻以為好辣嚇親，點知撈勻花生醬又唔係好辣😟麵靭度適中至於講到小食，小編同朋友食叫左幾個套餐試左幾款小食，強烈推介！半月叉燒包和紅棗糕好好食🤤叉燒包唔會太乾又唔會太多醬；紅棗糕嘅味道好自然，但靭度強左啲，小朋友可能會比較難消化。所以，整體上，覺得五十蚊一餐價錢都頗為合理🙈另外飲品都幾健康，有茅根竹蔗、羅漢果水😀

曾經從事多年中式酒家，很久已聽聞利苑這公司以出品見稱，但家住屯門，就是沒有利苑，見vcity有間叫利小館的食店，話係利苑旗下的，就和老婆去飲茶，想不到是這樣的差，所以寫食評之也再三確定是利苑旗下才寫，以免搞錯，價錢貴已是其次，租貴自然售價貴，但出品至少要像樣點吧？首先是茶，另外付錢正常，但連一個有蓋的器皿也沒有，只放下一個茶包，用枱上的水杯，水是用枱上的保溫壼的水，中式茶咁樣沖會好飲？水唔夠熱，杯没有蓋，茶會有味嗎？點了蝦餃、燒賣、蘿蔔絲酥和义燒包，蝦餃和燒賣真的很迷你，很迷你，味道平常，蘿蔔絲酥大小和味道正常，可能是成本較低吧，到义燒包，點心師傅是真心覺得咁樣整係好味才咁樣整的嗎？定係為特出而咁樣制作？因為比正常的义燒包真的難吃很多。4個點心，一人喝茶，一人喝清水，埋單$155.在屯門去很多酒樓也吃得比你好呢！咁樣咁質素都話很旺埸的話，你就真係要多謝自由行了。

好想飲湯啊 ﹗上網左搵右搵終於發現利小館，放手一搏啦。安排坐到最入面二人迷你檯，勁討厭 ﹗見全場坐滿已經無其他位置，算鬼數。為了燉湯而來開飯架，坐低即時向侍應後生仔查詢一下，不過原全不清楚，可能新上班的，非常生手。花雕醉雞，第一次食暖笠笠醉雞，實在太感動喇。勁弱酒味基本上吃不出的，要靠自己的想象力喇。似十足鹽焗雞戶喎，味道只泛著咸香。髀肉嫩滑不硬，胸鬆軟不鞋，皮薄沒肥膏不肥，膩比預期中好食，可以再 encore。北菇滑燒賣，每一口都使我聯想起 7-11 便利店叮叮微波爐即食點心 ﹗外觀及味道完全一樣，死實的質地、陰沉的味道，沒有蒸氣也沒有生氣。原隻蒸蝦餃，跟燒賣同一情況，真的令我十分失望。外皮又濕又黏，一夾即爛。有筍有蝦，咸蝦味濃，而且味道實在太 7-11 喇。椒鹽魷魚鬚，不單止點心，就連味部都低於水平。最憎炸到成條蟲既外貌，勁肉酸 ﹗好采炸漿鬆化不硬，唔會成件魷魚殼一樣。炸漿太多，比魷魚還要多，食不到魷魚肉，味道完全被掩蓋，消失得無影無蹤。整體可以啦，吊車尾過關，不過無下次。乾燒明蝦球，出品跟我幻想既完全兩回事，點解有個杰撻撻既甜酸汁呢？勁討厭的啤水鹽醃雪藏蝦，假爽無鮮味又咸，格硬食

下班回家想在就近開飯，便到了V City的利小館。平日的V City頗為冷清，利小館不用等位便可入座。服務比前次到訪有改善，但衞生情況仍是相當一般，這也是少有光顧利小館的原因。青芥末螺花($32)螺肉的口感就像街頭十元有數包的涼拌螺肉，過分爽彈且幾近無味，只圖它爽脆的食感。伴芥菜油沙律醬，味道帶點人工造作，這種「創新」該是年輕人的口味吧。燉魚頭湯($48)燉湯濃鮮帶藥材味，湯身清澈。用鮮肉、藥材熬成，份量十足，美中不足的是用上雪藏魚柳。淮山燉響螺湯($58)湯身較前者清甜，螺片乾也不少，純天然的肉香，沒有任何味精的添加，很家常的味道。石燒魚腩($88)熱鍋盛上辣得燙嘴，魚腩件數不少，魚腩極脆且掛滿燒汁，嫩滑新鮮，連帶京蔥也變得香口，很好下飯，是配搭簡單的家常口味。川味辣牛筋拉麵($58)紅彤彤的湯頭以花椒油作主導，香而不會死辣，拉麵是機做貨色稔度適中，牛筋稔嫩入味，比麵條、湯頭都要出色。以小館作為定位，份量都是小碟上的，屬小品之作。五道小菜折合是三百多元，單價會比八月相宜一點。家常開飯之而又不想上酒樓時，利小館會是個選擇。