利強記北角雞蛋仔

营业中

休息中

原店位於北角的名牌雞蛋仔到了尖沙咀後，仍然其門如市，大排長龍，由於不近回家的路線，通常在巴士上得個「望」字。上個月行經這裡，終於有幸「朝聖」。還記得上次吃的雞蛋仔，已是數年前的事了。那時是從走鬼車仔買回來的，雖然新出品的小吃永遠不缺，卻知道熱辣、簡單而經得起歲月的美食，始終最得人心；說回這裡，十二元一底，付了錢後給上號碼籌，然後等待，因為師傅那邊人手有限，而購買的人卻是多到不得了，想不到這簡單的街頭少吃，也能「烘」出一遍出頭天。期間見師傅忙個不停，事先已開好一大盤蛋漿，見其不停將之淋上鐵模，放在火壚上烘，期間又要為另一底翻模、批邊，做完一底又另一底........等了不知多久下終於到手，同時回味當年的回憶，其本身夠熱，已是一個好印象，開漿和火侯控制也做得佳，外層香脆，但內裡仍不失軟熟，也吃得出蛋香，雖然味道淡了一點，也不大妨事，當然，要有那麼高的客流量，才造到這效果，放涼了的話，味道也打了折扣了。這裡也有魚蛋、燒賣和另一種懷舊小吃「格仔餅」供應，即是港產的「窩夫」，塗上花生醬或砂糖，甜度上多了一些變化，期待下次途經這裡..................

2/1 lunch去左山林道呢間北角雞蛋仔到試下, 真係好多人呀, 大部份都係自由行既人, 一個人排隊買成4,5底, 再加上佢地好似得5個pan係整雞蛋仔, 2個pan係整夾餅, 我喺果到都等左成4,5個字囉, 等左咁耐終於有得食, 試下先....真係好脆呀! 咬落係脆到有聲家, 同埋佢啲雞蛋仔唔係好實好多粉咁, 真係唔錯!不過就要$12一底囉!

呢度鋪仔細細, 但就由朝到晚都唔少人排隊, 早排睇報紙話佢地啲格仔餅好好味, 今日冇食晏所以特登黎排隊買一咗一底格仔餅, 都要等咗成十分鐘先得. 唔知係咪因為今日係平安夜, 所以貼咗張紙出黎話雞蛋仔$15/底, 格仔餅都係一樣, 其實$15 真係幾貴, 不過一放入口又覺得真係好好食, 外脆內軟, 而入面的牛油, 糖同花生醬亦啱啱好, 唔會太甜同太漏, 同出面其他果啲真係唔同. 食完先明點解呢度成日都咁多人排隊. 正....

上次經過都搵唔到,因為行錯方向今次有幸見到,一定要買番底黎食都有人排緊隊雞蛋仔拎上手都暖的搣左第一舊黎試下,發覺真係好脆食左咁耐雞蛋仔都未試過咁脆都算唔錯,外脆內軟,食耐左都係脆的見其他鋪整完都會吹風機吹一吹,等個雞蛋仔脆呢間就起時用兩邊起幾下,可能原理一樣12蚊一底都算貴值唔值就見人見智

由於近來愛上雞蛋仔、格仔餅之類既小食。聽聞北角有間雞蛋仔好出名，老老實實咁遠就真係去唔到，但友人話尖沙咀有分店。即管試下，果然不錯。$12一底,$22兩底雞蛋仔：整體真是試過的最好，外脆內軟，略嫌蛋味不夠香濃。脆脆脆！認真卜卜脆，至！格仔餅：花生醬料份量剛好，不會太甜過漏個人感覺比起尖沙咀其他幾間出名的雞蛋仔店，味道和口感真是較好的！

唉~~ 經過, 口痕, 又突然想食夾餅，點知等左好耐,,, 佢又漏單,,, 已經想走人,,, 但係佢又收左我錢, 好啦, 等啦.......唔夠厚, 唔夠熱(出爐都唔夠熱?), 無外脆內軟的感覺,料唔夠, 太細件, 兩啖食完.... $12 都幾貴.....都係旺角好食好多！

之前常常聽同事說這裡的雞蛋仔很好吃，所以一直都想來試一下，剛巧友人也想吃雞蛋仔，便由友人引領之下來到這裡。由於剛吃完晚餐的關係，我們一起分享一底雞蛋仔，雖然外脆內軟,但是略嫌蛋味不夠香濃。

雖然加咗價要$12底,有d貴,但又唔係日日食都係經過尖沙咀先幫襯啫,都可以接受嘅!佢d雞蛋仔及格仔餅外脆內軟,最緊要熱辣辣,所以特別好咪,以前通常會食雞蛋仔,因為方便同人分享,但最近我愛上格仔餅,因為夠脆的關係,當加上砂糖,花生醬,牛油時,真係超正! 最緊要佢加的份量剛剛好,我好怕d人狂查,好似唔駛錢咁,因為我唔鍾意咁漏

今日第一日係 TST 返學但近雞蛋仔果边~所以返學前去咗買雞蛋仔吃~依然百吃不厭呀~雖然貴咗少少但係外脆內軟真係好好味呀~加價嘞$12 元一底 呀!!!! 以前係$11喳(咁既市道都加價既.......)

試這裡的雞蛋仔是幾個月的事了，感覺是：不算脆亦不會稔、中挺的質感，有蛋香但不突出，其實不算很特別。有見排隊的人眾多，大家更笑言應該合力經營一檔，應該很好賺!也有說此店水準難與北角店相比，可能是真的。　 真正留下印象的，反而是咸點。甜魔局前，早到又見沒有人龍，就買了一串辣魚蛋。老細主動淋上大量沙爹辣醬，賣相頗為吸引，一吃之下原來魚蛋也軟硬適中，而且富有韌度相當彈牙，配以辣醬惹味又好吃，不消一刻就吃清光。　各位花時間排隊買雞蛋仔的，不妨也順道試試辣魚蛋；或者一邊等雞蛋仔一邊食魚蛋，也未嘗不可呢!

閒日下晝途經tst 記得有間雞蛋仔好出名於是過黎試下 聽人講要排好耐隊 初初都幾擔心好彩我去到果陣前面得1個客 所以等左5分鐘左右就有得食其實食落同普通雞蛋仔味道係冇乜分別d人講到好正可能係因為佢即刻整 夠熱 夠脆而普通鋪頭d雞蛋仔就係預先整好放係度 所以唔脆唔熱$12真係貴左少少 下次路過都要諗諗先

每次 經過 北角雞蛋仔, 都見到好多人排隊…………今次 終於 朋友陪我 乖乖排隊 試下…….雖然 雞蛋仔 係 脆卜卜, 好香口, 但 要 排 30mins 才 買 到 , 就 有 d 吾值得……..下次, 少d 人排隊, 才好買呀.不過, 佢地 好識做生意, 客人先付錢, 取了 號碼牌 再等叫 拿雞蛋仔, 令人錯覺不是太多人在排隊, 又可以 避免 客人落order 後, 等太耐而溜走………….真聰明

每次經過都有好多人在排隊,今天不見長人龍,便試一試先,$12蚊一底睇睇下,原來之前呀蘇都介紹過北角果間等左3分鐘,新鮮熱辣辣出爐,吹散熱氣,立即開動~~~口感真係比一般既好,非常脆,又唔會好實好硬,就連一粒和一粒之間皮邊,都比較厚而脆,而且仲有好香既雞蛋味添,內裡空心情況不嚴重,值得一試

試過雞蛋仔覺得好正所以今次就特登過唻試下格仔餅但係好失望....T^T明明都無人排ga la,我唔明佢整乜整咁耐,ed小事唔理啦我滿懷希望咁接過個夾餅點知一睇, 個夾餅溶溶爛爛咁款有冇搞錯呀!! 搞咁耐整個咁既野比我!!又唔脆惗到死, 無口感!慘到食s咁諗返都火滾!

之前都路過....覺得$11太貴了-.-但今日忍唔住買底試下佢既虛實.....wow第一粒, 蛋味係前所未有咁濃郁外面好香脆入面軟軟地,又有點滑....好鬼正呀~~~真係會食唔停口但係我覺得太貴la...kt13蚊有2底la....tst要成11蚊底......如果有時獎下自己都ok ge下次試埋夾餅