劉森記麵家 (桂林街)

营业中

休息中

平時都好少機會過嚟深水埗, 呢晚知道唔使OT, 約咗個好耐冇見嘅朋友, 佢咁岩又話要過嚟深水埗買過年野, 所以就順便喺呢一帶搵食。 八點行完玩具街, 一街都係食店, 茶記糖水... 咩都有, 一眼望見呢間麵店, 朋友已經指住話呢間好多人排隊, 一於試試佢☝🏻 門口有幾張櫈俾人排隊坐, 呀姐叫我地坐低等, 大概等左5分鐘就有位✌🏻朋友讚呢度蝦子出名, 我叫左個蝦子牛筋牛腩撈麵, 朋友叫咗個蝦子魚蛋魚片撈麵, 一人一支豆漿😋🍜蝦子牛腩牛筋撈麵: 睇見d蝦子蓋過晒啲麵 🤩🤩 個麵係有水準嘅, 好味👍🏻 唔嫌地方逼夾, 坐得冇咁舒服的話, 絕對可以再嚟!

粉麵店在香港有很多，但做到好味而有特色的卻不多。今次來食的就是有其特色之處的美味粉麵。一坐下便陸陸續續聽很多人叫了不同款式的蝦子撈麵，相信一定是備受好評。於是我們選擇了一個蝦子薑蔥鵝腸撈麵和一個鮮蝦雲吞麵，充滿期待。每檯均放了一大罐醃蘿蔔，在等上菜的期間便夾了一碟試試。蘿蔔非常爽口，酸酸地好開胃。蝦子薑蔥鵝腸撈麵一見到就覺得賣相十分吸引，蝦子伴著撈麵令口感更加豐富，而店家自製的竹昇麵有爽脆的口感，只是食這兩樣已經覺得很好味。但最驚喜的是鵝腸，非常爽口嫩滑，點上辣椒豉油，很滿足。鮮蝦雲吞麵試了撈麵，湯麵更突出了麵的質感。而鮮蝦雲吞的餡料鮮美，真可謂是皮薄餡靚。總結蝦子，撈麵，雲吞，鵝腸，這些都是我心目中的必試食物。因為店舖人流轉得快，所以基本上都很快有位，大家不妨試下。

深水埗一向大家都知有好多食店，無錯，確係有好多食店，但我從來都覺得無乜邊間特別好食，就算係出名既食店好多間去完都覺得普通甚至係麻麻地。唔知大家認唔認同我既見解呢？今次有事去到深水埗，所以決定去食呢間好出名既劉森記，而2019年既米芝蓮指南更加重新入選推介類別，究竟好唔好食？呢間重獲米芝蓮推介既麵店，我覺得無其他人講得咁好食， 佢地既名物係蝦籽撈麵，圖中就係蝦籽牛腩牛筋撈麵 ， 蝦籽最重要係咩？要夠香，但呢間既蝦籽食落係冇味，麵條亦都好淡味，有點乾身，未算特別爽口，牛腩水準一般，食落帶點韌，有點失望哦！劉森記最近聽聞灣仔開分店，唔知質素會係點呢？

老字號麵店，聞名不如見面，想不到假日非繁忙時段仍全場滿座，不用等到打卡時候先多人，咁就叫做有實力。份量多，味道好，夠哂誠意。醃蘿蔔 免費 向來都不太喜歡這些醃蘿蔔或蕎頭，但同行姊妹再三強調正，就試試，一試真係停唔到，味道酸酸地，但無時常食到個種酸帶苦澀味道，非常開胃清新又爽口，必食。牛腩牛筋撈麵 $38個人偏向喜歡撈麵，就點了撈麵，竹昇麵因加鴨蛋變得又香又夠彈牙爽口，份量多，中間剪了麵更方便食。腩汁牛味濃，牛腩唔乾唔肥，牛筋彈口。

八點幾去到已經冇曬酸蘿蔔， 鍾意食嘅千祈唔好夜晚去。主菜蝦籽牛筋腩撈麵， 居然比啲頭頭尾尾你， 又硬又難食 ，成碟食淨一半。 畀錢嗰陣時我同收銀講你哋好趕住收工咩？比d咁野客人食， 雖然我知唔關收銀事！但真係不吐不快。就好似叫燒味飯食咁樣 ，如果個廚房全部斬啲雞背脊同頭頭尾尾畀你 ， 畀著你都火滾啦！ 劉森記好多人捧場 ，好多遊客慕名而來 ，但水準每況愈下。我明白你哋每日出幾百碗麵好難每一碗都保持水準，但對於個客人黎講就係佢面前果一碗，如果仲係用呢d方法去賺錢就遲早做到個招牌臭曬。

前天下班要去深水步，當然去吃劉森記啦。.還是愛老樣子點這個，十年如一❤️蝦子筋腩撈麵，蝦子很香，筋腩也炆得肉很軟很入味，但.. 麵底好像沒以前彈口的感覺，好像差了那麼一點點.還有就是來這當然還要吃酸蘿蔔～不知道是不是每個人來都這樣想，酸蘿蔔被吃太快，好像醃得還不夠入味，不夠酸耶👉🏻👈🏻希望下次來會吃到夠酸的醃蘿蔔，這可是我平常想來這家店的一大 原因😂.#hongkong #poyeefoodie

去親深水埗都一定會食劉森記，指定動作！但真係無奈，好味嘅只剩下醃酸蘿蔔！而指定食嘅牛筋牛腩河，一次比一次差！每一次都同自己講：「佢今次失手啫」！點知近呢4次，次次都失手！我同店員講牛筋仲硬嘅、牛腩又係未林，店員回應：可能係未煮夠。（係咯，未煮夠仲出俾人食？未煮夠係換俾我定點呢？）答案係：小姐你食唔到？咁仲要唔要？轉頭同3位等位女士講，3位呢邊坐！店其他枱都仲有位，而行剛行入嘅3位女士又唔係無其他位選擇，劉森記，你搞咩呀？你咁做生意同趕客無分別咯！

之前食過幾次，蝦籽雲吞湯麵都好食 ，不過湯麵嘅話d蝦籽只會浸晒落啲湯度，就會食唔到d蝦籽味，不過佢哋嘅雲吞都幾足料蝦肉好彈牙👍🏿👍🏿個人比較鍾意撈麵，而且仲可以轉粗面，粗面總比幼麵更加彈牙有口感。下面呢一碗係牛腩牛筋撈粗麵，蝦子嘅份量真係好多，大家都可以見到，而且撈麵嘅調味啱啱好，唔會太咸亦都唔會太稠，唔會漿住個口😂😂😂不過牛腩就比較碎， 好彩嘅係炆得好琳好入味，牛筋都好琳，同埋其實份量都好多。另外值得一提嘅係，餐廳枱面會有醃蘿蔔無限供應，酸味味好開胃。

突然間想去深水埗買芝麻糕，於是順便在附近食埋午餐。呢間店12點度仲冇乜人，見評價唔錯，决心一試。坐低就即刻有侍應上來問點咩，效率高😅⋯⋯叫咗招牌蝦籽撈麵，加7蚊有支五花茶，幾抵👍🏻蝦籽麵份量唔算多，分三层。第一层係蝦籽，鋪滿成碟，可見好評並非浪得虛名；第二层係竹昇麵；第三层係灼菜心。另配一碗麵湯。蝦籽豐富，拌入麵中，與麵身結合，每一啖麵食落去都令成個口腔都充滿粒粒蝦籽，幾正👍🏻不過似乎味道略淡。菜心可能因為當造，也十分清甜。支五花茶就冇乜味，不過7蚊而已，當水飲都ok。整體感覺不過不失。

有時想食簡單啲，就諗起深水埗呢一間老店，佢有幾間分店，咁今日我哋經過呢間，見到唔係太多人排隊喎，於是就入去食啦。叫咗最普通嘅雲吞麵，係等碗麵黎之前當然要食下鋪頭秘製嘅醃蘿蔔，醃蘿蔔酸酸甜甜，好開胃，每次黎我都會食一碗！雲吞麵嚟啦，先試一試個湯，湯底非常清甜，唔會有鹼水味。雲吞麵係竹升麵嚟嘅，麵條煮得啱啱好，好彈牙。雲吞細細隻，一啖一粒，仲食到有少少胡椒粉做調味，幾好食。不過份量來講唔係太多，如果好肚餓或者大食嘅你可能要叫多碗！

同成班同事去食，要等大枱，如果唔係咁多人，其實好快有得入既，TURNOVER都快。坐底其實就已經有野食因為每張枱都有一樽酸蘿蔔任食唔嬲，哈哈！好開胃，酸味味，係傳統鋪頭先會有既野，正！落左單無耐，Ｄ野食都好快上枱嚕！！嗌左至有名既蝦子！蝦子牛腩牛筋撈粗（＄４４）食蝦子就梗係要食撈，其實如果食湯既，咪唔見唒Ｄ蝦子囉？？！蝦子係好香好味既，牛腩牛筋個味都好，不過唔知點解佢切到好薄片，碎濕濕咁。。之前都食過佢Ｄ雲吞嫁喇！好足料嫁！一隻雲吞入面有２－３隻蝦！！真係心心眼另外，發現撈面好似大碗過湯面，其實價錢都貴Ｄ既。不過食湯面既同事好似唔係好夠飽，我個碟撈粗同同事SHARE，２個都已經FULL唒了～～

說來慚愧，成日約朋友食飯都係諗有咩新餐廳，好少會想起香港地道老店，作為土生土長的香港人，反而忽略同忘記左由細食到大嘅道。講起蝦子撈麵都唔知幾耐冇食，今次有親戚黎香港先記起可以帶佢地試試香港老店美食。過左食飯時間去劉森記一樣坐滿人，今次點左雲吞以及牛腩牛筋兩款蝦子撈麵。師傅落蝦子真係完全唔手軟，舖到滿一滿！雖然唔知係咪仲以竹昇手擀方式製麵，但麵入口夠爽而且冇鹼水味，撈埋蝦子食好甘香，老字號招牌果然係名不虛傳！雲吞餡好味，鮮蝦爽口豬肉唔肥膩，食完都仲有少少意猶未盡；牛腩同牛筋煮到好軟滑好入味，不過我稍為覺得咸左少少，但配埋蝦子麵食都可以接受。香港老字號買少見少，有時呢D地道嘅香港人口味，真係幾多間過江龍食店都比唔上！

今日同長老行深水埗，佢話有間麵檔好好味。去到一望，劉森記！好出名的，（其實未試過）排左大約十分鐘就有位了，要拼枱。只記得蝦籽出名，所以我叫左：雲吞河加蝦籽。$38蝦籽的份量超多，河粉不太滑，雲吞是放在河粉底的，雲吞皮太厚，整體唔特別，湯底好淡。之後想起劉森記最出名是蝦籽加（竹昇）麵。我應該叫蝦籽及麵呢！長老叫：蝦籽豬手河$38一碗只得兩舊豬手，好像太少吧！長老講上次好像比今次多的。長老愛吃清淡一點的，所以佢覺得整體只是少少淡。而她覺得豬手炆到好腍呢。

叫了一客雲吞蝦籽撈麵，一上枱覺得很份量十足，食落才發現下面有白灼菜心墊底，幸好我喜歡食菜，不然應該會很失望？非常欣賞蝦籽俾得非常大方，鹹香蝦籽味重，雖未到頂級但已合格有餘。鴨蛋麵冇鹼水味，夠爽口，但略欠蛋香，以撈麵來講醬油和油調味不足以至太乾，吞嚥上來有點困難，幸好有雲吞湯可以濕下口。雲吞細細粒，味道普普通通，我覺得東東的蝦子鮮蝦雲吞皇更好食…枱面有醃蘿蔔粒可以任意取用，蘿蔔粒爽脆，酸味夠但略甜，如果可以減一點甜度就是更出色的開胃菜。總的來講可以一試但未必會encore，但都是好食過澳門。

劉森記開了分店, 但我一直還是喜愛去舊舖食~晚上人多, 一人食是必要搭枱, 點了個蝦子炸醬撈麵, 因為覺得蝦子配上湯會溝淡了蝦子味道~這配搭不錯, 酸甜炸醬配上咸香的蝦子, 開胃又惹味蝦子份量多, 足以食住每口都有滿滿的香氣 (唔係腥氣~)炸醬則不過不失, 就是一般麵店的風味。講到麵, 就是一絕, 沒有其他麵店的梘水味, 又唔會過稔,彈牙爽口真係好正!!!配以枱上長年放着的酸蘿蔔, 吃着就是一種享受~~~