北京水餃皇

营业中

休息中

30/9，同好鐘意笑0既朋友仔H黎開餐，第一次黎食，成日行過，今次終於試到。好多人，要同人share張檯，食左甜醋排骨客飯，韮菜餃子一客(有十隻)，兩杯豆漿。甜醋排骨客飯比想像中失望，因為我見人地叫左碟類似甜酸排骨0既野，所以期望都係咁0既樣，但我地果碟就唔係橙色的，係啡色0既，個汁應該係用醋黎整。唔知橙色0個碟應該點叫呢？有無人可以指教下？人多，所以人手不足，希望可以改善下。我覺得佢d餃子比客飯出色，另外我同朋友仔都覺得如果係菜飯會好食好多。下次再約呢個朋友仔午膳先！大家覺得佢好食d，定對面間正隆好食d呢？

午餐時份，第一次光顧。點了白菜豬肉餃麵、豆漿。那麵，可以用”隨便”來形容。白熠的湯、白熠的餃子、白熠的麵，很難吃出什麼味道來。而且那麵的份量很少，$25一碗，有點貴。豆漿嘛，也是淡的……唯一安慰自己的理由－－這樣又不會吃太撐，蠻健康的嘛～～

27-5-2005 2100又係星期五，又係落雨天，又係得一條友OT，又係得一個人食晚飯，又係經過附近，又係不經意入黎這裡，又係點了兩道菜(煎菜豬肉餃，蒜泥白肉)，又係似曾相識，又係多了幾對情侶係、朋友及遊客在附近，又係只得一對筷子，又係幾好味喎。以上的“又係”系列又係抵自己又係咁。

前日同朋友食過呢間野, 2個人叫左菜肉雲吞, 韮菜水餃同蒜泥白肉. 菜肉雲吞皮係薄, 不過d餡穿晒, 味道都ok.不過冇乜菜味. 而韮菜水餃, 我個fd就話比較油左d, 如果受到咁油都食得過. 蒜泥白肉...d 粉皮都好滑, 比坊間其他店舖會較為厚身, 個人覺得個肉片冇乜味. 但係食完喉嚨有d痛, 可能唔係好受得蒜頭.整體黎講, 好有東比風味, 至於話受唔受到就好睇個人ｌａ．　環境唔算乾淨，比人感覺有ｄ污糟ｔｉｍ．　服務唔算差，之但係當個伙計問我ｏ地要唔要豆漿時，我ｏ地問幾多錢，佢都答唔出，而個ｍｅｎｕ都冇ｓｈｏｗ到豆漿要幾多錢，大家唯有都當不了了之啦．另外有個經理物體ｏ既阿姐傳菜，淨係擺低就算，又唔講係乜野，態度麻麻．價錢都算偏貴，３０幾蚊一碗水餃ｏｒ雲吞，得果６，７隻，味道又唔算好好，本人覺得唔值．

白菜豬肉水餃係最正, 最好味,但店舖比較簡陋.服務比較差

8th Apr 2005今日LUNCH吃了一個"蝦仁三鮮水餃"已經由$29變成$30蚊.餃子饀有兩隻小蝦,芹菜,豬肉等. 味道都不錯. 但唔算好味到飛起0個隻. 都值3.5/5分還叫了一杯豆漿SIZE都幾大只係$5蚊.豆漿有豆香味.因為中午時份多人等位, 收銀好快就自動幫我們結算. 都未走就已經收碟, 當我們起身走, 收碟0個企枱忙住收0野擋住我們的去路.

一個午餐, 叫了一個白菜豬肉同韭菜牛肉水餃, 先來了韭菜牛肉, 吃完還未見碟白菜豬肉, 就同一位侍應講, 不久有人拿碟韭菜牛肉水餃來, 因為已經吃過韭菜牛肉水餃, 就同佢講已經吃了, 再過一會又有人拿碟白菜豬肉水餃來, 見到隻餃有點深色的餡, 唔多似係白菜豬肉, 問多個侍應一聲, 佢confirm左話係白菜豬肉, 咁咪照夾來吃, 咬了一口, 發覺又係韭菜牛肉, 都唔明那些人點做野的。餃子味道都ok, 但係覺得那些肉的肉質好似唔多靚, 個餃皮就幾滑幾好食。

叫左一碗水餃一碗雲吞同埋一碗酸辣湯。d雲吞唔掂，好厚皮，同埋d牛肉有d 酥味。d水餃好味d，d皮好滑好簿，咬落有肉汁。酸辣湯都幾好味。不過價錢好似貴左少少咁，同埋環境同食具好似污糟左d lor!

我和友人點了涼伴青瓜, 醉雞翼, 雞絲粉皮同煎九菜餃.涼伴青瓜略嫌味道不夠醉雞翼就無咩酒味雞絲粉皮無特別驚喜.煎九菜餃就正好多, 多汁有肉味結論: 我諗大家都係食番水餃會開心d~

我個朋友介紹佢吔嘅水餃，我朋友話佢吔嘅水餃好王。今日我吔一齊去試吓。望入去間鋪頭就好舊，好似茶餐廳。坐低咗之後我個朋友就叫咗一個白菜豬肉水餃麵，我就叫咗個煎韮菜豬肉水餃。個白菜水餃入口就食到好清嘅白菜味亦都有好多肉汁，好味。至於個韮菜豬肉餃就太多油喇，但係當一咬入ロＤ肉汁就飛哂出嚟。咁即係証明隻餃子裹面有好多肉汁，味道都幾好。最後連兩柸飲品都係$80，所以Ｄ嘢都幾抵食。

和朋友睇完展覽，順手食埋晚飯，叫左４－５樣食品試試，　有冷麵，　醉雞，　蒜泥白肉，　久菜餃，　坦坦麵．除左坦坦麵因為我怕辣所以無試之外，　其他各款菜大致上味道都好輕手，　連冷麵都係．　　另外醉雞幾好肉質唔錯，　不過蒜泥白肉就暖左ｄ，　有ｄ唔慣，　而且上面放有好多粉皮．　不過可能因為先入為主，　都係鍾意觀塘　雲南風味的蒜泥白肉多ｄ．　而豆漿十分有豆味！　好正！

佢d 水餃真係幾唔錯, 個皮幾彈口, 料又新鮮有肉汁。豆槳都唔錯, 唔太甜!好似$23 一碗淨水餃有8 隻左右..