利小館 (已結業)

利小館是利苑集團旗下的中式餐廳，我以前會較常去旺角洗衣街的利苑，V city這間都只是光顧了兩次，地理位置方便，西鐵站上蓋，不怕日曬雨林，是不錯的選擇。好開心今天老爺專程與我們一起共進午餐，三人行來到設計優雅時尚的利小館，雖然地方不像酒樓般濶大，但是每張枱之間不會有擠迫感，感覺舒適悠閒。這裡有套餐、點心、小菜、燉湯和炒粉麵飯等供應，款式選擇幾多。我們點選了 :1. 青芥末螺花(小食)   HK$32加了wasabi的螺肉，味道即時提升，惹味又開胃的小食。2. 峰巢芋盒   HK$33這芋盒與一般酒樓做法不一樣，味道香醇而不膩，餡料豐富，沒有油腥味，非常香脆，值得推薦！3. 椒鹽魷魚鬚   HK$32條條size差不多，炸粉不會覺得厚，脆脆的不油膩，椒鹽香味四溢，食到不停口呢！4. 三層肉   HK$78賣相精緻，非常吸引，砌到粒粒都一樣，細細粒不會有油膩感，燒肉肉質爽脆嫩滑，另有3款醬汁作調味，更可帶出不同味道。5. 燉白肺湯   HK$52如果在家要煲豬肺湯，單單是清洗豬肺都非常繁複，所以最好去間信譽可靠的食店飲。香濃奶白色的燉湯，材料豐滿，除了有豬肺、雞腳、豬𦟌，燉盅裡還有好多材料

三大一BB去食飯要坐得舒適啲就等位食呢間，因為空間坐得舒服。侍應俾咗張六人枱可以放其他BB用品，劃野食～～叉燒包無乜餡料包皮實。蝦餃幾好被唔算瞓得個口咗啲仲見到隻蝦，蝦肉都幾爽。海蜇唔夠喉侮辱本身冇乜味。小籠包多湯汁好味。炒蘿蔔糕太細粒無蘿蔔，似食緊一舊舊既粉。欖菜肉鬆炒飯$79都係一人份量煎窩上，有飯焦但係真係無欖菜味。五香牛展個汁好杰唔入味加黎做乜⋯肉質就正常。炆魚腩肉魚好粉包住烤過再吸埋個汁就好油但唔鹹。蘿蔔絲酥餅皮太厚入邊又係冇乜蘿蔔絲。一開始叫左個西米布甸，話而家上得因為俾BB食既，侍應答得口爽仲答我好呀，但啲食物黎晒唔催佢都唔上，仲問上得喇？🙄攪到BB發晒脾氣嘈住其他人就唔好啦。加單飲品叫左咸柑桔，明明話左加三樣，等好耐又話漏單🙄仲問凍定熱😅點心紙都無凍既揀。總結，地方乾淨企理，食物質素一般，份量太～～～少，服務唔算好侍應態度ok但太多甩漏，叫咗咁多樣三個人都食唔飽！埋單＄600，貴，唔明佢憑乜賣到咁貴。

因不想煮飯及追電視劇大結局，所以便一早訂枱在這裡吃飯。到時也未夠六時，所以不算很多人。先來了芋盒，裡面很軟，但底部給人感覺好像番炸多次。那XO醬蘿蔔糕很好味，而且很軟滑，XO醬也很出，但不會蓋過那蘿蔔的味道。海南雞飯的雞很滑，而油飯你不會覺得它好油的，而且味道不錯。法飽咖哩軟殼蟹、乾燒明蝦球、就令人失望。上次點了令一款軟殼蟹，因是有酸甜汁的、所以改了今次叫咖喱味，那咖喱汁已經很不討好，那軟殼蟹吃到身時有一股腥味及很濕身的，只有它的腳是脆的。而那蝦球的汁也是很難吃，可能我期待已為是乾身的，所以我將那汁洗走了，便很可口。乾燒四季豆很好吃，如果不要那麼咸更好。焦糖排骨是每次必吃的，而且每次都是這樣好吃的。

以往的酒樓是愈大愈好，號稱可筵開百席，如今若不是主力做婚宴，中型酒樓是主流。小型酒樓則與小炒店 ，茶餐廳重疊了客源。小型酒樓的出路是精品化，中產品味，中價檔次。與親戚在假日飯聚，我推薦此店。雖然他們飯後評價不好，但反映了大衆對此類新派食店看法。首先，細檯設計。西式高雅餐室格局，主要招待2至4位客人。此店幸好有一張方形8人大檯，正合我們需要。親戚對座位舒適度，招待都十分滿意。其次，迷你碟子。如納米樓，以貨就價，如燒腩仔，號稱三層肉，肥瘦相間，實際上只有9小粒。下方瘦肉被切走了，入口沒有豐腴滿足感覺，與三層名稱不符。其三，江湖菜系。為配合年青食客胃口，摒棄很多酒樓的粵菜款式，外省菜加入，約佔3至4成，如南京素鵝，川味綉菌。小籠包在水準之上，，皮薄汁盈，挽回不少分數。花雕碎鷄的酒味芳醇，份量不算太少。最新趨勢是混入日菜，如和風木魚。選了炸豬排湯烏冬，豬扒不乾身，其實亦不差。紅油抄手亦不錯，只是如炸豬排湯烏冬，不能展現利苑級厨師精湛手藝。宜篩選菜單，配合利品生活風格。其四，集團副線。如服裝名牌開新系列。屬實驗室，不是盈利來源，菜式部份來自主店，價格下調約3成。蝦餃是典型例子，皮薄蝦鮮，物有所值

星期六,日屯門的Vcity, 人頭湧湧, 平日相對地比較少人o難得今日放假, 便走到這裡來逛逛o 行到差不多肚餓之際, 利小館就出現在我面前, 一直都未有機會幫襯, 今次就打鐵趁熱o打開餐牌, 我同朋友左選右選之下, 竟然點了兩款同叉燒有關的食物, 真係傻左!!半月叉燒包 ($30) : 外形可愛, 令人眼前一亮o可惜外皮較厚身, 內裡的叉燒餡料太少, 比例不均勻, 還是傳統的叉燒包比較好吃o鮑汁叉燒撈粗麵 ($58) : 叉燒切成幼絲狀, 既吃不到叉燒香味, 也沒有口感, 而且較硬身 ; 鮑汁味過咸, 粗麵煮得過腍, 可說是失色之作o棗皇糕 ($30) : 甜度適中, 夠煙韌, 估不到甜品做得比咸點好 o香檸薏米水 ($15) : 估不到這杯薏米水是全餐我最滿意的, 薏米水加入香檸, 甜度低, 青檸的清新感覺, 令單調的薏米水變得更可口o

如題，第一道上的菜，蜂巢芋盒滿是油溢味，一咬落去就攻鼻到想吐出來，而且係凍冰冰的，即刻無哂心機食其他嘢。芋泥西米布甸及污糟雞係幾別緻，可以一試。另外叫左個香煎牛柳，白肺湯，皮蛋豆腐，不值得試。係屯門區食飯黎講，埋單340，唔算平嘅一餐。可以有更好嘅選擇，呢間無下次了。究竟V city有冇好味嘅嘢食架..

利利小館，如果在中午或晚餐時間，一定會見到好多人排隊。今日星期五，約了友人兩點聚一聚。因為過了午飯時間，不用等位，直接入座。淮山杞子響螺湯，是新出品，每一口湯都充滿響螺的味道，湯內有三片響螺肉，很足料川芎魚頭湯，中藥味道不突出，有小小魚腥味。兩款湯相比，魚頭湯略為遜色。花雕醉雞，它的醉雞與別不同的之處是暖的。今次的雞肉份量比之前的大份，但雞肉比之後粗糙，不夠幼滑蘿蔔絲酥餅，外表好靚仔，入口酥餅偏硬唔夠脆，蘿蔔絲亦不夠多蝦餃， 中規中矩半月叉燒包，外形特別，可惜叉燒餡偏小。海鮮湯雲吞拉麵，最失敗之作，拉麵很重鹼水味，雲吞很重麵粉味，最最失望是橙黃色的海鮮湯，竟然一點味道都沒有。。。煎德州牛柳，上菜時牛柳是完整一塊的。店員會在你面前剪開。牛柳偏薄，但出奇的肉味濃，亦煎得脆口。

星期四來這裡食午飯，驚覺餐牌的款式少了食物仍然好味，可惜選擇少了。茶：竟然變成「收費茶包」，感覺不對勁侍應態度殷切，可惜喜歡的食物在餐牌找不到，心情相對被影響了

母親大人鍾意中菜，尤其係上海菜。之但係xxxx小籠包、xx婆婆長期出街食飯麵幫襯，冇咩驚喜，就決定帶母親大人去一試利苑集團下的利小館，相信質素唔會太差。首先叫左荷葉包住係幾香，飯粒粒飽滿，好入味，食落都覺得幾唔錯的選擇！一直期待呢個三層肉，其實口感唔錯----脆、溶、腍，皮脆、膏溶、肉腍！果然冇改錯名！睇名好正，睇樣尚可，食落gg！第一，d醬淋上面，整腍左d軟殼蟹；第二，法包同軟殼蟹好唔襯；第三，星洲醬同法包嘅味道唔夾！終於食返正常的麵，同真正只做上海菜的地方當然差一d，但算係預期味道～我真心懷疑炸的食物好一般。黎到其實好香鹹蛋黃味，但好快就腍左...正常的乳鴿...難道仲可以再難食？！由於每碟份量好少，最後加左雞。但奇怪係，雞雖腍，但冇荷葉香...，明明之前個飯有香味...百思不得其解！整體黎講，唔係最特別一餐...但真係一次就差不多。

去到了都幾多人，等咗十幾分鐘，門口有餐牌可以睇，有飲茶嘅點心，主要中式餸菜。湖北黃金蝦算幾好食，鮑汁雞爪煮得較軟，算好食，其他就一般般啦，荷葉糯米飯煮得太爛，炒飯配料很少，食上去偏淡。仲有一個梨茶，超級甜，甜到我要飲水沖淡。價錢都幾貴，4個人吃咗400幾，人均100多

利小館係v city 開個時間唔聿都會去光顧下！對佢嘅食物水準同服務態度都好有好感，不過今次再去就明顯有下降！小籠包皮好厚，有點「肝硬化」！而且汁唔多，唔太出色，下次一定唔會再叫！焦糖排骨，排骨炸到好脆，好惹味，但略嫌糖只有但的排骨沾到，如果可以面頭都有就好！個素鵝係全晚最好食！皮脆內香！黃金蝦大概係我食過最差的黃金蝦，好少蛋黃味，而且好似好趕咁，抄得唔混！醉雞味係好好的，好香酒味，但係暖的🤔真心未食過暖的，通常都係凍或者室溫，有無人可以話我個暖係唔係正常的？定係佢唔夠時間凍佢？楊枝甘露，夠冰凍同好足料！

在屯門搵位飲茶，一點都不輕易，每間都大排長龍。咦。。。利小館卻不用排隊，原來它十一點才開門，難怪！這裡點心不多選擇，返而多一點小食和小菜，可能都是少人的原因，叫我的至愛蝦餃，Size 不大，細細粒，不過都爽，蝦新鮮！半月义燒包，變了樣的义燒包，皮厚餡少燉白肺，即杏汁白肺湯，清甜冇味精，但杏汁味不足，晚巿整得香濃很多豬肺清理得好，夠林海鮮湯聖瓜泡魚球，這菜最出色湯夠濃，聖瓜嫩，索左啲湯超正，魚亦白滑，鮮嫩我們還吃了擔擔麵，花生味夠，少辣，頗滋味，可媲美詠麗園和王家沙可惜忘了影相座位闊落，清靜，招呼週到，俾貴啲值嘅，金錢有時都買到時間哦。。。。吾使等位

今日同爸出街食當然吾想茶餐廳啦，今次就選擇左去Vcity的利小館食，原來係利苑集團的餐廳，心諗應該吾錯，就入左去試，仲要因為可能8點鐘已經不用等位就可以入去！～今次爸一起食，每款都叫左D，沒想到找到最愛吃的小籠包當然試啦…..勁愛這裡小籠包$33，夠熱又多湯，皮又夠薄，但醋味道偏淡同沒有薑可以一起食。乳鴿價錢$48抵食喎，都夠脆口和熱度新鮮。素鵝$48有6件份量剛好，每人有2舊，食落去油左少少，餡少左點但夠熱度不錯。菜芯苗我就選擇了豆漿泡，講真和湯泡差不多，味道淡左少少但菜芯苗都嫩同新鮮！～反而最失望係鹹魚肉餅蒸飯$43，同我係樓下$19盅一樣，仲要吾夠熱同肉偏少整體都可以的，每人$120都有7成飽，茶錢$5/位都ok !~應該都會再去食的

沒想過的伏 又一伏物！點解甘多人排隊？🙁諗住同屋企人食飯 食好少少 去屯門vcity 利小館 點知伏左 吾單止食物伏 員工服務態度不佳叫左9樣野 有6樣伏 😰😰😰😰😰😰1.蜂巢芋盒$33賣相ok 都有芋頭味 但吾夠熱2.鮮肉小籠包$33正常 但同樣吾夠熱3.星洲醬軟殻蟹伴法包$32 其實系雞醬 加炸咸軟殻蟹 伏！推廣食物 都是 伏🙈4.法式焗蠔$35有兩隻蠔一個殻🤔腥味十足！5.流沙包$33不流沙 扮流沙 同樣吾夠熱6.XO醬煎蘿蔔糕$30似蒸蘿蔔糕再煎兩三秒一樣 不香口 輕XO醬😬7.籠仔荷葉蒸飯$52 系成餐最正常既 好欣慰 至少有啖飯落肚8.岩鹽燒開邊龍蝦$68沒有海鹽味 燒得太硬 9.老火湯$30 味精湯 ..份量 價錢 吃貨可以看相參詳 自我衡量 可食程度偽文青就 真系投降 我還是喜歡吃舊式茶檔點心。..價錢 與服務質素成反比 失望😢員工上菜時 都話吾熱架 吾洗怕。但我想吃熱的 可以嗎？

一行三人誤打誤撞到了利小館午餐。一看裝潢 就知是利苑集團期下心想 質素該差不到那裡。利小館有如精緻+新派的利苑首先要讚的必定是service!!!!!!!!!!!趕起菜 催結賬 通通消失換來的是熱情介紹。打開餐牌 仍有招牌荷葉飯但價錢更令人注目=).所點菜式跟利苑酒家沒大分別鹵水豆腐 不過不失雙芹魚米餃 很不錯鴨舌推介的螺花 很清新可能小弟不能吃太辣略嫌wasabi味重了點。素菜包中菜蓉值得一讚以往所吃的都被蒸得莓莓黃黃的但這裡 卻仍吃得出菜鮮炒麵係係係 佢係令立立 但真心 好食。to conclude,若人少少 真的比酒家化算很多。唯一不足是 上菜的次序亂亂的 可改善但overall service不賴product quality仍在水準之上沒失望 很喜歡=).