勝利小廚 (已結業)

有日行過見無咩人,就一行三人入去食LUNCH啦,叫左海南雞飯,仲有兩個麵同埋一個小食,當其中兩個人差不多食晒,有三個麵都未到,催左兩次都唔理,到真係食晒,收埋碗先知第三個麵漏單,有無搞錯,伙記的態度係覺得我地霸住佢個位,阻住佢做生意,極度悔氣,其實我真係唔知佢隻雞有咩特別到要我比錢食黑面,唔會有下次

I can't believe the 海南雞飯 is one of their 招牌菜. The chicken has no chicken taste and the meat is very rough. I don't understand why people queue up for this place. Many many other resturtants can do a better job than 勝利小廚.Will never ever try this place again!!!

去勝利道睇寵物, 經過勝利小廚的門口, 決定買盒海南雞飯返屋企慢慢食, 因為勝利小廚的名字已經聽過好多次, 好想試他們的海南雞飯雞肉係去骨的, 肉不覺得滑, 但都幾有雞的鮮味, 幾好食, 飯是黃色的, 有很重的雞油味, 不過除了雞油比較重之外, 便沒有其餘的香料, 飯粒的軟硬度則處理得很好, 幾好食!除外賣盒有兩包醬, 一是泰式酸辣醬, 二是甜豉油, 兩種醬汁都令到海南雞肉更好食, 特別係個甜豉油, 點雞肉一流

* 叫了海南雞, 蒜蓉西蘭花, 油飯和"麻婆豆腐"* 其實全部野都比以前"差左好多", 但個"麻婆豆腐" 簡直係不能接受 (附圖)* 我問樓面點解咁嘅樣佢話因為係"港式麻婆豆腐" , 然後就比左d Chilli sauce 我自己加....... 附圖是"已經"加了"Chilli sauce 嗰樣........ "麻婆豆腐"... 唉.........* 備注: 員工都是苦瓜樣的........

其實我好久無去的心愛餐廳(一個人去時），雖然地方不多．．．．但佢仍然係我食過最好味的海南雞雞味勁香，勁滑，食完個口留有雞香味，我忍不住都食一點雞皮．．．太好味了．雖然他雞飯的雞不多，所以大家大可以叫夠半隻才夠．仲有他的菊花蜜同小菜一樣出色....

今天的午餐, 係去到勝利道的勝利小廚食, 這店是十分有名氣的, 但今日去到又唔算墟hom同男友兩人, 叫o左一碟招牌的海南雞飯同一碗鴨肉湯河食, 飲品要o左一罐可樂以食物計, 其實味道都唔錯, 海南雞飯係起肉的, 份量比較少, 雞肉雖然較乾身, 但有點雞肉的咸香味, 飯粒較硬, 不過又幾有雞油味的, 感覺上, 碟雞飯都幾有泰國feel鴨肉湯河有好重的"藥材"味, 例如我感覺有果皮, 花椒八角之類的香料, 問了侍應取辣椒粉, 白醋, 魚露的調味架, 每樣加d, 成碗粉的味道好濃, 不過又幾鬼好食今次之行, 有點明白點解會有咁多人彈, 個別的侍應服務態度其實真係幾悔氣, 令到有些人客有微言, 其實我都唔明點解要咁, 人客食得開心, 做生意的滿足感都會更高啦, 為何要咁對客呢, 這點真的唔明, 只覺得食物味道幾好之餘, 有點可惜..

今日係附近做嘢，辦完事已經2點幾，我有點肚餓，行過見到D雞都幾靚，就入咗嚟。呢度喺坐圓櫈嘅，不太舒服，但總算乾淨。我要了海南雞飯餐($40)，望落細細碟，但食完都幾飽。雞肉唔錯，都算幾滑，雞皮唔肥，可以食埋雞皮，又冇骨啖啖肉，好味道，我好欣賞D飯，咸咸哋、又乾身，口感好好，仲唔油tim，值得一讚。奶茶就普普通通，唔夠茶味。

放Lunch都無乜好Idea．難得同事有好介紹，唔洗傷腦筋，幾好．佢車左我地去呢間”勝利小廚”，話都幾好食又有好多人會黎食．我地一坐低，唔洗諗，每人即叫個招牌雞飯試試．招牌雞飯油飯都幾有口感，雞就去左骨，肉質唔錯,都過得去啦．嘻．．地方唔算好好，地方細，服務一定唔好，仲之你食完就會收嘢，唔會坐得來，大食既人就唔係好岩啦，量會少左D．對我黎講算Ok啦．

晚飯時間勁多人,等左15分鐘先有位,男友點左海南雞飯同西蘭花炒鮮魷海南雞飯,飯夠油夠香,雞又用雞比, 皮滑肉嫩,當然海南雞飯中不是極品,但真係算係唔錯西蘭花炒得又香又唔多油,似乎幾健康,鮮魷又新鮮又夠WALK氣....其實真係唔錯,唔知點解咁多喊樣COMMENT?

他們的服務態度惡劣,落單的阿叔有點悔氣,冷氣唔夠,要杯水都要黑面完全係想趕客走! 差! 差到爆炸,海南雞油飯亦不香,味道越來越差,豬手飯,肉好腍ok,炒蜆失敗,可能係大蜆,肉質比較硬,味道比較鹹,整體失望.............應該不會再光顧。

之前平均每個月都會來2-3次的, 但他們的服務態度去一次惡劣過一次, 海南雞周圍都有啦, 又唔係得你一間, 仲要收人佰幾蚊食隻冰鮮雞, D黃油飯又硬又乾 , 最慘係d待應態度, 對顧客呼呼喝喝 , 以後都唔會再幫襯呢間串野呀! 服務態度勁差, 衷心勸愈大家千祈唔好再去受氣呀!

都唔明呢間舖, 成日都有人排隊. 我試過係度食過三次, 兩次都係被迫,第一次去到叫"馳名海南雞飯", 食完就問隔離, 究竟呢度有乜咁好食, 要排咁耐隊. 佢話D雞夠滑, 係滑, 不過好多地方都滑啦! 飯係黃色, ok la!第二次去, 我有上次嘅經驗, D飯好多, 所以我同佢講少飯. 佢居然答我, 呢度無得少飯, 無人得閒會可以幫你咁樣跟, 要少飯就分D飯俾其他人, 我同佢講無人肯要, 佢就答我咪由D飯剩係度囉!佢呢種態度, 真係可恥! 要知道世界上另一個角落, 每7秒就有1個人因飢餓而死架! 枉佢係食肆做!個次, 我嬲到無叫任何嘢食, 齋坐!第三次係食手撕雞河, 驚食唔哂! 叫野飲嘅時候, 個伙計覆單, 覆3次都錯, 我同我朋友都背到, 佢都未默到!味雖好, 服務都要有質素, 仲要有衣食!

還記得上次黎食完有點失望...話晒都係當年上學常幫襯的食店事隔一段時間, 今日適逢男友想去吃落住雨都跑去吃!!一入門口仲以為落場清潔緊, 1比99的味道=..=阿姐示意開緊門安排我地坐低當時只有我跟另一台客人, 都係點海南雞飯不消一刻就奉上....嘩~~~d飯好黃下毫不猶豫一啖放入口oh~~~比上次好多了....飯有香味之餘, 充滿雞油的味道但絕不油膩, 因為同男友一致認為食海南雞飯志不在雞, 而係o係飯度今次總不讓我地失望^^(此時的大雨令客人增加了)而雞方面, 很滑....沒太多的肥膏不吃皮的男友也淺嘗了兩口雞皮~~哈哈先吃原味雞, 再醮兩種不同的醬汁um~~~十分惹味, 我比較喜好酸辣的那個...很下飯隨餐的飯品點了凍朱, 仍是當年上學所飲得到的味道很香濃, 不會被冰弄得淡淡的~~good!總括來說, 佢仍未跌出我的食評榜外得閒經過一定會再幫襯=3=

話說OT完都成９點幾.好在男朋友來接放工,即刻諗下食咩好.諗左好耐都唔知食咩.記得大半年前去過食一次.都覺得幾好食嫁..今晚係2個海南雞飯餐.碟飯來到賣相都OK喎..食落..D雞OK 啦.同出面0個D0既水準都無咩分別.好多肥膏....肉都算滑0既..可惜份量好少.已經就住食.食晒D雞仲有大半碟飯.0個半碟飯唔通真係要用可樂黎送飯?40蚊個餐連2條菜都唔比.得2片青瓜.特別講下D黃油飯..好硬好乾,懷疑廚房唔記得落雞油或雞湯煮.唔掂....8蚊碗白飯都好味過佢..點學人做食肆啊.

其實已斷斷續續光顧了5-6年了, 打從舊鋪時至今的出品水平可以說中規中矩, 不能說不可不吃, 亦不能說好過不吃, 但這麼多年來, 態度一次比一次惡劣, 總是對客人呼呼喝喝, 從不輕易從他們任何人口中得到任何類似 : "歡迎 , 多謝.......等客套說話, 他們的文化給形造成充滿幹勁, 與時間競賽的員工, 就像以前"新發茶餐廳"的感覺一樣, 但"新發"仍然保持應有禮貌的服務態度, 但他們.........., 造成好像我似是參加旅行團到外地旅遊的用餐點一樣, 重點是"快", 給食客填滿肚子就可趕下一團一樣, 如有任何從未試過給差人在街上查身份証和未曾光顧過他們的朋友, 就可以去一嘗此滋味了.........其實本人多年來都是每2-3個月, 或每半年不等的日子光顧, 每次之前都會有抱著童話式的想法 : 可能這問題已改善了........但.......算了吧, 這麼多年來就只有從舊鋪搬至新鋪而新舊鋪一起開業的過渡期裡, 本人真的感受到他們上下的能度已作360度的改善, 包括會有歡迎語, 向客人推銷新小菜, 等等等等, 但當只剩現在的新鋪後, 他們的劣性又回來了........沒辦法,