北京樓 (新都會廣場)

营业中

休息中

離晒譜，等取已很混亂，不是一早已訂好？取回家時，看到有半隻未片，唔係呀！你地做一半就算？？？咁不如只賣烤鸭，收片皮鴨價錢，但俾隻烤鴨你咁解啫！咁樣使乜幫襯你北京樓呀！

北京樓門面靚，內裡裝修都好新淨，而且間格闊落，但個人認為地方唔算大，但坐得舒適。見到餐牌，有boc pay優惠4人餐，可惜無4個大人，所以點了個2人餐，原來可以叫3人，價錢照計1.5個2人餐。服務方面水準高，唔會好似其他酒樓咁硬銷你貴價套餐。是日套餐有海蜇頭加熏素鵝，黃金蝦，燕窩，蒸餸子，甜酸魚，及甜品楊枝金露。 我另外點了小籠包。 各種菜式正常發揮，無話特別好唔好食。不過全部合格。最驚喜係埋單只係600蚊，2大人1工人1小朋友，都好抵食。

❤️舊同學聚會☺️因為想食北京拉麵所以揀咗葵芳新都會呢間北京樓一聚☺️..疫情之下座位安排得唔迫👍環境乾淨👍有乾濕紙巾提供❤️好貼心呢！因為今晚得三個女仔，所以食唔到片皮鴨真可惜！今晚我哋簡單揀咗四個餸都食唔晒，份量都唔少，食唔晒仲要打包添😂..☘️無錫灌湯小籠包 $66❤一籠有六隻，味道一般，小籠包啲皮我就覺得厚左啲喇。..☘️煙燻素鵝 $75❤️我覺得甜甜地幾好味😋傾吓計食下小食呢個都唔錯👍..☘️蜜汁火腿(跟火腿餅) $178 👍必食❤️火腿上面有蜜糖，甜到啱啱好，仲脆卜卜，熱辣辣，我推介一定要試👍..☘️九黃肉絲炒拉麵 $98👍必食❤️我好鍾意食北京拉麵，因為佢好彈牙，所以我去親北京樓都一定會食北京拉麵👍而且仲係冇一次會失望嘅⭐️..甜品🍮楊枝甘露$32❤️因為我太飽所以走咗個雪糕球，味道一般可以唔喺呢度食。..甜品🍮酒釀小丸子 $32❤朋友話呢個好好食酒味好濃好香👍..食物：⭐️⭐️⭐️⭐️服務：⭐️⭐️⭐️⭐️位置：⭐️⭐️⭐️⭐️⭐️(滿分為5粒星)..💰：$564.4 / 3人晚餐(連加一、茶錢及前菜)(恒生enjoy卡星期一至星期四有九折)..📍葵芳北京樓葵興樓223號新都會廣場5樓511至530號舖

長輩生日，當然食返中菜最穩陣，而且有晚餐Set，唔洗揀食咩都搞一大輪🤯🤯坐低簡單落完單就傾住計等上菜✌🏻😌前菜有兩款，「七里莊酒糟醉雞」＋「京淮蔥油拌海蜇頭」，以四人份量黎講都唔少，比較鍾意醉雞，滑得黎都有酒香😋😋海蜇頭就比較普通每人有一碗茶樹菇燉湯，熱到飲哂都仲辣口🥵但燉湯就係要熱先好飲，雖然夠哂熱，但如果味道可以再濃啲會更好！到大家最期待的「北京大紅袍松鼠黃魚」，賣相已經好吸引，魚皮炸得酥脆，魚肉無乜骨、夠滑，配埋甜酸汁最岩送飯，好快清哂🤩🤩🤩反而主菜「烤北京填鴨」有啲太油膩，食兩件就開始濟，都要打包拎走。四人套餐連加一都係一千出頭，大家都滿意的💕💕

出櫃檯個職員講嘢面口已經唔好，入面侍應服務同上菜都好好慢，叫左幾個點心都好普通，小籠包好咸，炒麵冇咩選擇，最後叫咗豬扒拉麵，點真係唔得，冇豬咪味，得個咸字…… 唔值呢個價錢，同食茶餐廳差唔多

一開始對佢個門面同埋入邊坐位都有啲驚喜，以為都係唔錯嘅餐廳。但係識落真係冇乜特別，性價比一啲都唔高，最特別嘅北京填鴨，其實我覺得都係一般般。如果俾我用呢個價錢，每人大概200至$300嘅價錢，我諗我會選擇食其他餐廳。食物份量都足夠，但係質量就真係唔太特別優秀。如果大家有足夠嘅預算，坐得舒服佢都OK嘅，但係如果想食得更好嘅話，就唔太建議。同埋如果想六個人一台，一家大細連埋朋友食飯，就最好唔好考慮，佢嘅六人枱唔算特別多，我都等咗成個鐘。

專登一早訂位係葵芳新都會北京樓食生日飯，入座時接侍員通知限時1.5小時，6：30入座一坐低，茶都末開，第一時間巳叫咗1隻片皮鴨，其他食物巳到齊，巳食咗一半，隻片皮鴨終於到，足足等了45分鐘先到,當時係7：15分到，但8：00要離座，都吾係問題，落單時問問咗女侍應， 我想叫個甜品香蕉拔絲，需唔需要而家落埋單?佢好 sure 話，一定有， 唔使咁快落單，咁好啦，食咗一陣片皮鴨同其他餸一陣，(其實食得好急，因限時關係，預左要打包）,7：40左右，同番頭先個女侍應講， 我想落一個香蕉拔絲， 佢話：今日冇香蕉拔絲😭同埋你張檯，都差唔多夠鐘，即係吾可以再落單，當時我問佢，落單時我問你，你話一定有，叫我唔使咁早落單喎，而家究竟係冇？定係我張枱就快夠鐘，唔可以再落單呢？（當時仲有20分鐘先夠鐘離座😑）咁算啦，既然你話冇，就冇啦，當時7：45.到，巳經冇乜心情繼續再食落去，唯有打包 d食物，7：55叫埋單，等咗10分鐘先有人來埋單，離開座位行出門口係8：10, 當時呆左，原來問口完全無人等位，係一個人都無呀，既然第2輪既客人都無人等位，寧願趕客人走，都吾肯再落單.....如果吾想食得咁急，千祈唔好叫片皮

前日，同男友以及2位舊同事去北京樓食晚飯，點左個北京填鴨、小龍包、霸王雞丁，炒年糕同炒麵，個北京填鴨同小龍包都ok好食，系個小龍包皮厚左d，而個霸王雞丁，d粉仲厚過d雞肉，完全食吾到雞味，吾咬開一半睇，真系以為得d炸粉，炒年糕同炒麵2個完全一樣味😂😂最到系食濟，但吾系飽囉，跟住我手多多望下餐牌，見到有我鍾意食既拔絲香蕉想食，但同行人都話走了，唯有等下次再去食。到今晚我同男友特登為了我2天心掛掛既拔絲香蕉，所以再黎食晚餐，甘無理由一嗌就嗌甜品，食完甜品就走，所以都叫左d餸食，原先想叫剁椒蒸魚，但佢無，甘我地叫左京蔥牛肉，另外仲叫小龍包、韭黃炒麵、炸菜肉碎叉子包，我同男友一致認為仲衰過前日食，個京蔥牛肉、炒麵、炸菜肉碎，3個都完全淡味都好似冇落咁鹽咁，我地又吾想浪費食物，唯有問職員拎潮州辣椒油撈黎食，d炒麵仲有有濃哂既鑊籮味！到最後真系頂吾住，就嗌我一心想食既拔絲香蕉，還好沒令我太失望，我都跟男友說，下次唯有找其他有拔絲香蕉的地方食啦，除非真系搵吾到，就黎尼度食個拔絲香蕉就走啦。因為真系食到頂吾順，即場打尼篇食評，d相都系食到一半影。我同男友吾系食餸飽，系一食一啖飲一啖茶，飲到飽哂。

Very bad service, staff were in bad manner and the credit card discount was misleading. Staff blame customers for not stating that we want to use credit card discount in advance, and waste our time in arguing terms and condition. the taste was fair and the food portion was small. Staff push customers for ordering a bigger portion with an more expensive price. The meal time was short and staff urge customers for cheqeing the bill, which was very disturbing.Overall , totally not recommended for a

診著未有限聚令，兼當店名物北京片皮鴨仲有特價，於是同屋企人一行四個人去左北京樓食晚飯。。片皮鴨有半價，當然一定要點，另外我地仲叫左脆炸黃花魚，即蒸小龍包，同埋烤羊🍖腿。今次隻鴨有d肥，不過佢有切埋肉，所以都還好，最愛佢鴨個粉皮，係超薄，同軟熟，整體而言，有特價係好抵食。。至於脆炸黃花魚都脆，外脆內軟，口感一流，不過個人會希望炸得再脆d,。另外，小龍包都不過不失，入邊都有好多湯，但皮可以再薄d會更好

係新都會買野送左幾張$50現金卷咁就即管去試下啦叫左個2人餐，提早1個鐘打去order入去拎外賣時，唔知點解要客人自己行過隔離潮庭比錢，比完錢又要再行返去北京樓拎外賣，呢件事完全可以由員工代勞，不過算啦，食物方面真係一試難忘，結論係唔會再食。個雞絲粉皮有薑粒係入面好怪，同平時食既好唔同然後連個粟米羹都可以淡而無味，真係無話可說個醉雞無乜酒味又過甜，肉質極差，唯一個咕嚕肉同炒蝦球係正常，完全唔明白咁既質素都可以，原本想試埋個片皮鴨，依家可以唔駛試喇。

被半價吸引咗嚟 之前都有朋友介紹過北京樓嘅片皮鴨 但一直都帶行動 今次半價就去一試！依到唔係係客人面前片 會少咗嘢睇 刀功都幾好 隻鴨都等咗好耐 食晒其他嘢仲等咗陣先到 半價係絕對值得一食嘅 個麼麼皮好對唔會好”銀”胃 隻鴨唔會太肥 油脂岩岩好 亦都唔會太乾身 好食另外嗌咗小籠包 不過不失有湯汁個皮都正常唔係太厚。個酸菜魚幾好食 冇骨 夠酸 唔太辣。唔記得個蝦叫咩名 淨係記得個粉好厚 但個蝦本身係幾彈牙 個汁都不錯 唯獨個炸粉要改進下⋯除咗片皮鴨做緊半價 晚餐堂食都有折 快趁有折可以嚟試下

公司清大假同媽咪去葵芳嘆茶食點心❤️佢一直話唔想地方太嘈，擇北京樓岩晒佢，環境靜靜地，枱與枱之間夠闊落，坐得好舒服！總共分三個時段，早茶和下午茶的價錢係最平，而我就係11:20～2pm午市時段，限時90分鐘，點心價、茶位、前菜費相比之下會貴少少。兩個人食唔到太多野，叫少少點心就夠😋『蝦米腸粉』腸粉煎過特別香口，但略嫌焦塊偏硬，我同媽咪食時需要吐走焦塊先得『菠蘿叉燒包』賣相一般，麵包幾挺身，表層菠蘿皮脆口，食時依然會黏住麵包唔會跌到散曬，加埋叉燒內餡加倍滿足😋『豉汁鳳爪』份量多，腍身入味，輕輕咬就皮骨分離『山竹牛肉』咬開發現內裡幾多馬蹄粒

2020年6月10日最近網上見到北京樓做緊優惠，不過每一間分店優惠都有所不同。主餐牌低至六折，推廣日期暫時由即日至6月19日。在葵芳新都會廣場分店，星期一至四晚市主餐牌可享六折優惠，而星期五丶六丶日及公眾假期晚市主餐牌可享68折。當晚一行四人，不過等位都等左半個鐘左右。黎到北京樓當然要食北京填鴨，而且仲有半價優惠，非常抵食。另外叫左一份上湯大蝦燴伊麵，有4隻大蝦，爽口彈牙丶好新鮮丶好大隻蝦。韭黃炒鱔糊丶北京醬爆雞丁都唔錯，好入味。全部都大大碟，唔會因為有折而縮水。店員有禮貌，環境舒適。

今日黎到葵芳飲下午茶，冇諗過呢個時候都仲甘多人，新都會兩間茶樓都等位，最後北京樓快d,,未試過北京樓飲茶，出乎地覺得好味﹐特別啲煎炸野，檯與檯而家距離寬左，感覺良好，唯一就係d侍應好快收起啲嘢，好似成日想快啲趕人走咁