利強記北角雞蛋仔

营业中

休息中

曾經吃過由老人家主理時的雞蛋仔, 他會鬧人不把紙袋口放開, 而且可以令已放凍了的雞蛋仔, 或是隔夜都仍舊保持脆口, 因此無論有幾多人排隊, 都會願意及耐心地等候, 為的是要一嘗他主理的雞蛋仔. 約四五年前, 發覺此店由兩位女士負責, 雖然仍有不少人排隊購買, 但是口感已大不如前, 不再脆口及沒有陣陣香味了, 放久了會"林", 和普通的街邊檔的情況相同, 何必浪費時間等呢! 嘆句為何好吃的東西漸漸少, 是材料變了還是其他因素呢. 無耐.

今日啞媽啞爸突然想出尖沙咀行街,哈哈!又有機會出去搵食喇!!本身今日既目標係澳洲牛奶公司,但係起尖沙咀行去佐敦見到le間野,咦!好似幾好食wo,好多人排隊,出於好奇心就買一底食啦~~又真係幾好食wo!!啞姐整得岩岩好,新鮮出爐,外皮真係又香又脆,不過美中不足的是裏面係空心既,無口感可言..雖然十蚊一底唔算平,不過都值得一試!

係北角間買真係外脆內軟，裡面好多蛋漿。喱間雖然都叫外脆內軟，但裡面好少蛋漿，感覺冇北角間咁好食(口感爭好遠)！

今日因為補習,而且想行一陣兼想食雞蛋仔,所以專登黎依度買雞蛋仔,不過今次比上次差左,D雞蛋仔雖然有蛋味,但就唔係好脆,入面又唔係咁多餡,可能係因為今日比上次買個陣多左好多人啦,希望下次唔會再係咁我重試左咖喱魚蛋,唔係咁抵食,5蚊得5粒,雖然D魚蛋本身有少少咖喱味,而D咖喱汁(秘製)有咖喱味同少少黃薑味同DD辣,但始終一般,覺得深水步小食部果D好食D

不及北角，睇阿姐都係機械式'求其'倒奶漿，都知不會太好。食落，奶落得太多，中間部分太多料，一點都不鬆軟。食完回家後還肚痛。

以前在北角返工，經常見到有人掛隊買。自己當然也試過，北角店的確是無得頂。尖沙咀呢間其實之前也幫襯過，不過因當時還未知道是北角雞蛋仔的分店，所以印象模糊。知道以後，終於有機會試真d佢既味道。仍是脆口，仍是燙口的雞蛋仔，就是欠缺了口感。很少的錎料，較少的雞蛋香味，吃來就似吃脆薯片般。雖算不上差，但和北角的去比還是有點距離。知道佢在尖沙咀山林道和灣仔地鐵站口都有分店，本人也品嚐了山林道的那間，結果仍是不及總店。呢類既小食店，始終都係第一間最好。

這裡貼滿跟明星的合照，標榜連名人都冒名光顧，其實這種宣傳方法都有正反兩面，但個人就不太受落。是日經過，想找點小食止口痕，見雞蛋仔幾正氣，就買了一底品嘗一下，排隊時又見旁邊的咖哩魚蛋，當然又吉一串才甘心。雞蛋仔真的是不錯，蛋香之餘又夠脆口，尤以邊皮為甚，而雞蛋仔裡頭不會像坊間部份檔口仍是蛋漿狀，這裡是蛋糕狀，就以這點就見真章。另外的咖哩魚蛋，味道辣辣，魚蛋夠彈牙但魚味欠奉，都是雞蛋仔了得。下次經過若排隊人龍不是太過份的話，一底雞蛋仔是一個不錯的止痕良藥！

22/12(五) 4pm吃過蘇記的茶餐,有點意猶未盡;到處找格仔餅,無心插柳下發現北角雞蛋仔的灣仔新分店(灣仔電腦城旁),人龍雖不及北角總店強勁,但出品仍不俗.$10底的格仔餅大大塊,熱辣辣,格仔餅如雞蛋仔般富蛋香,口感香脆,附送的那絕世鬆脆的烘邊已值回票價!不足是內餡欠缺煉奶,感覺有點若有所失!

上次响北角雞蛋仔鋪睇到佢哋嘅格仔餅，流晒口水。醒起佢哋响尖咀有分店，路過此地，不惜排一陣隊la..熱辣辣，花生醬及煉奶份量足，餅有蛋香，焗得夠焦香，正式"食得好滋味"...整體水準比同區Big John較佳，亦更抵食..下次返去總店買，可能仲好食...

雞蛋仔($10)﹕味道好幾香，外面幾脆，但餡就少左d，餡多番d會更出色。

味道略淡,但幾卼,整體不及尖沙咀星光大道果間車仔.唔知點解果間車仔出奇地好食,可以試試,不過等咗好耐...

今日特登走去搵呢間鋪搵左好耐, 因為呢間鋪冇show 佢個名的.我認為佢d 雞蛋仔好普通,比起其他街邊鋪, 冇乜分別.

北角雞蛋仔(北)今年打入尖沙咀, 公然挑戰一直o係加連威老道駐守o既老同行(加). 食過北角o既幾次, 今日先第一次食加連威老道o既比較下:香味: 加o既離遠o係厚福街都已經聞到好濃o既香味, 反而北o既就要將餅餅湊埋鼻邊先至聞到, 加勝.食味: 加有濃郁蛋香味, 帶淡淡甜味, 北o既蛋香味較淡, 反而有少少香蕉味?! 加勝口感: 兩者都外脆內軟, 打和.價錢: 均一$10, 打和.總括而言, 加連威老道"原居民"勝. 以後去尖咀都會幫趁佢.

朋友o係加拿大返黎送左一樽楓糖俾我, 尋日o係尖咀飲完茶, 就o係度買左個無醬格仔餅返屋企, 炮製楓糖窩夫作下午茶. 老闆娘好識做生意, 見我唔要醬, 就收少我$1(正價$10). 佢用o既格仔餅機同坊間唔同, 係西式o既窩夫機, 格仔較大, 而且較厚身, 好吸引咁. 雖然有一份預先整好o既放左o係度, 不過老闆娘都即席整一份俾我, 好有心. 但係可能窩夫機唔夠熱, 格仔餅黐底, 老闆娘落力拯救, 用刀好辛苦先至可以刮出個格仔餅, 仲"辣"親手, 好可惜一邊格仔始終係毀晒容. 見到老闆娘咁有心, 而且困係個小舖仔大汗搭細汗, 梗係照單全收. 返到屋企, 焗返熱配大量楓糖, 味道當然一流. 不過老實講, 好味主因係濃香楓糖, 次因係老闆娘o既心, 至於窩夫呢? 粉漿調味係幾好o既, 不過論香味, 個人認為旺角瓊華中心隔離o既小舖同埋加連威老道o既雞蛋仔略勝一籌.

上次去北角買雞蛋仔,知道係尖沙咀開了一間分店,昨晚經過便去買來試試.我買一底雞蛋仔,雞蛋味好香,外皮好脆,但餡很少,味道其實都唔錯,但就像食風一樣.食落完全和北角無得比.好就好在不用點排隊,但相信下次都唔會再買了.