北京樓 (新都會廣場)

营业中

休息中

味道:整體菜式中規中矩未知是京菜特式還是質素問題上菜大多只是溫熱感覺熱度不足建議: 1. 假日晚上八點後叫片皮鴨可免則免(早入座可以一試)入坐時見到其他片皮鴨色水不錯可惜到尾水一次出七,八隻片皮鴨隻隻色水淺一半趕唔切燒是日食既仲有係生既2. 根據熟人分享,似乎旺角分店或曾領獎的中環分店用餐體驗更佳好多次唔關前線員工事睇座椅格局管理層盲目追求翻桌率, 入座人數 = 生意超越餐廳接待上限以價錢來說在大商場內只是約二百價錢是可以接受

呢日同兩位閨密好友到葵芳逛男人的地獄葵涌廣場當然少不了到美食區域掃街但雖然已經食左唔少都會想食返個正餐所以我地就行左過隔離商場搵食鍾意食中菜既我地揀左北京樓3個人叫左個四款食物片皮鴨半隻賽螃蟹炒菜苗黃金蝦其實最期待個片皮鴨因為好耐無食過有d地方片皮鴨係皮肉分離呢到係半皮肉各有各特色皮沒有好脆但都皮薄唔肥配埋面皮蔥醬汁係傳統的味道炒菜不過不失清淡口味有菜青味黃金蝦肉質普通但勝在香口補救賽螃蟹一直以為真係有蟹但其實係炒蛋白未有特別喜歡因為我本身係重口味食肉獸但朋友表示好食雖然叫野唔多但因我地掃完街所以其實已經好飽仍然覺得幾好味價錢係公道如果偶爾想食片皮鴨都可以選擇呢到

同友人去試北京樓前菜叫左醉雞。呢個醉雞有點甜甜地，雞算滑，酒味入味，咁多樣餸當中我最中意呢樣🤤🤤然後松子魚～酸酸甜甜幾好味，魚肉唔會太老，適中，但食得多就開始覺得濟濟地，唔係好想食落去⋯⋯翡翠苗👍🏽呢個都唔錯，個上湯唔會太咸😋仲有叫左炸醬麵。我個人就麻麻地呢個炸醬麵。味道一般呢個餸既豆腐幾好味，外煎過，裡面保持到滑滑地感覺🤤🤤豆沙鍋餅就麻麻地，外面個皮林左，又油油地，唔中意！生菜包。太油，料係幾香既片皮鴨，烤得幾香既，配埋醬加青瓜係幾好味的。仲有一提⋯生菜包既菜係幾爽既，新鮮的..但總括黎講，個人唔太喜歡😂

平日晚飯時間揾位也不算困難，地方寬敞舒適。片皮鴨份量十足，皮脆肉厚，恰到好處，價錢亦抵食。北京拉麫夠彈牙，上湯水餃皮薄饀靚，水準唔錯，生煎包肉汁豐富，稍嫌唔夠香口，招呼尚算周到。

今時今日雖然舖租向上升，人工向上升，但服務態度和質素并沒有向上升！四個人入去飲茶，比咗張八人枱我哋，我同個服務員講，張枱太大張了，第二句都未講，個服務員粗聲粗氣地，毫無禮貌地反問我，咁你要唔要啊？唔要就行埋一邊啦！我頓時真的冇火變成有火，點解可以對住個客人可以這樣冇禮貌的呢⋯⋯二十年的北京樓的服務是上等級，但今時今日的北京樓下下等級都不如，令人非常失望！另外食物沒有特別，總之沒有驚喜，味道不太難食！

朋友預早打去分店book定位喇去到職員話無我地book位紀錄 翻查左好多次擾攘左一陣 職員都話唔緊要照比枱我地食飯☺️點知一坐底電話打黎問我地book左枱位置去到邊到😅呢刻先知原來book左去尖沙咀分店但我地係去葵芳分店😂😂<翡翠苗> 好清淡既菜式<6隻小籠包> 趁熱食就好味👍🏻👍🏻<半隻北京填鴨>大概係每次食填鴨最後都會剩返肉 皮就一定包哂黎食 呢個應該係必定😂埋單時用恆生enjoy 卡每碟菜仲9折🤫

10點四五個字落單，等到11點乜都未到，問翻竟然覆我張單俾人掉埋一邊未入，我話咁麻煩幫我追下盡量快d，因為趕時間，佢仲話冇得快，咁你食唔食丫？聽到已經好谷氣，之後即刻黎左3碟野，食完又等多半個鐘都無再黎野食，我地再問，又無人應翻我地，之後我要求取消所有野埋單（已經忍住條氣），點知果個亜姐眼尾都唔望我！又唔應人，要我發火大閙先有個部長應我！等位已花1小時，完全浪費我一家人嘅時間！服務態度咁差！極度失望!

Friday 突然想起京菜，久違的扁皮鴨，聽人講北京樓都5錯🙂就試一試😆2個人叫左份$168 扁皮鴨，我覺得不過不失，吾算係好新鮮個一種。另外叫左個水煮魚$208左右，魚既份量比較少，但煮得幾入味既🙂

數喜愛北京填鴨的食肆，北京樓絕對在我的名單之內。一來食肆環境舒適，二來服務周到，是值得一嚐的中菜廳。點了北京填鴨（$160 / 半隻）由於只有3人吃，半隻每人都吃到3片以上，份量其實都很足夠。鴨沒有片得很薄，因此每片均能吃到皮加肉。其中有些皮還帶有油脂，是一隻肥鴨呢。而我最愛則是薄薄的皮，不會因多吃幾片就覺得太飽或漿口。楊柳萵苣絲（$98）很爽口，應是用上湯煮成的，因為每條萵苣絲都有味，是值得一試的蔬菜。賽螃蟹（$118）由蛋白所烹調出來，本來味道淡淡的，幸好咸蛋黃份量適中。是撈飯一流的菜色。總結：此家分店一直能保持水準！菜色很多都值得一試。

今日突然好想食片皮鴨，諗左好耐，最後黎到葵芳既北京樓。第一道菜叫左個擔擔面，非常失望，完全冇味，好似滾水碌麵咁。片皮鴨肉多過皮，上到枱仲要凍既，超級失望唯一叫做正常既就得個咕嚕肉，正常味道

今天滿心歡喜想來品嘗北京烤鴨，不過勁失望兩個人食左麻香雞、雞絲粉皮、上湯 翡翠苗 。麻香雞好食 麻味很足夠雞絲粉皮 水準比以前差左最最最最令人失望既係北京烤鴨！無鴨味 d皮係痴住哂 好林 好似蒸唔熟咁佢話現時同過往既皮不同了 因為轉左材料最嬲既係 我拎完一塊皮既時候 竟然成手都係油！🤢服務員已經換過三次比我 可惜都是一樣🤮🤮🤮以後都不會光顧⋯⋯⋯⋯

新都會廣場已經裝修得八八九九，呢日同朋友行下，發現多左好多舖頭，行到晚飯時間就搵下有咩食，經過北京樓見到未夠六點就有好多人等入座，而且某信用卡有九折，今次一於去試試六點準時入座，即刻睇睇餐牌有咩好食！最後叫左北京填鴨、紅油抄手，落單時侍應話北京填鴨要等45分鐘，一場黎到就等等啦足足等左九個字，終於有野食紅油抄手，非常一般，同行朋友就覺得十分唔掂北京填鴨，本身好期待，點知食落實在太令人失望最後食剩好多，實在無辦法繼續食埋佢⋯⋯希望以後如有機會再黎，食物質素會改善！

食物太差，勞煩換左個廚房從未試過吃食物質素如此差劣的餐廳。是日想吃北京填鴨，葵芳有北京樓，想著老資格餐廳定會很多人排隊，可現實竟沒什麼人。終於知道原因了，因為實在太難吃，完全不及格，不能接受。點了咕嚕肉，填鴨，炸醬面。咕嚕肉 尚算正常炸醬面，淡而無味 應稱作楊春面吧 味道如清水一般填鴨 應該是招牌的菜式，這樣等於自拆招牌吧首先，鴨皮完全不脆，速食提供的燒味還比較好吃二 通常面皮是用竹籠上碟，熱騰騰冒煙的。 這裡的卻是冷冰冰，濕濕的。This is definitely not what I expect. Really disappointed!

上次係旺角間北京樓食完，覺得可以再幫襯，今次朋友聚會，突然好想食北京菜，就推薦大家去食北京樓。最後揀左葵涌呢間分店。入到去燈光較暗，影相都有點難度🙈🤣我地四個人食，叫左五碟送，有:咸蛋炒蝦🍤球，超香咸蛋香味，蝦🦐夠彈牙，送飯一流。可惜食多兩舊就有點”漏”。招牌菜半隻北京填鴨，等左成個鐘！勝在肉質幾肥美，不過鴨皮上菜時好似擺耐左有啲淋甘，包鴨既粉面皮都超快淋。勝在配菜青瓜同京葱夠爽，食落都ok。不過始終帶有香港味道，不及正宗北京填鴨。花膠翡翠龍鳳羹，一貫羹的口感，食落都見到啲花膠，可惜上菜一陣好快凍左，都夠分四碗。小籠包，一口一啖，皮薄多汁，正！上時還熱騰騰的。三鮮鍋巴，個人覺得冇乜特別，不值$148。侍應態度幾好，會幫忙映聚會合照。成餐飯埋單$970, 人均消費200多元，不算特別驚喜，較旺角的遜色。有選擇底下會先揀其他分店。😅

明明同美中鴨子同一個美心集團，但完全沒有可比性，差到一個點。小籠包上桌已破皮，鴨子完全不行，沒有味道，皮不脆，連餅皮都又薄又難吃！菜是最正常的！北京樓吃北京菜完全不行，麻煩改名！影衰美心中菜！