利強記北角雞蛋仔

营业中

休息中

北角有名氣的雞蛋仔,鋪頭貼滿老闆同名星藝人影相的照片。晚上時分,唔駛排隊,等2,3個人就買到。阿姐失手,雞蛋仔癡住左夾餅機,好在攞上手都完好無缺。冇雞蛋味,奶味好重但唔羶,一邊小燶一邊唔燶,控制火喉爭左D,唯一可取之處係佢夠脆。做到1:1比例,1半有料,1半空氣的效果。

去到北角梗係順便排下北角雞蛋仔，我哋喺晏晝五點幾大概六點排，大概10分鐘就買到！＄18一底，如果好食就ok啫，但係今次真係覺得麻麻無錯就係外脆內軟，口感好似ok，但實際食落去真係無乜味，下次去北角都唔會再食

今晚約左親戚食生日飯，瞬間覺得好開心～因為又可以去買底雞蛋仔同格仔餅黎食啦❤️每次同佢地食飯都食唔飽🙈今次廢時食太飽，四個人都係買一底雞蛋仔同一底格仔餅算🤤.以前未食過格仔餅，第一次食就係男友帶我去北角雞蛋仔買黎食，果時覺得：哇原來格仔餅咁好食架？ 然後就愛上左佢甚至怕影響我對格仔餅既印象，我都唔會去其他鋪頭買格仔餅黎食，最多都係食雞蛋仔咋我最鐘意食格仔餅個邊邊位，好脆好好食！就算我之後去買黎食，要埋多醬，佢整體都仲係脆架🤤雞蛋仔就唔駛講啦～最鐘意佢脆脆又香，唔似其他雞蛋仔既味咁淡，但因為個差別又未去到咁大，而且都食過又平又唔錯既雞蛋仔，就無咁強迫症死都唔係其他地方買雞蛋仔食🙈.一去到鋪頭，龍唔長，第三個就到我，望一望價錢..$18/底.....嗯..物價上漲得太厲害😔我經歷過（$12/底，$20/2底）->（$14/底，$22/2底）->（$16/底，$32/2底）到而家既18蚊..愈黎愈唔捨得買....不過已經算平了..我見到佐敦果間賣$26/底🙄我以為鑲左金🙄🙄.格仔餅（多醬）@18$失望！好失望！真心好失望！佢已經唔再脆了..邊邊位唔脆，入面都唔脆，多醬多到我食左

今日去北角，一出地鐵站已經聞到香噴噴的雞蛋仔味，之後一路行一路行，終於給我看見這間舗，之前經常在電視飲食節目介紹，今次終於有機會食，大約都等候了10分鐘，逐底逐底整，熱辣辣，香噴噴，見到都好吸引。好開心可以吃到脆卜卜，軟棉棉的雞蛋仔，實在太好味啦，真是想再吃多一底呀！

長話短說，上星期晚上買。前面都有兩三個人排隊買，到我比錢就比左一底已經整好左一段時間，放左唔知幾耐既，淨保熱既劣質雞蛋仔。雞蛋仔唔熱，又偏深黑啡色。同佢講想要新鮮既，等無所謂，一句答我:收工架喇，唔要罷啦！正到呢啲態度。唔會再買，完。

北角利強記雞蛋仔日日都排長龍已經係一個事實食咗好耐都覺得佢啲質素無變雖然而家係賣緊一底＄17比起龍津或者其他大型嘅街邊小食店係貴好多但係佢咁嘅價錢做到好趣同埋足料嘅感覺已經係好值得每一底雞蛋仔有開始到蛋漿都完成係要4分鐘而且啲姐姐係會到到滿瀉先至開始焗雞蛋仔所以焗完之後個份量同埋個size係比平時其他電係大而且因為佢用嗰啲係已經用咗好耐嘅煤氣鍋所以鑊氣都勁啲但係又做得出唔會燶嘅後果雞蛋仔食起上嚟真係做到外脆內軟同埋好鬆化。平時食嗰啲成塊都係軟林林經唔起時間同空氣嘅考驗不過利強記雞蛋仔絕對受得起考驗即使擺咗半個鐘都依然保持鬆脆所以呢一點係好高度值得推介俾大家

來到北角第一時間諗起利強好多明星推介既雞蛋仔每次都要排人龍👯‍♀️👯‍♀️不過佢即整熱辣辣夠脆夠香口蛋味亦夠重不過對比起其他雞蛋仔店就貴小小$17如果可以增加多款口味就更好加上因為雞蛋仔內涵吾夠多 所以食落有點空虛感不過整體來講味道是正的

都有好幾年冇幫襯呢度嘅雞蛋仔喇，因為往時太多人排隊，今晚經過得一個人排，又想食所以買咗一底……我話要一底，個阿姐即刻包比我，那包雖然尚暖，但應該已攤咗一陣，吾係即刻起出來果底，所以可以確保外脆，但我個人比較鍾意最熱腍腍地，內裡有綿綿感覺的雞蛋仔，最有蛋香味就在那時……不過，這底都食到：外脆內軟……這雞蛋仔不論賣相、口感、味道都ok，但我細意去聞、試真啲都吾覺得有蛋香🤔喎這檔，我由9元、10元起開始食，到而家17元，價格都上漲了不少……以前食我記得係外脆，但內裡通心（果時見製作時好慳蛋漿，倒入模係薄薄一層），每次食都會刮損上顎，而家就外脆內軟，總算比人感覺賣17元吾算揾笨……

經過北角，不忘去琴行街賣底雞蛋仔食吓。仲記得應該十幾年前北角雞蛋仔新開時，嗰陣時條隊試過排到去生果舖，離遠已經聞到陣雞蛋仔香味。依家唔洗排之餘而香味都已經不及當年。雖然依家都係即整，等三至四分鐘就會有底新嘅。個阿姐俾我時雖則係熱，食落時都算脆口嘅，但蛋香方面真係同當年無得比，佢唔係話唔好食，但我覺得點解出哂名後唔keep住當年嘅水準，俾我覺得有啲仲量不重質嘅感覺。其實我都好耐冇食過雞蛋仔喇，原來已經賣到＄17一底，好似略為有啲貴喎！

之前同朋友講起，香港食好味既雞蛋仔真係好似買少見少。朋友就推介左今次食既哩間—利強記因為今天經過北角，突然記起朋友之前推介既雞蛋仔，所以特意北角站落車，去試試哩間馳名雞蛋仔，去到，只係閒日放學時間，都已經要排隊，店鋪都貼滿好評既報紙，亦有不少明星黎幫襯既相片。睇黎係有好高既水準經過25分鐘既等待，終於買到哩一底熱辣辣既雞蛋仔！只可惜，我只可以用一個成語黎形容。「名過其實」真係完全無特別，只可以話佢每粒都夠飽滿，而且食得出有加雲呢那香油，但真係唔值有咁高既好評！！我諗都唔會再幫襯今次唯一有得著既係，因為特意係北角落車，而搵到間唔錯既店鋪，有興趣可以睇返本人既另一篇文如果有時間，我會去搵一間之前食過又覺得唔錯既雞蛋仔介紹比大家

路經北角雞蛋仔，17蚊一底，幾貴下。雞蛋仔已經無以前咁好食，咬落去有啲硬，已經唔係外脆內軟了，雞蛋仔入面係空心既，冇饀的成底雞蛋仔得四五粒中間係有饀又貴左好多又唔再好食出左名既美食唔再係美食

路經北角記起有間好出名既北角雞蛋仔，所以特登google下，搵係間舖頭係邊度。因為係晚飯時間冇人排隊。去到見到17蚊一底，都幾貴下。但見佢門面咁多雜誌介紹文，所以試下。雞蛋仔唔係即刻整，係整定左放係度，即係有得拎，所以唔係熱既。係有啲失望。之後試食第一啖，咬落去好鬼硬，好似咬緊餅乾咁……好難食真係咬到牙骹都軟!!唔係講笑好多粒雞蛋仔入面係空心既，冇饀平時食既雞蛋仔入面未必係內脆外軟，暖笠笠，至少都有饀，我諗可能係側邊果啲係咁，點知成底雞蛋仔得四五粒中間係有饀，好無奈……真係又貴又唔好食，只係得個名!!大家千祈唔好比佢個名同門面啲雜誌呃左🌚

真係越來越差，食後我竟感到後悔，及對不起“低調高手”，佢咁嘅質素竟然同是賣17蚊一底。。。完全唔值。。。首先阿姐完全無記性，每個客要咩都亂晒，門口排隊排到亂晒，啲客要自己維持秩序都幾搞笑，同埋要個客自己出聲話嗰件係我。。都幾尷尬，唔該出多少少成本租部出飛仔收銀機啦，格仔餅得個邊脆，顏色未夠深，又勁厚，中間冧，搽醬求戀其，個紙袋唔隔油，都俾多張紙呀（唔怪之得你問我要唔要膠袋。。），食落雞蛋味唔夠，牛油唔香，成件野得個甜，超級失望。。我只會俾10蚊。。。尖沙咀間唔記得咩姐（喺厚福街）12蚊一底都做得好食過佢，有心機過佢。。。以前無論雞蛋仔定格仔餅都好好食，格仔餅尤其出色，餅脆，牛油花生醬香，仲落埋砂糖同椰絲，出面好少會落椰絲，所以好深刻。。。但宜家。。醬都搽得衰，椰絲都無啦，用個名黎騙遊客。唔好意思，我真係好耐無幫襯佢，所以個“以前”係好多年前未有分店時，自從佢出左名條龍長到痴左線之後，我都無買佢，今日見唔洗等好多個先想回味一番，點知後悔莫及，心情大跌。。。所以先以後都唔會買利强記，會繼續食低調高手

一路都有買黎食，次次都要排20～30分鐘隊，之前都覺得值，但每況愈下，一次比一次差！啱啱至買再試，不知所謂，冇蛋味，冇甜味，得個脆字(應該係燶燶地至真)！講真，如果雞蛋仔係代表香港小食，佢絕對係代表負面！整嗰個如果有試味，應該知問題出係邊，但可能係咪都人咁多人排隊，所以話之佢！一桶桶預先調較好嘅蛋漿，倒落個蛋模，憑所謂經驗，模都唔打開，望吓個邊燶未，就估熟未！但所謂嘅經驗，咪係底底都唔同色，可能我黑仔，買到底燶嘅，人哋d靚d掛(但味道都應該係一樣冇味道)！唔出奇嘅，之前未出名，有心機做，底底都好味，但依家見佢因為多人排，眼見有成七、八部機整，邊到照顧得曬！

今日行開北角見到利強記居然唔駛點排隊, 即刻沖過去買返底出哂名嘅北角雞蛋仔試下先😋果然外脆內軟, 香甜可口👍如果佢唔係成日都排滿人就好啦🙈新鮮出爐, 表層超脆😆份量1個人食fit哂👍未排到已經聞到蛋香😚