加州陽光

营业中

休息中

由於旺角比較少這類型的餐館，十分幸運能夠找到這間！由於工作比較繁忙，唯有一般時間我只能叫外賣，最近比較想食清淡少少，這個雞扒沙律滿足到我的食慾！由於食過幾次，覺得麵包粒比較油膩，所以我一般都不要麵包粒！雞扒味道不錯，不會太鹹！沙律都很新鮮！

旺角街市一向都係卧虎藏龍，好多特別野食架！呢間加洲陽光一向都係best kept secret唔好睇佢門面up up dup dup,其實佢係一間食西餐既小店！佢最得手既就係呢個茄汁海鮮蛋包飯！首先個份量係超級大，女仔一定食唔晒。老闆一d都唔姑寒，會用成飯碟咁大既蛋包晒成碟海鮮炒飯，再好精緻咁唧滿茄汁係面度，無論賣相同味道都係100分！除左唔同餸既蛋包飯，佢仲有其他扒呀，意粉果d食，仲要好抵食呀！但一定要唔好介意係街市熟食北入面食啦

2017元旦晚上食肆皆大排長龍，本人不是大時大節非要慶祝不可的人，不太拘泥，只要是美食，環境裝修即使街坊一點也沒所謂，整潔便可。第一次去位於朗豪坊後面的上海街熟食中心，還以為衛生情況中下，沿扶手電梯轉入熟食中心的公共餐桌坐位空間，原來算是光猛清潔。熟食中心有如一般美食廣場，本人選擇"加州陽光"，是被其餐飲樣板展示及簡單清晰餐單所吸引，且看到廚房也整理，相信是誠意小店。為本人下單的是位中年男士，有禮有交帶，不久端出"美式什扒套餐"，賣相見圖。什扒：包括煙肉、腸仔、雞扒、豬扒與太陽蛋，肉質沒有雪藏味，也不會以大量調味蓋過肉味，燒汁亦不會過濃。忌廉湯：比茶餐廳的更香濃，飲完不口渴。熱檸水：普通不過不失。上海街熟食中心的"加州陽光"屬味道不錯與價錢公道兼備的小店，不枉當日一試。

到旺角工作後，想食個下午茶， 又唔想去朗豪坊， 突然醒起可以去附近既熟食市場！望左一輪， 決定選呢間焗飯一個焗飯餐， 配餐湯，野飲，42 蚊， 如果朗豪坊應該搵唔到呢個價錢焗飯睇落燶燶地， 但實際唔係， 而且的確好多汁， 仲要係炒飯底豬扒亦好大塊， 覺得呢家小店比出面既連鎖店更為出色如果要說挑剔既地方，可以話菜蜜冇味建議下次揀番正常d 既飲品

筆者一向都認為旺角的朗豪坊野對面的熟食市場，相差只有一條天橋，但卻是兩個世界🤔。朗豪坊的人們穿金戴銀，華麗衣裳；相反熟食市場這邊，卻有很多基層市民、叔叔伯伯在吃晚飯，大家都對着面前那大碟飯，但求兩餐溫飽😉。你快樂過生活，佢努力去生存。但其實，熟食市場的食物質素其實也不算太差，門口第一間的澳門茶餐廳，農夫包更加是遠近馳名😬。這次與媽媽來到，毅然嘗試了旁邊的加州陽光，大學唸書時經常個人來吃旁邊的燒味，又或是當時的上海式小店，這家加州陽光應該是比較近期才開張的🤔。看到餐牌上有各式各樣的選擇，無論是牛扒豬扒、焗飯、意粉、駐守，均可選擇。選擇了一碟牛脷及一碟豬手。想不到，落單時，老闆心知豬手需較久時間煮理，居然會問👍🏿「一齊上，還是分開先後上」。這種服務，在中價西餐都未必會有👼🏾，便會令到二人進膳，一人觀看另一人吃完，吃完的再觀看後吃者完成整碟食物。一碟是烤豬手飯，體積非常之大，老闆娘立即走到廚房內，親自煮理，但是也不算等候太久，十來分鐘即成。大隻豬手，可能較少人點，肉質較具雪氣，不具鮮肉味，中間的肥膏也不少，沒可能統統吃掉，必須切去肥膏方可😆。外皮更能體現其不夠新鮮，雪過再拿去焗，翻熱的外皮便

自從轉工就好耐無嚟過哩個平民恩物 — 旺角熟食中心(^_^)勁多選擇 （但同事總愛哩到嘅車仔面，鋼食過但並無上癮 ～ 證明無落罌粟囧rz）哩間係鋼的最愛，最欣賞佢好有誠意，記得有一次食佢個蛋包飯真係好靚 影咗張相俾did 睇佢地完全唔相信係熟食中心出品。 係哩到會切切體驗到咩為之「價廉物美」，對食物有要求有熱誠。可能品質係有將就價 所以唔好expect 哩到啲牛扒會有和牛口感 因為我地只需要付上5x港幣 又湯又野飲，仲要旺角區，晚飯時段唔係下午茶喎鋼就選擇困難症之下 睇匀哂每間食店仲格埋價之下依然迷戀 'California Sunshine '而係云云主食當中就選上這個「鮮茄燴咸牛俐意粉」配餐湯-白湯及熱飲-奶茶，盛惠$36 抵到一個點(((o(*ﾟ▽ﾟ*)o))) 雖然月頭但月光族已經欠下巨額iPhone 6s數要找⋯⋯ 「鮮茄燴咸牛俐意粉」絕無戲場的份量 濃濃而不會過量的鮮茄燴汁，留意不用擔心咸牛俐係紅色個啲死咸品種（鋼落order 前確實有這concern）牛俐唔太咸，口感亦很鬆軟，而且有色澤翠綠的椰菜作伴 同新鮮蕃茄 感覺健康了 好似係。菇痴表示一舊都唔可以放過！無影嘅白湯同

是晚約左貧友去之前團購了的3D館影相去之前就o係附近食埋晚飯先去熟食中心之前已經黎過2次2次都係食農夫包, 所以今次無意再食(不過事後貧友都想試, 就叫了一份大家share)行一圈諗住睇下有哂其他選擇, 都係普通炒粉麵, 唔吸引最後見倒哩間有蛋包飯, 而且賣相都好似唔錯, 就叫黎試下可能係即叫即整關係, 所以叫左之後, 都等左成15mins先有登登登凳~實物同店前的食物模形差唔多, 冇走樣喎$4x除左蛋包飯, 仲包埋凍飲同湯tim哩個係我點o既海鮮蛋包飯, 飯量都算多, 男人食都應該夠飽而且每粒飯都吸滿茄汁, 好好味, 入面d海鮮都好足料除左有好多蜆肉, 仲有蝦同魷魚tim哩個係貧友點o既3文魚蛋包飯, 同樣, 入面一樣好多3文魚個人覺得, 同$7x一個農夫包相比, 哩個蛋包飯更加平靚正~同埋同出面d西餐或日式西餐廳o既蛋包飯相比哩度o既蛋包飯絕不遜色, 如果換個地點, 絕對可以賣過百元

次次去旺角依個熟食中心都係食農夫包，成日留意依一間響熟食中心唯一食西式嘢嘅食店，而我又留意到佢有凱撒沙律，反正今日唔太餓所以決定試試，去到叫左一個"煙三文魚凱撒沙律餐$43",下單比錢坐抵等一陣就搞掂，一睇哇！好似好大份咁喎，依個餐包括三文魚沙律+羅宋湯+熱咖啡三樣嘢，首先我就飲個湯先，夠熱有好多菜，酸度亦適中，但我覺得佢如果可以落少少牛肉落去令味道更濃少少同辣多少少會更加好！咖啡佢比埋個杯蓋可被免倒瀉同易凍都叫有啲為食客著想過，味道方面叫中規中舉都係餐廳質素，到個主角沙律，外型好大份，有三四片煙三文魚、有好多菜、有芝士碎、仲有我最鐘意嘅麵包粒其實都幾足料！開始食發現原來佢個凱撒沙律係冇撈到沙律醬而係放左啲卡夫奇妙醬響旁邊，我心諗你一來用啲醬唔係咁好食，二來你唔撈定我一定唔會撈得均衡喎，結果我就逐塊菜逐個點一下沙律醬去食，啲菜更加唔會係出名嘅R菜但都可接受，到啲芝士碎我食極都食唔到芝士味，三文魚叫正常味道但冇乜煙過嘅味道，最後我覺得最突出嘅就係佢嘅麵包粒，通常外面食到嘅都係比較乾身，但我食到佢應該係啱啱拿去炸過先放落個沙律度，其實個味道都可以嘅但食多兩粒會感覺好油嘅感覺！總括嚟講佢響熟

同朋友上左街市搵野食, 花多眼亂.選上左呢一間好似幾好既西式小店餐牌好用心機寫得幾靚 , 有晚餐精選 有頭盤, 餐湯 , 主菜 , 餐飲及甜品 (約$80起)最後我選了親民一點的黑椒西冷牛扒飯($42)+$2有西湯及熱飲品.牛扒好硬好實 , 好老實完全唔合格 , 係我食過最差的一塊牛, 汁好稀不夠味.羅宋湯就一般 , 無特別.服務方面其實都ok , 但食物質素太差.結論係只可一不可再

那一天，下班後發現太太在旺角，原來是為了週末所買的國內品牌的山寨平版電腦而煩惱。當我到達旺角時，她已黑口黑面地在旺電搞好，說一起在外吃飯。地點先由我選，她再加意見。我選了在朗豪坊的一帶找，地舖的茶餐廳，上樓的餐廳，樓上不知幾樓的cafe，都找不到有什麼心水。太太突然想起街市，在朗豪坊旁的熟食中心，食物雖是一般但勝在又平又多選擇，環境衛生有冷氣，這樣的平民大排檔，要求不高的，真的是一個想求其食一餐既好地方。晚上營業的，並非真正大排檔的鑊氣小炒，這一個熟食中心，更加像商場的food court。一檔檔，自家經營的小型食店，各自做出平民大眾化的簡單港式餐飲。工友的兩餸飯，大胃人士的大份燒臘餐、上海客飯....晚上的熟食中人心，依然是受到旺角區的工作人士歡迎。而且，只隔一條橋，就可以做到無MK仔之亂耳，環境簡陋但光猛冷氣足，這熟食中心，環境的確不是差。找甚麼食好，一入門口的左手邊，就立即吸引到我太太把腳步停下來。此類型的小店，在商場的food court常見，但是在食環署的熟食中心，以做西餐為主的店，就比較少有，素食的意粉，純肉食者的雜扒飯，我們二人不多考慮了，直接就吃這家吧。野菌意粉，純素食