功夫點心

营业中

休息中

今日想慳慳地，食個30幾蚊飯。就揀左呢間功夫點心食個蒸飯。原來30幾蚊，仲有荷葉蒜蓉虎蝦飯選擇。屋企人就揀左虎蝦飯，我就揀左豉汁排骨飯。荷葉虎蝦飯比想像中好食。雖然只需要30幾蚊，但蝦唔會好唔新鮮，都算有口感。配合蒜蓉，味道唔錯。荷葉味就唔太感覺到，但呢個價錢，唔會太介意。整體黎講唔錯。豉汁排骨飯就正常發揮。豉油少少甜甜的，撈埋飯同排骨，很好既配搭。雖然望落排骨比較少，但都算大塊，所以最後都夠食。整體黎講，呢個價錢都算唔錯。

經過首次幫襯，非常不好的體驗。店員唔老實，扣起套餐餐紙不給我們生客。跟著有熟客來，坐在隔離，親自給套餐紙他們，見他們看單點紙，還特登走來關心是不是未有套餐紙。完全叫人是叫N次才有人應，在度玩電話

兩個人食咗274蚊嘢。酥皮叉燒包甜到糖尿病咁，鹹水角個皮厚到不堪設想，食落去成肚油，呢兩個點心食完真系好後悔，到後來蝦餃啦，個皮一夾就爛，又冇味道可言，灌湯餃個湯都正常，唔可以話好味，而裏面d餡有陣怪味系度，好似壞咗咁，最嬲係好豬手米線，成碗嘢真系好似d廚餘咁，個湯清過滾水。仲有一樣嘢就非常之不知所謂，我地落單落一個流沙奶黃包，但系後來睇真d張單變兩個，咁就即刻同佢講“如果未出的話可唔可以取消，因為一次過叫兩個驚浪費”姐姐睇都冇睇，問都冇問廚房，就直接同我地講出咗啦。咁個問題係食客如果係唔清楚一叫要叫兩份的話，姐姐係咪應該落單之前問清楚食客而唔係睇到一份就照落兩份又唔同個食客講呢？因為食太多野，不能儘錄，但系最難食最有印象真系以上幾樣嘢，真係唔明白點解仲可以有咁多分店

食過好多次功夫點心,再加上自己住附近的關係,所以差不多一星期都會叫一次來食,功夫點心普遍點心都抵食夾大件,今次都不例外叫咗燒賣,鮮蝦腐皮卷,馬拉糕,牛肉腸粉等.....由於住附近的關係,加上外賣自取有九折,所以更加抵食值得推介

三個人叫左11樣點心/野食 食到好飽😂勁滿足 因為哩間啲點心偏大份 食物水準平均來講算唔錯 ⭐️茶位$5 一個人 ❤️功夫蝦餃皇(每隻計 兩隻起)大大粒 餡都幾多 皮唔算好厚 好食😋但佢啲每粒既大細唔平均 叫左三粒 有兩粒大一粒就偏細❤️蟹籽香菇燒賣皇(每隻計 兩隻起)巨型燒賣 勁足料 大大粒 好食😋 讚👍🏼❤️黃金流沙包 (每隻計）拳頭咁大個包 上台時好驚喜 無諗過咁大份架係流質既個奶黃👍🏼唔會好甜 好味如果有埋鹹蛋黃就好了 ❤️松葉蟹棒春卷炸得好脆卜卜☺️夾蟹柳做料都幾特別❤️北菇綿花雞又係大大份😱 好足料呀!雞係滑嘅 但唔算係好軟好錦身既質地佢勝在件雞真係好大好厚❤遠年陳皮牛肉球係呀都係大大粒架 哩間啲點心都偏大粒牛肉就正常水準啦❤️瑤柱鮮蝦菜苗餃終於唔係大大粒啦今次 正常size haha個皮唔厚架都係 唔錯唔錯❤️香煎蘿萄糕正常準備 唔算煎得好香❤️鳳凰叉燒腸腸既比例多左啲 啲叉燒份量唔係好夠咁不過味道係OK💔黑椒金錢肚哩樣係最唔掂呀😰😰😰第一舊放入口好似食緊橡筋咁呀第二舊好少少 不過都係唔淋架 不了💛鹹魚雞粒飯我無食到 因為好飽 男朋友負責食😂都算幾大碗 啲餸都多最後三個人都係食唔曬啲野食🥲

我同朋友都很喜歡吃點心，最正就係點度食枱都係唔同嘅點心，然後個個食完滿足地捧住個肚走。喺屯門要搵一間好食嘅點心鋪頭都唔係噤易，建生寶怡以前有一間好高質嘅點心鋪，但係當越來越多人食嘅時候，即係佢執笠嘅時候，因為業主見你生意好就會瘋狂加租，小鋪頭要維持高質出品，又要面對鋪租成本大增，敵不過租金而結業的典型故事，香港人你明啦。一粒一粒噤叫1️⃣1️⃣1️⃣今晚嚟到功夫點心食晚飯，晚上這裏也不算多人，等了5分鐘就可以入去。職員服務唔算非常好，入座後見到枱面的碗筷天一半地一半。點心紙上面的點心種類都算OK，最欣賞的地方就是蝦餃燒賣都可以一粒一粒咁叫，我們三個人吃飯一人叫一粒就最好，會唔會食剩一粒到時又要猜包剪揼。阿姐識功夫🤼‍♀️🤺寫好點心紙，阿姐出完電腦單，佢行到距離我哋張枱仲有一個身位，竟然飛塊牌去我哋張枱度，塊牌落點準確冇水花，果然名不虛傳 - 「功夫點心」！好彩我地都食過夜粥，唔係嘅話真係比佢嚇鬼死！大件夾抵食 🈵唔駛等好耐，點心一籠一籠咁樣嚟，籠籠都係出晒煙，夠晒熱辣辣！3 個人點左11 籠，上菜嘅時候就開始後悔了，媽咪！原來佢嘅點心都幾大份，一定係習武之人體力消耗大，所以點心都好大份！⭕️北菇棉花雞

先唔講食物質素，入到去坐低左一陣都已經想走！！疫症下晚巿已經無乜人，估唔到可以咁好服務入到去見餐廳無乜人，我地兩位職員叫我地隨便坐，咁多吉枱我地就揀左張3人枱，我地都未坐定有個亞姐老遠黑口黑面咁呼喝我地問我地要飲乜茶。當佢拎壺茶嚟問我地幾位，話我地2人做乜坐3人枱，要我地搬去隔離張2人枱仲有咁多吉位有需要咁做？2人枱根本放唔晒啲點心囉。啲茶飲晒叫極都無人斟，最後忍唔住拎埋個壺出去叫亞姐加水，點知亞姐話做緊野叫我地返埋位等，佢做完野做會嚟加飲茶無茶飲都算。未食完收走你的野食先無得頂🤬，仲要問都唔問就收走，點呀～係咪趕客⁉️又唔係有人等位，個場仲有咁多吉枱乜玩法，水就唔幫我地加，食物未食完就係咁收走，個亞姐仲好似巡場成日行埋嚟睇，最後一碟點心我仲有半碟，佢又嚟收我忍唔同佢講我仲要，亞姐話咁拎碟點心出嚟放起枱，如事者就收走個蒸籠，點呀！我有比錢做乜要我食到咁受氣，酒樓嘅價錢咁嘅態度❌，可一不可再🚫

食過三、四次左右，黎埋今次之後唔會再黎堂食！ 呢間分店真係街邊大排檔服務同環境都好過佢！ 食物一向我都覺得係好食嘅，但環境真係頂唔順！ 先講環境： 冷氣機滴水、地下佈滿用過嘅牙籤、垃圾都冇人理。餐具污糟又甩色，抹枱又求求其其，留低殘渣，因為橫掂都鋪張餐子所以就求其！？ 啲枱幾乎張張都生銹，門面功夫都未做足，諗深一層廚房環境都唔方好！ 再講服務員態度： 將張收據連個牌一野就飛埋黎，撞到筷子都彈起，其實行多一步放低真係咁困難！？ 作為食客，一路食一路觀察樓面服務員，真心覺得佢地辛苦，木口木面唔多出聲，最熱情已經係收銀果位，最慘又係佢，門口客人等得耐收銀呀姐首當其衝就被鬧！ 以上情景、環境出現係大排檔，我覺得好合理，但係出現係一間連鎖式點心店真係太差！ 成餐茶就係吵吵鬧鬧嘅環境入面食完～ 下次都係叫外賣！

今日叫網上外賣平台，送到上門，蝦餃已經變壞變酸，鵪鶉蛋燒賣內有膠紙，同食垃圾無分別，食店質素超級有問題，好像同食貓熊貓投訴問題，好像沒有太大反應味精好強，飲多多水都唔夠

今日係「年初四」，農曆新年最後一天假期，新年期間點都要食吓中式嘢，最後決定係屋企附近「功夫點心」叫點心回家吃，我哋先打電話去餐廳落單，太約等15-20分鐘再落街取外賣1️⃣ 功夫蝦餃皇 (每隻$9) $182️⃣ 古法潮州粉果 $193️⃣ 鵪鶉蛋燒賣 $254️⃣ 鮮蝦野菌春卷 $215️⃣ 鮑汁鳳爪 $306️⃣ 八珍雞蛋豬腳薑 $327️⃣ 外賣盒 $5價格💰：$150 ($18 + $19 + $25 + $21 + $30 + $32 + $5)味道😋：OK

好耐冇食「點心」，一於落街買啲點心返屋企食個下午茶🫖先，最後去咗一間叫「功夫點心」嘅餐廳買外賣🥡，因為「新冠肺炎 第4波疫情」爆發中，餐廳都有做緊「外賣自取8折」優惠，最後我叫咗以下3款點心：1️⃣ 2 x 功夫蝦餃皇(每隻$9) $182️⃣ 1 x 鳳凰煎糯米雞 $243️⃣ 1 x 香煎蘿蔔糕 $19另外：1 x 外賣盒 $2價格💰：$51 ($63 + 外賣自取8折 -$12.2)味道😋：OK留意⛔️：即叫即製 (需時10-15分鐘)

點心好好食，但他們的服務質素差。早上時候， 我到他們的店舖內打算一盅兩件， 由於剛開店門，店內的冷氣有其中一部沒有開 ， 各個客人滿頭大汗地請他開冷氣 ， 他嘗試用遙控後沒有回答我們就離開，當我沒們再三問他，他完全唔會答你嘅問題， 當我們問他冷氣是否壞了時，他 面目可憎地"嗯"聲。 如果冷氣真的懷了你可以直接向回答，不用"嗯"一聲, 你這樣的態度更令人無法接受。。 試想想這是做街坊生意嗎？ 長此落去未必定流失我們這一批客。。。 我亦不會再光臨 。。。我建議大家外賣就好了，在堂入食會受氣。。

午飯時間想食點心，但又怕酒樓等位耐上菜慢，唔夠時間食，於是去試下功夫點心。天氣炎熱，入到去第一時間想搵個冷氣位坐低，奈何店鋪只係開左近門口既2部冷氣，加上飲熱茶，真係熱到出汗期間有3枱食客要求開大d 冷氣，店員都表示無能為力。瑤柱鮮蝦菜苗餃 ($24)蝦仁爽口，波菜嫩滑有油香，唔乾澀，隔住層皮都清楚見到餡料，真．皮薄餡靚。唯獨點解唔見有瑤柱？！🤔 (9分）鮮雞湯小籠包（$24)小籠包一籠3隻，配有黑醋。外皮適中，唔會太厚，肉餡多汁，冇腥羶味，唔錯！ (6分）黑椒金錢肚 ($24)份量比一般酒樓大，整體味道與酒樓冇異，都係黑椒汁偏杰。但呢間既金錢肚較冧，咬口差些少。 (7分）鮑汁鳳爪 ($35)鮑汁味道不過不失，雞腳入味，炆得合度好處，夠冧但唔會一夾就散。不過性價比較低，一碟得5隻雞腳，實在有d 少。（6分）總體而言（5星滿分）：味道性價比服務環境出菜好快，趕時間又想食點心既朋友可以試下，但建議冬天去。

勁難食，每一樣都係難食既新高度；呢間既野真係食唔落，食多啖都係係度為難自己，個價錢係折左既，但真係送都唔要煎餃又散又唔熱，餡散收收，用餸頭餸尾包既？皮太軟又淋油牛肉腸雖然成座山仔咁大，又厚皮，又粉感，衰成咁既腸粉真係第一次食到，牛肉餡無咩感覺。回收人地食唔晒既山竹牛肉包既？蝦餃穿皮已死得，食落再‘高層次’啲，雪味勁重，似用超市廿幾蚊既雪藏蝦包既，雪味勁勁勁重。燒賣唔算差得好緊要，但掉左佢好過放入口😂 服務又差枱又細，唔.......可一不可再呢啲係我食剩既：

呢間功夫點心，屹立呢條街多年，應該唔野少，最近全新裝修，加強衛生整潔，加多左座位，令到搵位更加客易呢度點餐係要自己劃點心紙，首先要食蛋煎糯米雞，之前喺其他酒樓食過，非常難忘，呢度所有食物標榜，即叫即製，呢個糯米雞，上面下面煎得非常脆，裏面係正常糯米雞，仲有少少蛋黃一定要試最特別係蛋黃流沙包，係每一個每一個咁叫，悉隨尊便，等左15分鐘之後，一個熱辣辣嘅包已經喺面前大大個蛋黃流沙包咬落細細啖，入面啲流沙非常多，充滿蛋黃汁，非常治癒，食流沙包最緊要啲沙夠流，唯一唔好處就係食完可能會肥左另外叫咗個棉花雞，都係好足料，通常出面啲棉花係好少，呢度反而棉花都比較多，味道都幾啱食，值得一試仲有蒸排骨，都算多料，排骨又比較細粒，方便食，味道都充滿豉汁味，非常入味🎼