北京樓 (形點 I)

营业中

休息中

收工特登去元朗間北京樓食片皮鴨，點左幾樣嘢，都好失望，冇樣好食。特別係燻魚，片皮鴨，北京炸醬麵。一：燻魚食落好腥又唔入味份量少，係食過最難食嘅燻魚，同上海鋪果D無得比，二：片皮鴨全部都係肥膏油淋淋，一陣豬油蘇味，完全沒有烤鴨香味，仲以為係油炸食物，食完成嘴都係油，提供嘅配菜又少，仲等左好耐先上菜，食完飲左好多茶都係油膩口乾，三：最後係北京炸醬麵，淡茂茂一啲味都冇 ，D醬好少，碗面撈極都仲有一半係白色冇醬，食落冇乜味，似乾撈烏冬多D, 整體太失望，下次唔考慮再黎，咁多人排隊期待好高，點知咁一般.......

一個套餐真係幾好味...一家6口一起去吃. 地面樓面都好乾淨...四人兩人分開坐...臨早上book 枱幸好有位...菜同鴨都好食。。..可以同埋朋友再去吃....

好耐冇去Yoho mall食飯，心思思好想食片皮鴨！7.30pm 去到等13 張枱，好好彩10分鐘入得，限聚令最多四人枱，今次唯有手抱BB坐！因為冇東亞信用卡，所以冇考慮信用卡優惠套餐，4 個人叫咗個四人套餐。頭盤兩個小食，雞絲粉皮份量都唔細，燻魚冇乜骨，但係好似唔夠汁，比較乾同唔夠味。炒蝦球帶子，蝦球新鮮大隻，加埋翠玉瓜同黃紅椒，炒得非常香口，翠玉瓜又夠淋。雲南火腿雲吞雞，侍應幫我哋分咗5大碗，金華火腿夠入味，雞都算滑，雲吞入面夠多肉，個湯濃濃火腿味，我哋一家讚不絕口！到主角片皮鴨，最鍾意片皮鴨皮同肉分開，鍾意邊件夾邊件，如果多啲青瓜同䓤就好，當然唔少得配角係個醬，我一個人食咗三件今次驚喜係松子菊花魚，魚炸得一啲都唔油，底下面塊米通香脆，加埋甜酸醬不得了！食咗咁多熱氣野，想食啲菜，最後上碟係茶樹菇小豆苗，非常失望，豆苗超級老，好un...好似吞唔到咁，一啲都唔好食，同埋好淡。埋單仲有四件椰汁糕，味道中規中矩。整體套餐都好抵食，侍應服務態度正常，食飯中途佢又問我哋係咪yuu會員，可以拍佢部卡機儲分。

今日食評有✍🏻 北京樓@yoho mall試食指數⭐️⭐️⭐️⭐店舖衛生⭐️⭐️⭐⭐侍應態度⭐️⭐️⭐️((每項5⭐️為滿分)) · 午市不算多人等了10分鐘左右就可以入座我們點了1️⃣午市套餐茄蛋刀削麵配小籠包⭐️⭐️⭐️⭐/5超大「盤」的茄蛋刀削麵性價比高🍜刀削麵夠彈牙，唔知算唔算好但我就幾鍾意🥚蛋夠多同滑🍅唯一挑剔係茄太大舊，又硬唔太入味小籠包不過不失👌🏻·2️⃣午市套餐嫩雞煨麵配鍋貼⭐️⭐️⭐️⭐/5最驚煨麵爛蓉蓉，師傅拿捏得剛剛好，讚雞湯最正👍🏻👍🏻👍🏻鍋貼正常，唔夠熱👌🏻·3️⃣山竹牛肉球⭐️⭐️⭐️⭐/5牛肉球最重要係夠熱夠嫩配埋甜酸度剛好的kip汁正😋·二人盛惠233·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

今日食咗個豐富嘅下午茶，所以夜晚想食輕盈啲！於是就去咗北京樓食佢嘅牛肉麵同埋韭菜蛋餅！因為時間尚早嘅關係，係唔使等位嘅！而且仲有張四人架位比我坐添！首先，茶方面，佢就有玫瑰🌹、烏龍、香片、菊花同埋普洱！都幾多選擇！我叫咗菊花，因為想清熱下火明目！都有幾多菊花下！前菜我就冇要到啦！因為真係唔太肚餓！主食： 牛肉麵不得不說佢係比較高質素嘅牛肉麵！麵條係滑得黎有彈性！牛肉係非常之入味有咬口！要注意嘅係，佢係落咗好多芫荽蔥，同埋芝麻！另外，都真係幾麻辣下！韭菜蛋餅： 我本身嗌嘅時候仲以為只係得韭菜同埋蛋！點知佢仲有個餅㗎喎真係！餅同埋啲韭菜蛋出奇地夾！個餅朔晒啲韭菜同埋蛋嘅香味！超好味！最後，因為有AE卡，所以有六折！百幾蚊埋單，真係好抵！

要片皮鴨冇片皮鴨，就算係咁都可以，不過我再嗌酸辣湯麵嘅時候話連呢樣都冇貨。品質又唔係特別好。不過至少啲員工都算有禮貌，今次來臨覺得好失望，記住千其唔好喺多人嘅時候食呢一間野！除咗呢樣野之外佢嘅餸菜都冇啲人講咁好味，分量亦都係少得滯，個價錢亦都非常唔值得。再加上等位亦都要等好耐，等位期間已經可以食到一餐麥當勞。我好失望，好失望，好失望！（重要嘅嘢要講三次）希望下次嚟到唔使乜嘢都食唔到，因為啲食物嘅質素都算唔上好，仲要排咁耐隊，如果食唔到片皮鴨嘅話咁排隊嘅時間同埋俾錢嘅價錢都已經蝕晒啦！

一心想嚟試片皮鴨😌😌但質素無人地講嘅好😵😵..............................①片皮鴨唔夠juicy,有啲乾😅😅鴨皮偏靭🤭🤭肉質不夠嫩，鞋颯颯嘅😵😵有啲失望😩😩😩②水煮魚夠味夠辣😚😚魚好入味，肉質好軟熟👍🏻👍🏻最開心係魚無骨啦可以一啖咬落去③酸辣湯味道ⓞⓚ，無乜驚喜料係多嘅💕💕唔係水流流嗰啲👍🏻④海蜇頭嘩！呢個好味🤣🤣好鬼爽，個味調得好好唔會好似有啲海蜇咁鹹好似食緊鹽咁😆😆

2021年2月13日 牛年年初二，諗住食好啲，行過見「北京樓」咁多人幫襯，外賣有八折，就外賣自取試吓啦。烤北京填鴨(半隻)$140配有甜醬、青瓜、京蔥、蘿蔔片，包鴨的皮有10片，比較濕潤及煙韌，好黏，我攞完外賣15分鐘內進食，燒鴨皮一啲都唔脆，偏肥同埋油膩，鴨肉肉質偏硬，味道一般般，麻麻地。八月桂花芳香薰魚(每碟)$70.4打開個蓋見到，真係即刻嬲咗，份量少到嚇死人，寫住份量是一碟，一定係用豉油碟來計算，味道唔係屬於出色，唔叫好味，味道普通到不得了，醬油味重、肉質乾、多醬油。弄堂酸辣湯(每位)$40見到個碗咁大，應該份量唔會少啦，點知一打開個蓋，又係得半碗，味道正常。真厲害霸王雞丁(例)$78.4睇落去比較正常嘅一盒，不過都係得半盒，乾辣椒份量都多，雞肉外表上晒色，肉質冇味，外層有少少辣。結論：已經八折左，呢一個價錢，呢一個份量，呢一種味道，一啲都唔值，得酸辣湯合格

叫個外賣諗住開開心心留係屋企食好野，點知...$5xx 既份量少得可憐1. 最過份係火腿扒津白$ 120，得個盒既1/3😱😱，仲要偏鹹2. 半隻片皮鴨$ 195 ， 份量麻麻，但公道說味道係唔錯的3.雲吞雞既雞都係唔太多$228大家自行判斷去唔去外賣，我就不了！

今天去到元朗YOHO，想選一間特色中菜一試，粵菜食得多，想轉轉口味吃點北方菜，所以就選了《北京樓》。這食店裝修精緻，所以我們充滿著滿心期待地入去。《紅梅子醬烤骨》($118)第一道菜已經伏了! 這道菜賣相精美，不論顏色、擺放、器皿也別出心思，可是味道跟賣相不成正比，可能我對他期望太高了！肉塊較乾，這不是重點，重點是肉塊居然沒有味道，其實如果能醃一下才煮，應該可以好好多，可能平時家裡煮餸時，總是先把肉醃了一下才煮吧！就算少少鹽也好呢！我不太習慣那份「原汁原味」的感覺呢！不過，持平些說，肉外有很多醬料，如果肉塊能沾上醬料一併吃下，都不錯呢！《鍋貼5隻》($60)鍋貼溫度夠熱，外皮金黃香脆，可以看得出很用心去煎。鍋貼皮夠厚，很有北方風味。而最難得的是鍋貼內還有很多肉汁在裡面游來游去，當你一口餃下去時，吃到香脆的外皮，接著就是軟熟的皮，最後再品嚐內饀之際，還可飲下啖啖肉汁，真的是一個不錯的享受。《烤北京填鴨半隻》($175)這道菜式賣相十分精緻，器皿很有詩意，彷如一幅畫似的。鴨件外皮薄脆，鴨肉則「原汁原味」，肉質也不錯，有多款配料及醬料以供包入潤皮內。這裡的潤皮很軟熟，筋力足，所以很煙勒，包入

疫情影響北京樓竟然出特價餐牌不用AR卡也可以半價享用。半隻烤填鴨，只是105元連十塊荷葉餅，真喺抵食！職員有善即時烤焗，客人只需等候20分鐘。取餐時，額外要求職員俾多一份填鴨醬，她們也很有善沒有拒絕，幫忙走多一轉廚房給我們拿等候其間另一位女職員也很有善，和主動向我們講解最近特價菜單，還教客人可用手電預先下單免等候時間填鴨份量足夠，沒有偷工減料，醬料新鮮沒有放置太久而有陣油益味。包裝清潔乾淨，唯一注意是蒸荷葉餅的竹籠估計應該清潔得太乾淨，有少少漂白水味，引至表面幾塊荷葉餅也有少少漂白水味，典型食店經常發生的錯誤。但比較同集團 旗下海港城城中鴨子的食物和醬料衛生情況，我認為已經略勝一籌。北京樓值得推介～

有時一家大細出街食飯，要搵間個個都岩食晚既餐廳都有d困難。而尼間都算係屋企人食完都滿意既一間讓餐廳。北京樓尼排主打蟹粉既小菜，蟹粉既份量都幾足，調味都岩岩好，蟹粉豆腐可以落後夜送飯，小朋友會好中意蟹粉小籠包既皮厚度岩岩好，入邊仲好多汁，食個陣要小心唔好俾d汁漏出。片皮鴨既皮好脆，好香口，青瓜同蔥都可以fill，包埋一齊食就唔會覺得好肥油膩。今次食係因為最近片皮鴨做既半價優惠，如果計番正價，就會有小小貴，不過屋企人都好岩食，尼點好加分。

今日到了北京樓午餐，看見門口有推廣全日叫片皮鴨半價，另外還有一些午市孖寶套餐。裏面環境主要係中國特色設計，另外還有開放廚房，給人一種安心衛生的感覺。天花還有一些吊燈感覺亦都好典雅。首先送上的就是前菜， 是用香醋醃製的青瓜乾豆腐花生雲耳， 開胃得來好啱食。第一款送上的就是四川擔擔麵，麵身軟硬適中，有辣味不過可接受；花生碎和肉碎不算太多，有芝麻香味，但整體來說味道是不錯的。下一款送上的是片皮鴨（ 半份），片皮鴨皮醃製得很香，甜味適中，口感微微的脆。鴨肉香滑美味，嬤嬤皮有大約10片，配菜有糖， 青瓜， 大蔥， 還有粉紅色的菜條。烤鴨醬味道適中很不錯。半價來說，性價比很高。下一樣送到的就是孖寶套餐的灌湯小籠包，一籠三隻，包皮雖然軟熟，但並不容易難，湯汁鮮甜而不肥膩，肉的口感不錯，味道很好。我哋另外叫咗兩杯夏日推廣的飲品，一杯是蘋果醋；另一杯是烏梅醋， 有話梅的味道，杯內亦有椰果，$18一杯，貌相不錯，不過醋味不是太濃， 但係解渴，喜歡酸酸的朋友是一個不錯的選擇。

去元朗進行一個商務午餐，選擇咗一個拎埋一二邊嘅北京樓以為好少人，點知響平日嘅中午12點呢度已經full house。餐廳採用open kitchen，喺中菜館入邊比較少見。兩個人食唔到好多嘢，我哋只係叫咗3樣嘢：小籠包個皮薄但係質感比較煙銀，所以即使鄙薄，夾起嚟都唔會太易穿，湯汁好豐富，肉腸味道亦都相當唔錯。鮮菠蘿糖醋魚柳，糖醋酸甜適中，用嘅係新鮮菠蘿，而且仲係燒過嘅，甜味更加濃郁。宇宙得唔錯，但我覺得用嘅呢隻魚質感有啲太林，魚味亦都唔係好好。我哋用半價叫咗半隻片皮鴨，都只係80幾蚊，但無論擺盤、刀功、味道都相當唔錯。我最欣賞嘅係佢嘅春餅皮，每一塊之間都夾咗牛油紙，皮薄、煙銀之餘攞起嚟唔會一張張黐埋晒，食起嚟好方便而且攞起來每一張都好完整。嘢食好，但服務我就覺得一般般，有啲折扣唔可以一齊用又冇講清楚，定還是北京樓嘅服務已經同以前唔同左呢？

好耐冇食過中式嘅餐廳啦，你約咗朋友去咗元朗一間嘅中式餐廳北京樓啦，第一碟餸鍾意我哋叫咗最馳名嘅北京填鴨啦，味道非常之有水準非常之好食！又嗌左碟糖醋魚水準亦非常之高！有咁多濃味嘅嘢當然就叫咗一份萵筍！非常之有水準👍🏻👍🏻👍🏻，值得一試👍🏻👍🏻👍🏻