利強記北角雞蛋仔

营业中

休息中

成日經過都排晒長龍，食過就覺得值得等。今日經過見到不是太多人，於是就排隊買~雞蛋仔17元一底, 比錢後等幾分鐘就出爐, 好新鮮, 熱辣辣, 脆卜卜~但入面蛋料可以再滿D多D就更好啦~

地方好唔起眼，我就係住附近，都揾咗幾次先見到。下午兩點幾，唔需排隊，直接17蚊……好直接真的係食過最脆的雞蛋仔，以前買嘅大多是軟。本來覺17蚊貴，食完先知，好飽啊，哈哈。唔係好甜，但我唔中意食甜嘅人食完一個好想即刻食鹹野

利強​​記北角雞蛋仔，有機會可以嘗試一下！離這家店不遠，晚上九點多毅然出來覓食，遠遠就看見街邊排著長隊，雖然店面很不起眼，但仍然很好找。雞蛋仔又香又酥，香氣四溢，咖哩魚蛋十分Q彈，而且咖哩味真的非常足。一個人坐在街邊就香噴噴地吃起來啦，下次有機會還會品嚐。

終於有機會試下入左米芝蓮既北角雞蛋仔唔駛排好耐就買到 (之前排左3-4個人到)要成$17一底，好貴囉聞落好香，一擺落口，雖然有口感，但冇乜味既，即刻好失望總結: 太貴，咁既味道唔值呢個價其他出名既雞蛋仔好味過佢又平過佢

如果比我揀食雞蛋仔🐣，我會選擇最原始咩都唔要嘅😁而這間好符合我以上要求剛巧去到時，阿姐重新做緊等不到10分鐘就新鮮滾熱辣拿到手上，口感真真正正外脆內軟🔥重蛋香味的🔥

今日去開北角，即想試下出名既北角雞蛋仔。去到時都有人排隊，等左陣，買左個原味嚟食。一食就失望左，質地無人地講到甘rich,反而好似落唔夠蛋漿甘，好多空心位。不過蛋味係夠既，一拎上手都聞到蛋香。味道唔太甜，易入口。唔算脆口，不過我念可以要求焗脆d掛？試過都好既。

其實已經吃過好幾次前陣子因為米芝蓮效應連平日的午餐時間都要小排隊才吃得到想必為了應付源源不絕的客人所以降低了品質但熱潮已過 所以我打算再給它一次機會結果還是令人摸不著頭腦到底誰給它冠上「米芝蓮」這個封號？蛋漿方面是沒有問題的 有雞蛋仔應有的味道加上我買的時候是現點現做 所以口感非常脆但一咬下去發現一點都不扎實 空空如也 像吃脆片一樣 我的心也跟著被掏空了 失望啊～以上。

好耐都冇出去北角啦，一早就陪媽媽去北角買野，早餐都未食就諗起出黎北角就要食雞蛋仔。食過咁多間雞蛋仔都係北角呢一間最好食啦平時搭車經過見到都有好多人排隊，估唔到去到見到4個人排緊隊。新鮮滾熱辣雞蛋仔出爐，雞蛋仔外層香脆，入面就軟林林。蛋漿唔會填滿，只係得半滿。咬落口鬆軟。

利強記北角雞蛋仔，榮獲多次米芝蓮推介，客人多自然分店越開越多。人龍實在太長, 因此筆者至今都沒有排隊買一餅來吃過。今晚途經這裹, 見人不太多, 終於可以試下! 十分小的店子, 人客有序在一條狹窄的街上排隊等候。門口貼滿報紙雜誌的採訪報導, 在排隊等候的過程中都可以閱讀去打發時間。根據報導, 這裡自設中央工場每日調校好一桶桶蛋漿，新鮮運送到各門市, 因此味道得以統一。另外, 店方採用北京雞蛋，貪取其蛋味香濃。這個烘焙夾是度身訂造的，一邊發熱線維持四百度高溫，另一邊夾在爐上燒，以控制溫度。只反轉一下，令蛋漿平均分佈兩邊，令雞蛋仔半邊空心半邊有餡，食落才會外脆內軟，而烘焙約七至八分鐘，放在吹風機吹數秒，即大功告成。預先打好透氣孔的紙袋上印上店名及各分店地址, 十分有系統。有老區的小食店搖身一變成連鎖經營, 報導指小店會登陸大陸市場, 真巴閉!雞蛋仔完整無缺, 每一個都漲卜卜的, 賣相吸引。拿上手已經聞到雞蛋仔的香甜味新鮮熱辣出爐的雞蛋仔，外皮香脆，內裏像蛋糕仔的鬆軟口感。咬下去, 蛋料滿滿, 差不多佔去六成空間。蛋香香濃, 但不太甜, 味道確實不錯。

晩飯後去左北角買雞旦仔，7點9去到，吾冼排隊，佢起左一底新鮮及一底已做好嘅比我，共 $34做好嗰底微暖，即刻試試，粒旦仔中間有半邊有旦漿，囗感豐富，有d似兒時食到嗰d雞旦仔，粒粒脆口，但完全吾覺有旦味，奶味也不重。

一大早十點半 經過彌敦道上佐敦區之前週末看到很多人排隊，今天是星期三早上只有兩、三個人在等想說來吃吃看好了於是點了一個雞蛋仔 $22  份量滿大的 很脆很香 連涼掉都滿脆的 配咖啡比較好吃 附近有麥當勞 可以進去點咖啡下一次要來吃吃看方格紋的！

專登慕名而來 試下呢個咁出名嘅雞蛋仔望入店入面 起碼有十部機 相信生意一定好好雞蛋仔＄15一底 由於太多人買 所以可以確保新鮮出爐 外脆內軟 蛋味好濃 但我反而覺得太脆 同埋入面可以多少少料 不過佢陣味真係好掂 食完一粒 個口仲有蛋香同奶香！

復活節假期第一天，行完街特登去潮聖，來呢間正店買雞旦仔同夾餅，3點半有1O個人排隊，多數是買雞旦仔，望入鋪頭幾食阿姐6一7個爐，5分鐘到一次起6底雞旦仔，場面真係幾巴閉。先來雞旦仔，見阿姐倒完旦醬都無反轉再補旦醬，4一5分鐘後新鮮熱辣雞旦仔出爐到手，聞到特濃旦香味，咬落脆卜卜，甘香雞旦味，可惜八成雞旦仔空心，只有中間4粒到有心，雞旦仔心軟綿綿旦香無比，若阿姐可以反轉再補旦醬，吾係得旦殼就完美啦。夾餅就真係完美無得頂，夾餅餅身鬆軟無比，有豐富旦濃香味，吾似得出面好多夾餅吾係太乾身以為脆卜卜似外國waffle就叫好，就係太濕太軟卻無旦香，呢度夾餅濕度剛好，咬落除左鬆軟外，仲有極濃旦味，加埋少少牛油，適量花生醬及練奶，咸香甘甜，味道層次豐富。所以北角利記雞旦仔好味，夾餅更無得頂。$17底絕對值回票價。

英皇道的利強記北角雞蛋仔，瑟縮於街角轉變處，每每搭車經過，都能夠隱約見到一條人龍。難怪，能夠得到米芝蓮的垂青。是日，決定去一睹其風采。過馬馬路時，已經傳來陣陣雞蛋仔香味，挺誘人的﹗透過一個窗口，可以見到內邊有兩位阿姐，正忙個不停地炮製雞蛋仔和格仔餅，澎湃的蛋漿從雞蛋仔器具流出。客人們有秩序地沿店舖窗口向斜路排隊，望一望價錢牌，雞蛋仔要$17一底。在百物騰飛的年代，雞蛋仔也變得不便宜了﹗十蚊兩底的雞蛋仔，只能成為歷史了﹗雞蛋仔一整好，已經脆卜卜的，阿姐放入預先打好透氣孔的紙袋，交給客人，可即時吃用。不像坊間要先吹風扇，或放在一旁讓雞蛋仔冷卻，才變得脆口。熱騰騰的雞蛋仔真的不一樣，蛋香撲鼻，色澤金黃且粒粒脹卜卜。外層烘得夠晒香脆鬆軟且可口，內層的蛋漿塞滿了約四成的空間，咬下去QQ軟綿且煙韌，水準之作。

原先由斜路步上七喜時，利強記傳來陣陣雞蛋仔香味，已經非常吸引，而且門前不見有人龍，諗住回頭再幫趁。誰不知係七喜食完粥再返轉頭時，小小的窗口前已經有條小小的人龍，果然受歡迎。望望價錢牌，要$17一底，比起一般小店貴少許，但可以接受。平時見人家泡製雞蛋仔，只會澆少許蛋漿，然後左轉右，等其中一面沾上蛋漿後再轉去另一面，但往往會因蛋漿不足而目皮甩骨。但利強記卻是淋下超多蛋漿，反轉一刻是大量蛋漿流出，其實浪費不少。雞蛋仔一整好，完全無須冷卻程序，即時食都已經好脆口，放入已預先打好透氣孔的紙袋，水份可以透出，令雞蛋仔外層更脆。真心覺得好味，難怪咁受歡迎。勉強算是第四餐完成了。