北京樓 (新都會廣場)

营业中

休息中

生日去食北京樓一共消費2300元最出名嘅招牌菜扁皮鴨好難食，不知所謂，等上上菜又耐但環境ok，服務態度ok冇諗到扁皮鴨可以咁難食人生食過最難食嘅扁皮鴨以後都唔會再光顧

都好耐無黎飲茶～閒日10點幾11點左右～吾使排隊等位～點左個叉燒腸～皮吾算薄！滑身、叉燒都多～仲keep到水準～春卷好新鮮～好脆！熱辣辣嘅裡面有芋絲！鳳爪個人推介蒸得夠淋～又入味！底既花生好大粒都好好食媽咪（最愛食粉果）皮有點厚～餡吾算多～味道一般～偏細隻🫢黎到呢個「鵪鶉蛋燒賣」大大粒～吾係間間酒樓都有～但我見到有就必點🥰 鵪鶉蛋燒賣皮薄～餡又足！有原粒蝦仁～點心孖寶點左：叉燒腸加鳳爪（抵$48）最緊要媽咪都覺得好食～

店家接單速度挺快，在家用手機下單，坐車走路去剛剛好三十分鐘能取餐了。接待處的服務員十分友善，用手機展示取餐號後便用手勢指引我去收銀處取餐。可見外賣包裝十分穩陣，容易手攜，外賣盒很保溫亦可以重用。配料注明了請求額外多，可見醬汁很足夠，只是蔥絲較少。主菜鴨方面色澤尚可，香氣足夠，較多肉的，味道一般，油脂部份不錯，不會太油膩。麵皮偏薄，有微微粉香，觀賞度和口感十分好。看個人喜好，本人認為厚些會更能配合比較厚的鴨肉醬汁偏甜沒驚喜，配合麵皮配料吃時很一般，沒滿足感，略有失色。

北京樓已經好耐無食北京樓點心，今次細佬幾年無返香港過新年緊係食好少少啦，點知無食一排原來價錢貴咗好多，味道仲好一般，唯一好處係夠靜，點解？因為少人食囉，香港人一向都係超精明！🤣🤣🤣1.香麻叉燒酥$35（4/10）好似食粉咁，完全食唔到有叉燒或叉燒味嘅野，唔好食！2.香茜牛肉腸$42（8/10）腸粉皮算ok，夠滑，有牛肉碎！3.山竹牛肉球$39（8/10）正正常常！4.豉汁蒸鳳爪$39（8/10）正正常常！5.龍蝦湯鮮竹卷$39（8/10）呢個湯底係龍蝦湯，淡淡龍蝦味，幾特別！6.香芋鴨腳扎$39（8/10）正正常常！7. 鵪鶉蛋燒賣$39（8/10）正正常常！8. 黑松露菜苗餃$42（8/10）呢個菜苗餃幾特別，都幾重黑松露味！9.蟹子蒸燒賣$42（8/10）正正常常！10.炸芋絲春卷$35（8/10）正正常常！11.鮮蝦腐皮卷$42（8/10）正正常常！12.五香鹹水角$39（8/10）5人總共價錢$612.7，茶位每位$17，有加一服務費！個人口味總評分：7.66/10地址：葵芳興芳路223號新都會廣場5樓511-530號舖#北京樓 #飲茶 #點心 #香港美食 #hkfoodie

今日我同朋友2人諗住去食北京填鴨慶祝生日，我地兩個人叫咗全隻北京填鴨加生菜鴨鬆，部長話烤鴨要等45分鐘，我地話ok，期間出錯3次4人套餐俾我地，連出單都系4人套餐😤所以話出去食飯一定要check單，只會收多唔會少😱D部長只招呼熟客，叫咗好幾次唔系好想理，搞咗成個鐘先至有鴨食，食咗—陣，有個短髪女部長叫我地埋單，咁我就話隻鴨遲出😮有乜理由要我地即刻走，女部長好大聲話📢，你唔使講咁多，個個都系咁，你食唔切，就打包啦，轉身就行開，好快又行返嚟，掉低2個外賣盒話，埋單😭我地兩個呆咗😲俾足錢，都要受咁ge氣😠今年生日真系過到一肚氣😤冇下次😡😡😡

聖誕節紅日與元旦中間，有３個工作日，我和家人都請了年假，可以連續休息10日，yeah！放假的午餐，我們喜歡到茶數嘆茶吃點心，今次到新都會廣場，人流暢旺！沒有訂座，５樓潮庭和北京樓都要等位，２間都取票，分別等９張和１張。北京樓先有位，就吃北京樓，我們點了以下的：#普洱茶：配點心和炒飯，解油膩，挺不錯。#鮮肉鍋貼：肉餡有鮮味，皮有點厚，煎得不夠香。#北京水餃：水餃皮有勁度，比鍋貼好吃！#蝦餃皇：蝦肉滿滿，富彈性，好味！#蝦米煎腸粉：overcooked，有點硬，可以不點。#上海鹹肉菜粒炒飯：家人覺得味道太淡，我覺得剛好，而且炒得夠乾身，好吃！#瑤柱珍珠雞：貪心點多了，吃不下打包帶走，晚上翻熱吃，味道仍然很好！總體滿意的午餐。

試過潮庭，今日試埋依間。其實d嘢唔係難食，係唔抵食，好普通好普通。點心選擇唔多，質素對唔上個價錢。樣樣都40以上，依個都唔係大問題，但係比嘅質素30都冇。試過一次，以後唔會再食，失望。

想吃片皮鴨，就聯想起北京的烤鴨,好味。上OpenRice查一下，查到葵芳新都會廣場五樓511-530號鋪有間，招牌食物就是北京 填鴨。立刻起程，到達北京樓門口已快8.00pm，等位的人幷不多，門口進去就是招待處，招待處台上寫着早,午,晚市用餐時間90分鍾。等了一會有位漂亮服務員過來領我們經過一條長廊，長廊燈光柔和,兩邊木制裝潢，感覺和諧，到大堂顧客暴滿，4人一台，6人一台這樣，好不熱鬧，氣氛很好。機器人也湊熱鬧，在枱與枱之間的走廊忙出忙進穿梭運輸家俬。我們三人安排坐靠牆的四人枱。座位軟身舒服，枱布的潔白襯托着印有梅花的餐具，醒目又特別。坐下一會，服務員很快送來餐牌，茶，還有一碟酸菜小吃，這碟小吃，有花生，黃瓜，雲耳，油豆付，很豐富,脆香可口。看看菜牌，有二人套餐$388，六人套餐$1688，這樣吧$23我們選了3道菜,北京填鴨，松子黃魚，清炒萵苣筍。服務員説填鴨雖時20分鍾。$118，量也算多，翠綠鮮嫩，爽口。$268，象穿着澄色的外衣在起舞，看得出厨師的用心制作，魚炸得酥脆，酸甜的醬汁剛好分解脆香的油膩，好看又好吃。$178，果真要等2O分鍾。每人配一次性膠手套。然後帶上手套用手拿一

食物還可以, 但是服務嚇死人.一小時內食完晚飯，想加甜品， 店員大聲喝止， 不能再加已經夠鐘要走。 那我們便取外賣盒，準備離開， 外賣盒不是放下，是掉下來，差点掉到地上。 劉德華話齋，咁嘅服務態度， 點可能接受

本身想去隔離潮庭飲茶，無奈佢整水喉要停下午茶，為有去北京樓口，一坐底又無QR CODE又無點心紙我問侍應點落單佢先比張QR紙我，QR CODE落單對我嚟講真係好普通，我同我妹只係用左幾分鐘叫左8樣野當我確定訂單佢叫我聯絡職員，好啦叫左部長嚟問佢我個訂單點解出錯碼，佢同我講超過5分鐘就會落唔到單或者有食物售罄，我問佢甘我係咪需要重新落過部長重複同我講你超過5分鐘，唔緊要我想知我係咪要重新落過因為我真係好肚餓，試問我用開QR落單都落唔切請問老人家點落到單叫到野食？個apps又無相啲字又細老人家帶得老花眼鏡都超時，叫左炸雲吞同蓮藕餅，一見到已經油到反光，將蓮藕餅個牒移開小小一掂個牒都熱既就已經知炸物係叮熱唔係即炸，個炸雲吞仲要有油益味，最好食就係馬拉糕，牛柏葉個樣唔錯架不過無味，好啦我兩點半坐底3點半就行嚟問我兩次啲野到齊未我話仲有一個，再隔一陣又行嚟問我都係講仲差一個侍應就問咩嚟已經衝入廚房拎出嚟一放底就話埋單要下班，都唔緊要既埋單先啦因為比信用咭所以侍應根本就係等我地拎銀包出嚟一嘟就已經完成，比左錢後5分鐘已經熄左我地張枱燈，因為我坐1A枱係自成一角，其實大家都知北京樓就算有下午茶優惠都

～兩大人連一個小朋友～本身諗住去隔離潮庭飲下午茶，但因為水管爆裂，唔做下午茶。甘見隔離都係飲茶就試下啦～14:40 落單15:15左右問我地啲野到齊未仲淨個珍珠雞15:25左右再問啲野到齊未隻珍珠雞都仲未跑到過黎～職員即刻轉身入廚房拎個珍珠雞連埋張單過黎入左黎唔夠一個鐘就催我埋單啲野食都已經難食服務又差15:30已經有啲裝修工人係側邊又揼又盛15:40仲熄埋啲燈炸雲吞：食到成咀油煎藕餅：佢送黎既時候係個碟都熱🫠 煎都無煎過， 你係連碟蒸返熱定叮返熱架？麻沙煎堆：不過不失，芝麻餡，都係凍既蝦餃：啲蝦得胡椒粉味，無蝦既鮮味珍珠雞：啲飯又太濕，但夾落又好散叉燒包：個包皮濕既，個餡唔係好好食薑蔥牛柏葉：牛柏葉正常味道， 底個啲豆卜一啲汁都索唔到黑糖馬拉糕：唯一覺得好食既野 但我係籠拎起馬拉糕既時候 佢一啲痴低既感覺都無 令我不禁懷疑，係米現成🤔總括：甘既

今日同叻媽補祝母親節👩🏻‍🦰去咗葵芳北京樓食片皮鴨，之前食過一次覺得好好食所以今次再食，可惜d野食有點失望🥺所有嘢食都冇之前咁好食🥹🥹我哋叫咗呢個北京填鴨四人套餐⭐️酒槽醉雞⭐️個肉好有小小鞋🥹吾夠滑⭐️海蜇頭⭐️正常運作⭐️黃金鹹蛋蝦球⭐️啲蝦同鹹蛋都夠味嘅不過就好似淋咗啲⭐️濃湯海皇儈仿翅⭐️呢個我就覺得冇乜特別而且個湯又唔算特別好味⭐️ 烤北京填鴨⭐️依個真係無之前咁好食🥹⭐️茶樹菇蒸魚方⭐️呢個魚就不錯的👍🏻個汁都夠味⭐️酒釀丸子⭐️值得推介的是酒釀丸子👍🏻呢個丸子入邊是豆沙餡真係好好味😋

2022年4月28日大約12:30 與朋友一共2人都新都會飲茶。 被通知有枱後，被安排坐17A號枱。 但進入了堂坐區域差不多半分鐘，完全沒有職員帶位入座。 後來才有一個女職員出來，我們被帶領安排入座17A枱後，該女職員不是幫我們落單開茶，而是立即和鄰枱一位女士傾偈。後來進食時聽到，鄰枱的女食客向酒樓職員派利是。 可能是美心集團改變了，食客要派利是給職員才可享有正常服務。 食物質素就是美心集團的點心，水準是正常。 上述發生的事情我相信是有閉路電視記錄的。

Follow🐷 @chuchu_hkfoodietag埋你啲朋友仔like下我啲po♥️需要你的支持喔🥺🙆🏻‍♀🐷💬每一篇食評都好認真打架—————————————————————📍北京樓呢間連鎖酒樓質素不嬲都不俗，葵芳新都會嘅分店都好闊落，枱唔算多，但都一定有足1.5米距離！—————————————————————❣️ 北京填鴨套餐4人餐 $966 都好抵食！咁多野食！人均都係$200幾！🐣泠艷雙拼（酒糟醉雞及海蜇頭）海蜇頭好小見，都幾爽幾好食！醉雞都可以，略嫌肉質有啲嚡，但味道唔錯🍤黃金鹹蛋蝦球呢個好食，蝦好大隻好彈牙，有脆玉瓜，全部都包滿咸蛋黃！🥘濃湯海皇燴仿翅有蝦、帶子同仿翅，好食！味道唔會太咸！🦆烤北京填鴨片皮鴨，um佢係片肉鴨🙂不過皮係脆嘅，即叫即整，一坐低就嗌因為要等45分鐘，所以佢最後先黎都好飽了！🐟茶樹菇蒸魚方—>炸黃花魚本身成個set最唔想食呢個，點知佢賣曬🥳經理話轉松子魚比我哋，但🐷姨話想食黃花魚，所以經理轉比我哋，比夠4條，成條炸，上堂都幾恐怖，不過味道唔錯，但應該解唔夠凍，所以肉有啲霉，但之前食係好食！🥗蟲草花上湯小豆苗上堂嘅時候份量有啲小，但因為真係太

突然很想吃粵式以外的中國菜了，今天中午，我和家中就選了一家吃北方美食的酒樓 - 北京樓，今次是到葵涌新都會廣場分店呢！之前試過到北京樓其他分店享用晚膳，很從未試過日晚惠顧，故想試一下有什麼不同呢！跟大家分享一下吧！(有驚喜小彩蛋推介在食品介紹的最後一項呢！)《老醋排骨》($68)這道菜式，老少咸宜，口感軟硬適中，煮得入味之餘，肉帶軟身夠嫩滑，但又可保留肉應有的口感，所以老人及小朋友都可吃到。味道方面，那甜酸汁調較得令人很開胃，甜中一點酸，一點也不覺得油膩。《雪菜肉絲炒粉皮》($90)這道菜賣相很精美，粉皮很晶瑩剔透，很吸引，但配襯著這令人賞心悅目的粉皮，卻不是色彩斑斕的餸菜，而是素色的肉絲，故視覺上未能出現令人「嘩」一聲的衝擊，很浪費那美麗的水晶粉皮呢！味道方面，更令人失望，真的達至健康效果 - 少鹽少糖少味道（包括當中的雪菜），這道菜不算是很難吃，但沒有味道的衝擊，令這道菜失色不少，其實如果加點麻醬／黑醋或與其他餸汁一起吃，相信味道一定提升很多層次。《鮮肉生煎包》($58)這個生煎包，絕對有誠意，每個造成都是脹卜卜的，很可愛，而師傅亦很用心煎，煎功了得，故能造到上軟下脆兩個口感。而內